قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

شي جينپيڭ بريكس ەلدەرى باسشىلارىنىڭ ساۋدا - ونەركاسىپشىلەر جورالار القاسىمەن وتكىزگەن كەڭەسىنە قاتىناستى ءارى بريكس ەلدەرىنىڭ مادەنيەت مەرەكەسىنىڭ باستالۋ راسىمىنە جانە مادەنيەت سۋرەتتەرى كورمەسىنە قاتىناستى

2017.09.05 15:29 كەلۋ قاينارى : شينجياڭ گازەتىنەن

  شينحۋا اگەنتتىگىنىڭ 4 - قىركۇيەكتە شيامىننان بەرگەن حابارى. مەملەكەت ءتوراعاسى شي جينپيڭ 4 - قىركۇيەكتە شيامىندا بريكس ەلدەرى باسشىلارىنىڭ ساۋدا - ونەركاسىپشىلەر جورالار القاسىمەن وتكىزگەن كەڭەسىنە قاتىناستى ءارى ءسوز سويلەدى، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي، وڭتۇستىك افريكانىڭ زۇڭتۇڭى زۋما كەڭەسكە بىرگە قاتىناستى.
  ساۋدا - ونەركاسىپشىلەر جورالار القاسى، جاڭادان وركەندەتىلگەن بانكە ۋاكىلدەرى سىندى ەكى ورگاننىڭ قىزمەت جاعدايىنان بەرگەن مالىمەتىن تىڭداعاننان كەيىن، شي جينپيڭ مىنالاردى اتاپ كورسەتتى: ساۋدا - ونەركاسىپشىلەر جورالار القاسىنىڭ، جاڭادان وركەندەتىلگەن بانكەنىڭ قىزمەتى ماڭىزدى جەتىستىككە قول جەتكىزدى، ءبىز بۇعان قاباعات قۋاندىق. ساۋدا - ونەركاسىپشىلەر جورالار القاسى ەلەكتروندىق ساۋدا، تەحنيكالىق ونەردى دامىتۋ، ولشەم بەلگىلەۋ، سيفرلى ەكونوميكا جاعىنداعى تاجىريبەلەردەن ورتاق يگىلىكتەنۋ سياقتى سالالاردا قىرۋار قىزمەتتەر ورىستەتىپ، تاماشا ونىمدىلىككە يە بولدى. جاڭادان وركەندەتىلگەن بانكە جاڭا نىسانداردىڭ اتقارىلۋىن ورنىقتى ىلگەرىلەتتى، افريكا ءوڭىرى ورتالىعى تاياۋدا جۇمىس باستادى، باس عيماراتتىڭ ىرگە تاسى قالاندى، كاسىپ جۇمىسىنىڭ جانە مەحانيزم قۇرىلىسىنىڭ اياق الىسىندا ۇزدىكسىز تىڭ قادام باسىلدى. كەزەكتە، بريكس ەلدەرىنىڭ ناقتى ىستەر ەكونوميكالىق سەلبەستىگىن كۇشەيتۋىندە وراي مەن سىن - سايىس قاتار ءومىر ءسۇرىپ وتىر، ونىڭ ماڭىزدىلىعى مەن كوكەي تەستىلىگى تەگىس ارتۋدا. ساۋدا - ونەركاسىپشىلەر جورالار القاسىنىڭ جانە جاڭادان وركەندەتىلگەن بانكەنىڭ وسى ناتيجەلەرگە قول جەتكىزۋى بريكس ەلدەرى سەلبەستىگىنىڭ ومىرشەڭدىك كۇشى مەن كومەسكى كۇشىن ايگىلەدى. مەن ەكى ورگاننىڭ قىزمەتىنە تىلەۋلەستىك بىلدىرەمىن.
  شي جينپيڭ مىنالاردى باسا دارىپتەدى: بريكس ەلدەرى باسشىلارى باس قوسۋدا الداعى «التىن 10 جىلدى» سومداپ، بريكس ەلدەرى سەلبەستىگىن تىڭ بيىكتىككە كوتەرۋگە ءبىر اۋىزدان قوسىلدى. ساۋدا - ونەركاسىپشىلەر جورالار القاسى مەن جاڭادان وركەندەتىلگەن بانكەلەردىڭ ورايدى يگەرىپ، قۇلشىنا جۇمىس تىندىرىپ كەسەك دامۋدى جۇزەگە اسىرۋىن ءۇمىت ەتەمىن.
  ءبىرىنشى، بريكس ەلدەرىنىڭ ءوزارا تيىمدىلىك جاساپ، تەڭ يگىلىككە كەنەلۋىن جەبەۋ. اركىم ءوز باسىمدىعىن ساۋلەلەندىرىپ، ساۋدا - ونەركاسىپشىلەر سالاسى مەن فينانس سالاسىن باستاپ، باسشىلاردىڭ ورتاق تانىمىن ناقتى ارەكەتكە اينالدىرىپ، «بريكس ەلدەرىنىڭ ەكونوميكالىق سەرىكتەستىك ستراتەگياسىن» تياناقتاندىرىپ، مۇددە ءتۇيىلىسىن شيراتىپ، ورتاق دامۋدى جۇزەگە اسىرۋ كەرەك.
  ەكىنشى، بريكس ەلدەرىنىڭ ەكونوميكالىق دامۋىنا دەم بەرۋ. جاڭا كەزەكتى عىلىم - تەحنيكا توڭكەرىسى مەن ونەركاسىپ توڭكەرىسى اۋقىمىنا سايكەسىپ، الدىمەن اتقارىپ، الدىمەن سىناق جاساۋعا باتىلدىق ەتىپ، بريكس ەلدەرىنىڭ ەكونوميكالىق دامۋىنا تىڭ ءورىس اشىپ، جاڭا قوزعالىس ەنەرگياسىن ۇستەۋ كەرەك. ەكونوميكانىڭ جاھاندانۋ ۇلكەن بەتالىسىنا سايكەسىپ، باسقا دا ەلدەردىڭ كاسىپورىندارىمەن سەلبەستىكتى تەرەڭدەتۋ، بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ دامۋىن جەبەۋ كەرەك.
  ءۇشىنشى، بريكس ەلدەرى حالىقتارى تىلەگىنىڭ توعىسۋىن ىلگەرىلەتۋ. ناقتى ىستەر سەلبەستىگىن ىلگەرىلەتۋ بارىسىندا ءارى ەكونوميكالىق مۇددەگە ۇمتىلىس جاساپ، ءارى قوعامدىق ونىمدىلىككە ءمان بەرىپ، بريكس ەلدەرى سەلبەستىگىنىڭ حالىققا باقىت جاراتۋىنا، حالىق رايى نەگىزىن بەكەمدەۋىنە مۇمكىندىك جاساۋ كەرەك.
  شي جينپيڭ سوڭىندا مىنالاردى اتاپ كورسەتتى: بريكس ەلدەرى سەلبەستىگىنىڭ جاڭا 10 جىلدىعى باستالۋ قارساڭىندا، ساۋدا - ونەركاسىپشىلەر جورالار القاسى مەن جاڭادان وركەندەگەن بانكەنىڭ ءبىر جاعادان باس، ءبىر جەڭنەن قول شىعارىپ، بريكس ەلدەرى سەلبەستىگىنىڭ جارقىن بولاشاعى ءۇشىن تىڭ ۇلەس قوسۋىن تىلەيمىن.
  باسقا دا بريكس ەلدەرى باسشىلارى دا ءسوز سويلەگەندە ساۋدا - ونەركاسىپشىلەر جورالار القاسىنىڭ، جاڭادان وركەندەتىلگەن بانكەنىڭ ىستەگەن قىزمەتتەرىن وسكەلەڭ تۇراقتاندىرىپ، ەكى ورگاننىڭ بريكس ەلدەرى سەلبەستىگىن كۇشەيتۋ، بريكس ەلدەرىنىڭ دامۋىن جەبەۋ جولىندا ءتىپتى دە زور ۇلەس قوساتىندىقتارىنا سەنەتىندىكتەرىن ءبىلدىردى.
  سوڭىندا، بريكس ەلدەرىنە مۇشە ءارقايسى ەلدەردىڭ ساۋدا - ونەركاسىپشىلەر جورالار القاسىنىڭ ۋاكىلدەرى ءوز ەلىنىڭ باسشىلارىنا جورالار القاسىنىڭ جىلدىق مالىمەتىن تابىستادى.
  كەڭەستەن كەيىن، بريكس ەلدەرىنىڭ باسشىلارى «بريكس ەلدەرىنىڭ ەكونوميكا - ساۋدا سەلبەستىگى ارەكەت باعدارلاماسى»، «بريكس ەلدەرىنىڭ جاڭالىق اشا سەلبەسۋ ارەكەت جوسپارى»، «بريكس ەلدەرىنىڭ كەدەن سەلبەستىگى ستراتەگيالىق جۇلگەسى»، «بريكس ەلدەرىنىڭ ساۋدا - ونەركاسىپشىلەر جورالار القاسى مەن جاڭادان وركەندەتىلگەن بانكەسىنىڭ ستراتەگيالىق سەلبەستىك ورىستەتۋ جونىندەگى تۇسىنىستىك ەسكەرتپە حاتى» سىندى 4 سەلبەستىك حۇجاتقا قول قويىلۋىنا كۋا بولدى.
  بريكس ەلدەرى ساۋدا - ونەركاسىپشىلەر جورالار القاسىنىڭ جانە ساۋدا - ونەركاسىپشىلەر سالاسىنىڭ ۋاكىلدەرى، جاڭادان وركەندەتىلگەن بانكەنىڭ باستىعى سياقتى 300گە تارتا ادام كەڭەسكە قاتىناستى.
  سول كۇنى، بريكس ەلدەرىنىڭ باسشىلارى بريكس ەلدەرى مادەنيەت مەرەكەسىنىڭ باستالۋ راسىمىنە جانە مادەنيەت سۋرەتتەرى كورمەسىنە بىرگە قاتىناستى. شي جينپيڭ مەن باسقا دا بريكس ەلدەرىنىڭ باسشىلارى ءوز ەلىنىڭ ءمور باعاناسىنا ءمورىن باستى، قارسى جاقتاعى ەكراننان بريكس ەلدەرىنىڭ حانزۋشا ارىپپەن جازىلعان مەملەكەت اتى ويۋلانعان باسىلىم ءماتىنى ءبىر ۋاقىتتا كورسەتىلىپ، مادەنيەت فەستيۆالىنىڭ اشىلۋ راسىمى بىرگە باستالدى. سوڭىن الا، 5 ەل باسشىلارى بريكس ەلدەرىنىڭ مادەنيەت سۋرەتتەرى كورمەسىن بىرگە ەكسكۋرسيالادى ءارى بريكس ەلدەرى تۇڭعىش رەت بىرىگىپ تۇسىرگەن «ۋاقىت قايدا كەتتى» فيلمىنەن ءۇزىندى كوردى.
  ۋاڭ حۋنيڭ، لي جانشۋ، ياڭ جيەچى قاتارلىلار اتاۋلى قيمىلدارعا قاتىناستى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ