قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

نەگىزگى ساتىنىڭ ۇيىمدىق قۇرىلىسى كۇشەيتىلىپ، بۇقارانىڭ يگىلىككە كەنەلۋ سەزىمى ارتتى

2018.01.13 22:01 كەلۋ قاينارى : شينجياڭ گازەتىنەن

  نۇركەلدى نۇراقىن ۇلى حابارلايدى. «وتباسىمدا 6 جان بار، ءبىر بالام اۋدان ورتالىعىندا وقيدى، ەندى ءبىر بالام قۇرىلىس سالۋ كاسىبىمەن شۇعىلدانادى، ءوزىم قۇرىلىس جۇمىسىنا كومەكشى جۇمىسكەر بولىپ ىستەيمىن. قازىر تۇرمىسىمىز نەداۋىر جاقسارىپ قالدى، پارتيانىڭ ارقاسىندا جەر سىلكىنىسىنە ءتوزىمدى، ەلەكتر - سۋ قۇرىلعىلارى تولىق بەيقۇت ءۇي سالىپ الدىق، بالام مەكتەپتە الاڭسىز وقۋدا، پارتيا مەن ۇكىمەتتىڭ قامقورلىعىندا ءارى ءوزىمنىڭ قۇلشىنىسىمدا تۇرمىستاعى قيىنشىلىقتارىم شەشىلدى، 2016 - جىلى كەدەيلىكتەن قۇتىلدىم، بۇدان كەيىن جالعاستى جۇمىس ىستەپ، تۇرمىسىمدى بۇدان دا جاقسارتۋعا تىرىسامىن، مەنىڭ بۇل باقىتتى تۇرمىسىمدى جۇڭگو كوممۋنيستىك پارتياسى بەرگەن». بۇل نىلقى اۋدانى كىلەڭ اۋىلى ساراعاش قىستاعىنىڭ تۇرعىنى ايگۇل ەرمەك قىزىنىڭ ساراعاش قىستاعى تۇرعىندار كوميتەتى الدىندا كوپشىلىككە جاريا ەتكەن پارتياعا العىس ءۇنى ەدى.
  ۇعىسۋعا قاراعاندا، نىلقى اۋدانى كىلەڭ اۋىلى ساراعاش قىستاعى كوميتەتى مەن نىلقى اۋداندىق تۇرعىن ءۇي جانە قالا - اۋىل قۇرىلىسى مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قىستاققا تۇسكەن قىزمەت اترەتى تىعىز سەلبەسە وتىرىپ، نەگىزگى ساتى ۇيىمدىق قۇرىلىسىن كۇشەيتىپ، نەگىزگى ساتىنىڭ نەگىزىن بەكەمدەگەن. قىستاق ەكى كوميتەتى، قىزمەت گرۋپپاسى قوعام ورنىقتىلىعى مەن باياندى تىنىشتىق باس نىساناسىنان جازباي، قىستاق ىستەرىن «7 قادامدى جۇمىس ءادىسى» بويىنشا ىستەپ، بۇقارانىڭ ارمان - تىلەگىن ورتاق اقىلداسىپ، وتباسىلارىن ارالاپ، شىنايى جاعداي ۇعىسىپ، دالمە - ءدال سۇيەمەلدەۋ ساياساتىن ءاربىر كەدەي وتباسىنىڭ ءىس جۇزىندىگىمەن تىعىز بىرلەستىرگەن. وسىنىڭ ناتيجەسىندە، قىستاق تۇرعىندارىنىڭ قىستاق كادرلارى مەن قىزمەت گرۋپپاسى كادرلارىنا بولعان سەنىمى ارتقان. تۇرعىنداردىڭ شارۋالار كەشكى مەكتەبىنە، ۇيىمنىڭ ورنالاستىرعان جيىن، قيمىلدارىنا قاتىناسۋى ايتارلىقتاي جاقسارىپ، ولاردىڭ پارتياعا العىس ايتۋ سەزىمى كورنەكتى جوعارىلاعان.
  بۇل قىستاقتىڭ شارۋالار كەشكى مەكتەبىنىڭ اشىلۋ جاعدايىن ۇعىسۋعا بارعانىمىزدا قىستاق قيمىل ورتالىعىنىڭ ادامعا لىق تولىپ، بوس ورىن قالماعانىن، كوپشىلىكتىڭ بار ىنتا - پەيىلىمەن مەملەكەت ءانىن قوس تىلدە شىرقاۋدى ۇيرەنىپ جاتقانىن كوردىك. شارۋالار كەشكى مەكتەبىنە ساباق بەرگەن كادر بادىڭپىڭسىكى: مەن اۋداندىق تۇرعىن ءۇي جانە قالا - اۋىل قۇرىلىس مەكەمەسىنەن وسى قىستاققا تۇسكەن قىزمەت اترەتىنىڭ كادرىمىن، قىستاق تۇرعىندارىنىڭ كەشكى مەكتەپكە كەلىپ ءبىلىم تولىقتىرۋ ىنتاسى وتە جاقسى، مەن موڭعۇل ازاماتىمىن، مۇنداعىلار نەگىزىنەن قازاق، حانزۋ، حۇيزۋ سىندى ۇلتتاردان قۇرام تاپقاندىقتان، بۇقارانىڭ قاجەتىنە قاراي ساباق مازمۇنىن ءتۇرلى تىلدە ولارعا جەتكىزۋدەمىن، پارتيا 19 - قۇرىلتايىنان بەرى قۇرىلتاي بايانداماسىن ءتۇرلى فورمالار ارقىلى تۇرعىندارعا ىشكەرىلەي ۇگىتتەپ، پارتيانىڭ ءۇنىن دەر كەزىندە جۇرت جۇرەگىنە ۇيالاتۋدامىز، - دەدى.
  ساراعاش قىستاعى تۇرعىندار كوميتەتىنىڭ پارتيا ياچەيكا شۋجيى قۇرمانالى داۋلەتقان ۇلى: اۆتونوميالى رايوندىق پارتكومنىڭ «ۇعىسۋ، تيىمدىلىك جاساۋ، توعىستىرۋ» قيمىلى قىستاقتاردىڭ نەگىزگى ساتى نەگىزىن بەكەمدەۋگە ايتارلىقتاي ۇلەستەر قوستى. ءار كەزەكتى قىزمەت اترەتىندەگى كادرلار ءوز قىزمەت ورىندارىنىڭ كاسىپ ابزالدىلىعىمەن، قابىلەت ەرەكشەلىگىمەن تىعىز بىرلەستىرىپ، قىستاق كوميتەتىنىڭ باسشىلىعىنا تىعىز سايكەسىپ، حالىق بۇقاراسى ءۇشىن كوپتەگەن ناقتى ءىس ىستەپ، قىستاق پارتيا ياچەيكاسى مەن تۇرعىنداردىڭ بايلانىسىن قويۋلاتىپ، قىستاقتىڭ بەت - بەينەسىن وزگەرتۋگە كوپتەپ ۇلەس قوستى. بۇرىنعى قىزمەت گرۋپپالارى قىستاق جولدارىن اسفالتتاندىرۋ، قىستاققا راديو جالپىلاستىرۋ قىزمەتىن ىستەپ بەرسە، بيىلعى قىزمەت گرۋپپاسى دا قاتىستى نىسان قارجىلارىنان ۇتىمدى پايدالانىپ، قىستاعىمىزعا 594 شارشى مەترلىك دەنە شىنىقتىرۋ الاڭىن جانە ساحنا سالىپ بەردى، 8 ۇلكەن قوقسىق ساندىعىن، 20 شاعىن قوقسىق ساندىعىن، 6 جىلجىمالى قوقسىق ساندىعىن، 4 دەنە تاربيە الاڭىن جارىقتاندىرۋ شىراعىن ساتىپ الىپ بەردى. قيمىل كەزىندە جۇرتشىلىقتىڭ وتىرۋىنا قولايلى بولۋ ءۇشىن 200 ورىندىق ازىرلەدى. مىنە وسى تەكتەس زاتتىق جاقتاعى كومەكتەن تىس، شارۋالاردى كاسىپتىك ونەرگە تاربيەلەۋ، حالىققا ءتيىمدى ساياساتتى ۇگىتتەۋ، شارۋالار كەشكى مەكتەبىن اشۋ، زاڭدىق كەڭەس بەرۋ، پارتياعا مۇشە قابىلداۋ، قوس ءتىل ۇيرەتۋ، كوركەمونەر نومىرلەرىن قويۋ سياقتى الۋان فورمالار ارقىلى ولاردى رۋحاني جاقتان دا جەبەپ، نەگىزگى ساتى ۇيىمدىق قۇرىلىسىمىزعا زور ۇلەستەر قوستى. بۇگىنگى تۋ شىعارۋ سالتىنان كەيىن 4 قىستاق تۇرعىنى «ءۇش ءتۇرلى كۇشكە» قارسى ايقىن پوزيتسيا ءبىلدىردى. قازىر شارۋالار ءار دۇيسەنبى كۇنگى تۋ شىعارۋ سالتىندا وزدەرىنىڭ پارتياعا بولعان العىسىن كوپشىلىكپەن ءبولىسىپ، «ءۇش ءتۇرلى كۇشكە» قارسى ايقىن پوزيتسيا بىلدىرەدى، «ءۇشتى ءسۇيۋ، ۇشكە قارسى تۇرۋ» قيمىلى قىستاعىمىزدىڭ داعدىلى قيمىلىنا اينالدى، - دەدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ