قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اۆتونوميالى رايوندىق جوعارى حالىق سوتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى وزىق  مادەنيەتتى اۋىلدا جالپىلاستىردى −

قىستاقتاعى مانەرلەپ وقۋشى

ءتىلشىمىز ياڭ شۋحان، ەرىكتى ءتىلشى سۋ حاۋ

2018.06.24 19:21 كەلۋ قاينارى : شينجياڭ گازەتىنەن

  6 - ايدىڭ 17 - كۇنى ساعات 18دە حوتان ايماعى قاراقاش اۋدانى ءتوۋات اۋىلى شوڭكول قىستاعىنىڭ تار كوشەسىندە 5 - جىلدىقتىڭ وقۋشىسى ءاليا روزىتوحتى قولىنداعى كىتابىن باسەڭ ۇنمەن وقي ءجۇرىپ، قىستاق كوميتەتىنە قاراي بەت الدى.
  بۇگىن اليانىڭ قىستاق تۇرعىندارى كوميتەتىنىڭ راديو پۋنكتىندە كەزەكشىلىك ىستەيتىن كۇنى، كەزەكشىلىك كەزىندەگى 15 مينۋتتىق مانەرلەپ وقۋ مىندەتىن ويداعىداي ورىنداۋ ءۇشىن ءاليا كوپ كۇش جۇمسادى. بۇل رەت ول لاۋشى مىرزانىڭ تۋىندىسى «جيناننىڭ قىسىن» مانەرلەپ وقۋعا دايىندالدى.
  بيىل 4 - ايدا اۆتونوميالى رايوندىق جوعارى حالىق سوتى مەكەمەسىنىڭ قاراقاش اۋدانى ءتوۋات اۋىلى شوڭكول قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى «كىشكەنتاي ديكتور» قيمىلىن باستادى، اليا جانە باسقا دا كىتاپ وقۋعا قۇمار 5 وقۋشى قىستاقتاعى «كىشكەنتاي ديكتورلىققا» تاڭدالدى.
  وقۋ بولمەسىنە كىرگەندە قىزمەت اترەتىنىڭ ورىنباسار باستىعى جاڭ لياڭ راديو قۇرىلعىلارىن سىناق ەتىپ جاتىپتى، سومكەسىن قويىپ، ورىندىققا جايعاسىپ، كىتابىن قولىنا الىپ تەرەڭ وي شۇڭەتىنە باتقان ءاليا: اعاي مەنىڭ لاۋشى مىرزانىڭ قالامىنان تۋىنداعان «بولىمسىز القىزىل رەڭگە بويالعان» قاردىڭ تەگى قانداي ەكەندىگىن كورۋگە سونداي ىنتىزار ەكەندىگىمدى بىلەسىز بە؟ - دەگەندە جاڭ لياڭ ءالياعا بۇرىلىپ: وراي بولادى، جاقسى ۇيرەن، بولاشاقتا شاندۇڭ داشۋەسىنە قابىلدانساڭ، ارمانىڭدى ورىنداۋىڭا مەن كومەكتەسەيىن! - دەدى، ميكروفوننىڭ بۇرىشتىق گرادۋسى مەن دىبسىن دۇرىستاپ بولعاننان كەيىن، جاڭ لياڭ ءاليادان: باستاساق بولا ما؟ - دەپ سۇرادى، ءاليا تاماعىن قىرناپ، مانەرلەپ وقۋعا كىرىستى.
  «بەيپيڭنىڭ (بەيجيڭ) تۇرمىسىنا داعدىلانعان ادامدار قىستا بوران سوقپاسا، مەن سياقتى قاتتى عاجاپتانادى... ». راديودان ءاليانىڭ ساڭقىلداعان داۋىسى ەستىلدى. «ءاليا ما؟ داۋىسى وتە ادەمى، مامەتيمىننىڭ (قىستاق ياچەيكاسىنىڭ شۋجيى) قىرىلداعان داۋىسىنان كوپ جاعىمدى!»، - دەپ سىقىلىقتاي كۇلدى قىستاق شيپاحاناسىنىڭ قىزمەتكەرى ءبۇميرام ءازىز.
  قىستاق راديو پۋنكتىنەن جاريالانعان ايگىلى شىعارمالار قىستاق تۇرعىنى احمەتتوحتى مامەتتىڭ ادەبيەت ىنتاسىنا دەم بەردى. احمەتتوحتى قىستاقتاعى نەگىزگى ساتى ۇگىتشىسى، ول ولەڭ جازۋدى ءارى مەرەكەلەردە جانە قىستاق تۇرعىندارىنىڭ تويىندا كۇي ورىنداۋدى ۇناتادى.
  بىرنەشە كۇننەن بەرى، ونىڭ شابىتى كەلىپ، 2 كۇندە ءبىر ولەڭ جازىپ ۇلگىردى. 6 - ايدىڭ 18 - كۇنى تاڭەرتەڭگى تۋ شىعارۋ ءراسىمى اياقتاعاننان كەيىن احمەتتوحتى ساحناعا كوتەرىلىپ، تاماعىن قىرناپ، اۋىلداستارعا ءوز تۋىندىسى «قاراقاش وزەنىنىڭ قاس تاسى» دەگەن ولەڭىن مانەرلەپ وقىپ بەردى. ولەڭ وقىلىپ بولعاننان كەيىن اۋىلداستار اۋىز جاپپاي القاۋ ايتىپ، شاتىرلاتا شاپالاق سوقتى.
  قىستاقتاعى وقۋشىلاردىڭ ۇيرەنۋ ىنتاسىن قوزعاۋ ءۇشىن، اۆتونوميالى رايوندىق جوعارى حالىق سوتى مەكەمەسىنىڭ ءتوۋات اۋىلى جاڭاارىق قىستاعىندا تۇراتىن قىزمەت اترەتى قىستاق كوميتەتىندە «ۇيرەنۋ باسەكەسى» قيمىلىن وتكىزدى. تۋىستاسقان كادر - ساقشىلار تۋىستارىنا امانداسا كەلگەندە، قىستاقتاعى وقۋشىلار مەن كادر - ساقشىلاردى ورتاق تىلگە بىرگە جاتتىعۋعا ۇيىمداستىردى. «مۇرات − جالاماداعى القىزىل گۇل، ول ادامدى جەلپىندىرەدى، ساعان قاجىماس جىگەر سيلايدى. مەنىڭ مۇراتىم كيىم - كەشەك جوبالاۋشى بولىپ، شينجياڭنىڭ تاڭداۋلى كيىم - كەشەك تۋىندىسىن جوبالاپ، ءتىپتى دە كوپ ادامداردىڭ نازارىن شينجياڭعا اۋدارۋ...». 4 - جىلدىقتىڭ وقۋشىسى ابىلىمەت مامەت ءوزىنىڭ تۋىندىسىن ورتاق تىلدە جاتىق مانەرلەپ وقىعاندا كادر - ساقشىلار شاتىرلاتا شاپالاق سوعىپ القاۋ ايتتى. «الدىڭعى رەت كەلگەندە، ول ءبىراز تارتىنشاق بولاتىن، وسىنشاما زور ىلگەرىلەۋشىلىك بولارىن ويلاماعان ەكەنمىن»، - دەدى اۆتونوميالى رايوندىق جوعارى حالىق سوتى مەكەمەسى ورگان پارتكومىنىڭ ارناۋلى مىندەتتەگى ورىنباسار شۋجيى چيۋ شىگاڭ.
  ءتوۋات اۋىلى جاڭاارىق قىستاعىنىڭ ءبىرىنشى شۋجيى، قىستاقتا تۇراتىن قىزمەت اترەتىنىڭ باستىعى ءانۋار ابدۇرەيىم بىلاي دەدى: قىزمەت اترەتى تۋىستاسقان كادر - ساقشىلاردىڭ جەتەكشىلىك رولىن تولىق ساۋلەلەندىرىپ، وقۋشىلاردىڭ مەملەكەتتە ورتاق قولدانىلاتىن ءتىل - جازۋدا بەينەلەۋ قابىلەتىن جوعارىلاتۋىنا كومەكتەسۋمەن بىرگە، ولاردىڭ دۇنيەگە، ومىرگە، قۇنعا دۇرىس كوزقاراس ورناتۋىنا جەتەكشىلىك ەتىپ، وقۋشىلاردى ءوز مۇراتتارىن جۇزەگە اسىرۋ جولىندا قۇلشىنا ۇيرەنۋگە ىنتالاندىردى.
  قازىرگى تاڭدا، اۆتونوميالى رايوندىق جوعارى حالىق سوتى مەكەمەسىنىڭ قاراقاش اۋدانى ءتوۋات اۋىلىنىڭ ءارقايسى قىستاقتارىندا تۇراتىن قىزمەت اترەتىنىڭ دەم بەرۋىندە قىستاقتىڭ وزىق مادەنيەت رايى بارعان سايىن كۇشەيدى؛ راديو تىڭداۋدى ۇناتاتىن قىستاق تۇرعىندارى كوبەيدى، شارۋالار كىتاپحاناسىنان كىتاپ الىپ وقۋ سالىستىرماسى بارعان سايىن جوعارىلادى. قىزمەت اترەتى تاعى وزىق مادەنيەتتى «جەتكىزۋ» رولىن تولىق ساۋلەلەندىرىپ، نەگىزگى ساتى پارتيا ۇيىمدارىنىڭ ادەبيەت - كوركەمونەر تىرەكتى كادرلار قوسىنىن زورايتۋىنا كومەكتەسىپ، وزىق مادەنيەتتى تاراتاتىن ۇلكەن تەكشە ورناتىپ، اۋىل - قىستاق مادەنيەت وتاۋى، قيمىل ءۇيى، كىتاپ وقۋ ءۇيى، قىستاق تۇرعىندارىنا قىزمەت كورسەتۋ ورتالىعى سياقتىلاردى جاقسارتىپ، بۇقارا قۋانا كورىپ، شاتتانا تىڭدايتىن مادەنيەت، دەنە تاربيە قيمىلدارىن ۇيىمداستىرىپ، وزىق مادەنيەتتىڭ اۋىلدا جالپىلاسۋىنا مۇمكىندىك جاسادى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ