قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اپەكەمنىڭ ارمانىن ورىندادىم

ءتىلشىمىز شيا چيڭ

2018.01.16 13:06 كەلۋ قاينارى : شينجياڭ گازەتىنەن

  قاقاعان قىستاعى لوپنۇر اۋدانى، كۇن كوكجيەكتەن باياۋ كوتەرىلىپ، تاڭ ارايى تابيعاتتىڭ اسەم سۋرەتىنە اينالدى.
  2018 - جىلى 1 - قاڭتاردا لوپنۇر اۋداندىق ۇكىمەت كەڭسەسىنىڭ كادرى پاڭ بو ەرتەدەن سۋرەتحاناعا بارىپ، ۇلكەيتىپ جۋدىرعان سۋرەتتى الىپ، گۇلباق اۋىلى اقچيكە قىستاعىنىڭ تۇرعىنى تۇرسىنگۇل اسەننىڭ ۇيىنە اسىعىس جول تارتتى.
  سۋرەتتى ابايلاپ كوتەرگەن پاڭ بو قۋانىشتى تۇردە: بۇل سۋرەت اپەكەم ءۇشىن وتە ماڭىزدى، سۋرەتتى اپەكەمە تەزىرەك جەتكىزۋىم كەرەك، - دەدى.
  پاڭ بونىڭ اپەكە دەگەنى تۇرسىنگۇل بولاتىن. ولاردى اپەكە - ءسىڭلى ەتىپ قاۋىشتىرعان اڭگىمەنى 2016 - جىلدىڭ اقىرىنان باستاپ ايتۋىمىزعا تۋرا كەلەدى. «ۇلتتار ىنتىماعىنىڭ بەرەكەلى شاڭىراعى» اتتى قيمىلدا پاڭ بو مەن تۇرسىنگۇل جۇپ قۇراپ، تۋىس بولعان.
  42 جاسقا كەلگەن تۇرسىنگۇلدىڭ نەكەسىءساتسىز بولىپ، كۇيەۋىنەن اجىراسقان سوڭ، ۇلىن باعىپ تىرلىگىن جالعاستىرادى. ويدا جوقتا جالعىز ۇلى 14 جاسىندا ناۋقاستان قايتىس بولىپ، تۇرسىنگۇل قايعى - شەر ىشىندە قالادى.
  پاڭ بو تۇرسىنگۇلدىڭ باقىتسىز جاعدايىنان حابار تاپقان سوڭ، اپتا سايىن تۇرسىنگۇلدىڭ ۇيىنە امانداسا بارىپ، جاعداي ۇعىسىپ تۇرادى. تۇرمىستىق بۇيىم ساتىپ الا كەلىپ، سىر شەرتىسىپ قايعىسىن بولىسەدى... مىنە وسىلاي ۇزاق ۋاقىت ارالاسقاننان كەيىن، تۇرسىنگۇلدىڭ جۇرەگىندەگى شەرى تارقاپ، ولار ناعىز اپەكە - سىڭلىگە اينالدى.
  پاڭ بو: اپەكەمە قيىن بولدى، ونىڭ ۇستىنە جۇرەك اۋرۋى بار، قان قىسىمى دا جوعارى، مەن شامامنىڭ كەلگەنىنشە كومەكتەسەمىن، - دەدى.
  2017 - جىلى تۇرسىنگۇل كەدەيلەردى سۇيەمەلدەۋگە بەرىلەتىن مال نىسانىنان، شاعىن كولەمدى ءوسىمدى قارىز اقشا، ەمدەۋگە كومەكتەسۋ سىندى ساياساتتاردان يگىلىكتەندى. سونىمەن قاتار، پاڭ بونىڭ كومەكتەسۋىندە تۇرسىنگۇل قىستاقتاعى كەدەيلەردى سۇيەمەلدەۋ ارناۋلى قىزمەت ورنىنا جۇمىسقا تۇرىپ، اي سايىن 1000 يۋانعا تاياۋ كىرىس كىرگىزدى.
  تۇرسىنگۇل: كەدەيلەردى سۇيەمەلدەۋگە ارنالعان ەلەكتر ۆەلوسيپەد، جىلۋ باعىشتاۋ كومىرى... قازىر پارتيانىڭ بىزگە جاساعان ءتيىمدى ساياساتتارى وتە كوپ، ءسىڭلىمنىڭ كوڭىل ءبولىپ كومەكتەسۋىنىڭ ارقاسىندا مەنىڭ جاقسى تۇرمىسقا دەگەن سەنىمىم قايتادان بەكەمدەلدى، - دەدى كۇلىمدەگەن بەينەدە.
  2017 - جىلى 20 - قاڭتاردا پاڭ بو اپەكەسىنىڭ ۇيىنە كەلىپ، ۇلتتار ىنتىماعى بويىنشا «تۋىستاسۋ اپتالىعى» قيمىلىن ورىستەتتى، ولار بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنۋ بارىسىندا سۇيىسپەنشىلىكتەرى ءتىپتى دە تەرەڭدەي ءتۇستى.
  تۇرسىنگۇل: بۇرىن جاپادان - جالعىز كۇن كەشەتىنمىن، جاقسى بولعاندا ءسىڭلىم كەلدى، ماعان كۇرىش، ۇن، ماي، كومىر ساتىپ اكەلىپ بەردى. شيپاحاناعا بارىپ كوڭىلىمدى سۇراپ، جاڭالىقتار مەن پارتيانىڭ ابزال ساياساتتارىن جەتكىزىپ تۇردى. مىنە قازىر دە بىرگە تۇرامىز، بىرگە تاماق ىستەيمىز، ماعان كوپ قولداۋ كورسەتىپ، تىرلىكتىڭ ءۇمىتىن قايتا تۇتاندىردى، مەن ەندى قۇلشىنامىن، - دەدى.
  تۇرسىنگۇل بۇرىننان بەرى ۇلىمەن بىرگە تۇسكەن ءبىر پارشا سۋرەتتى ارماندايتىن.
  پاڭ بو: اپەكەمنىڭ ايانىشتى كەشىرمەسىن ەسىنە سالمايىن دەپ بۇل جايلى اڭگىمە قوزعامايتىنمىن، قازىر بۇل اڭگىمەنى ءوزى باستاپ ايتىپ وتىر، انانىڭ بالاسىنا دەگەن تەرەڭ ساعىنىشىن تۇسىنەمىن، مەن دە انامىن عوي، ونىڭ ارمانىن جۇزەگە اسىرۋعا كومەكتەسەمىن، - دەدى.
  تۇرسىنگۇل ۇلىنىڭ 2 پارشا كىشكەنە سۋرەتىن پاڭ بوعا كورسەتەدى. «باستاۋىش مەكتەپتەگى كەزى سياقتى، سارعايىپ كەتكەن سۋرەتكە قاراپ، بايقۇس انا قانشالاعان تاڭدى بالاسىن ساعىنۋمەن اتىردى ەكەن دەشى».
  سۋرەت وتە كونەرىپ كەتكەندىكتەن قالپىنا كەلتىرۋگە كەلمەيدى ەكەن. تۇرسىنگۇل پاڭ بوعا دوسىنىڭ ۇيىندەگى ۇلكەن توپتىق سۋرەتتە ۇلىنىڭ 10 جاستان اسقان كەزدەگى سۋرەتى بار ەكەنىن ايتادى. مۇنى ەستىگەن پاڭ بو تۇرسىنگۇلمەن بىرگە دوسىنىڭ ۇيىنە بارادى. دوسى توپتىق سۋرەتتى الدارىنا قويعاندا، سۋرەتتىڭ بەتىندەگى شاڭ - توزاڭدى ءسۇرتىپ تۇرىپ، تۇرسىنگۇلدىڭ ەكى ەتەگى جاسقا تولادى.
  پاڭ بو: فوتو اپپاراتپەن وسى قۇندى سۋرەتتى ءتۇسىرىپ الىپ، اپەكەمە ۇلى ەكەۋىنىڭ سۋرەتىن قۇراستىرىپ شىعۋعا ۋادە بەردىم، - دەدى.
  اقچيكە قىستاعىنا باراتىن اۆتوكولىككە وتىرعان پاڭ بو كوتەرگەن سۋرەتىن سيپاپ وتىرىپ: اپەكەم سۋرەتتى كورىپ قاتتى رازى بولاتىن بولدى، - دەدى.
   اۋدارعان: قۇرمەت سارسەنباي قىزى (پراكتيكانت)
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ