قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جەرگىلىكتى ورىننىڭ ەمدەۋ دەڭگەيىن جوعارىلاتىپ، تارباعاتايداعى ءار ۇلت بۇقاراسىنا يگىلىك جەتكىزدى

− لياۋنيڭنىڭ ەمدەۋ دارىندىلارىنىڭ «ۇيىرمە فورماسى» ارقىلى شينجياڭعا باعىتتامالى كومەكتەسۋىنەن قيىقتار

حابارىن جازعان: ءتىلشىمىز حان لياڭ

2018.07.17 18:07 كەلۋ قاينارى : شينجياڭ گازەتىنەن

  «باعىما جاراي جاڭ جيڭ شيپاگەرگە كەزىكتىم، بولماسا بالامنىڭ امان قالۋى قيىن ەدى»، - دەدى 6 - ايدىڭ 27 - كۇنى تارباعاتاي ايماقتىق حالىق شيپاحاناسىنىڭ نارەستەلەر بولىمىندە 28 جاستاعى جانارگۇل بەيسەن قىزى قۇشاعىنداعى ءبىر ايلىق بالاسىنا قاراپ كوڭىلدەنە. وسىدان ءبىر اپتا بۇرىن، جانارگۇل اي - كۇنى تولماي بوسانعاندىقتان، نارەستەنىڭ وكپەسى تولىق جەتىلمەگەن، شينجياڭعا باعىتتامالى كومەكتەسۋگە كەلگەن شيپاگەر جاڭ جيڭ دەر كەزىندە ەمدەۋ جۇرگىزگەندىكتەن، بالانىڭ جاعدايى جاقسارىپ، قازىر شيپاحانادان شىعۋعا دايىندالىپ جاتىر ەكەن.
  جاڭ جيڭ لياۋنيڭ ولكەسى جۇڭگو مەديتسينا داشۋەسى قاراستىلىعىنداعى شىڭجيڭ شيپاحاناسى نارەستەلەر ءبولىمىنىڭ باس شيپاگەرى، 2018 - جىلى 5 - ايدىڭ 10 - كۇنى ول لياۋنيڭ ولكەسىنىڭ «ۇيىرمە فورماسى» ارقىلى شينجياڭعا باعىتتامالى كومەكتەسۋگە كەلگەن 3 - توپتاعى 19 ەمدەۋ مامانىمەن بىرگە شينجياڭعا باعىتتامالى كومەكتەسۋ ساپارىنا شىعىپ، شاۋەشەك قالاسىنا كەلەدى.
  لياۋنيڭ ولكەسى ەمدەۋ دارىندىلارىنىڭ «ۇيىرمە فورماسى» ارقىلى شينجياڭعا باعىتتامالى كومەكتەسۋ اترەتىنىڭ جەتەكشىسى گو چۋانجي بىلاي دەدى: «بيىل كەلگەن ماماندار جۇرەك قان تامىر ىشكى اۋرۋلار ءبولىمى، سالماقتى ناۋقاستاردى باقىلاۋ، كۇتىمدەۋ، كلينيكالىق تەكسەرۋ سياقتى 19 كاسىپتىك عىلىمعا سايادى، جۇڭگو مەديتسينا داشۋەسىنە قاراستى 4 شيپاحانانىڭ قاتىستى بولىمدەرىندەگى مامانداردى، ءبولىم مەڭگەرۋشىلەرىن، سول سالانىڭ كوشباسشىلارىن سارالاپ شىعاردىق، پارتيا 19 - قۇرىلتايىنىڭ بايانداماسىندا حالىق بۇقاراسىنا دەنساۋلىق جاعىندا جان - جاقتى، تولىق اينالىمدى قىزمەت كورسەتۋ ورتاعا قويىلدى. بۇل ءبىزدىڭ ەمدەۋ ارقىلى شينجياڭعا باعىتتامالى كومەكتەسۋىمىزگە باعىت نۇسقادى».
  جۇڭگو مەديتسينا داشۋەسىنىڭ ماماندارى تارباعاتاي ايماقتىق حالىق شيپاحاناسىندا ماماندار باس بولعان «ەمدەۋ گرۋپپاسىن» قۇرادى. «ەمدەۋ گرۋپپاسىنىڭ» باسقا مۇشەلەرى تارباعاتاي ايماقتىق حالىق شيپاحاناسىنىڭ اۋەلگى شيپاگەرلەرى. ماماندار «شاكىرتكە» جەتەكشىلىك ەتۋ ءتاسىلىن قولدانعان سوڭ، تارباعاتاي ايماقتىق حالىق شيپاحاناسىنىڭ ەمدەۋ، قۇتقارۋ دەڭگەيى ۇزبەي جوعارىلايدى.
  جاڭ جيڭنىڭ قىزمەتتەسى ۋ لينا جۇڭگو مەديتسينا داشۋەسى قاراستىلىعىنداعى شىڭجيڭ شيپاحاناسى تەكسەرۋ ءبولىمى يممۋنيتەت، بيو - حيميا گرۋپپاسىنىڭ باستىعى. تارباعاتاي ايماقتىق حالىق شيپاحاناسىنىڭ تەكسەرۋ ءبولىمىنىڭ كلينيكالىق قىزمەتتەگى رولىن اناعۇرلىم ويداعىداي ساۋلەلەندىرۋ ءۇشىن، ۋ لينا بۇكىل بولىمدەگى جولداستاردى باستاپ، «تەكسەرۋ مەن كلينيكا بايلانىسكەرلەرىنىڭ قارىم - قاتىناس ءتۇزىمىن» جاسادى، كلينيكالىق ماسەلەلەردى دەر كەزىندە شەشۋ ءۇشىن، ۋ لينا ما گوچياڭ سىندى 3 تەكسەرۋشىنى تاربيەلەۋدەن تىس، بارلىق تەكسەرۋشىلەرگە اپتا سايىن كاسىپتىك تاربيە جۇرگىزىپ، بولىمدەگى قىزمەتكەرلەردىڭ كاسىپتىك ورەسىن جوعارىلاتتى.
  جەرگىلىكتى ورىندارعا اناعۇرلىم كوپ ەمدەۋ دارىندىلارىن قالدىرۋ ءۇشىن، جۇڭگو مەديتسينا داشۋەسى تارباعاتاي ايماقتىق حالىق شيپاحاناسىندا بالنيتسا شيپاگەرلەرىن جۇيەلى تاربيەلەۋ بازاسىن قۇرادى، بۇل بازا 8 - ايدا ىسكە قوسىلادى.
  جۇڭگو مەديتسينا داشۋەسى قاراستىلىعىنداعى شىڭجيڭ شيپاحاناسىنىڭ شيپاگەرى كۇڭ ليڭتاۋ 2016 - جىلى شينجياڭعا باعىتتامالى كومەكتەسۋگە كەلگەن قىزمەتتەستەرىمەن بىرگە شاۋەشەك قالاسىنداعى تۇڭعىش رۋحاني پسيحيكالىق تازالىق ورتالىعىن قۇرادى، ارادا ءبىر جىل تاستاپ، ايەلى ۋ فىڭ دا شينجياڭعا باعىتتامالى كومەكتەسۋگە تىزىمدەلەدى.
  لياۋنيڭ ولكەسىنىڭ ەمدەۋ دارىندىلارىنىڭ «ۇيىرمە فورماسى» ارقىلى شينجياڭعا باعىتتامالى كومەكتەسۋى بارىسىندا «مەكتەپ شيپاحانانى كوتەرمەگە الۋ + شيپاحانا ءبولىمدى كوتەرمەگە الۋ» ءتاسىلىن قولدانىپ، جۇڭگو مەديتسينا داشۋەسىن نەگىز ەتىپ، «جۇڭگو مەديتسينا داشۋەسى تارباعاتاي شيپاحاناسىن» قۇرادى، جۇڭگو مەديتسينا داشۋەسى قاراستىلىعىنداعى شيپاحانالار تارباعاتاي ايماقتىق حالىق شيپاحاناسىنىڭ ءارقايسى بولىمدەرىنە كومەكتەسەدى جانە ونى سۇيەمەلدەيدى. بيىلعا دەيىن جۇڭگو مەديتسينا داشۋەسى قاراستىلىعىنداعى شيپاحانالاردان 63 مامان، عىلمي جەتەكشى شينجياڭعا باعىتتامالى كومەكتەسۋگە كەلەدى. سونىمەن بىرگە، تارباعاتاي ايماقتىق حالىق شيپاحاناسىنداعى تاڭداۋلى ەمدەۋ قىزمەتكەرلەرىن جۇڭگو مەديتسينا داشۋەسىنە تاربيەلەنۋگە جىبەرەدى.
  لياۋنيڭ ولكەسى ورتالىق ۇيىمداستىرۋ ءبولىمى سياقتى قاتىستى تاراۋلاردىڭ ەمدەۋ دارىندىلارىن «ۇيىرمە فورماسى» ارقىلى شينجياڭعا باعىتتامالى كومەكتەسۋى جونىندەگى ۇندەۋىن بەلسەنە تياناقتاندىرىپ، 2016 - جىلدان باستاپ، شينجياڭعا باعىتتامالى كومەكتەسەتىن ءبىرىنشى توپتاعى ەمدەۋ دارىندىلارى قالتقىسىز ۇلەس قوسىپ، تارباعاتاي ايماقتىق حالىق شيپاحاناسىنىڭ قاتتى بولشەكتەرى جانە ەمدەۋ ورەسىن زور دارەجەدە كوتەرەدى. پارتيا 19 - قۇرىلتايىنىڭ بايانداماسىندا اتاپ كورسەتىلگەندەي: حالىقتىڭ سالاماتتىعى − ۇلتتىڭ گۇلدەنىپ - كوركەيۋى مەن مەملەكەتتىڭ بايىپ - قۇدىرەتتەنۋىنىڭ ماڭىزدى بەلگىسى. لياۋنيڭنىڭ ەمدەۋ دارىندىلارىنىڭ «ۇيىرمە فورماسى» ارقىلى شينجياڭعا باعىتتامالى كومەكتەسۋى ورتالىقتىڭ قامقورلىعىن، ءار ۇلت بۇقاراسىنا تيىمدىلىك جەتكىزۋدى، ۇلتتار ىنتىماعىن جەبەۋدى ايگىلەيتىن ەڭ ءسىڭىمدى ينجەنەرياعا اينالدى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ