قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

«تۇرمىسىمىز كۇن سايىن جاقساردى»

− تولى اۋدانىنىڭ كەدەيلىكتەن قۇتىلدىرۋدان قامال الۋىنان كورگەن - بىلگەندەرىمىز

 ءتىلشىمىز جىن شىشين

2018.01.12 14:59 كەلۋ قاينارى : شينجياڭ گازەتىنەن

  2017 - جىلى 22 - جەلتوقسان كۇنى قاس قارايا تولى اۋدانى دولاتى اۋىلى جاماتى قىستاعىنىڭ تۇرعىنى جارقىن قاسەندوللا ۇلىنىڭ وتباسى دۋمانعا بولەندى. جارقىن وتباسى تۋىستارى، كورشىلەرىمەن بىرگە داستارقان باسىندا اققۇيرىق شايلارىن ىشە وتىرىپ، اۋىلدىڭ اڭگىمەسىنە كىرىستى. كورشىسى باقىت جانات ۇلى: ءبىزدىڭ قىستاۋدىڭ ءشوبى جەتىڭكىرەمەيتىن سياقتى، سەن ماعان تاعى ءبىر ماشينا ءشوپ بەرشى، - دەسە، جارقىن وعان ماقۇلدىق بەرىپ: ماسەلە جوق! مەنىڭ ماشينام تاۋ جولىنا جۇرە الادى، - دەدى.
  2008 - جىلى جارقىن وتباسى مايلىدان كوشىپ، جاماتى قىستاعىنا كەلىپ وتىرىقتانعان ەدى، ول كەزدە ءبىر وتباسى 60 شارشى مەترلىك تام ۇيدە وتىراتىن. وتىرىقتانعاننان كەيىن، جارقىن وتباسى ءالى دە مال باعۋدى نەگىز ەتكەن - دى. جارقىننىڭ 2 قىزى مەن ءبىر ۇلى مەكتەپتە وقيتىن، ايەلى ناۋقاس بولعاندىقتان، كۇن كورىستەرى تىم شىركىن - اي ەمەس - تى. 2015 - جىلى جارقىننىڭ وتباسى تولى اۋدانىنداعى ارحيۆ تۇرعىزىلىپ كارتچكالانعان كەدەي وتباسى تىزىمىنە ەنگىزىلەدى، وسى كەزدە ونىڭ ادام باسىندىق جىلدىق ورتاشا كىرىسى 3000 يۋانعا دا جەتپەيتىن.
  تولى اۋدانىندا مول ەگىن، مال شارۋاشىلىق بايلىعى بار، الايدا مال شارۋاشىلىق ونىمدەرىن ساتۋ فورماسى جالاڭ، قوسىمشا قۇنى تومەن، ەگىنشى - مالشىلاردىڭ جالاڭ مال باسىن ارتتىرۋعا عانا سۇيەنىپ اۋقاتتانۋى قيىن ەدى. تولى اۋدانى ءبىر ميلليون يۋاندىق كەدەيلەردى سۇيەمەلدەۋ، شارۋاشىلىق قۇرۋ، كاسىپتەندىرۋ سيلىق قورىن قۇرىپ، كەدەي بۇقارانىڭ ەگىمشىلىك، باعىمشىلىق كاسىبىن دامىتۋىنا، اۋدان قالاشىعىنداعى ساۋدا رايونىنان جايما، ساۋدا دۇكەنىن اشۋىنا، سونداي - اق مانەرلەۋ، ساۋدا - ساتتىق سياقتى شارۋاشىلىق قۇرۋمەن شۇعىلدانۋىنا قولداۋ كورسەتۋمەن بىرگە، بانكە ورىندارىمەن سايكەسىپ، شارۋاشىلىق قۇرۋعا قارجىسى تاپشى كەدەي وتباسىلارىنا 50 مىڭ يۋاننان تومەن شاعىن كولەمدى كەدەيلەردى سۇيەمەلدەۋ سەنىمدى قارىز بەرۋدى ورىستەتتى. سونىمەن بىرگە، 7 ميلليون يۋاننان استام قارجى قوسىپ، ۇكىمەتتىڭ الەۋمەتتىك يگىلىك قىزمەت ورىندارىن ساتىپ الۋ تەبىنىن ارتتىرىپ، بالاباقشادا بالا قاراۋشى، شەكارا شارلاۋشى، ورمان قورعاۋشى، تۇرعىندار رايونىنىڭ كۇزەتشىسى سياقتى جۇمىس ورىندارىنا ادام قابىلداۋدا الدىمەن كەدەيلەردى قابىلدادى. قازىر اۋدان بويىنشا جالپى 1100 الەۋمەتتىك يگىلىك قىزمەت ورنى قۇرىلىپ، 837 كەدەي بۇقارا جۇمىسقا ورنالاستىرىلدى.
  2016 - جىلى جارقىن ۇكىمەتتىڭ كەپىل قارىز اقشاسىمەن 2 شاعىن تۇرپاتتى جۇك اۆتوموبيلىن ساتىپ الىپ، ماڭايىنداعى قىستاق تۇرعىندارىنىڭ مالىن، جەم - ءشوبىن تاسۋ جۇمىسىن كوتەرمەگە الادى، بۇل قىستاق تۇرعىندارىنا قولايلىلىق جاراتىپ عانا قالماستان، ءوزى دە ءار ايدا 2000 يۋاننان استام پايدا تابادى. پارتيانىڭ حالىققا ءتيىمدى ساياساتىنا سۇيەنىپ، جارقىن وتباسى 20 مىڭ يۋاننان استام عانا قارجى جۇمساپ، ەڭسەلى دە جارىق بەيقۇت ۇيگە كوشىپ كىرەدى، جاڭا ءۇيىنىڭ سۋ، ەلەكتر، جىلۋمەن قامداۋ سياقتى قۇرىلعىلارى تولىق. سول جىلى جارقىن وتباسىنىڭ ادام باسىندىق ورتاشا جىلدىق ناق كىرىسى 4800 يۋاننان استامعا جەتىپ، كەدەيلىك قالپاعىن لاقتىرىپ تاستادى.
  جارقىن قۋانىشپەن: ۇلكەن بالام مەن ەكىنشى بالامنىڭ قىزمەتى بار. بيىل ماۋسىم ايىندا اۋىل ءۇشىنشى بالامدى الەۋمەتتىك يگىلىك قىزمەت ورنىنا جۇمىسقا ورنالاستىردى، ءار ايدا 2600 يۋان ەڭبەكاقى الادى. پارتيانىڭ جاقسى ساياساتىنىڭ ارقاسىندا تۇرمىسىمىز كۇن سايىن جاقسارا ءتۇستى، - دەدى. 2017 - جىلى كىرە تاسۋدان كىرىس ەنگىزۋدەن سىرت، جارقىن تاعى 10 سيىر، 10 قوي باعىپ، 30 مۋ ەگىستىك جەرىن كوتەرمەگە بەرگەننەن كەيىن، ءار جىلعى تابىسى 10 مىڭ يۋانعا تايادى، ءار جىلى تاعى 3500 يۋان جايلىم قوسىمشا قاراجاتىن الادى. ءبىر جىلدا وتباسى كىرىسى 60 مىڭ يۋاننان استى.
  2 جىلدان بەرى، تولى اۋدانى 4000نان استام كەدەي وتباسىنداعى بۇقارانىڭ بارلىعىن كاسىپتىك جاقتان سۇيەمەلدەۋ، ءوز جەرىندە كاسىپتەندىرۋ، ونەرگە تاربيەلەۋ، ساياساتتى ءتۇسىندىرۋ، كاسىپتەنۋگە تاربيەلەۋ سياقتىلاردى نەگىز ەتكەن ساياساتتىق سۇيەمەلدەۋدەن يگىلىكتەندىرىپ، اۋدان بويىنشا 19 ءتۇيىندى كەدەي قىستاقتى كەدەيلىكتەن قۇتىلدىرۋ ولشەمىنە جەتكىزىپ، 4091 وتباسى، 14 مىڭ 366 كەدەي جان سانىنىڭ «التىنى تولىق قامتۋ، بىرگە كەپىلدىك ەتۋ» نىساناسىن جۇزەگە اسىردى. ايتالىق، حاۋىپسىز تۇرعىن ءۇي، ەڭ تومەنگى تۇرمىستى قامتاماسىزداندىرۋ، اۋىل - قىستاق سەلبەسىپ ەمدەلۋ، كەدەي وقۋشىلارعا كومەك بەرۋ، اقىسىز كاسىپتىك ونەرگە تاربيەلەۋ، كاسىپتىك جاقتان سۇيەمەلدەۋ ساياساتى تولىق قامتىلىپ، كەدەيلەردىڭ جىلدىق ادام باسىندىق ورتاشا ناق كىرىسىن 3000 يۋاننان استامعا جەتكىزۋگە كەپىلدىك ەتتى.
  2017 - جىلى 1 - قاراشا كۇنى مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى تولى اۋدانىنىڭ 30 جىل كيگەن «كەدەيلىك قالپاعىن» ءساتتى الىپ تاستادى. تولى اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى جۋ ۋيحۇڭ: كەدەيلىكتەن قۇتىلدىرۋدان قامال الۋ شايقاسىنىڭ جەتىستىگىن بەكەمدەۋ ءۇشىن، 2018 - جىلدان باستاپ، تولى اۋدانى پارتيا 19 - قۇرىلتايىنىڭ رۋحىن جەتەكشى ەتىپ، قوسىننىڭ بوساڭسىماۋىنا، ساياساتتىڭ وزگەرمەۋىنە، قارقىننىڭ باسەڭدەمەۋىنە تاباندى بولىپ، كەدەيلەردى دالمە - ءدال سۇيەمەلدەۋ قىزمەتىن ۇزدىكسىز تاباندىلىقپەن جاقسى ىستەپ، ءتۇرلى كەدەيلەردى سۇيەمەلدەۋ قارجىسىن جەتكىلىكتى جاقسى ىستەتىپ، كەدەيلىكتەن قۇتىلدىرۋدان قامال الۋ شايقاسىنىڭ جەتىستىگىن بەكەمدەۋ ورەسىن ونان ارى جوعارىلاتىپ، جاپپاي كەدەيلىكتەن قۇتىلدىرۋ، كەدەيلىكتەن ورنىقتى قۇتىلدىرۋ، كەدەيلىكتەن قۇتىلدىرۋعا ۇزاق ۋاقىت تاباندى بولۋدى جۇزەگە اسىرامىز، - دەيدى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ