قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جوعارى قارقىندى تاس جولدا قاتىناس شىرعالاڭى تۋىلسا، تاس جول باسقارۋ تاراۋلارىنىڭ تولەم جاۋاپكەرشىلىگىن ارقالاۋ بورىشى بار ما

2018.01.12 14:22 كەلۋ قاينارى : شينجياڭ گازەتىنەن

 10 جاسقا تولماعان مارال مەن ەندى ءبىر بالا جوعارى قارقىندى تاس جولدىڭ ماڭايىندا ويناپ ءجۇرىپ، جوعارى قارقىندى تاس جولدىڭ شەتىندەگى تەمىر توردا ءبىر تەسىك بار ەكەندىگىن بايقايدى، سونىمەن ول ەكەۋى تەمىر تورداعى تەسىكتەن ءوتىپ جوعارى قارقىندى تاس جولعا شىعادى. ءدال سول كەزدە جوعارى قارقىندى تاس جولدا كەلە جاتقان اۆتوكولىك مارالدى بايقاماي سوعىپ كەتىپ، اۋىر جارالايدى. قاتىناس ساقشى تاراۋلارى مارال بارلىق جاۋاپكەرشىلىكتى ارقالايدى دەپ، قاتىناس شىرعالاڭى انىقتاماسىن شىعارادى. ارتىنان مارالدىڭ اكەسى حالىق سوتى مەكەمەسىنە ارىز بەرىپ، جوعارى قارقىندى تاس جول سەرىكتەستىگىنىڭ تولەم جاۋاپكەرشىلىگىن ارقالاۋىن تالاپ ەتەدى. ەندەشە، جوعارى قارقىندى تاس جولدا قاتىناس شىرعالاڭى تۋىلسا، جوعارى قارقىندى تاس جول باسقارۋ تاراۋلارىنىڭ تولەم جاۋاپكەرشىلىگىن ارقالاۋ بورىشى بار ما؟
  ادۆوكاتتىڭ جاۋابى:
  «ەڭ جوعارى حالىق سوتى مەكەمەسىنىڭ قاتىناس شىرعالاڭىنداعى زيان تولەم دەلولارىن قاراۋدا قولدانىلاتىن ءبىرقانشا ماسەلەلەر جونىندەگى تۇسىندىرمەسىنىڭ» 9 - تارماعىنىڭ، «ۇقىققا سۇعاناقتىق جاساۋ جاۋاپكەرلىگى زاڭىنىڭ» 76 - تارماعىنىڭ بەلگىلەمەلەرىنە نەگىزدەلىپ مىنالاردى بىلۋگە بولادى: جوعارى قارقىندى تاس جولدا شىرعالاڭ تۋىلسا، جوعارى قارقىندى تاس جولدى باسقارۋ ورنى قاتىستى باسقارۋ، قورعاۋ مىندەتىن وتەمەگەن بولسا، داۋگەر جوعارى قارقىندى تاس جول تاراۋلارىنا سايكەستى تولەم جاۋاپكەرشىلىگىن ارقالاسىن دەپ تالاپ ەتسە، حالىق سوتى مەكەمەسى مۇنى قولدايدى؛ ەگەر دە جاياۋ ادام نەمەسە موتورسىز كولىك جوعارى قارقىندى تاس جولعا شىعىپ شىرعالاڭ تۋدىرسا، زاقىمدالسا، تاس جولدى باسقارۋ ورىندارى قاتىستى باسقارۋ بورىشىن وتەگەن بولسا، وندا جوعارى قارقىندى تاس جول تاراۋلارى قاتىناس شىرعالاڭىنان تۋىلعان زيانعا تولەم جاۋاپكەرشىلىگىن ارقالامايدى. بۇل دەلودا، 2 بالا جوعارى قارقىندى تاس جولعا شىعۋدان بۇرىن جول شەتىندەگى تەمىر توردا تەسىك بار، بۇل تەمىر تور جاياۋ ادامنىڭ جوعارى قارقىندى تاس جولعا كىرۋىن توسا المايدى، بۇدان تاس جول باسقارۋ تاراۋلارىنىڭ باسقارۋ قاتەلىگى بار ەكەندىگىن كورۋگە بولادى، سوندىقتان جوعارى قارقىندى تاس جول تاراۋلارى مارالدىڭ وسى رەتكى قاتىناس شىرعالاڭىنداعى زيانى جونىندە تولەم جاۋاپكەرشىلىگىن ارقالايدى.
  دايىنداعان: ايتان مۇقامەتقان ۇلى
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ