Mongolئۇيغۇرچە中文
شاعانتوعاي: جايلىم ەكولوگياسىن قورعاۋ سيلىق قاراجاتىن تاراتتى   ساۋان: جاساندى سەرىك ارقىلى تەلە سيگنالىن قابىلداۋ جابدىعىن ورناتتى    شاعانتوعاي: سۋلياۋ پلاستيماسالى دەنە تاربيە الاڭى سالىندى   بۋرىلتوعاي: نەگىزگى ساتى كادرلارىنىڭ ەلەۋلى ەڭبەگى   شىڭگىل: اۋىل شارۋاشىلىق ماشينالارىنا بەرىلەتىن قوسىمشا قاراجات شارۋالارعا ءتيىمدى بولدى   باركول: وڭىرلىك ەرەكشەلىك ساياحاتشىلاردى باۋرادى  

جاڭ چۇنشيان

<<
  جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى

نۇر باكىر

<<
  نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى نۇر باكىر، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى

جۇڭگو قازاقتارىنىڭ تۇڭعىش كەزەكتى ماي بوياۋلى سۋرەت كورمەسى اشىلدى

ءتىلشىمىز ماقسات قيزات ۇلى

2013.11.18 12:36     كەلۋ قاينارى : شينجياڭ گازەتى

ءتىلشىمىز ماقسات قيزات ۇلى ۇرىمجىدەن حابارلايدى. اۆتونوميالى رايوندىق مادەنيەت سارايى مەن قازاق مادەنيەت قوعامىنىڭ باس بولۋىمەن، قازاق مادەنيەت قوعامى كەڭسەسى مەن قازاق مادەنيەت قوعامى جاستار گرۋپپاسىنىڭ بىرلەسىپ وتكىزۋىمەن جۇڭگو قازاقتارىنىڭ تۇڭعىش كەزەكتى ماي بوياۋلى سۋرەت كورمەسى 15 - قازان شينجياڭ كوركەمونەر ينستيتۋتىندا شىمىلدىعىن اشتى.
اۆتونوميالى رايوننىڭ ورىنباسار ءتوراعاسى ەركىن تۇنياز كورمەنىڭ اشىلعاندىعىن جاريالادى. كورمەنىڭ اشىلۋ سالتىندا قازاق مادەنيەت قوعامىنىڭ ءتوراعاسى ارىپ زۇرعانبەك ۇلى ءسوز سويلەپ، بىلاي دەدى: «ماي بوياۋلى سۋرەت ونەرى جۇڭگو قازاقتارىنىڭ جانىنا جاقىن ونەر، جۇرتىمىز ىشىندە الدىڭعى عاسىردىڭ 50 - جىلدارىنان باستاپ گۇلدەنە باستاعان بۇل ونەر قازىرگى كۇنى قاناتىن كەڭگە جايىپ كەلەدى. جۇڭگو مادەنيەتىنە ءوز ۇلەسىن قوسىپ كەلە جاتقان ونەردىڭ وركەنىن ورىستەتۋدى ويلاپ، جۇڭگو قازاقتارىنىڭ تۇڭعىش رەتكى ماي بوياۋلى سۋرەت كورمەسىن مىنە بۇگىن وتكىزىپ وتىرمىز، كوپ بولىپ كۇش شىعارعان كورمەنىڭ كوپشىلىكتىڭ كوڭىلىنەن شىعاتىنىنا سەنىمدىمىز ءارى جاس بۋىن سۋرەتشىلەرىمىزگە شابىت سيلايدى دەگەن ويدامىز».
حالقىمىز مادەنيەتىنىڭ ءبىر تارماعى بولىپ كەلەتىن سۋرەت ونەرىنە ءوز ۇلەسىن قوسۋدى ماقسات ساناعان «تانۇش» توي كيىمدەرى ورتالىعى، «سەن − قازاق» سايتى، «اق وردا» ءۇي اشەكەيلەۋ سەرىكتەستىگى، «بولاشاق» مادەنيەت مەديالارىن تاراتۋ شەكتى سەرىكتەستىگى كورمەگە الىستان اقىلشى، جاقىننان جاردەمشى بولا ءبىلدى، قازاق مادەنيەت قوعامى جاستار گرۋپپاسىنا باس - كوز بولىپ جۇرگەن نۇرعالىم باقىتقان ۇلى، قۋاندىق كوبەن ۇلى قاتارلى ءبىر توپ جاس وسى رەتكى كورمەنىڭ وتكىزىلۋىنە ايانباي ەڭبەك ەتتى.
ءبىر اپتاعا جۋىق ۋاقىتپەن وتكىزىلەتىن سۋرەت كورمەسىنە حالقىمىزدان شىققان امان مۇقانوۆ باستاعان اعا بۋىن، ءابدىماجيت ەرتۋعان، سەرعازى بايجۇما قوستاعان ورتا بۋىن، ارداق امان قىزى ات سالىسقان جاس بۋىن سۋرەتشىلەردەن 60قا تارتا سۋرەتشى قاتىناستى، 130دان استام سۋرەت قويىلدى. قازاقستان رەسپۋبليكاسىنان ات ارىتىپ كەلگەن قازاقستان رەسپۋبليكاسى كوركەمونەر اكادەمياسىنىڭ ورىنباسار ءتوراعاسى، اكادەميك ەرمۇقان ءجۇنىسقان ۇلى وسى رەتكى كورمەنىڭ وزىنە تەرەڭ اسەر قالدىرعانىن، جۇڭگو قازاقتارىنان شىققان سۋرەتشىلەردىڭ ىزدەنىسى مەن قاجىرىنا ءسۇيسىنىپ، سىزبالارىنىڭ بەينەلەۋى مەن بوياۋلارىنا ريزا بولعانىن ايتتى.
مەملەكەتتىك حالىق قۇرىلتايى تۇراقتى كوميتەتىنىڭ جوراسى، مەملەكەتتىك حالىق قۇرىلتايى ۇلت ىستەرى كوميتەتىنىڭ ورىنباسار مەڭگەرۋشى مۇشەسى، اۆتونوميالى رايوندىق ساياسي كەڭەستىڭ بۇرىنعى ءتوراعاسى اسحات كەرىمباي ۇلى، اۆتونوميالى رايوندىق ساياسي كەڭەستىڭ بۇرىنعى ورىنباسارءتوراعاسى ديار قۇماش ۇلى جانە رايونىمىزداعى ءبىر ءبولىم مەڭگەرمە، مەكەمە ورىندارىنىڭ باسشىلارى كورمەنىڭ اشىلۋ سالتىنا قاتىناستى.
جاۋاپتى رەداكتورى : قۇلقايتەكتى نۇرلان جانايقان ۇلى