قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ج ك پ ورتالىق كوميتەتى ساياسي بيۋروسىنىڭ مۇشەسى، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي
  • 20 - قازاندا التاي قالالىق پارتكوم ۇگىت ءبولىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قالانىڭ مەملەكەت يەلىگىندەگى 1 - مال فەرماسى توسشى بولىمشە الاڭىندا تۇراتىن قىزمەت اترەتىنىڭ مۇشەسى (وڭنان 1 - ) توسشى بولىمشە الاڭىنداعى جۇمىسشى - قىزمەتشىلەرمەن بىرگە 19 - قۇرىلتاي بايانداماسىن ۇيرەندى.
 سۋرەتتى ليۋ شىحى تۇسىرگەن

كادرلار وتباسىلارىن ارالاپ، پارتيا 19 - قۇرىلتايىنىڭ رۋحىن ۇگىتتەدى

2017.11.19 15:45 كەلۋ قاينارى : شينجياڭ گازەتىنەن

  زايرا ءابىلوقاس قىزى حابارلايدى. بىرنەشە كۇننەن بەرى توعىزتاراۋ اۋدانىنداعى اۋىل - قالاشىقتار، پولكتەر كادرلاردى پارتيا 19 - قۇرىلتايىنىڭ رۋحىن ۇگىتتەۋگە ۇيىمداستىرىپ، نەگىزگى ساتىداعى بۇقاراعا باياندامادا العا قويىلعان ءتيىمدى ساياساتتاردى ۇگىتتەپ، پارتيانىڭ ءۇنىن وتباسىلارىنا دەيىن جەتكىزدى.
  سيىر فەرماسى اسىل تۇقىمدى مال ءوسىرۋ اترەتىنىڭ پارتيالى كادرلارى مالشىلاردىڭ وتباسىلارىن ارالاپ، پارتيا 19 - قۇرىلتايىنىڭ رۋحىن ۇگىتتەپ، پارتيانىڭ ءتيىمدى ساياساتتارىن ءتۇسىندىردى. اترەتتەگى مالشىلار مالشى كەلداۋلەت ەركەباي ۇلىنىڭ ۇيىنە جينالدى، كادرلار ولارعا پارتيا 19 - قۇرىلتايى بايانداماسىنىڭ رۋحىن جەتكىزىپ، كەدەيلىكتەن قۇتىلدىرۋدان قامال الۋ، قوعامدىق قامتاماسىزداندىرۋ، وقۋ - اعارتۋ، ەمدەۋ - دەنساۋلىق ساقتاۋ جاقتارىنداعى ساياساتتاردى ءتۇسىندىرىپ، جاپپاي دوڭگەلەك داۋلەتتى قوعام قۇرۋ، جۇڭحۋا ۇلتى ورتاق تۇلعاسى تانىمىن بەرىك ورناتۋ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋ، ىنتىماقتاسا كۇرەس جۇرگىزىپ، بىرگە گۇلدەنىپ - كوركەيۋ، جۇڭگو ارمانىن جۇزەگە اسىرۋ جولىندا تىنباي كۇرەس جۇرگىزۋ جونىندە شاعىن لەكسيا سويلەدى. مالشىلار ءتيىمدى ساياساتتاردى ەستىپ ايرىقشا شاتتاندى ءارى پارتيانىڭ پارمەندى باسشىلىعىندا تۇرمىستارىنىڭ ءتىپتى دە جاقسارا تۇسەتىندىگىنە مىعىم سەنىم ارتتى.
  مالشى بولىسباي سەيىتقازى ۇلى: بۇرىن ءداستۇرلى جولمەن مال باعۋشى ەدىك، ال قازىر عىلمي جولمەن مال باعاتىن بولدىق، مال باعىمشىلىعىن دامىتىپ، اسىل تۇقىمدى مال ءوسىرىپ، 2020 - جىلعا دەيىن دوڭگەلەك داۋلەتتى ورەگە جەتۋگە قۇلشىنامىن. 50 جىلدىق پارتيا ستاجى بار ساقا پارتيا مۇشەسىمىن، پارتيانىڭ قامقورلىعىندا زەينەتاقىدان يگىلىكتەندىم. پارتيانىڭ ساياساتى جاقسى، بۇدان بىلاي ۇرپاقتاردى جاقسى تاربيەلەپ، قوعامعا ءوز ۇلەسىمدى قوسامىن، پارتيا مەن ۇكىمەتتىڭ قامقورلىعىنا العىس ايتامىن، - دەدى. باعيلا تۇرسىن قىزى: ءوسىمسىز قارىز اقشا الىپ، دۇكەن اشىپ، وتباسىما كىرىس كىرگىزىپ جاتىرمىن، بۇرىنعى كوشپەندى تۇرمىسقا قوش ايتىپ، وتىرىقتانىپ، باقىتتى تۇرمىسقا كەنەلدىك، بالالار ءۇيدىڭ جانىنداعى بالاباقشادا وقيتىن بولدى، ناۋقاس كورسەتۋ ءۇشىن الىسقا بارمايتىن بولدىق، بارلىعى وتە قولايلى، تۇرمىسىمىزدىڭ بۇدان دا جاقسارا تۇسەتىندىگىنە سەنەمىن، - دەدى.
  اعارسىن قالاشىعىنىڭ تۇداۋان قىستاعىندا تۇراتىن قىزمەت اترەتىندەگى كادرلار مەن قىستاق كادرلارى وتباسىلارىن ارالاپ، پارتيا 19 - قۇرىلتاي بايانداماسىندا العا قويىلعان اۋىل - قىستاقتىڭ نەگىزگى شارۋاشىلىق ءتۇزىمىن كەمەلدەندىرۋ، اۋىل - قىستاق جەر ءتۇزىمى رەفورماسىن تەرەڭدەتۋ سىندى مازمۇنداردى ۇگىتتەدى.
  ساقا پارتيا مۇشەسى تولەۋباي نۇراقىن ۇلى: باياندامادا حالىققا ءتيىمدى ساياساتتار العا قويىلدى، بايانداماداعى جەردى كوتەرمەگە الۋ مەرزىمى تولعان سوڭ، تاعى 30 جىل ۇزارتۋ، اۋىل - قىستاقتارداعى ءال - اۋقاتى تومەن وتباسىلارعا قولداۋ كورسەتۋ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋ، 2020 - جىلعا دەيىن بۇكىل ەل حالقىمەن بىرگە دوڭگەلەك داۋلەتتى ورەگە جەتۋ سىندى ءبىر قىدىرۋ ءتيىمدى ساياساتتار بىزگە شابىت بەردى، ايرىقشا قۋانىشتىمىز، - دەدى.
  اۋداندىق تۇرعىن ءۇي جانە قۇرىلىس مەكەمەسىنىڭ اعارسىن قالاشىعىنىڭ ءدارتى قىستاعىندا تۇراتىن قىزمەت اترەتىنىڭ ورىنباسار باستىعى دۋ جيڭۋي: «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ءبىر مۇشەسى بولۋ سالاۋاتىممەن پارتيا 19 - قۇرىلتايى بايانداماسىنىڭ رۋحىن مۇقيات ۇيرەنۋمەن بىرگە، وتباسىلارىن ارالاپ ۇگىت جۇرگىزىپ، پارتيانىڭ ءتيىمدى ساياساتتارىن وتباسىلارعا جەتكىزەمىن ءارى بۇقارانى ابزال ساياساتتارعا سۇيەنىپ اۋقاتتانۋعا باستايمىن، - دەدى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ