قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

«چىن اعام مەنىڭ شىن اعام»

ءتىلشىمىز ماقسات قيزات ۇلى

2018.01.11 16:10 كەلۋ قاينارى : شينجياڭ گازەتىنەن

  − مەن كەدەيلىكتەن قۇتىلدىم، - دەدى ول.
  − مەن باقىتتىمىن، - دەدى ول.
  − مەنىڭ حانزۋ تۋىسىم مەنى باقىتتى ومىرگە، سالتاناتتى تۇرمىسقا جەتەلەدى، - دەدى ول.
  ونىڭ جانارىنا ءمولدىر تامشى ۇيالاي قالدى. ونىڭ اسەرلى كوڭىل كۇيىن سول ءمولدىر تامشى ايعاقتاپ تۇر. بۇل قۋانىشتىڭ كوز جاسى ەدى، بۇل قالمۇرات دەيتىن قازاق جىگىتىنىڭ چىن چاڭچيڭ دەيتىن حانزۋ اعاسىنا، جان اشىر - جاقىنىنا دەگەن ساعىنىشى، تىلمەن جەتكىزىپ بەرە المايتىن جۇرەك تۇكپىرىندەگى رازىلىعى ەدى.
  «تۋىستاسۋ اپتالىعىنىڭ» سوڭعى ءساتىن ءدوربىلجىن اۋدانى قارا ەمىل قالاشىعىنىڭ جىلان ءتىل قىستاعىنداعى قالمۇرات شايزات ۇلى ايرىقشا قارسى الدى. ول تاڭ بوزىنان تۇرىپ اۋلاداعى تاۋ- توبە بولىپ ءۇيىلىپ قالعان قاسات قاردى تىسقا تاسىدى، قارا ەمىلدىڭ قارا سۋىعى ونى جاۋراتا المادى، ءجۇزى بال - بۇل جانادى.
  «چىن اعامىز كەلەدى ەكەن، اۋىلدىڭ ۇگىت جۇمىسىنا جاۋاپتى الگى اسقار دەيتىن ەلگەزەك ۇگىت كادرى كەشە حابارلاستى، اۆتونوميالى رايونىمىز <تۋىستاسۋ اپتالىعى> دەيتىن دابىرالى قيمىل وزدىرىپ جاتىپتى، كادرلار نەگىزگى ساتىداعى تۋىستارىن ىزدەپ كەلەدى ەكەن، بيىلعى كىرىسىمىزدىڭ كوبى سول چىن اعامىزدىڭ ارقاسىندا كەلدى عوي، وسى جولى كەلگەندە ءبىر اپتا قونىپ قايتاتىن كورىنەدى، ونداي قۇتتى قوناقتى ۇيىمىزگە شاقىرىپ كەلتىرە الۋشى ما ەدىك»، - دەپ قالمۇرات جۇبايىنا قۋانا ءتىل قاتتى.
  − چىن اعامىز كەلسە شىنى - اياعىمىزدى جۋىپ، قازان - وشاعىمىزدى مازداتىپ قويايىق، ول كىسى بىزگە كوپ جاقسىلىق ىستەدى ەمەس پە، «قارىنداسىم، قولىڭنان ءىس كەلەدى ەكەن، كەستەڭدى ادەمىلەپ تىك»، - دەپ مەدەت بەرگەن سول كىسى ەمەس پە، - دەپ ءجاننات قولىنداعى ءبىز كەستەنى ءبىر جاققا سىرىپ قويدى دا ورنىنان تۇرىپ قازان - وشاق جاققا بەت الدى.
  چىن چاڭچيڭ قالمۇراتتىڭ ۇيىنە كەلگەندە، قالمۇرات مال قورا جاقتا جۇرگەن بولاتىن.
  قالمۇرات: «وي، ءىنىم، امانسىڭ با؟»، - دەگەن تانىس داۋىستى ەستي سالا جالت قارادى.
  قاراسا چىن اعاسى قاقپادان كۇلىمسىرەي باسىپ كىرىپ كەلەدى ەكەن.
  قالمۇرات قولىنداعى شارۋاسىن قويا سالدى دا اعاسىنا قۇشاعىن جايا ۇمتىلدى.
  − وي، شارۋاڭدى اقساتپا ءىنىم، قۇلشىنعانعا قۇت ءۇيىر دەگەن ەمەس پە، مىنە وسىلاي ەرتەدەن تۇرىپ ءىس قىلساڭ، ىرىسىڭ ارتادى، تابىسىڭ مولايادى. قۇتپان جىلىندا قانداي جوسپارلاردى ويعا الىپ جاتىرسىڭ؟ قانە سونىڭدى ايتشى، - دەپ چىن چاڭچيڭ كەلگەن بويدا ءىنىسىنىڭ تىڭ تىرلىگىمەن تانىسا كەتتى.
  − چىن اعا، بۇيىرتسا، وسى جىلى قورا سالىپ، مال باعىمشىلىقپەن شۇعىلدانسام با، - دەگەن ويدامىن، - دەپ قالمۇرات اعاسىنا جاڭا جىلدىق جوسپارلارىن تىزە باستادى.
  − مىنە، مىناۋىڭ ناعىز ازاماتتىڭ ءسوزى، بايىيمىن دەگەن جىگىت ۇكىمەت قاشان اۋىزىما اق ماي تامىزادى دەپ توسىپ وتىرماي، سەن قۇساپ ورگە ۇمتىلۋى كەرەك، سەن ۇمتىلساڭ مەن قاراپ تۇرمايمىن، قاراجاتتان قىسىلساڭ، مەن شەشىپ بەرەمىن، الاڭسىز بول، - دەپ چىن اعاسى قالمۇراتتىڭ يىعىنان قاقتى.
  قالمۇراتتىڭ ەڭسەسى كوتەرىلىپ، قاباعى جادىراپ كەتتى. ونىسىزدا ول، راسىندا، مال قورانى سالۋ ءۇشىن اقشا جاعىنان قينالىپ تا جۇرگەن بولاتىن، مىنە ەندى كۇرمەۋلى ءىسىنىڭ كەرەگەسى الىستان اياۋلى تۋىسى كەلىسىمەن كەڭگە جايىلدى.
  − پارتيا 19 - قۇرىلتايىنىڭ بايانداماسىندا باس شۋجي شي جينپيڭ: جۇڭگوشا سوتسياليزم جاڭا داۋىرگە وتكەن بۇگىنگى تاڭدا، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. ەلىمىز ءبىر ميللياردتان استام ادامنىڭ ىشەر اس، كيەر كيىم ماسەلەسىن تۇراقتى شەشىپ، دوڭگەلەك داۋلەتتى جالپىلاي جۇزەگە اسىردى، كوپ ۇزاماي جاپپاي دوڭگەلەك داۋلەتتى قوعام ورناتادى، - دەپ اتاپ كورسەتتى. ءبىز پارتيالى كادرلار باستاماشى بولىپ، نەگىزگى ساتىداعى بۇقارانى دوڭگەلەك داۋلەتتى قوعامعا جەتەكتەپ، جۇڭگو ارمانىن ورتاق جۇزەگە اسىرۋىمىز كەرەك. ءبىز بولىپ، ءسىز بولىپ وسى نىسانانى ىسكە اسىرۋعا قۇلشىنايىق، ول ءۇشىن ءبىر جاعادان باس، ءبىر جەڭنەن قول شىعارىپ، ىنتىماقتاسا العا باسۋىمىز كەرەك، قۇرىلتاي رۋحىمەن قۋاتتانىپ، قۇرىلتاي رۋحىمەن جاڭا ءداۋىردى بەتكە الۋىمىز كەرەك قالمۇرات ءىنىم، - دەدى چىن چاڭچيڭ 19 - قۇرىلتايىنىڭ بايانداماسىنان مىسال كەلتىرىپ.
  تارباعاتاي ايماقتىق قازىنا مەكەمەسىنىڭ باستىعى چىن چاڭچيڭ مەن ءدوربىلجىن اۋدانى قارا ەمىل قالاشىعى جىلان ءتىل قىستاعىنىڭ مالشىسى قالمۇراتتىڭ تۋىس بولعانىنا 3 جىلدان استام ۋاقىت بولىپتى، بۇل كۇنى قارا ەمىل حالقى «چىن اعايدى قالمۇراتتىڭ قورمالى، قورعانى» دەيدى. قالمۇراتتىڭ كورشى - قولاڭى چىن چاڭچيڭنىڭ قالمۇراتقا ىستەگەن جاقسىلىعىن جىرداي قىپ ايتادى:
  − چىن اعايدىڭ تانىستىرۋىمەن قالمۇرات بيىل تاس جول قۇرىلىسىنا جۇمىسشى بولىپ ىستەپتى، 5 ايدىڭ ىشىندە 30 مىڭ يۋانداي كىرىس كىرگىزگەن ەكەن، شىركىن، چىن اعاي قالمۇراتتىڭ باعىنا بىتكەن تۋىسى عوي.
  − وتكەن كۇزدە قالمۇرات قارا ەمىلدىڭ شارۋاشىلىق اترەتىنە چىن اعايدىڭ دانەكەر بولۋىمەن ۋاقىتشا ەڭبەكشى بولىپ ىستەپ 15 مىڭ يۋانداي كىرىس كىرگىزدى، جاڭادان سالىنعان بەيقۇت ءۇيىن جوندەتەردە 3000 يۋان جەتپەي قالعاندا، تاعى دا سول چىن اعاسى قول ۇشىن بەردى.
  − چىن اعايدىڭ ويى دا بولەك قوي، قاشان كورسەڭىز قالمۇراتقا اقىلى مەن كەڭەسىن ايتىپ وتىرادى. قالمۇراتتى جاڭا ينفورماتسيالارمەن قامداپ، ونىڭ بيىككە شىعۋىنا رۋحاني جاقتان دەم بەرىپ وتىرادى. قىل اياعى ءار كەلگەن سايىن كىشكەنتاي قىزى ايبوتانىڭ تاپسىرماسىن قاداعالاپ، وعان جاقسى وقۋدىڭ، بيىككە سامعاۋدىڭ جولىن ءتۇسىندىرىپ وتىرادى.
  «چىن اعامنىڭ ماعان ىستەگەن جاقسىلىعىن ساناسام ساۋساعىم ازدىق ەتەدى، كوڭىلى كەڭ دارياداي تولقىعان اق ەدىل جان عوي، وسى كىسىنىڭ ارقاسىندا تۇرمىسىم تىڭايىپ، ءومىرىم وزگەشە تۇرلەندى، وسىنداي تۋىس تاۋىپ بەرگەن پارتياعا العىسىم شەكسىز. چىن اعام مەنىڭ شىن اعام»، - دەيدى قالمۇرات ءشايزادا ۇلى تولقىعان تەبىرەنىسىن باسا الماي.
  چىن چاڭچيڭ قالمۇراتقا كومەكتەسۋدى ازاماتتىق بورىشىم دەپ سانايدى، «ءسىزدى ەل القاپ جاتىر، قالمۇراتقا كوپ جاقسىلىق ىستەپسىز عوي»، - دەپ سوزگە تارتىپ ەدىك: «وي، اينالايىن، ول تۋىستار ارا ىستەۋگە ءتيىستى كومەك قوي، تۋىسىڭ تىعىرىققا تىرەلسە، قول ۇشىڭدى بەرۋىڭ ءجون عوي»، - دەيدى ول ءجۇزى نۇرلانىپ.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ