قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

تۋىستارمەن بىرگە وتكەن كۇندەر

2018.01.13 22:03 كەلۋ قاينارى : شينجياڭ گازەتىنەن

 ەرىكتى ءتىلشى حۋ جۇنشيۋ حابارلايدى. 2017 - جىلى 25 - جەلتوقسان كۇنى التاي گازەتى مەكەمەسىنىڭ 3 - توپتا تۋىستاسۋعا اتتانعان كادرلارى كوكتوعاي اۋدانى دۇرە قالاشىعى ۇزاقتى قىستاعىنداعى تۋىستارىنىڭ ۇيىنە بارىپ، تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنىپ، قارىم - قاتىناس جاساۋ بارىسىندا سۇيىسپەنشىلىكتەرىن تەرەڭدەتىپ، ۇيرەنۋ بارىسىندا دوستىقتارىن كۇشەيتىپ، شىنايى سۇيىسپەنشىلىك ارقىلى جۇرەك قىلىن شەرتەتىن اڭگىمەلەردى ارقاۋ ەتىپ، قىتىمىر قىستا جىلۋلىق باعىشتادى.
  اسەرلى ۇگىت - لەكسيا
  «پارتيانىڭ ساياساتتارى جىلدان - جىلعا جاقسارىپ كەلەدى، شارۋالار جىل سايىن دەنساۋلىعىن تەگىن تەكسەرتەدى، جايلىم ەكولوگياسى قوسىمشا قاراجاتى بەرىلدى، جەردى كوتەرمەگە بەرۋ 30 جىلعا ۇزارتىلدى...»، «جاندى ۇگىت - لەكسيا جاساعانىڭا راقىمەت، حالىققا تيىمدىلىك جاسايتىن كوپتەگەن ساياساتتاردان حاباردار بولدىم، ءوزىمنىڭ قايسى ساياساتتاردان يگىلىكتەنەتىنىمدى ءبىلدىم». جەڭىس كەرەك - جاراقتارىن قويا سالىپ، تۋىسىنا پارتيانىڭ حالىققا تيىمدىلىك جاساۋ ساياساتتارىن جەتكىزدى.
  التاي گازەتى مەكەمەسىنىڭ ورىنباسار باس رەداكتورى جەڭىس جونىنەن العاندا، بۇگىن تۋىسىنىڭ وتباسىنا جاتىپ پارتيا 19 - قۇرىلتايىنىڭ رۋحىن ۇگىتتەۋ تاپتىرماس وراي سانالدى. تۋىسىنا جەتە ءتۇسىندىرۋ، ەسىندە قالدىرۋ ءۇشىن، جەڭىس جەتەرلىك دايىندىق جاساعان ەدى. ول پارتيا 19 - قۇرىلتايىنىڭ رۋحىن ەگجەي - تەگجەيلى جەتكىزۋ ارقىلى تۋىسىنا تيىمدىلىك قايدان كەلدى، العىستى كىمگە ايتامىز دەگەندى ءتۇسىندىرىپ، مالشىلاردىڭ يدەياسىن پارتيا 19 - قۇرىلتايىنىڭ رۋحىمەن شىنايى بىرلىككە كەلتىرىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز ۇيىستىرىپ، ارالاسۋ، ىشتەسۋ، توعىسۋ بارىسىندا سۇيىسپەنشىلىك پەن دوستىقتى كۇشەيتەتىندىگىن ايتتى.
  بال جالاسقان باۋىرلار
  «باۋىرىم، كەلدىڭ بە!» التاي گازەتى مەكەمەسىنىڭ ورىنباسار باستىعى، تۋىستاسقان كادر جاڭ لياڭجۇن كولىكتەن تۇسە سالا تۋىسى توقتاربەك ونى قۇشاق جايا قارسى الدى.
  توقتاربەك اعاي جاڭ لياڭجۇندى ىستىق ىقىلاسپەن ۇيىنە كىرگىزىپ، ونىڭ كەرەك - جاراقتارىن رەتتەستى. بارلىعىن ورنالاستىرىپ بولعان سوڭ، جاڭ لياڭجۇن تۋىسىنىڭ ۇيىندە تاماق جاسادى، وتىن جارىپ، اۋلانى تازالاپ، مالدارعا ءشوپ سالدى. كەشتە تۋىسىمەن ساكىدە مالداسىن قۇرىپ اق شاي ءىشىپ، اڭگىمە دۇكەنىن قۇردى، پارتيا 19 - قۇرىلتايىنىڭ رۋحىن جەتكىزدى.
  سالەم - ساۋقىت ۇسىندى
  «مىنا كيىمىڭ كەرەمەت ەكەن! بۇگىن، ءسوز جوق، قىدىرامىن، كوپشىلىك تاڭدانا قاراسىن ماعان!» ناعيمانىڭ تۋىسى جازيرا اپايدىڭ ۇيىندە ناعيما تۋىسىنا ءوزى اكەلگەن كيىمدى كيگىزىپ، سالى جاپتى.
  ناعيما تۋىسىنا باراردان بۇرىن ارنايى ۋاقىت شىعارىپ بازارعا شىعىپ اپايى مەن ونىڭ نەمەرەسىنە كيىم الدى. ال جازيرا تۋىسىنىڭ كەلەتىنىن ەستىپ، ەرتە تۇرىپ ءۇيىن تازالاپ، رەتتەدى. ناعيما ەسىكتەن كىرە بەرە جازيرا قايماقتاپ شايىن قۇيدى، كوپشىلىك شاي ىشە وتىرىپ، اڭگىمە دۇكەنىن قۇردى. جازيرا مەن نەمەرەسى ناعيمانىڭ اكەلگەن كيىمىن كيىپ، العىس جاۋدىردى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ