قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   ناراتتاعى نار جىگىت   «كىتاپ وقىعىڭ كەلسە ومىربەكتى ىزدە»  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

«باسىلىمدار سەلبەستىگىنە قول قويۋ» سالتى ءوتتى

ءتىلشىمىز قالياكبار ۇسەمقان ۇلى

2016.09.21 11:43 كەلۋ قاينارى : شينجياڭ گازەتىنەن

  ءتىلشىمىز قالياكبار ۇسەمقان ۇلى 20 - قىركۇيەكتە ۇرىمجىدەن حابارلايدى. 2 - كەزەكتى جۇڭگو − ازيا - ەۆروپا باسىلىمدار كورمەسىنىڭ «باسپالار سەلبەستىگىنە قول قويۋ» سالتى 20 - قىركۇيەك تۇستەن كەيىن شينجياڭ حالىقارالىق كورمە ورتالىعىندا ءوتتى.
  سالتتا شياڭگاڭ بايلي ءان تاسپا شەكتى سەرىكتەستىگى مەن شينجياڭ دىبىس - بەينە باسپاسى؛ شينجياڭ جاستار - ورەندەر باسپاسى مەن قازاقستاننىڭ «مەرەي» باسپاسى؛ شينجياڭ حالىق باس باسپاسى مەن قازاقستاننىڭ «مەرەكە» باسپاسى ۇزاق ۋاقىتتىق سەلبەستىك توقتامىنا قول قويدى.
  شينجياڭ ۇيعۇر اۆتونوميالى رايوندىق اقپارات − باسپا ءسوز - راديو - كينو - تەلەۆيزيا مەكەمەسى مەن جۇڭگو − ازيا - ەۆروپا باسىلىمدار كورمەسىن ۇيىمداستىرۋ كوميسسياسى بىرلەسىپ وتكىزگەن بۇل مادەني شاراعا ا ق ش، پاكيستان، رەسەي، فرانسيا، قازاقستان، قىرعىزستان، ءۇندىستان قاتارلى 14 ەلدىڭ 20دان استام باسپاسىنىڭ جاۋاپتىلارى جانە ەلىمىزدەگى ولكە، قالالاردىڭ اقپارات − باسپا ءسوز - راديو - كينو - تەلەۆيزيا مەكەمەلەرىنىڭ، باسپا توپتارىنىڭ، شياڭگاڭ، تايۋان باسپا سالاسى كاسىپورىندارىنىڭ، سونداي - اق رايونىمىزداعى اقپارات - باسپا ءسوز ورىندارىنىڭ جاۋاپتىلارى قاتىناستى.
  اۆتونوميالى رايوندىق اقپارات - باسپا ءسوز - راديو - كينو - تەلەۆيزيا مەكەمەسىنىڭ باستىعى گۇلشان تۇراحۇن، قازاقستان مەرەكە باسپاسىنىڭ باستىعى مەرەكە قۇلكەنوۆ، شينجياڭ حالىق باس باسپاسىنىڭ باس رەداكتورى جاڭ شينتاي، جۇڭگو كىتاپ يمپورت - ەكسپورت (توبى) باس سەرىكتەستىگىنىڭ ورىنباسار باس ديرەكتورى لين جيان قول قويۋ سالتىندا ءسوز سويلەپ، جۇڭگو − ازيا - ەۆروپا باسىلىمدار كورمەسىنىڭ جانە باسپالار ارا سەلبەستىك ورناتۋدىڭ باسپالار اراسىنداعى تۇسىنىستىكتى تەرەڭدەتىپ، سەلبەسىپ جۇمىس ىستەۋ جاعىندا اتقاراتىن رولى مەن ماڭىزىنا توقتالدى.
  − جۇڭگو مەن قازاقستان بايىرعى جىبەك جولى بويىنداعى دوس كورشى ەلدەر. ەكى ەلدىڭ دوستىق، ساۋدا - ساتتىق تاريحى دا ۇزاق. قازاقستان تاۋەلسىزدىك العاننان كەيىن ەكى ەل اراسىنداعى ديپلوماتيالىق قاتىناس پەن ەكونوميكا، مادەنيەت جاعىنداعى اۋىس - كۇيىس ءتىپتى دە تەرەڭدەي ءتۇستى. ال باسپا ءسوز سالاسى تۇرعىسىنان ايتساق، قازاقستان جازۋشىلارىنىڭ كوپتەگەن ەڭبەكتەرى جۇڭگودا جارىق كوردى. جۇڭگونىڭ دۇنيەگە ايگىلى «ءۇش پاتشالىق قيساسى»، «سۋ بويىندا»، «باتىسقا ساياحات» سياقتى كلاسسيكالىق شىعارمالارىنا قازىرگى تاڭدا قازاقستان وقىرماندارى ۇلكەن قىزىعۋشىلىق تانىتىپ وتىر. سوندىقتان ءبىز جۇڭگوداعى تاڭداۋلى شىعارمالاردى، نوبەل سيلىعىنىڭ يەگەرى مويان باستاعان حانزۋ قالامگەرلەردىڭ شىعارمالارىن قازاق تىلىنە اۋدارىپ، قازاقستاندا باسپادان شىعارۋدى كوزدەپ وتىرمىز. مىنە وسى تۇرعىدان 2 - كەزەكتى جۇڭگو − ازيا - ەۆروپا باسىلىمدار كورمەسىنىڭ جانە باسپالار سەلبەستىگىن نىعايتۋ كەلىسىمىن جاساسۋدىڭ ءمانى زور دەپ ويلايمىن، - دەيدى قازاقستان مەرەكە باسپاسىنىڭ باستىعى مەرەكە قۇلكەنوۆ.

  شينجياڭ حالىق باس باسپاسى پارتكومىنىڭ شۋجيى، باس رەداكتور جاڭ شينتاي مەن قازاقستان مەرەكە باسپاسىنىڭ باستىعى مەرەكە قۇلكەنوۆ ۇزاق ۋاقىت سەلبەستىك جاساسۋ توقتامىنا قول قويدى.
  سۋرەتتى ءتىلشىمىز قالياكبار ۇسەمقان ۇلى تۇسىرگەن
جاۋاپتى رەداكتورى : قۇلقايتەكتى نۇرلان جانايقان ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ