قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

قىستاقتىڭ ەكولوگياسى كوركەيىپ، اققۇتان اسپاندا قالىقتادى

ەرىكتى ءتىلشى سۇڭ جيانلياڭ

2018.06.24 19:16 كەلۋ قاينارى : شينجياڭ گازەتىنەن

  6 - ايدىڭ 12 - كۇنى تاڭ سارىدە ۋاڭجيالياڭ قىستاعى بوزعىلت تاڭ نۇرىمەن مۇنارلانىپ تۇر. قول سوزىم جەردەگى سۋلى اتىز باسىندا، تاياۋدا ەككەن كۇرىشتەرىن مۇقياتتىلىقپەن باپتاپ جۇرگەن قىستاق تۇرعىندارى تاماشا تابيعاتقا جاراسىمدىلىق سيلاعان كوركەم كورىنىسكە اينالدى.
  ۋاڭجيالياڭ قىستاعى ساۋان اۋدانى الاۋسىن قالاشىعىنا قاراستى ەگىنشىلىكتى نەگىز ەتەتىن قىستاق، بۇل قىستاق ەرتەدە قامىس اراسىنا ورنالاسقان قىستاق بولاتىن، بىرنەشە ۇرپاق ادامدارىنىڭ قۇلشىنىسىنىڭ ارقاسىندا قازىر مىنە ورتاسى جايلى، قونىستانۋعا قولايلى كورىكتى قىستاقتىڭ بىرىنە اينالدى، بۇل قىستاق تاعى اققۇتاننىڭ مەكەنى.
  قىستاققا تاياۋ جەردەگى كۇرىش اتىزى مەن كولشىكتەردە 10 نەشە اققۇتان جەم ىزدەپ جۇرگەنىن، كەيدە تاعى جابايى ۇيرەك، قاسقالداقتار كول بەتىنەن كولبەي ۇشقانىن ءتىلشىنىڭ كوزى شالىپ قالدى. «وسى 2 جىل ىشىندە قىستاقتاعى اققۇتانداردىڭ سانى مولايىپ كەلەدى، قازىر 30دان استى. ءار كۇنى تاڭ سارىدە، اققۇتاندار وسى اراعا كەلىپ جەم ىزدەيدى، ءتۇس بولعاندا تاياۋ ماڭداعى اعاشقا بارىپ قوناقتايدى. ءبىز ەگىس جۇمسىن ىستەپ دەم العان كەزدە ولارعا قاراپ وتىرىپ راقاتتانىپ قالامىز. اققۇتان قىستاعىمىزدىڭ كوركىنە اينالدى»، - دەدى قىستاق تۇرعىنى ليان جيشيان.
  ۋاڭجيالياڭ قىستاعىنىڭ جەر استى سۋى مول، سۋ مول بولعان سوڭ 3 جىلدىڭ الدىندا ەككەن اعاشتىڭ ءوزى نار تارتىپ، قىستاقتى ارالاي قالساڭىز، جاسىل ورمان اراسىندا جۇرگەندەي سەزىنەسىز، ءتىپتى، اققۇتانداردىڭ ءوزى وسى ارانى ۇناتىپ قالىپتى.
  اققۇتان نەگىزىنەن ۇساق، ءوسىمتال تاياز سۋ بالىعىن قورەك ەتەدى، ال وسى تۇقىمداس بالىقتار قىستاق تۇرعىندارى باققان بوز بالىق، ءدوڭماڭداي بالىقپەن ازىقتىققا، ورىنعا تالاسادى، سوندىقتان اققۇتاندار قىستاق تۇرعىندارىنا نەگىزىنەن زيان كەلتىرمەيدى، قايتا ءمالىم دەڭگەيدە قىستاق تۇرعىندارىنىڭ بالىق باعۋىنا پايدا جەتكىزەدى.
  ليان جيشيان بىلاي دەدى: قىستاعىمىزدا اققۇتانداردىڭ سانىنىڭ مولايۋىنىڭ سەبەبى مەنشە 2 ءتۇرلى دەپ ويلايمىن، ءبىرى، كوپشىلىكتىڭ قورعاۋ تانىمى كۇشەيىپ، ەكولوگيالىق قورشاعان ورتا جاقساردى؛ ەندى ءبىرى، قىستاقتا سۋ ونىمدەرى ەگىنشىلىگىن قالپىنا كەلتىرە باستاعان سوڭ، اققۇتاندارعا جەتكىلىكتى ازىق جانە تاماشا ورتا ازىرلەندى.
  ۋاڭجيالياڭ قىستاعى شامگۇل ەگىنشىلىك شارۋالار كاسىپتىك كووپەراتيۆىنىڭ القا مەڭگەرۋشىسى شاۋ ۋيۋي بىلاي دەدى: جۋىق جىلداردان بەرى كووپەراتيۆىمىز نەگىزىنەن ورگانيكالىق، سەلەندى مولايتۋ جاقتارىنا كوپ كۇش شىعارىپ، وندىرگەن اۋىل شارۋاشىلىق ونىمدەرى قاجەتتى قامداي الماي، الارمانداردىڭ جاقسى باعاسىنا يە بولدى، وسىنىڭ ءبارى وسى قۇنارلى مەكەننىڭ سيلاعان بايلىعى، سوندىقتان ەكولوگيالىق ورتانى قورعاۋ ءبىزدىڭ باس تارتۋعا كەلمەيتىن بورىشىمىز.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ