قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جارتى عاسىرعا جالعاسقان ۇستاز بەن شاكىرتتىك سۇيىسپەنشىلىك

□ ءتىلشىمىز شيا چين

2018.02.04 14:46 كەلۋ قاينارى : شينجياڭ گازەتىنەن

  25 - قاڭتار كۇنى تاڭ سارىدە، كورلا قالاسى چەرچى باۋ - باقشا الاڭىنان دەمالىسقا شىققان ءمىجيت ىبىرايىم تاڭەرتەڭگى اسىن ىشە سالا، ۇيىنەن 2 كيلومەتر شالعايداعى ۇستازى ني يۋەشىڭنىڭ ۇيىنە تارتتى، بۇل جولمەن قانشا رەت جۇرگەنى ءمىجيتتىڭ وزىنە دە بەيمالىم. 68 جاستاعى ءمىجيت پەن 78 جاستاعى ني يۋەشىڭ ءار 2 - 3 كۇندە ءبىر كەزىگەدى، ءار رەت كەزىككەندە ءمىجيت سالەم - ساۋقىتىن الا بارادى.
  49 جىلدىق ءومىر كەشىرمەلەرى بارىسىندا، ولار قيۋادان قيىسقان تۋىسقا اينالدى. ءمىجيت: ۇستازىمنىڭ كومەگى بولماسا، مەنىڭ بۇگىنگى كۇنىم دە بولماس ەدى، - دەيدى.
  1969 - جىلى، ني يۋەشىڭ چەرچى باۋ - باقشا الاڭىنا كەلەدى، ول تۇستا باۋ - باقشا الاڭى نەگىزدىك قۇرىلعى قۇرىلىسىن جۇرگىزىپ جاتقان كەز ەدى، حىڭياڭ تەمىر جول قۇرىلىس ينستيتۋتى ماشينا - ەلەكتر اسپاپتارى كاسىبىنەن وقۋ تاۋىسقان ني يۋەشىڭ باۋ - باقشا الاڭىنىڭ ماشينا - ەلەكتر تەحنيگى بولىپ ىستەيدى.
  وسى جىلى ەندى عانا 20 جاسقا كەلگەن ءمىجيت چەرچى باۋ - باقشا الاڭى 2 - بولىمشە الاڭى 4 - اترەتىنىڭ ەلەكترشىسى بولادى. ەلەكترشى بولعانىمەن، ءمىجيتتىڭ قاتىستى بىلىمدەردەن بىلەرى شامالى ەدى دە، ءار جولى ەلەكتر جولىنان ماسەلە شىقسا، ەلەكترلى قۇدىقتىڭ ەلەكترى بۇزىلسا، ول بارلىعىندا ني يۋەشىڭدى شاقىرىپ كەلىپ جوندەتەتىن.
  ءوستي جۇرىپ ەكەۋىنىڭ تانىستىعى تەرەڭدەي تۇسەدى، قارىم - قاتىناس جاساۋعا قولايلى بولۋ ءۇشىن، ءمىجيت ني يۇەشىڭنان مەملەكەتتە ءبىر تۇتاس قولدانىلاتىن ءتىل - جازۋدى ۇيرەنەدى. ءمىجيت: ول كەزدە حانزۋ تىلىندە سويلەۋ كەرەمەت ءىس ەدى، - دەيدى.
  ءمىجيت: ني ۇستاز جولىققان ءىس جۇزىندىك جاعدايعا قاراي ءتۇرلى - ءتۇستى ەلەكتر تىزبەگىنىڭ چەرتوجىن سىزاتىن، ماعان چەرتوجداعى ءتۇرلى بەلگىلەردى تانۋدى ۇيرەتىپ، ەلەكتر تىزبەگىنىڭ قاعيداسىن سويلەپ، ماعان كوپتەگەن قولدانىلمالى تەحنيكانى ۇيرەتتى، - دەيدى.
  ني يۋەشىڭنىڭ كومەگىندە، ءمىجيتتىڭ تۇرمىسى دا بىرتىندەپ جاقسارىپ، ونىڭ ني يۋەشىڭمەن بولعان قاتىناسى دا اكەلى - بالالى ادامداي توعىسا تۇسەدى.
  ءمىجيت باس قۇراعان سوڭ، تۇرمىستا قيىنشىلىق تارتتى، ني يۋەشىڭ وعان باياعىسىنشا كومەك كورسەتەدى. ءمىجيت: مەن ۇيەلمەلى - سۇيەلمەلى 4 بالالى بولدىم، تۇرمىسىمىزدا قيىنشىلىق اۋىر كەزدە، ۇستازىم ماعان كومەك قولىن سوزدى، ۇستازىمنىڭ كومەگىندە مەن قيىن كۇندەردەن قىسىلماي ءوتتىم، - دەيدى.
  سۇيىسپەنشىلىكتىڭ توعىسۋىنا بايلانىستى، ەكى وتباسىنىڭ ادامدارى ءبىر - بىرىمەن ەتەنە ارالاسىپ كەتتى، ءار رەتكى شاعان، ورتاڭعى كۇز مەرەكەسىندە، ني يۋەشىڭنىڭ وتباسى دۋمانعا بولەنەدى، ءمىجيت پەن جۇبايى جانە بالالارى ني يۋەشىڭمەن بىرگە تۇشپارا ءتۇيىپ، بىرگە اس ىشەدى. ني يۋەشىڭ ءار جىلى ءمىجيتتىڭ بالالارىنا اقشا بەرىپ، بالالاردىڭ اقاۋسىز ەرجەتۋىنە تىلەۋلەس بولادى. ءار رەتكى ورازا ايت، قۇربان ايت كەزىندە، ني يۋەشىڭ ءمىجيت وتباسىنداعىلارمەن بىرگە تاماقتانىپ، ءبىر وتباسىنىڭ ادامدارىنداي ونىڭ قۋانىشى توعىسادى.
  ني يۋەشىڭ: ءمىجيت ەكەۋىمىز اكەلى - بالالى سياقتىمىز، ونىڭ بالاسى مەنىڭ بالام سياقتى، ماعان قارايلاسادى جانە كومەكتەسەدى، ءبىز ءبىر وتباسىنىڭ ادامدارىمىز، - دەيدى.
  ني يۋەشىڭنىڭ ىقپالىمەن، ءمىجيت وقۋ - ءبىلىمنىڭ ماڭىزدىلىعىن جەتە تۇسىنەدى، ول تارتا جەپ، قىسا ءىشىپ ءجۇرىپ 4 بالاسىن باعىپ وقىتادى، 3 بالاسى ۋنيۆەرسيتەتكە وقۋعا تۇسەدى.
  ءمىجيتتىڭ ۇلكەن ۇلى امۋدين ءمىجيت ءالى كۇنگە دەيىن ءبىر سۋرەت البومىن ساقتاپ جۇر، سۋرەت البومىنداعى سۋرەتتەردە ءمىجيت وتباسى مەن ني يۋەشىڭنىڭ جارتى عاسىرعا جۋىق دوستىق سۇيىسپەنشىلىگى ەستەلىككە الىنعان - دى.
  امۋدين وتكەن كۇندەردى ەسكە الىپ: ۇيدە ءدامدى تاعام جاسالسا، اكەم بىزدەن ني اتايعا ءبىر شىنىسىن بەرىپ جىبەرەتىن. ادەتتە اتايىمنىڭ بىرەر ءىسى بولا قالسا بولعانى، ءبىز وعان قولعابىس ەتەمىز، - دەيدى. بۇل عادەت نەشە ون جىلعا جالعاسادى.
  ني يۋەشىڭ سالت باستى قاريا، 10 جىلدىڭ الدىندا، ول دەمىكپە ناۋقاسىنا شالدىعىپ، ەمحاناعا نەشە رەت بارىپ ەمدەلسەدە ساۋىقپاي، ۇنەمى دەمى سىعىلىپ تۇرادى. امۋدين جان - جاقتان دەمىكپەنى ەمدەۋدىڭ امالىن سۇراستىرادى، كەيىن 2 - بولىمشە الاڭ 2 - اترەتتە ءبىر شيپاگەردىڭ دەمىكپەنى ەمدەۋ ءونىمى جاقسى ەكەنىن ەستىپ، موتوتسيكلىنە ني يۋەشىڭدى مىنگەستىرىپ الىپ، 3 - 5 كۇندە ءبىر رەت اپارىپ ەمدەتەدى. ول شيپاگەر بۇعان وتە اڭ - تاڭ بولىپ: سىزدەردىڭ قانداي قاتىناستارىڭىز بار؟ مىنا جىگىت سىزگە وتە جاقسى قارايلاسادى ەكەن، - دەپ سۇراعاندا، امۋدين: ول مەنىم اتام، - دەپ جاۋاپ بەرەدى.
  2016 - جىلى كۇزدە، ني يۋەشىڭنىڭ ۇرىمجىگە بارىپ، كورىسپەگەلى كوپ جىل بولعان قارىنداسىنا كەزدەسپەكشى ەكەنىن ەستىپ، ءمىجيت كوپ رەت شينجياڭ مەديتسينا ۋنيۆەرسيتەتىندە وقيتىن كىشى ۇلى ماحمۇت مىجيتكە تەلەفون بەرىپ، ني يۋەشىڭعا جاقسىلاپ قارايلاسۋدى قاداعالاي تاپسىرادى.
  ماحمۇت: اكە - شەشەم باستان - اياق ماعان «اتايىڭنىڭ جاسى ۇلعايعان، پويەز ۆوگزالىنا بارىپ ونى توسىپ ال، ونىڭ قارىنداسىمەن جولىعۋىن جاقسى ورنالاستىر» دەپ قاداعالادى، - دەيدى. ءار جىلى قىسقى، جازعى دەمالىس كەزىندە ۇيىنە قايىتقان كەزدە، ماحمۇت ني يۋەشىڭگە امانداسا بارىپ، قولىنان كەلەتىن ىستەرگە قولعابىس ەتىپ تۇرادى. 2015 - جىلدىڭ ءبىر كۇنى، ني يۋەشىڭ ءبىر پارشا حاتتى الىپ شىعىپ ماحمۇتقا بەرىپ، سالماقتىلىقپەن: بالام، مەن 80 جاستان استىم، دەنساۋلىعىم بارعان سايىن ناشارلاپ بارادى، بۇل مەنىڭ ساعان قالدىرعان وسيەتىم، كۋالاندىرىپ قويدىم، سەن الىپ بارىپ اكەڭە بەر، - دەيدى.
  ماحمۇت قولى قالتىراپ تۇرىپ وسيەت حاتتى اشقاندا، وسيەت حاتتا: «مەنىڭ كيىم - كەشەگىم، ءۇي جيھازدارىم مەن ءۇيىمدى قامتىعان بارلىق مال - مۇلكىمدى شاكىرتىم مىجيتكە قالدىردىم» دەپ جازىلعانىن كورگەن ماحمۇتتىڭ قوس جانارىنا جاس ءۇيىرىلىپ، قاراۋىتىپ كەتەدى.
  ني يۋەشىڭ مەيىرلەنە ماحمۇتقا قاراپ: جىلاما، اقىماق بالام - اي، مەن ءوز ءومىرىمدى باقىتتى وتكىزدىم، وكىنىشىم جوق، - دەيدى.
  ۇيىنە قايتىپ كەلگەن سوڭ، ماحمۇت اكە - شەشەسىنە اتاسىنىڭ وسيەت حاتىن تابىستايدى. ءمىجيت ءۇنسىز ويعا باتادى ءارى باتىل بەكىمگە كەلىپ: «ۇستازىمنىڭ تۇرمىسىنا، ءسوز جوق، ءتىپتى دە زەر سالا قارايلاسامىن» دەيدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ