قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

بۇراتالا − شاعىن وبلىستىڭ شالقار تابىستارى

گازەتىمىزدىڭ بۇراتالاداعى تىلشىلەر پۋنكتىنىڭ ءتىلشىسى ودىن

2017.10.05 17:23 كەلۋ قاينارى : شينجياڭ گازەتىنەن

  «وتكەن 5 جىلدا، اۆتونوميالى رايوندىق پارتكوم، حالىق ۇكىمەتى مەن بۇراتالا موڭعۇل اۆتونوميالى وبلىستىق پارتكومنىڭ پارمەندى جەتەكشىلىگىندە، ءبىز قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، وبلىستاعى ءار ۇلت حالقىن ىنتىماقتاستىرىپ، وزگەرىس، بۇرىلىس جاساۋعا، جاۋاپكەرلىكتى باتىل ارقالاۋعا، ءورىس اشا العا ىلگەرىلەۋگە، ناقتى ونىمدىلىككە جەتۋگە جەتەلەدىك، <12 - بەسجىلدىق> جوبا نىساناسىن مەجەلى مەرزىمنەن بۇرىن اسىرا ورىنداپ، <13 - بەسجىلدىق> جوباعا داڭعىل جول اشتىق، ەكونوميكانىڭ، قوعامنىڭ دامۋى جاپپاي دوڭگەك داۋلەتتى قوعام قۇرۋ جاڭا ساتىسىنا قادام تاستادى»، - دەدى بۇراتالا موڭعۇل اۆتونوميالى وبلىستىق (تومەندە بۇراتالا دەپ الىنادى) پارتكومنىڭ شۋجيى، وبلىستىق حالىق قۇرىلتاي−ى تۇراقتى كوميتەتىنىڭ مەڭگەرۋشىسى يۋ شۋحۋا وبلىستىڭ دامۋ جاعدايىنا ايالداعاندا.
  ونەركاسىپ ارقىلى ەكونوميكانىڭ دامۋىن تەزدەتۋدىڭ باستاماشىسى بولدى
  اۋىل شارۋاشىلىعى وركەندەمەسە، ورنىقتىلىق بولمايدى، ونەركاسىپ دامىماسا، بايۋ قيىن، ساۋدا - ساتتىق جاندانباسا، تۇرمىس قۇتايمايدى. مىنە وسى 3 ۇلكەن شارۋاشىلىقتىڭ ىشىندە ونەركاسىپ ەكونوميكانى دامىتۋدا قۋاتتى قان جاساۋ رولىن اتقارىپ، ەكونوميكانىڭ دامۋىن قازىنالىق قۋاتپەن دەمەيدى.
  بۇراتالا وبلىسى ونەركاسىپ ەكونوميكاسىن، شەكارا وتكەل ەكونوميكاسىن، ساياحات ەكونوميكاسىن «3 ۇلكەن ارتۋ ءتۇيىنى» ەتىپ، ارىنداي دامىعان ونەركاسىپ «پاراۆوزىن» بۇراتالا وبلىسىنىڭ ەكونوميكاسىن تەز قارقىنمەن دامۋ ارناسىنا ءتۇسىردى.
  سوڭعى جىلدارى، بۇراتالا وبلىسى زور كۇش جۇمىساپ، «الاتاۋ ساعاسى ۋنيۆەرسال قورعامالى باجى اۋماعى ارقىلى جەتەكتەۋ» ينجەنەرياسىن اتقارىپ، شەكارا وتكەلى مەن ۋنيۆەرسال قورعامالى باجى اۋماعىنا بەرىلگەن ەرەكشە ساياساتتارعا سۇيەنىپ، التىن اتىراۋ ونەركاسىپ باقشاسىن، ۋتاي ونەركاسىپ باقشاسىن (حۋبەي ونەركاسىپ باقشاسى)، جىڭ ونەركاسىپ باقشاسىن ۋنيۆەرسال قورعامالى باجى اۋماعىن سايكەستىرەتىن رايون، قابىلداۋ رايونى ەتىپ قۇرىپ شىعۋ اياق الىسىن تەزدەتتى. ونەركاسىپ باقشا رايونىنا ىرگە تەپكەن كاسىپورىندار ۇزدىكسىز كوبەيىپ، شوعىرلاندىرۋ ونىمدىلىگى كۇن سايىن كورنەكتىلەنە ءتۇستى، ونەركاسىپ باقشا رايونىنىڭ كولەمدەنگەن ونەركاسىبىنىڭ ارتقان قۇنى تۇتاس وبلىستىڭ %90تەن استامىن ۇستاپ، ەكونوميكانى ارتتىرۋدىڭ نەگىزگى قوزعاۋشى كۇشىنە اينالدى.
  سوڭعى جىلدارى، بۇراتالا وبلىسى قىزمەت كورسەتۋ تانىمىن ۇزدىكسىز كۇشەيتىپ، كاسىپورىنداردىڭ قيىنشىلىقتارىن ىرىقتىلىقپەن شەشتى، «كاسىپورىن بولماسا، دامۋ دا بولمايدى» دەيتىن دامۋ تانىمىن وبلىستىڭ 12 - كەزەكتى پارتيا قۇرىلتايىنىڭ قىزمەت بايانداماسىنا ەنگىزدى.
  قاتىستى ورىندار «ءبىر كاسىپورىنعا ءبىر ساياسات، ءبىر نىسانعا ءبىر جوبا بولۋ» تالابى بويىنشا، كاسىپورىندارمەن قارىم - قاتىناستى كۇشەيتىپ، باعىتتامالى تۇردە سايكەستىرۋ قىزمەتىن جاقسى ىستەدى. مۇنداي جاناسىمدى قىزمەت كورسەتۋ ءتاسىلى كاسىپورىن قوجايىندارىن ءوز ۇيىنە كەلگەندەي اسەرگە بولەدى.
  جىڭ اۋدانى جىبەك جولى كىلەم توقىماشىلىق شەكتى سەرىكتەستىگىنىڭ وسىزاماندانعان توقىماشىلىق سەحتارىنا كىرسەڭىز، ءوندىرىس ماشينالارىنىڭ توقتاۋسىز جۇمىس ىستەپ، جۇمىسشىلاردىڭ قاربالاس جۇرگەنىن كورەسىز.
  جىبەك جولى كىلەم توقىماشىلىق شەكتى سەرىكتەستىگىنىڭ جىڭ اۋدانىنداعى ونەركاسىپ باقشاسىنا ىرگە تەبۋى بۇراتالا وبلىسىنىڭ مەملەكەتتىڭ «ءبىر بەلدەۋ، ءبىر جول» ينجەنەرياسىن زور كۇشپەن ىلگەرىلەتۋدەي تاريحي دامۋ ورايىن ناقتاپ تاني بىلگەندىگىنىڭ ايعاعى ەدى.
  جىڭ ونەركاسىپ باقشا رايونى اۆتونوميالى رايوننىڭ توقىماشىلىق، كيىم - كەشەك كاسىپ سالاسىنا ەنىپ، «3 قالا، 7 باقشا، ءبىر ورتالىقتىڭ» جۇمىسقا ورنالاستىرۋ جۇمىسىنا جەبەۋشىلىك ىستەگەننەن بەرى، توقىماشىلىق، كيىم - كەشەك كاسىپ سالاسىنىڭ دامۋىن ىلگەرىلەتىپ، ونەركاسىپتىڭ ورنىقتى ارتۋىن دەمەۋدەگى رولى بارعان سايىن كورنەكتىلەنە ءتۇستى.
  قازىرگە دەيىن جىڭ ونەركاسىپ باقشا رايونىندا شينجياڭداعى ەڭ ۇلكەن ستانوك ارقىلى كىلەم توقيتىن توقىماشىلىق ءوندىرىس بازاسى قۇرىلىپ، الۋان ءتۇرلى توقىماشىلىق، كيىم - كەشەك كاسىپ سالاسى جۇيەسى قالىپتاسىپ ۇلگىردى.
  «شەكارا وتكەلىندەگى قۋاتتى وبلىس» دامۋدىڭ داڭعىل جولىنا ءتۇستى
  «شەكارا وتكەلىندەگى قۋاتتى وبلىس» بولۋ ستراتەگياسىنىڭ اتقارىلۋى مەن الاتاۋ ساعاسى ۋنيۆەرسال قورعامالى باجى اۋماعى قۇرىلىسىنىڭ جۇرىلۋىنە ىلەسىپ، بۇرىن «جەلدىڭ ءوتى» اتانعان ءوڭىر قازىر بۇراتالانىڭ «ىرىستى وڭىرىنە» اينالدى.
  5 جىلدان بەرى، تولتىرا جۇك تيەلگەن جۇڭگو - ەۆروپا كەزەكشى پويەزدەرى الاتاۋ ساعاسى شەكارا وتكەلى ارقىلى بىرىنەن كەيىن ءبىرى جۇيتكىپ جاتتى، جاپ - جاڭا زاۆودتار ىركەس - تىركەس بوي كوتەردى. ارتىقشىلىققا يە كاسىپ سالالارى مەن كاسىپورىندار شەكارا وتكەلى مەن ۋنيۆەرسال قورعامالى باجى اۋماعىنىڭ تۇعىرىنان پايدالانىپ، تىڭ تەبىنمەن العا ىلگەرىلەۋ ءۇشىن الاتاۋ ساعاسىنا كوپتەپ ىرگە تەپتى.
  كوپ جىلداردان بەرى، الاتاۋ قالاسى نىسان الۋ، قارجى باۋراۋ سياقتى كوپ ءتۇرلى تاسىلدەرمەن، وتكەلدىڭ نەگىزدىك قۇرىلعى قۇرىلىستارىن ۇزدىكسىز كۇشەيتتى. شەكارا وتكەلى اشىلعاننان بەرى، قوسىلعان قارجى 10 ميلليارد يۋاننان اسىپ، تەمىر جول شەكارا وتكەلى رايونى، تاس جول شەكارا وتكەلى ءوڭىرى، شەكارالىق بازار ءوڭىرى، ساۋدا ءوڭىرى، قويما ءوڭىرى، اكىمشىلىك كەڭسە ءوڭىرى، تۇرمىستىق قىزمەت كورسەتۋ ءوڭىرى، جاسىل اۋماق ءوڭىرى جانە ۋنيۆەرسال قورعامالى باجى ءوڭىرى سياقتى 9 ءوڭىر سالىندى، «9 بويلىق، 15 ەندىك» قالا جول جەلىلەرى قالىپتاسىپ، قالانىڭ تۇلعالىق قۇرىلىمى العاشقى ادىمدا قالىپتاسىپ، يقۋاتى بارعان سايىن كەمەلدەنە ءتۇستى، تىرەكتىك قۋاتى ءتىپتى دە ارتىپ، سىرتقا باعىتتاپ قىزمەت كورسەتۋ قابىلەتى جاپپاي جوعارىلادى.
  بۇراتالا وبلىسىنىڭ شەكارا وتكەلى ەكونوميكاسىن دامىتۋداعى ءادىسىن مەملەكەتتىك كەڭەس جەرگىلىكتى ورىنداردىڭ 32 ءتۇرلى تيپتىك تاجىريبەسىنىڭ ءبىرى دەپ تۇراقتاندىردى، الاتاۋ قالاسى حابارلاندىرۋ شىعارىپ ماداقتالعان شينجياڭداعى بىردەن - ءبىر اۋدان دارەجەلى قالا بولدى.
  جۋىق جىلداردان بەرى، الاتاۋ ساعاسى شەكارا وتكەلى «ءىرى وتكەل» مەحانيزمىن ۇزدىكسىز كەمەلدەندىرىپ، كەدەننەن وتكىزۋ نەگىزدىك قۇرىلعىلارىن جاقسارتتى، كەدەن H986 ءىرى تيپتى جۇك پويەزىن تەكسەرۋ - باقىلاۋ جۇيەسى، پويەزدەردى اۆتوماتتى كارانتيندەۋ ورنى، مەملەكەت دارەجەلى مۇناي حيميا، كەن ونىمدەرىن ءتۇيىندى تەكسەرۋ تاجىريبەحاناسى، پويەزبەن كەلگەن بولەك - سالاق زاتتاردى بىرىكتىرىپ قويۋ الاڭى، تاس جول شەكارا وتكەلىنەن كىرىپ - شىققان جولاۋشىلاردى تەكسەرۋ جانە زاتتاردى تەكسەرۋ ەسىگى سياقتى قۇرىلىستار ىركەس - تىركەس سالىندى ءارى پايدالانۋعا بەرىلدى، كەدەننىڭ زات اينالىمى نەگىزى ۇزدىكسىز جوعارىلاپ، زات وتكىزۋ قۋاتى كۇن سايىن ارتتى.
  مىنا ءبىر ساندى مالىمەتتەر ادامدى جىگەرلەندىرەدى: بيىل شىلدە ايىنىڭ سوڭىنا دەيىن، شەكارا وتكەلى ارقىلى تاسىمالدانعان زات مولشەرى 12 ميلليون 90 مىڭ تونناعا جەتىپ، وتكەن جىلعى سول تۇستاعىدان %18.8 ارتقان، ايلىق ارتۋ كورسەتكىشى جەكە - جەكە %9.7، %7.5، %11.5، %29.1، %22.77.22، %19، %31.9بولىپ، يمپورت - ەكسپورت ەتىلگەن زات تاسىمال مولشەرى ءۇرتىس 7 اي ارتقان.
  مانات دالاسى بار بۇل ارانىڭ تابيعاتى وزگەشە
  سوڭعى جىلدارى بۇراتالا وبلىستىق پارتكوم مەن حالىق ۇكىمەتى اۆتونوميالى رايوننىڭ ساياحات شارۋاشىلىعىن دامىتۋدى دەمەۋ تەبىنىن ارتتىرۋ ورايىن ۇتىمدى پايدالانىپ، ساياحات ەكونوميكاسىن ەكونوميكانى تەز قارقىنمەن دامىتۋداعى «3 ۇلكەن ارتۋ ءتۇيىنىنىڭ» ءبىرى ەتىپ، «13 - بەسجىلدىق» جوبانىڭ سوڭىندا ساياحات ەكونوميكاسىن بۇكىل وبلىس جالپى ەكونوميكاسىنىڭ «ۇشتەن ءبىرى» ەتۋدى كوزدەپ وتىر.
  2016 - جىلى بۇراتالا وبلىسى ساياحات كاسىبىن «13 - بەسجىلدىق» جوبا مەزگىلىندەگى وبلىس ەكونوميكاسىن دامىتۋداعى ءتۇيىندى كاسىپ سالاسى رەتىندە مىقتى ۇستاۋدى ورتاعا قويىپ، ساياحات شارۋاشىلىعىن دامىتۋدىڭ جالپى جوباسىن جاساۋ، ساياحات فاكتورى جۇيە قۇرىلىسىن كەمەلدەندىرۋ، باسىمدىقتى ساۋلەلەندىرۋ، دامىتۋ جولىمەن سۇيەمەلدەۋ سياقتى جاقتاردا جاپپاي ورنالاستىرۋ جاسادى. وبلىسقا تىكە قاراستى ورىنداردا 2 قىزمەت باسشىلىق القاسىن قۇرىپ، اراسان اۋدانىنا، الاتاۋ قالاسىنا ورنالاستىرۋ، سايكەستىرۋ، باقىلاۋ، جەتەكشىلىك ەتۋ قىزمەتىن ىستەۋگە جىبەردى. سونىمەن بىرگە ءبىر ورىنباسار وبلىس باستىعى سايرام كولى كورىنىستىك اۋماعىن باسقارۋ كوميتەتى پارتيا قىزمەتى كوميتەتىنىڭ شۋجيى مىندەتىن اتقارىپ، ساياحات شارۋاشىلىعىنىڭ دامۋىن جوعارى دەڭگەيدە جەبەدى. تۇتاس وبلىستا وبلىستىق ۇكىمەت باسشىلارى جالپى بەتتىك باسقارىپ، جاۋاپتى باسشىلار الدىڭعى شەپتە جەتەكشىلىك ەتەتىن، اۋدان، قالالارداعى تاراۋلار نەگىزگى جاقتان جاۋاپتى بولاتىن «ۇلكەن ساياحات» قىزمەت جەلىسىن قالىپتاستىردى.
  ساياحاتتى دامىتۋدا الدىمەن قاتىناس ىركىلىسسىزدەندىرىلدى. وبلىس 500 ميلليون يۋان قارجى قوسىپ، بۇراتالا − اراسان − سايرام كولى ساياحات جوعارى جىلدامدىقتى تاس جول جەلىسى قۇرىلىسىن سالدى؛ 2 ميلليارد 750 ميلليون يۋان قارجى ءبولىپ، توتو − الاتاۋ ساعاسى ەكولوگيالىق ساياحات جولىن سالدى؛ سونىمەن بىرگە كىشى اراسان − تەرىستىك سالاماندراسى جاراتىلىستىق قورىعى، بۇراتالا − شارشىلى − عاجايىپ تاس اڭعارى، جىڭ − تاقيا − توتو قالاشىعى ساياحات تاس جولى، سايرام كولىن جەكەلىك اۆتوكولىكپەن ساياحاتتاۋ تاس جولى، مەلچيك ساياحات تاس جولى سياقتى ءتۇيىندى تاس جول نىسانى قۇرىلىسىن ىلگەرىلەتتى.
  كوپ جاقتاردان ىلگەرىلەتۋدىڭ ناتيجەسىندە، بۇراتالا وبلىسىنىڭ ساياحات كاسىبىندە تەبىندى دامۋداي تاماشا اۋقىم قالىپتاستى: 2016 - جىلى وبلىس 3 ميلليون ساياحاتشى (رەت) قابىلدادى، ساياحات جالپى تۇتىنۋ سوماسى 2 ميلليارد 400 ميلليون يۋانعا جەتىپ، جەكە - جەكە %15.4، %60 ارتتى.
  قار - مۇز ساياحات مەرەكەسى، تاۋ گۇلى مەرەكەسى، تۇزگە تۇنەۋ قيمىلى، سايرام كولىن ۆەلوسيپەدپەن اينالۋ جارىسى، قىسقى نادام مەرەكەسى، جىبەك جولى اتىنداعى دۇنيە جۇزىلىك سانگەرلەر جارىسى سياقتى قيمىلدار بۇراتالا وبلىسىنىڭ ساياحات كاسىبىن «جارتى جىلدىق ساياحاتتان» «ءتورت ماۋسىمدىق ساياحاتقا»، «كورىنىس اۋماعىندىق ساياحاتتان» «جالپى اۋماقتىق ساياحاتقا» قاراي بەت الدىردى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ