قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

سۇيىسپەنشىلىك تەرەڭدەگەن سايىن قوشتاسۋ قيىندايدى

حابارىن جازىپ، سۋرەتىن تۇسىرگەن ءتىلشىمىز جىن شىشين

2018.02.13 12:00 كەلۋ قاينارى : شينجياڭ گازەتىنەن

  5 - اقپان تاڭەرتەڭ قاراقاش اۋدانى ماڭلاي اۋىلى اقتام قىستاعىنىڭ تۇرعىندارى قىستاق تۇرعىندار كوميتەتىنە جينالىپ، مەملەكەت تۋىن شىعارۋ سالتىنا قاتىناستى. وسى كۇنى شينجياڭ مەديتسينا ۋنيۆەرسيتەتىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ مۇشەسى لي چاۋ مەن فۋ جيانجۇن قىستاق تۇرعىندارىمەن قوشتاساتىن كۇن بولاتىن.
  تۋ شىعارۋ سالتىنان كەيىن، اقتام قىستاعى پارتيا ياچەيكاسىنىڭ شۋجيى ابەيدوللا مەيبۇللا كوزىنە جاس الىپ، كوپشىلىككە 2017 - جىلى قىستاقتا تۇرعان 2 كادردىڭ كەتەتىنىن ايتتى.
  مۇنى ەستىگەن 300دەن استام تۇرعىن دۇركىرەپ، تۋ باعاناسىنىڭ تۇبىنە جينالدى. ەكەۋىمەن قول بەرىپ قوشتاسىپ، قۇشاقتاپ باۋىرلارىنا باستى... ءبىر - بىرلەرىن قيا الماي، كەيبىرى قوش دەپ ايتا الماي دا قالدى.
  78 جاستاعى جامنياز توحتىقوجا لي چاۋدىڭ قولىنان ۇستاپ كوز جاسىن توگىپ تۇرىپ: لي شۋجي، ءسىز ءبىزدى ەمدەتتىڭىز، ءدارى اكەلىپ بەردىڭىز، قىستاق ءۇشىن سونشاما كوپ يگى ىستەردى ىستەدىڭىز، ءبىزدىڭ ۇيگە بارىپ تاماقتانىپ الىپ ءجۇرىڭىزشى! - دەدى.
  «ءسىز قىستاعىمىزعا 40 تال كۇن ەنەرگياسى شىراعىن ورناتتىڭىز، ءبىز تۇندە دە سىرتقا شىعا الاتىن بولدىق»، - دەدى تاعى ءبىر قىستاق تۇرعىنى.
  «قىستاعىمىزداعى كىتاپ ءۇيى، ەمحانا، دەنە شىنىقتىرۋ الاڭى سياقتىلاردىڭ ءبارىن سىزدەر سالدىڭىزدار، سىزدەردىڭ ەڭبەكتەرىڭىزدى ساناپ تاۋىسا المايمىز...». قىستاق تۇرعىندارى ولاردىڭ ىستەگەن ىستەرىن ءبىر - بىرلەپ ايتا باستادى.
  لي چاۋ قىزمەت اترەتىنىڭ باستىعى، قىستاقتىڭ ءبىرىنشى شۋجيى بولاتىن، وزدەرىنىڭ ىستەگەن ىستەرىنىڭ قىستاق تۇرعىندارىنىڭ كوكەيىندە وسىنشاما انىق جاتتالىپ قالاتىنىن مۇلدە ويلاماعان ەدى. لي چاۋ: كوپشىلىك مەن سىزدەرگە قوش ايتىساتىن بولدىم، قىستاقتىڭ ءبىر تال شىرپىسى مەن ءبىر تال تاسى دا مەن ءۇشىن وتە قىمبات. تۇڭعىش رەت وتباسىن ارالاپ جاعداي ۇعىسقاندا ماعان توسىرقاي قارايتىنسىزدار، قايتا - قايتا وتباستارىن ارالاۋ، ەگىس باسىندا ىشكەرىلەي سىرلاسۋ ارقىلى سىزدەر مەنى جىلى قابىلدادىڭىزدار. تاماق جاساعان كەزدەرىڭىزدە الدىمەن ماعان اكەلىپ بەردىڭىزدەر، مەن قاتتى اسەرلەندىم، مەن سىزدەردى قيا المايمىن ءارى ماڭگى ۇمىتا المايمىن، - دەدى جانارىن جاس كەرنەپ تۇرىپ.
  جاتاقتارىنان قىستاق تۇرعىندار كوميتەتىنىڭ قاقپاسىنا دەيىن بىرگە بارىپ قوشتاسقان قىستاق تۇرعىندارى جولدارىن بوگەپ، قايتا - قايتا قالساڭدار دەپ جىعىلا جابىستى، «ارماندارىڭ اسقاق، جولدارىڭ اشىق بولسىن» دەگەن ىزگى تىلەكتەرىن ءبىلدىردى، قوشتاسقان 2 كادر 30 مەتر جولدى جارتى ساعاتتا ارەڭ باسىپ بولدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ