قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

بىرگە تۋماسا دا اعا - ىنىدەي بولدى

2018.01.19 16:21 كەلۋ قاينارى : شينجياڭ گازەتىنەن

 ءتىلشىمىز زوۋ ي حابارلايدى. «20 جىلدان بەرى، ەلەكترمەن دانەكەرلەۋدى ۇيرەنىپ، شاعىن دۇكەن اشتىم، تۇرمىسىم بارعان سايىن جاقساردى، مۇنىڭ ءبارى ەكى بىردەي اسىل اعام ۋاڭ حاۋران مەن لي جيۋليننىڭ ارقاسى». 14 - قاڭتار جەكسەنبى بولاتىن، ونسۋ اۋدانى ونسۋ قالاشىعى توفىڭ الەۋمەتتىك اۋماعىنىڭ تۇرعىنى مامەتجان عوجامنياز 2 اعاسىن ۇيىنە قوناققا شاقىردى. ءۇش ءۇيلى جان بىرگە تاماقتانىپ، اڭگىمە دۇكەن قۇردى. حاتكەرلىكتى سۇيەتىن ۋاڭ حاۋران قوس تىلدە «دوستىعىمىز ماڭگىلىك بولسىن» دەپ جازىپ مامەتجانعا ۇسىندى.
  مامەتجاننىڭ 2 اعاسىمەن تانىسقانىن تىلگە الساق، اڭگىمەنى 1996 - جىلدان باستاۋعا تۋرا كەلەدى. سول جىلى مامىردا ونسۋ اۋدانىنداعى جيمەي جارناما سەرىكتەستىگىنىڭ جاۋاپتىسى ۋاڭ حاۋران سىرتتا جارناما تاقتاسىن ورناتىپ جۇرگەن بولاتىن، سول كۇنى قاتتى جەل سوعىپ تۇرعاندىقتان، جارناما تاقتاسىن ورناتۋ قيىنعا تۇسەدى، جولاي ءوتىپ بارا جاتقان مامەتجان مۇنى كورىپ بۇرىلىپ كەلىپ كومەكتەسەدى. ۋاڭ حاۋران مامەتجاننىڭ جۇمىسسىز جۇرگەنىن ەستىگەننەن كەيىن، ونى سەرىكتەستىگىنە كەلىپ كومەكتەسۋگە شاقىرادى، كەيىن تاعى ونى دوسى لي جيۋليننىڭ دانەكەرلەۋ دۇكەنىنە جۇمىسقا تانىستىرادى.
  «مامەتجان تىرىسشاڭدىقپەن ۇيرەندى، قاريدارلارمەن سويلەسە ءجۇرىپ مەملەكەتتىك ورتاق ءتىلدى تەز يگەرىپ، مەنىڭ جاقسى كومەكشىمە اينالدى. كەيىن ۋاڭ حاۋران ەكەۋىمىز اقشا قوسىپ وعان دانەكەرلەۋ دۇكەنىن اشىپ بەردىك، مەنىڭ دۇكەنىمە كەلگەن قاريدارلاردى وعان دا جىبەرىپ وتىرامىن»، - دەيدى لي جيۋلين.
  1999 - جىلى قاراشادا مامەتجاننىڭ كونە ءۇيى قۇلاپ قالادى، ۋاڭ حاۋران مەن لي جيۋلين جومارتتىقپەن قول ۇشىن بەرىپ، ءۇي سالاتىن ماتەريالداردى دايىنداپ، ءۇي سالاتىن ادامداردى تاۋىپ اكەلىپ، قىس تۇسەردەن بۇرىن مامەتجاننىڭ وتباسىنداعىلاردى جاڭا ۇيلەرىنە ورنىقتىرادى. جاڭا ءۇي سالىنىپ بولعاننان كەيىن، ۋاڭ حاۋران مەن لي جيۋلين ۇنەمى مامەتجاننىڭ ۇيىنە قىدىرىپ كەلىپ تۇرادى. «20 جىلدان بەرى ءبىز ءوزارا كومەكتەسىپ كەلەمىز، بىرگە تۋماساق تا اعا - ىنىدەي ارالاسىپ كەلەمىز»، - دەيدى ۋاڭ حاۋران.
  قازىرگى كۇندە مامەتجان ۇلتتار ىنتىماعىنا قاتىستى جارنامالاردى ورناتۋ جۇمىسى كەز كەلسە بولعانى، بازار باعاسىنان تومەن باعادا نەمەسە مىندەت رەتىندە ورناتىپ بەرەدى، ول: مەن ۇلتتار ىنتىماعىنىڭ پايداسىن كورگەن جانمىن، ءوزىمنىڭ ءىس جۇزىندىك ارەكەتىم ارقىلى ۇلتتار ىنتىماعىن قورعايمىن، - دەيدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ