قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

«مەيىر جەتكىزۋ اۆتوموبيل اترەتى» اۋىلداستاردىڭ كوڭىلىن اناعۇرلىم توعىستىردى

ەرىكتى ءتىلشى دۇڭ يەبو

2018.06.24 19:19 كەلۋ قاينارى : شينجياڭ گازەتىنەن

  بۇراتالا قالاسى ۇتىبۇلاق قالاشىعى كوكعوتعور قىستاعىندا قىستاق تۇرعىندارىنان ۇيىمداسقان «مەيىر جەتكىزۋ اۆتوموبيل اترەتى» بار، ولار ءار كۇنى اۋىل - قىستاق جولىندا قاتىناپ، نە بالالاردى قالاشىقتاعى مەكتەپكە جەتكىزەدى، نە ناۋقاستانعان قىستاق تۇرعىندارىن قالاداعى شيپاحاناعا جەتكىزەدى، نە توي - تومالاقتا كەلىن اكەلۋگە بارادى... «مەيىر جەتكىزۋ اۆتوموبيل اترەتىن» ۇيىمداستىرۋدى العا قويعان بۇراتالا قالالىق پارتكوم ۇيىمداستىرۋ ءبولىمىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى ەدى.
  «مەيىر جەتكىزۋ اۆتوموبيل اترەتىن» قۇرۋدى جۋىقتا عانا تۋىلعان توسىن جاعدايدان باستاپ ايتۋعا تۋرا كەلەدى. بيىل 3 - ايدىڭ ءبىر كۇنى 73 جاستاعى قىستاق تۇرعىنى امەتجان ءسالاي كەشكى اسىن ىشكەننەن كەيىن، قوناق بولمەدە تەلەۆيزور كورىپ وتىرىپ كەنەتتەن جايسىزدانادى، جۇبايى ونى دەرەۋ قىستاق شيپاحاناسىنا جەتكىزەدى. تەكسەرۋ ارقىلى قىستاق شيپاگەرى كارياعا بۇراتالا قالاسىنا بارىپ ەمدەلۋدى ۇسىنىس ەتەدى، الايدا، ۇلى جانىندا جوق، ونىڭ ۇستىنە قىستاقتان قالا رايونىنا بارۋ ءۇشىن اۆتوموبيلمەن ءبىر ساعاتتاي جول ءجۇرۋ كەرەك، وسىنداي قىسلتاياڭ ساتتە، امەتجاننىڭ جۇبايى قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي شيۇڭ گوفىڭدى ىزدەپ بارادى، شيۇڭ گوفىڭ دەر كەزىندە ءبىر قىستاق تۇرعىنىنىڭ جەكە اۆتوكولىگىمەن كاريانى شيپاحاناعا جەتكىزۋگە سايكەستىرەدى.
  توسىن تۋىلعان وسى جاعداي شيۇڭ گوفىڭنىڭ كوڭىلىن ەرەكشە تولقىتادى. وتباسىلاردى ارالاۋ ارقىلى شيۇڭ گوفىڭ قىستاقتاعى 130 وتباسىنىڭ نەبارى 23ىندە عانا جەكە اۆتوكولىك بار ەكەنىن، بالالاردىڭ وقۋعا بارۋى، قاتتى ناۋقاستانعان قىستاق تۇرعىندارىنىڭ ناۋقاسىن كورسەتۋى، كەلىن اكەلۋ سياقتى جاعدايلاردا اۆتوموبيلگە توتەنشە ءزارۋ ەكەنىن، ناۋقاس اسقىنۋ سياقتى جاعدايدىڭ دايىم تۋىلىپ تۇراتىنىن ۇعىسادى.
  اۆتوموبيلى بار قىستاق تۇرعىندارىن ۇيىمداستىرىپ، «مەيىر جەتكىزۋ اۆتوموبيل اترەتىن» قۇرۋعا بولار ما؟ شيۇڭ گوفىڭ قىستاق كادرلارىمەن قايتا - قايتا اقىلداسادى ءارى «مەيىر جەتكىزۋ اۆتوموبيل اترەتىنىڭ» جوباسىن دايىندايدى، قىستاق تۇرعىندارى ىركەس - تىركەس قوستاپ، سول كۇننىڭ وزىندە 6 اۆتوموبيل يەسى تىزىمدەلەدى، قىستاق تۇرعىندارى مەن اۆتوموبيل يەلەرىنىڭ بايلانىس جاساۋىنا قولايلى بولۋ ءۇشىن، قىزمەت اترەتى «مەيىر جەتكىزۋ اۆتوموبيلىن كۇنى بۇرىن ۋادەلەسۋ توبىن» قۇرىپ، «مەيىر جەتكىزۋ اۆتوموبيلىنىڭ قىزمەت وتەۋ كارتچكاسىن» جاسايدى.
  دەن قويا دايىندالۋ ارقىلى 4 - ايدىڭ 10 - كۇنى ءبىر تۇتاس بەلگىسى بار 8 اۆتوموبيلدەن قۇرالعان «مەيىر جەتكىزۋ اۆتوموبيل اترەتى» رەسمي جولعا شىعادى.
  4 - ايدىڭ سوڭىنداعى ءبىر كۇنى كەشتە 06 - ءنومىرلى مەيىر جەتكىزۋ اۆتوموبيلىنىڭ يەسى اسەنجان مامۇت بۇراتالا قالا رايونىنان ۇيىنە قايتار جولىندا بۇراتالا عۇمىر قامسىزداندىرۋ سەرىكتەستىگىنەن ءوتىپ بارا جاتىپ، ۋيچات توبىنا: اۆتوموبيل قاجەت ەتەتىندەر بار ما؟ - دەپ سۇرايدى، تەز ارادا ءبىر قىستاق تۇرعىنى: مەنى كۇتە تۇراسىڭ با، دەرۋ جەتەمىن، - دەيدى. كۇتپەگەن جەردە الگى قىستاق تۇرعىنىنىڭ قول تەلەفونى ءسونىپ قالىپ، ەكەۋى حابارلاسا الماي قالادى. اسەنجان ونى 20 مينۋت كۇتىپ، زورعا دەگەندە ونىمەن حابارلاسىپ، قىستاققا امان - ەسەن جەتكىزىپ قويادى.
  اسەنجان وتباسى قىستاقتا باعىمشىلىقپەن اينالىسادى، سونداي - اق «مەيىر جەتكىزۋ اۆتوموبيل اترەتىنە» ەڭ الدىمەن تىزىمدەلگەن جەكە اۆتوموبيل يەسى. «بۇرىن قالا رايونىنا بارماقشى بولعان كورشىلەردى كورگەندە اندا - ساندا الا كەتەتىنمىن. قىستاقتا <مەيىر جەتكىزۋ اۆتوموبيل اترەتى> قۇرىلعاننان كەيىن ءار رەت بۇراتالا قالاسىنا بارعاندا بىرنەشە قىستاق تۇرعىنىن الا كەتىپ ءجۇرمىن. ۋاقىت بايلانىسىمەن جولشىباي اۆتوموبيلگە وتىراتىن قىستاق تۇرعىندارىن اپارىپ سالا الماعانىمدا ىشتەي قۇلازىپ قالامىن»، - دەدى اسەنجان.
  قىستاق تۇرعىنى ءالىمجان احان بۇراتالا قالاسىنداعى ءبىر قۇرىلىس ورنىندا جۇمىس ىستەيدى، سول كۇنى قىستاقتا «مەيىر جەتكىزۋ اۆتوموبيل اترەتى» قۇرىلعانىن ەستىپ، ول ىرىقتى تۇردە قاتىناسۋعا ءوتىنىش ەتەدى. ءالىمجان بىلاي دەدى: «ءار كۇنى ۇيدەن شىعارىمدا ءۇنحات توبىندا <اۆتوموبيلگە وتىراتىندار بار ما؟> دەپ سۇرايمىن، وسى اترەتكە قاتىناسقاننان كەيىن جۇرگىنشىلەردى ەسىمنەن شىعارمايمىن، جاۋاپكەرلىگىم دە كوبەيدى».
  «<مەيىر جەتكىزۋ اۆتوموبيل اترەتى> قۇرىلعاننان كەيىن قىستاق تۇرعىندارىنىڭ كوڭىلى توعىسا ءتۇستى»، - دەدى شيۇڭ گوفىڭ.
  بۇگىنگى كۇنى «مەيىر جەتكىزۋ اۆتوموبيل اترەتى» قۇرىلعانىنا 2 اي بولماي، جەكە اۆتوموبيل يەلەرى وزدىكتەرىنەن قوسىلىپ، اۆتوموبيل اترەتى 700گە جۋىق ادامعا (رەت) قىزمەت كورسەتتى. «مەيىر جەتكىزۋ اۆتوموبيل اترەتىنىڭ» ىقپالىندا قىستاقتا ءوزارا كومەكتەسۋ رايى كۇن سايىن كۇشەيدى.
  شيۇڭ گوفىڭ بىلاي دەدى: «مەيىر جەتكىزۋ اۆتوموبيل اترەتى» جاقىن ماڭداعى قىستاقتارعا دەيىن قىزمەت كورسەتىپ، كوپتەگەن قىستاق تۇرعىندارىنا پايدا جەتكىزەدى.

جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ