قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

تولقىن جارعان كەمەدەي، تابىسقا جەتتى تەلەگەي

ءتىلشىمىز گاي يوۋجۇن، سانجى تىلشىلەر پۋنكتىنەن ياڭ حايجۇن

2017.10.05 17:32 كەلۋ قاينارى : شينجياڭ گازەتىنەن

  جۋىقتا «شينجياڭداعى تۇڭعىش قوس قاباتتى بولات قۇرىلىمدى كوپىر − ءۇرىمجى - سانجى تەز قارقىندى تاس جولىنىڭ تۋتۇنحى كورىنىستىك ۇلكەن كوپىرىندە بيىل قازان ايىندا اۆتوموبيل قاتىنايدى» دەگەن حابار دوستار شەڭبەرىندە قىزۋ تۇيىنگە اينالدى. بۇل حاباردىڭ ءمانى استە تەك كوپىر سالىنىپ، اۆتوموبيل قاتىناۋدا عانا ەمەس. تۋتۇنحى كورىنىستىك ۇلكەن كوپىرى بىلتىر قىركۇيەك ايىندا جۇمىس باستاعان، قازىر تۇلعالىق قۇرىلىسى اياقتاپ، جۋىردا اۆتوموبيل قاتىناماق. كوپىردىڭ سالىنۋى سانجى حۇيزۋ اۆتونوميالى وبلىسىنداعى ءار ۇلت حالقىنىڭ «ورنىقتىلىقتىڭ اتويشىسى، دامۋدىڭ جول باستاۋشىسى بولۋعا قۇلشىنىپ»، «التىدا الدا ءجۇرۋدى جۇزەگە اسىرۋ» سىندى بورىشتى ارقالاپ، ارشىنداپ العا باسۋىنا دەمەۋ بولدى.
  ەكونوميكانىڭ جاڭا قالىبىنا سايكەسىپ، دامۋدىڭ جول باستاۋشىسى بولۋعا قۇلشىندى
  پارتيا 18 - قۇرىلتايىنان بەرى، سانجى وبلىستىق پارتكوم مەن حالىق ۇكىمەتى باس نىسانانى مىقتاپ ارقاۋ ەتىپ، «5 ءىرى دامۋ تانىمىن» دايەكتى تياناقتاندىرىپ، ورنىقتى ارتتىرۋدان، قۇرىلىمدى رەتتەۋدەن، تيپكە بۇرىلىس جاساۋدى جەدەلدەتۋدەن جازباۋدى ەكونوميكانىڭ تومەندەۋ قىسىمىنا توتەپ بەرۋدىڭ ءتۇبىرلى شاراسى ەتىپ، تۇلعالىق فۋنكتسيالىق رايوننىڭ جوباسى مەن كاسىپ سالاسىنىڭ تيبىنە بۇرىلىس جاساپ، دارەجەسىن جوعارىلاتۋ پىكىرىن بەلگىلەپ، تۇراقتى مۇلىككە قارجى قوسۋداعى ءتۇيىندى مىقتى يگەرىپ، ەكونوميكانىڭ دامۋ تاسىلىندە تەرەڭ بۇرىلىس جارىققا شىعاردى.
  بۇل بۇرىلىس تۋتۇنحىدا جارىققا شىقتى: سانجى قالاسىنداعى ءتۇيىندى كاسىپورىن − شينجياڭ تۇنحى سەمەنت سەرىكتەستىگى زاۆود ءوڭىرىن بۇل ارادان 22 كيلومەتر قاشىقتىقتاعى ليۋحۋاڭگوۋ قالاشىعىنا كوشىردى. سەرىكتەستىكتىڭ نىسانعا جاۋاپتى مەڭگەرۋشىسى شيە ۋيجۇڭ: كوز الدان قاراعاندا زيان تارتقانداي بولعانىمىزبەن، تەحنيكالىق ورەنىڭ جوعارىلاۋىنا، كولەمىنىڭ ۇلعايۋىنا جانە ورتانى قورعاۋداعى ولشەمگە جەتۋ تالابىنا ىلەسە، كاسىپورىننىڭ دامۋ ارىنىن ارتتىرىپ، بازاردا اناعۇرلىم باسەكەلىك قۋاتقا يە بولامىز، - دەدى.
  تۋتۇنحى وزەنى اڭعارىنداعى جويقىن وزگەرىس تۇتاس وبلىستىڭ جەر - جەرىندە جارىققا شىعۋدا. جاڭاشا ونەركاسىپتەنۋدى ءبىرىنشى قوزعاۋشى كۇش ەتىپ، كاسىپ سالالارىن 3 رەت توعىستىرا دامىتۋ سانجى وبلىسىنىڭ كاسىپ سالاسىنىڭ دامۋ جۇلگەسىندە تەرەڭ وزگەرىستى جارىققا شىعاردى.
  5 جىلدان بەرى، سانجى وبلىسى «وزىق جابدىق جاساۋ، كومىر، كومىر ەلەكتر، كومىر حيميا ونەركاسىبى، ءتۇستى مەتال جانە ونى جىنتىكتەي مانەرلەۋ، اۋىل شارۋاشىلىق ونىمدەرىن جىنتىكتەي مانەرلەۋ، جاڭا ەنەرگيا» سياقتى 5 ءىرى بازا قۇرىلىسىن مىقتاپ ارقاۋ ەتىپ، 6 ءىرى تىرەكتى كاسىپ سالاسىنىڭ دامۋىن قولداپ، ونەركاسىپتىڭ «سۇيمەندىك» رولىن كورنەكتىلەندىرە ءتۇستى. وسى زامانعى كومىر ەلەكتر، كومىر حيميا ونەركاسىبى، جابدىق جاساۋ سياقتى باسىمدىققا يە تىرەكتى كاسىپ سالاسى شوعىرى دامىپ، ءونىم قۇنى 10 ميلليارد يۋان كەلەتىن 4 ونەركاسىپ باقشاسى، ءونىم قۇنى 100 ميلليون يۋاننان اساتىن 206 كاسىپورىن شاڭىراق كوتەردى. بۇكىل وبلىستا كولەمدەنگەن ونەركاسىپ كاسىپورىندارى 376عا جەتىپ، 2 كاسىپورىن جارناسىن جاڭادان بازارعا شىعاردى، جارنا بازارىنا كىرگەن ورتا، ۇساق، شاعىن كاسىپورىندار 9عا جەتتى.
  ساناققا قاراعاندا، بۇكىل وبلىستىڭ ءوندىرىس جالپى ءونىم قۇنى 2012 - جىلى 70 ميلليارد يۋاندىق ۇلكەن وتكەلدەن ءوتىپ، 75 ميلليارد 610 ميلليون يۋانعا جەتكەن سوڭ، ءۇرتىس 4 جىل ءار جىلى ءبىر ميلليارد يۋاننان ارتىپ، 2016 - جىلعا كەلگەندە 111 ميلليارد 820 ميلليون يۋانعا جەتىپ، جىلىنا ورتا ەسەپپەن %13.2 ارتتى، وسىلايشا، رەفورما جاساپ، ەسىك اشقاننان بەرى، تۇتاس وبلىستىڭ ەكونوميكالىق جالپى ءونىم قۇنىنىڭ ارتۋى ەڭ تەز بولعان 4 جىل بولدى، GDPنىڭ جالپى مولشەرى ميلليارد يۋاننان اسقان قاتارعا ءۇرىمجى قالاسىمەن بىرگە كىردى.
  جاڭا دامۋ ۇستانىمىن تياناقتاندىرىپ، اسپانى كوك، جەرى مانات، سۋى تۇنىق تاماشا ورتا قالىپتاستىردى
  پارتيا 18 - قۇرىلتايىنان بەرى، سانجى وبلىسى ءتۇزىلىس رەفورماسىن ءتۇيىن ەتىپ، پارتيا، ۇكىمەت بىرگە جاۋاپتى بولىپ، مىندەتىن اتقارماعانداردىڭ جاۋاپكەرلىگىن قۋزاستىردى؛ لاس زاتتاردى ىعىستىرۋ ۇقىعىنا رۇقسات ەتۋ ءتۇزىمىن، 3 - جاقتىڭ وڭاۋ سىناق ءتۇيىنىن اتقارىپ، ارناۋلى سەرىكتەستىك لاستانۋدى وڭاۋ ارقىلى ءتىپتى دە جاقسى، ءتىپتى دە جوعارى ونىمدىلىككە قول جەتكىزدى؛ ورتانىڭ اۋا ساپاسىن اۆتوماتتى باقىلاۋ، ورتا ساپاسىنىڭ ينفورماتسياسىن جاريالاۋ، بىلعانىش قاينارىن ينتەرنەت جەلىسىندە باقىلاپ - مەڭگەرۋ جانە شۇعىل جاعدايعا توتەپ بەرۋدى باسقارۋعا جەتەكشىلىك ەتۋ جۇيەسى سياقتى 7 جۇيەنى ىسكە قوسىپ، جەلىدە باقىلاۋ قۇرىلعىسىنان جاڭادان 20سىن ورناتتى، وبلىستاعى بىلعانىش قاينارى بولعان 70 كاسىپورىننىڭ بىلعانىش قاينارىنا تۇتاستاي باقىلاۋ جۇرگىزدى. 2018 - جىلعا بارعاندا، اۋدان، قالالار «قورشاعان ورتانى زەردەلى قورعاۋدىڭ» 2 - مەرزىمدىك ينفورماتسياسىن باقىلاپ - باسقارۋ تۇعىرى قۇرىلىسىن جاپپاي قۇرادى؛ اۋداندارعا، قالالارعا، باقشا رايوندارىنا ورتا ساپاسى كۇنىن جاريالاۋ، ورتا ساپاسى بويىنشا اپتا سايىن قاتارعا تۇرعىزۋ، اي سايىن حابارلاندىرۋ ءتۇزىمىن قولدانىپ، ورتانى باقىلاپ - باسقارۋ قابىلەتىن جاپپاي جوعارىلاتتى.
  «اشىق اسپان قيمىلى» جوسپارىن جاپپاي ورىنداپ، «2 تازا، 2 كورىكتى، ءبىر جاسىل» سىندى 3 جىلدىق قيمىل جوسپارىن اتقارىپ، ءۇرىمجى − سانجى − شىحىزى وڭىرلەرىنىڭ ورتاسىن وڭاۋدى تىڭعىلىقتى ورىستەتتى. «ورتانى لاستايتىن GDPنىڭ قاجەتى جوق»، سانجى وبلىسىنداعى ءار ۇلت بۇقاراسى ۇستانىمنان تارتىپ ارەكەتكە دەيىن اسپانى اشىق، جەرى جاسىل، سۋى تۇنىق ورتا قالىپتاستىرۋعا كۇش سالدى. بۇگىنگى تاڭدا سانجى وبلىسىنداعى 7 اۋدان، قالانىڭ كوپ جەرىنىڭ ورتاسى جاقسارىپ، جاسىل جەلەك جامىلدى.
  بيىل جىل باسىندا سانجى وبلىسى تۇتاس جىلدا 1570 ءتۇيىندى نىساندى اتقارۋ، 235 ميلليارد 200 ميلليون يۋان قارجى سالۋ، تۇراقتى مۇلىككە قوسىلاتىن قارجىنى %50تەن استام ارتتىرۋداي ناقتى مىندەت بەلگىلەپ، جاسىل، تومەن كومىرتەكتى، تازا، حاۋىپسىز بولۋ بەتالىسىن تۇراقتاندىرىپ، كومىر، سەمەنت، بولات - تەمىر، كوكس سياقتى كاسىپ سالالارىندا لاس زاتتاردى ىعىستىرۋ ولشەمىن وزگەرتۋدى ورتاعا قويىپ، اينالمالى دامۋدى جۇزەگە اسىردى؛ لانشان − تۇنحى حيميا ونەركاسىبى، دۇڭفاڭ شيۋاڭ توبىنىڭ اليۋمين كاسىبى، ەرەكشە ترانسفورماتور سەرىكتەستىگى جاڭا ەنەرگيا جابدىعىن جاساۋ سىندى 3 ءىرى اينالمالى ەكونوميكا كاسىپ باقشاسى قۇرىلىسىن كۇش سالا ىلگەرىلەتىپ، كاسىپتەردىڭ دەڭگەيىن جوعارىلاتتى؛ جىبەك جولى ەكونوميكالىق بەلدەۋىنىڭ دامۋدى جاڭالىق اشۋ ارقىلى جەبەۋ سىناق رايونى قۇرىلىسىنا بەلسەنە ات سالىسىپ، دامۋدى جاڭالىق اشۋ ارقىلى جەبەۋ ارەكەت باعدارلاماسىن بەلگىلەپ، كەشەندى ەنەرگيا سىناق رايونى، اينالمالى ەكونوميكادان ۇلگى كورسەتۋ اۋماعى قۇرىلىسىن ىلگەرىلەتتى.
  اۆتونوميالى رايوننىڭ جاڭاشا ونەركاسىپتەندىرۋدەگى نەگىزگى شەبى رەتىندە، جۇندۇڭ مەملەكەتتىك ەكونوميكالىق - تەحنيكالىق اشۋ رايونىنىڭ جاسىل دامۋ بەتالىسى بارعان سايىن كورنەكتىلەنىپ، جاسىل دامۋ جۇندۇڭ كاسىپ سالاسىنىڭ ساياساتتىق بەتالىسىنا اينالدى. مەملەكەت ەلەكتر جەلىسى شينجياڭ جۇندۇڭ كومىر ەلەكتر شەكتى سەرىكتەستىگىنىڭ جالپى 130 ميلليون يۋان قارجى قوسقان كەن شاقتاسىنىڭ سۋىن ءبىر جاقتى ەتۋ پۋنكتى ءورت سوندىرۋگە پايدالانىلاتىن سۋ مەن قۇرىلىس جۇرگىزۋگە پايدالانىلاتىن سۋدى 2 - رەت پايدالانۋدى جۇزەگە اسىردى. ۋسايۋان ەلەكتر ستانسياسى تۇيىقتالعان فورمادا كومىر جەتكىزۋدىڭ 25 كيلومەترلىك كاريدورلى جولىن اشىپ، بۇرىنعى اۆتوموبيلمەن تاسىمالداۋدىڭ ورنىن باستىرىپ، كومىردىڭ تاسىمال بارىسىندا ورتانى قايتا لاستاۋىنىڭ الدىن الدى.
  5 جىلدان بەرى، سانجى وبلىسى كومىردى جانار زات ەتەتىن 318 پار قازانىن زاڭ بويىنشا توقتاتتى، وزگەرىس ەنگىزدى، 222 مىڭ كيلوۆاتتىق مەشەۋ گەنەراتوردى جۇمىستان توقتاتتى. وبلىس بويىنشا لاس زاتتاردى ىعىستىراتىن ءتۇيىندى نىساننان 454ىن ورىنداپ، اۆتونوميالى رايوننىڭ جالپى مىندەتىنىڭ بەستەن بىرىنە جۋىعىن يەلەدى. جالپى 22 ميلليارد يۋان قارجى قوسىپ، كليماتتىڭ، سۋدىڭ، توپىراقتىڭ لاستانۋىن وڭاۋ نىسانىنان 746سىن اتقاردى.
  حالىق تۇرمىسىن كۇش سالا جاقسارتىپ، بۇقارانى اناعۇرلىم مول كەنەلۋ سەزىمىنە يە ەتتى
  پارتيا 18 - قۇرىلتايىنان بەرى، سانجى وبلىسى قاتىناس - تاسىمالدىڭ كەشەندى جۇيە قۇرىلىسىن كۇش سالا جۇرگىزدى، جوعارى قارقىندى تاس جولدار، اۋىل - قىستاق اسفالت جولدارى بۇكىل وبلىستىڭ بارلىق جەرىنە تۇتاسىپ شار تاراپتى شارپىعان نەگىزگى تاس جول تاسىمال جەلىسى قالىپتاستى.
  تۇرپان − ءۇرىمجى − داحۋاڭشان جوعارى قارقىندى تاس جولىنىڭ، ءۇرىمجى − كۇيتۇن جوعارى قارقىندى تاس جولىنىڭ جانە ولكە جولى 303 - جەلىسىنىڭ سانجى بولەگىنىڭ جول دارەجەسىن جوعارىلاتۋ، جاڭالاۋ جۇمىسىن ورىنداپ، سانجى قالاسىنىڭ، فۋكاڭ قالاسىنىڭ، جەمسارى اۋدانىنىڭ قالانى اينالىپ وتەتىن نەگىزگى تاس جول جەلىسى جانە سانجى قالاسىنىڭ ءداۋىر داڭعىلى، سانجى يۇيشۋگوۋ جوعارى، جاڭا تەحنيكا رايونى جوعارى قارقىندى سترەولدى كوپىرى سياقتى ءبىر توپ ءتۇيىندى قاتىناس نىساندارى سالىنىپ، ءىرى قاتىناس جۇلگەسى بىرتىندەپ قالىپتاستى.
  5 جىلدان بەرى، اتالعان وبلىستىڭ حالىق تۇرمىسىنا جۇمساعان جىلدىق ورتاشا شىعىسى الەۋمەتتىك قازىنا مەجە ەسەپ شىعىسىنىڭ %73ىن يەلەدى، «حالىققا تيىمدىلىك جەتكىزەتىن 9 ينجەنەريانى» ىشكەرىلەي اتقاردى، وقۋ - اعارتۋ، جۇمىسقا ورنالاسۋ، ەمدەلۋ، قوعامدىق قامتاماسىزداندىرۋ سياقتى حالىق بۇقاراسى ەڭ كوڭىل بولەتىن، ەڭ تىكە ماسەلەلەردى ۇزدىكسىز شەشتى.
  جوعارى مەكتەپتەردەن وقۋ تاۋىسقان وقۋشىلاردى جۇمىسقا ورنالاستىرۋدى جەدەلدەتۋ جوسپارىن كۇش سالا اتقارىپ، شينجياڭ بويىنشا ەڭ الدىمەن وبلىس، اۋدان (قالا)، اۋىل - قىستاق ەڭبەككۇشتەرى سەلبەستىك ۇيىمى وداعىن قۇردى؛ شينجياڭ بويىنشا ەڭ الدىمەن كاسىپتىك اعارتۋ وداعى مەن كاسىپتىك اعارتۋ توبىن قۇردى؛ «جوعارىلاپ وقي الماعانداردى» كاسىپتىك جاقتان تاربيەلەۋ جانە تەحنيكالىق ونەرگە باۋلۋدى شينجياڭ كولەمىندە جالپىلاستىردى؛ بەيقۇت ءۇي سالىپ، حالىققا تيىمدىلىك جەتكىزۋ جانە جۇرت جۇرەگىن جىلىتۋ ينجەنەرياسىن كۇش سالا اتقارىپ، مالشىلاردى وتىرىقتاندىرىپ، مال شارۋاشىلىعىن كوركەيتۋ، بەيقۇت ءۇي سالىپ، حالىقتى اۋقاتتاندىرۋ جانە قالا - قالاشىق تۇرعىندارىنا قامتاماسىزداندىرۋ سيپاتتى تۇرعىن ءۇي سالۋ بويىنشا 160 مىڭنان استام ءۇي سالىپ، 600 نەشە مىڭ تۇرعىننىڭ جايلى قونىس ارمانىن ورىندادى...
  2020 - جىلعا بارعاندا جاپپاي دوڭگەلەك داۋلەتتى قوعام قۇرۋدا بىردە - ءبىر ادامدى قاتاردان قالدىرماۋ − سانجى وبلىسىنىڭ كەدەيلىكتەن قۇتىلدىرۋدان قامال الۋ نىساناسى.
  سانجى وبلىستىق پارتكوم مەن ۇكىمەت كەدەيلەردى دالمە - ءدال سۇيەمەلدەۋدىڭ ءتۇرلى شاراسىن جاپپاي اتقارىپ، وبلىس، اۋدان - قالا، اۋىل - قالاشىق جانە قىستاق، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتاردا تۇرىپ قىزمەت ىستەيتىن قىزمەت اترەتتەرى سىندى «4 دارەجە بىرلەسىپ قيمىل جاساۋ» مەحانيزمىن جانە كەدەيلەردى ارناۋلى سۇيەمەلدەۋ، كەدەيلەردى كاسىپ سالاسى بويىنشا سۇيەمەلدەۋ، كەدەيلەردى قوعامدىق سۇيەمەلدەۋ، كەدەيلەردى شينجياڭعا باعىتتامالى كومەكتەسۋ بويىنشا سۇيەمەلدەۋ سىندى «ءتورتتى ءبىر تۇلعالاندىرىپ» كەدەيلەردى سۇيەمەلدەۋ مەحانيزمىن ورناتىپ، وبلىس بويىنشا كەدەيلىكتەن قۇتىلدىرۋدان قامال الۋدىڭ پارمەندى كۇشىن قالىپتاستىردى.
  جاپپاي دوڭگەلەك داۋلەتتى قوعام قۇرۋدىڭ كورسەتكىش جۇيەسى بويىنشا ەسەپتەسەك، سانجى وبلىسىنىڭ دوڭگەلەك داۋلەتتى قوعام قۇرۋدى جۇزەگە اسىرۋ سالىستىرماسى 2016 - جىلدىڭ سوڭىندا %87.7كە جەتىپ، نەگىزىنەن جۇزەگە اسىرعان ساتىدا تۇر. ال سانجى وبلىسى ەكونوميكاسىنىڭ دامۋ ورەسى، قوعامىنىڭ جاراسىمدىلىعى، تۇرعىنداردىڭ تۇرمىس ساپاسى تۇگەلدەي تۇتاس شينجياڭ بويىنشا الدىڭعى قاتاردا، 2020 - جىلعا كوز جىبەرگەندە، سانجى وبلىسىنىڭ جاپپاي دوڭگەلەك داۋلەتتى قوعام قۇرۋ نىساناسىن ورىنداۋعا سەنىمى كامىل!
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ