قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

«ءامينا وتباسىمىزدىڭ تابىسىن مولايتتى»

ءتىلشىمىز ماقسات قيزات ۇلى

2018.04.26 15:46 كەلۋ قاينارى : شينجياڭ گازەتىنەن

  − ول كىسىنى ەكى - ءۇش كۇن كورمەي قالساق، قاتتى ساعىنامىز، بالام دا ونى ەرەكشە جاقسى كورەدى، ونىمەن تۋىس بولعاننان بەرى وتباسىمىزدىڭ تاسى ورگە دومالادى، اۋەلى، ول كىسىدەن مەيىر - ماحاببات، جاراسىمدىلىقتى ۇيرەندىم، ءامينا اپەكەم بەرەكەنىڭ ادامى، ول كىسى ۇيگە كەلسە، ماڭايىمىزداعى كورشى - قولاڭ دا جينالىپ، قۇددى قۇدا كەلگەندەي شاتتانامىز. بۇرىن وتباسىمىز وتاعاسىنىڭ تاپقانىنا عانا سۇيەنەتىن، مەن ۇيدە كاسىپسىز وتىراتىنمىن. ال ءامينا اپەكەم كەلگەننەن كەيىن، ءبىزدىڭ تۇرمىسىمىزدا زور وزگەرىس تۋىلدى، ول مەنى جاڭالىققا جەتەكتەدى، ونەر ۇيرەتتى، سول ونەردەن مەن قازىر ءناپاقا تاۋىپ وتىرمىن، - دەيدى 29 جاستاعى ساۋان اۋدانى سانداۋحىزى قالاشىعىنىڭ تۇرعىنى ءبۇبىماريام تاشمامەت.
  ءبۇبىماريامنىڭ باعىن اشقان ساۋان اۋداندىق قورشاعان ورتانى قورعاۋ مەكەمەسىنەن سانداۋحىزى قالاشىعى حالىق مايدان الەۋمەتتىك اۋماعىندا «ۇعىسۋ، تيىمدىلىك جاساۋ، توعىستىرۋ» بويىنشا تۇراتىن كادرى ءامينا ەدى. ول تۇرعىنداردىڭ وتباسىن ارالاپ، جاعدايىن ۇعىسۋ بارىسىندا بۇبىمارياممەن تانىسىپ، ول كىسىنى قۇددى ءوزىنىڭ تۋىسىنداي كورىپ، جانىنا جاقىن تارتادى.
  ءامينا اقارلى - شاقارلى وتباسىنىڭ جالعىز جىگىتتىڭ قولىنا قاراپ جان باعىپ وتىرعانىن كورىپ جانى اشيدى. قايتكەن كۇندە دە ءبۇبىماريامعا جول كورسەتۋدى ويلايدى. «كەڭەسپەن پىشكەن تون كەلتە بولماس» دەپ، ەكەۋى تىزە قوسا وتىرىپ اقىلداسادى.
  − سەن ءوزىڭ وتباسىندا قانداي جۇمىستاردى ىستەۋدى جاقسى كورەسىڭ؟ - دەپ سۇرادى ءامينا سىڭلىسىنەن.
  − مەن عوي وتباسىنان ارى اسپاعان اداممىن، مەنىڭ قولىمنان نە ءىس كەلەدى دەيسىڭ، - دەدى ءبۇبىماريام مۇڭايىپ.
  − سەن استە وزىڭە بىلاي باعا بەرمە، سەن قاشاندا مىقتىسىڭ، قولىڭنان ءىس كەلەدى، تىم قۇرىعاندا، بالا - شاعاڭا ادەمىلەپ تاماق ىستەپ بەرە الاتىن شىعارسىڭ؟
  − تاماق ىستەۋ دەگەن ادەتتەگى جۇمىس قوي، ول دا ونەر بولىپ پا؟
  − اس پىسىرۋ ۇلكەن ونەر، سەن وعان جاي كوزبەن قاراما، ماسەلەن، سەن پراندىك پىسىرۋدى بىلەسىڭ بە؟
  − ودان قۇر جاياۋ ەمەسپىن، ارا - تۇرا بالالارعا پراندىك پىسىرىپ بەرەمىن، بۇلار: «شەشە، پراندىگىڭ كەرەمەت ءتاتتى بولىپتى»، - دەپ جەپ الادى، بىلمەيمىن، وتىرىك ايتا ما، شىن ايتا ما، سوعان مارقايىپ قالامىن.
  − مىنە، ونەر دەگەن وسى، ءبىز وسى ونەردى ارى قاراي جالعاي ءبىلۋىمىز كەرەك، وسىدان - اق كاسىپ كوزىن اشىپ، بايۋعا بەتتەۋىڭە بولادى.
  − پراندىكتى جاساۋى عوي جاسايمىز، ءبىراق ساتىلماي قالسا، ەڭبەگىمىز ەش كەتەدى عوي.
  − الاڭداما، باستىسى، نە ىستەسەك تە سەنىم كەرەك، جاقسى جاسالعان دۇنيەنىڭ بازاردا ءوتىمى بولمايدى دەگەنگە مەن سەنبەيمىن، ساتىلىم جاعىنا مەن جاۋاپتى بولايىن، سەن ىستەپ شىداساڭ بولعانى، - دەپ تۇيىندەدى ءامينا كەڭەس سوڭىندا.
  − ايتپاقشى، شوشىرەنى دە ادەمىلەپ جاساي الامىن، - دەدى ءبۇبىماريام.
  − وي، بۇل ونەرىڭدى ەرتەرەك ايتپايسىڭ با؟ وندا، ءتىپتى، نۇر ۇستىنە نۇر بولار ەدى، ساۋداڭ كۇسەت بولاتىنىنا سەنە بەر، - دەدى ءامينا.
  سەنىمى بەرىك اپەكە - ءسىڭلى: ىسكە ءسات، - دەپ قول الىستى.
  سول كۇنگى كەڭەس جەردە قالعان جوق، وركەنىن كەڭگە جايىپ قۇلاش سەرمەدى. ءبۇبىماريامنىڭ ءتاتتى پراندىگى تالاي تاڭدايدى تامسانتتى.
  «ءبارى دە باتىلدىق پەن ىسكەرلىكتە ەكەن، العاشقى كۇنى - اق 5 كيلوگرام شوشىرە، 5 كيلوگرام پراندىك ساتتىم، قولىما 362 يۋان تيگەن كەزدە ءوز كوزىمە ءوزىم سەنبەدىم. <مەن دە اقشا تابا الاتىن بولدىم، مەن دە وتباسىما كىرىس كىرگىزە الاتىن بولدىم> دەپ قاتتى قۋاندىم. ءامينا اپەكەمنىڭ ارقاسىندا وتباسىما سەپتىگىمدى تيگىزە الاتىن بولدىم. جولداسىم دا، بالالارىم دا قۋانىپ ءجۇر. بالالارىم: شەشە، جارايسىڭ، وسى بەتىڭنەن قايتپا، ءامينا تاتەمنەن ايرىلما، ول كىسى ءبىزدىڭ ناعىز تۋىسىمىز ەكەن، - دەپ القاعاندا كوزىمنەن قۋانىشتىڭ جاسى ىرشىدى»، - دەيدى ءبۇبىماريام قۋانىشتان ءجۇزى جايناپ.
  «مەن ءبۇبىماريامدى ءوز سىڭلىمدەي كورەمىن، ەكەۋىمىز سىرلاسپىز ءارى مۇڭداسپىز، ول ىسكەر ايەل، مەن ونىڭ جاساعان پراندىگى مەن شوشىرەسىن الەۋمەتتىك تۇرعىندار رايونىنا الىپ كەلىپ ساتامىن. قازىر ماڭايداعى ءبىر - قانشا الەۋمەتتىك اۋماقتاعى تۇرعىندار ءبۇبىماريامنىڭ جاساعان ءدامدى - قۇجىرىن تالاسا - تارماسا ساتىپ الادى. بۇل كۇندە ءبۇبىماريامنىڭ كۇندىك كىرىسى 200 يۋاننان اسادى. بۇل دا بولسا وتباسىنداعى ءبىر ايەلدىڭ كاسىپ جولىنا اياق باسۋى ەدى. پارتيا مەن ۇكىمەتتىڭ <تۋىستاسۋ اپتالىعى قيمىلىن> وزدىرۋى بۇقاراعا دا، كادرلارعا دا ءتيىمدى بولدى، بۇل قيمىل كوپتەگەن كەلەلى ىستەرگە جول اشتى. مەن ءبۇبىماريامداي تۋىس تاۋىپ، وعان جول كورسەتىپ بەرە العانىما قۋانىشتامىن ءارى بۇل مەنىڭ بۇلجىماس بورىشىم»، - دەدى ءامينا اعىنان اقتارىلىپ.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ