قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ايكولدەگى تىڭ تەبىن

گازەتىمىزدىڭ اقسۋ تىلشىلەر پۋنكتىندەگى ءتىلشىسى دىڭ ليجۋان

2018.02.13 12:04 كەلۋ قاينارى : شينجياڭ گازەتىنەن

  31 - قاڭتار. قاردان كەيىنگى اقسۋ ايناداي جارقىرادى. ءتىلشى قالادان اتتانىپ، 314 - مەملەكەت تاس جولىمەن قاشقارعا قاراي 40 مينۋتتاي جۇرگەن سوڭ، اقسۋ قالاسى بويىنشا جان سانى 2 - ورىندا تۇراتىن ايكول قالاشىعىنا ات باسىن تىرەدى.
  ايكول قالاشىعىنا قاراستى 26 اكىمشىلىك قىستاق، 56 مىڭ جان سانى بار. ايكول دەگەن اتى ادەمى بولعانىمەن، وتكەن كۇندەرى ەلگە بەرەتىن اسەرى لات، بىلىقپا، كەدەي بولاتىن. ال بۇگىنگى تاڭدا ەلدىڭ بەرەتىن باعاسى وزگەشە.
  قالاشىق ورتالىعىنان سالىنعان مادەنيەت الاڭىندا بەس جۇلدىزدى قىزىل تۋ جەلبىرەپ، سۋرەتى مەن مازمۇنى سايكەسكەن مادەنيەت داۋالى كوز تارتىپ، جاڭادان قويىلعان باسكەتبول گارى ارىندى كۇشتىڭ وبرازىن تانىتىپ تۇر. ءبىر كيەرلەرىن كيىپ بازارعا بەتتەگەن اۋىلداستار، تازا دا رەتتى كوشە، شاعىن جايماشادا بار ىنتاسىمەن ساۋدا جاساپ تۇرعان ساۋداگەر... ءبارى - ءبارى بۇرىنعىسىنان وزگەشە، ءبارىنىڭ جۇزدەرىنە كۇلكى ۇيىرىلگەن.
  مۋزيكالى تۇرمىس باقىتتى تۇرمىس
  35 جاستاعى ابىلەمەت اۋىت قالاشىق ويىن - ساۋىق ۇيىرمەسىنىڭ باستىعى، بۇل ۇيىرمە 2013 - جىلى قىركۇيەك ايىندا قۇرىلعان، 25 حالىق ونەرپازىنىڭ جەتەۋى اي سايىن 750 يۋان تۇرمىستىق قاراجات الادى. ولار ەگىنشىلىكتىڭ قاربالاس كەزىندە ەگىس جۇمىستارىن ىستەسە، شارۋانىڭ سايابىر كەزىندە ارتيست بولىپ ويىن قويادى.
  ابىلەمەت قالاشىقتاعى ونەرلى وتباسىندا ءومىر ەسىگىن اشقان، قارشادايىنان اكەسى مەن اپەكەسىنىڭ ىقپالىندا ويىن قويۋعا اۋەستەنگەن. قىستاق كوركەمونەر ويىندارى مەن توي كەزىندە، حالىق اراسىنداعى ونەرپازدارعا ساحنا دايىنداپ بەرەتىندىكتەن، ولار ويىن - ساۋىقتىڭ دۋمانىن اسىرىپ، ەلدىڭ القاۋىنا بولەنەتىن.
  «مەن مۋزيكا اترەتىندە ەلەكتروندى كۇي ساندىق شالاتىنمىن. ءبىراق 2008 - جىلدان 2012 - جىلعا دەيىن نەگىزىنەن جۇمىسسىز ءجۇردىم، ەل تويعا دا شاقىرمايدى، ويىن قوياتىن وراي دا جوق...»، - دەدى ابىلەمەت.
  سونداي كۇندەردە دە ابىلەمەت مۋزيكاعا دەگەن سۇيىسپەنشىلىگىن جوعالتقان جوق. «ۇيعۇر حالقى ءانشى، ءبيشى حالىق، مۋزيكالى تۇرمىس ناعىز باقىتتى تۇرمىس. مىنە ەندى ويىن قوياتىن وراي دا مولايدى، تويعا شاقىراتىندار دا كۇن سايىن كوبەيىپ كەلەدى. سول ءبىر مەزەت وتكەننەن كەيىن، نەنىڭ دۇرىس، نەنىڭ بۇرىس ەكەنىن، كىمنىڭ بىزگە قامقور بولعانىن، كىمنىڭ بىزبەن جاۋلاسقانىن بارلىق ادام انىق تانىپ جەتتى. جۇڭگو كوممۋنيستىك پارتياسى بولماسا، ءبىزدىڭ باقىتتى تۇرمىسىمىز دا بولمايتىنىن اماليات دالەلدەدى»، - دەدى ابىلەمەت.
  2016 - جىلى ابىلەمەت قالاشىقتان ساماۋرىن سورپاحاناسىن اشىپ، ويىن - ساۋىق، كوڭىل اشۋ، ءدامدى تاعامدى ءوزارا سايكەستىرگەندىكتەن، ساۋداسى كۇسەت بولىپ، ايىنا 9000 يۋانعا تاياۋ كىرىس كىرگىزدى. 2 جۇمىسشى جالداپ، ايىنا 2000 يۋاننان ايلىق بەردى. «قازىر مەملەكەتىمىزدىڭ وقۋ - اعارتۋ ساياساتى وتە تاماشا، مەن قولشىنا جۇمىس ىستەپ، 3 بالامدى جاقسى وقىتامىن، بولاشاقتا ءبارى ىشكى ولكەلەرگە بارىپ ءبىلىم السا دەيمىن»، - دەدى جۇزىنەن نۇر ەسىپ.
  مەكەنىمىزدىڭ ورنىقتى بولۋى ورتاق ارمانىمىز
  67 جاستاعى امەت ءماتتوحتى ايكول قالاشىعى تومەنگىتىگىن قىستاعىنداعى «4 ءتۇرلى قارت»، قازىرگى تۇرمىسى جايلى ءسوز قوزعاعاندا ەڭسەسى كوتەرىلىپ، ءجۇزى جايناپ كەتەدى.
  امەت: بيىل جاڭادان سالىناتىن بەيقۇت ۇيگە تىزىمدەلدىم، جىل سوڭىنا الا كوشىپ كىرەمىن، - دەدى. بۇل قۋانىشتى حاباردى قىستاق كادرى ارنايى كەلىپ ايتىپ كەتكەن ەكەن. 2014 - جىلى وعان بەيقۇت ءۇي سالىپ بەرگەن، ءبىر وتباسىنداعى 4 جان ءۇشىن 40 شارشى مەتر ءۇي تار بولىپ قالادى، ونىڭ ۇستىنە مونشاسى دا، تازالىق بولمەسى دە جوق بولعاندىقتان تۇرمىسقا قولايسىز ەدى. قىستاق كادرلارى جاعدايدى بىلگەن سوڭ، بيىل تاعى مونشاسى، تازالىق بولمەسى بار 40 شارشى مەتر ءۇي سالىپ بەرۋدى ۇيعارادى.
  «بۇرىن قىستاق كادرلارىنىڭ ءسوزىن ەشكىم تىڭدامايتىن، قىستاقتا قيمىل بولسا ەشكىم بارمايتىن. كەيىن ءبىرقانشا كادر ۇنەمى پارتيانىڭ جاقسى ساياساتىن ۇگىتتەپ، كوپشىلىككە قازىرگى سالىنىپ جاتقان ۇيلەر، قولدارىنا تيگەن اقشا، كەشىرىپ جاتقان باقىتتى تۇرمىسىنىڭ ءبارى پارتيا مەن مەملەكەتتىڭ ارقاسى ەكەنىن ۇعىندىردى. پارتيا 19 - قۇرىلتايى اشىلعان كەزدە مەن ءار كۇنگى حاباردى قالت جىبەرمەي كوردىم، قىستاق ۇيىمداستىرعان ۇيرەنۋگە دە قاتىناستىم، مەكەنىمىزدىڭ ورنىقتى بولۋى ورتاق ارمانىمىز. پارتيا اۋىل - قىستاققا، شارۋالارعا كوپ ءتيىمدى ساياسات شىعارىپ، شارۋالاردىڭ تۇرمىسى بارعان سايىن جاقساردى»، - دەدى امەت.
  اپەكە - سىڭلىلەرىمدى بايۋ جولىنا باستاپ، كەدەيلىكتەن قۇتىلدىرامىن
  ايكول قالاشىعى تومەنمالى قىستاعىنداعى اپەكە - سىڭلىلەر كىلەم توقۋ كاسىپتىك كووپەراتيۆىنىڭ جاۋاپتىسى، 48 جاستاعى پاتىگۇل يمىن 34 جۇمىسشىسىن كىلەم توقۋعا ۇيىمداستىردى. سارتىلداعان دىبىسپەن بىرگە جۇمىسشىلاردىڭ قولدارىنداعى قايشىلارى قىلپىلداپ، ءجۇن جىپپەن ايشىقتى ورنەك سالۋدا.
  «وسى 2000 شارشى مەتر فابريكانى اۆتونوميالى رايوندىق ورمان شارۋاشىلىق مەڭگەرمەسىنىڭ <ۇعىسۋ، تيىمدىلىك جاساۋ، توعىستىرۋ> قيمىلى بويىنشا قىستاقتا تۇراتىن قىزمەت اترەتى سالىپ بەردى، فابريكادا قازىر 15 كىلەم سورەسى بار، جابدىق، ماتەريال الۋعا 150 مىڭ يۋان قاراجات كەتتى،ءوزىم تەك 20 مىڭ يۋان عانا شىعاردىم، ۇكىمەت 130 مىڭ يۋان كومەك قاراجات بەردى. 2016 - جىلدان بەرى، كووپەراتيۆتىڭ تازا پايداسى 500 مىڭ يۋانعا جەتتى»، - دەدى پاتىگۇل، - قولدان توقىلعان كىلەمدى الۋشىلار كوپ، جۇمىسشىلارعا ىستەگەنىنە قاراي اقىسىن بەرەمىز، جۇمىسشىلار اي سايىن 1500 يۋاننان 2000 يۋانعا دەيىن كىرىس كىرگىزەدى.
  تومەنمالى قىستاعىندا پاتىگۇلدىڭ وتباسىن الدىڭعى قاتارداعى باي وتباسى دەۋگە بولادى، 45 مۋ جەرگە ءبيداي مەن ماقتا ەگىپ، ونىڭ سىرتىندا 30دان استام قوي، 100 نەشە كەپتەر باقسا دا، ءبىراق ول كىلەم كووپەراتيۆىن ناعىز كاسىبى سانايدى ەكەن. ول: مەن ديقاننان جۇمىسشىعا اينالدىم، ەندى اپەكە - سىڭلىلەرىمدى بايۋ جولىنا باستاپ، كەدەيلىكتەن قۇتىلدىرامىن. فابريكا قىستاقتا بولعان سوڭ كوپشىلىكتىڭ جۇمىس ىستەۋىنە وتە قولايلى، بيىل اپەكە - سىڭلىلەرىممەن بىرگە قۇلشىنا ىستەپ، كوپ كىلەم توقيمىن، - دەدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ