قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اتا - انانىڭ بالالارىن قاي ۋاقىتقا دەيىن باعىپ - قاعۋ زاڭدى مىندەتى بولادى

2018.01.12 14:23 كەلۋ قاينارى : شينجياڭ گازەتىنەن

 «نەكە زاڭىنىڭ» 21 - تارماعىندا: «اتا - انالار باعىپ - قاعۋ مىندەتىن وتەمەسە، ازامات جاسىنا تولماعان نەمەسە دەربەس تۇرمىس كەشىرە المايتىن بالالار اكە - شەشەلەرىنىڭ باعىپ - قاعۋ قاراجاتىن بەرۋىن تالاپ ەتۋگە ۇقىقتى» دەپ بەلگىلەنگەن.
  ەڭ جوعارى حالىق سوتى مەكەمەسىنىڭ «<جۇڭحۋا حالىق رەسپۋبليكاسىنىڭ نەكە زاڭىن> قولدانۋعا قاتىستى ءىشىنارا ماسەلەلەر جونىندەگى تۇسىندىرمەسىنىڭ (1)»21 - تارماعىندا: «<نەكە زاڭىنىڭ> 21 - تارماعىندا بەلگىلەنگەن <باعىپ - قاعۋ قاراجاتى> بالالاردىڭ تۇرمىس قاراجاتى، وقۋ - وقىتۋ قاراجاتى، ەمدەلۋ قاراجاتى قاتارلى قاراجاتتاردى ءوز ىشىنە الادى» دەپ بەلگىلەنگەن. سونىمەن بىرگە، ەڭ جوعارى حالىق سوتى مەكەمەسىنىڭ «جۇڭحۋا حالىق رەسپۋبليكاسىنىڭ نەكە زاڭىن قولدانۋعا قاتىستى ءىشىنارا ماسەلەلەر جونىندەگى تۇسىندىرمەسىنىڭ (1)» 20 - تارماعىندا: «<نەكە زاڭىنىڭ> 21 - تارماعىندا بەلگىلەنگەن <دەربەس تۇرمىس كەشىرە المايتىن بالالار> دەگەنىمىز تولىق ورتا مەكتەپ نەمەسە ودان دا تومەن مەكتەپتەردە وقىپ جاتقان بالالار نەمەسە ەڭبەك قابىلەتىنەن ايرىلۋ ياكي ەڭبەك قابىلەتىنەن تولىق ايرىلۋ قاتارلى سۋبيەكتيۆ سەبەپكە جاتپايتىن سەبەپتەردەن قالىپتى تۇرمىسىن جالعاستىرىپ كەتە المايتىن بالالارعا قاراتىلعان» دەپ بەلگىلەنگەن.
  وسى زاڭدىق نەگىزدەرگە نەگىزدەلگەندە، اتا - انانىڭ دەنساۋلىعى قالىپتى بالالارىن باعىپ - قاعىپ وقىتىپ جەتكىزۋ زاڭدى بورىشى سول بالانىڭ تولىق ورتا مەكتەپ نەمەسە وسى تولىق ورتا مەكتەپپەن تەڭ دارەجەدەگى مەكتەپتى بىتىرگەنگە دەيىن بولادى. ال ەڭبەك قۋاتى جوق دەربەس ءومىر سۇرە المايتىن بالالارىن ءوز ومىرلەرىنىڭ سوڭىنا دەيىن باعىپ - قاعۋ مىندەتى بار (قاتىستى ۇكىمەت ورىندارى باعىمعا العان احۋال مۇنىڭ سىرتىندا). ال اتا - انانىڭ بالالارىن جوعارى مەكتەپ نەمەسە ودان دا جوعارى وقۋ ورىندارىنان وقىتۋ زاڭدى مىندەتى جوق. اتا - انانىڭ بالالارىن جوعارى مەكتەپ نەمەسە ودان دا جوعارى وقۋ ورىندارىنان وقىتۋ ءمورالدىق جاقتاعى بورىشى عانا. اكە - شەشەم مەنىڭ جوعارى مەكتەپ وقۋ قاراجاتىمدى تولەسىن دەپ بالالارى سوتقا ارىز بەرۋدىڭ زاڭدىق نەگىزى جوق.
  دايىنداعان: ناعاشىبەك ۇركىنباي ۇلى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ