قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى

بەيجيڭ دۇنيە جۇزىلىك باۋ - باقشا كورمەسىنىڭ اشىلعاندىعىن جاريالادى، ءار جاقتىڭ كورىكتى جەر شارى مەكەندى  بىرگە قۇرۋىن باسا دارىپتەدى

2019.04.29 19:15 كەلۋ قاينارى : شينجياڭ گازەتىنەن

4 - ايدىڭ 28 - كۇنى مەملەكەت ءتوراعاسى شي جينپيڭ بەيجيڭ يانچيڭدە 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى «جاسىل تۇرمىسقا بىرگە تالپىنىپ، كورىكتى مەكەندى بىرگە قۇرايىق» دەگەن تاقىرىپتا ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
■ قازىر ەكولوگيالىق وركەنيەت قۇرىلىسى جۇڭگونىڭ مەملەكەتتى دامىتۋىنىڭ جالپى تۇلعالىق ورنالاستىرۋىنا كىرگىزىلىپ، كورىكتى جۇڭگو قۇرۋ جۇڭگو حالقى تالپىنعان كۇرەس نىساناسىنا اينالدى. جۇڭگونىڭ ەكولوگيالىق وركەنيەت قۇرىلىسى تەز دامۋ ارناسىنا ءتۇستى، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولىپ، دۇيىم جۇرت الدىندا ۇزدىكسىز ايگىلەنەدى.
■ جەر شارى ادامزات سۇيەنىپ تىرشىلىك ەتەتىن بىردەن - ءبىر مەكەن. ءبىز ەكولوگيالىق ورتانى كوز قاراشىعىمىزدى قورعاعانداي قورعاپ، ەكولوگيالىق ورتاعا ومىرىمىزگە مامىلە جاساعانداي مامىلە جاساپ، ەكولوگيالىق وركەنيەتتىڭ نەگىزىن بىرگە بەكەمدەپ، جاسىل دامۋ جولىمەن بىرگە ءجۇرۋىمىز كەرەك. ءبىرىنشى، ءبىز ادام مەن تابيعاتتىڭ جاراسىمدىلىعىنا تالپىنۋىمىز ءتيىس. ەكىنشى، ءبىز جاسىل دامۋعا، گۇلدەنۋگە تالپىنۋىمىز ءتيىس. ءۇشىنشى، ءبىز تابيعاتتى قىزۋ سۇيەتىن سۇيىسپەنشىلىككە تالپىنۋىمىز ءتيىس. ءتورتىنشى، ءبىز عىلمي جونگە سالۋ رۋحىنا تالپىنۋىمىز ءتيىس. بەسىنشى، ءبىز قول ۇستاسا سەلبەسىپ توتەپ بەرۋگە تالپىنۋىمىز ءتيىس.
 

  شينحۋا اگەنتتىگىنىڭ 4 - ايدىڭ 28 - كۇنى بەيجيڭنەن بەرگەن حابارى (تىلشىلەر حان جيە، ۋي مىڭجيا، حوۋ شۋەجيڭ). مەملەكەت ءتوراعاسى شي جينپيڭ 4 - ايدىڭ 28 - كۇنى بەيجيڭ يانچيڭدە 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى «جاسىل تۇرمىسقا بىرگە تالپىنىپ، كورىكتى مەكەندى بىرگە قۇرايىق» دەگەن تاقىرىپتا ماڭىزدى ءسوز سويلەپ، بىلاي دەپ باسا دارىپتەدى: تابيعاتقا ۇيلەسىپ، ەكولوگيانى قورعايتىن جاسىل دامۋ كەلەشەكتى ايگىلەۋدە. جەر شارى بۇكىل ادامزاتتىڭ سۇيەنىپ تىرشىلىك ەتەتىن بىردەن - ءبىر مەكەنى. جۇڭگو ءار ەلمەن بىرگە كورىكتى جەر شارى مەكەندى بىرگە قۇرۋدى، ادامزاتتىڭ تاعدىرلاس ورتاق تۇلعاسىن بىرگە تۇلعالاۋدى قالايدى.
  4 - ايدىڭ اياعىنداعى بەيجيڭ، جان - جانۋار جاندانىپ، گۇل - بايشەشەك جامىراي اشىلدى. ايبىندى ۇلى قورعاننىڭ ەتەگىندە، كورىكتى گۇيشۇي وزەنىنىڭ جاعاسىنداعى اشىلۋ سالتىنىڭ نەگىزگى جينالىس ورنى بولعان گۇيرۇي تەاترحاناسى قانات جايعان كوبەلەكتەي كوز تارتىپ تۇر.
  كەشكى ساعات 8 شاماسىندا، شي جينپيڭ مەن حانىمى پىڭ لييۋان جاڭا عانا 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسقان چەحيانىڭ زۇڭتۇڭى زەمان، جيبۋتيدىڭ زۇڭتۇڭى گەللە، قىرعىزستاننىڭ زۇڭتۇڭى جيەنبەكوۆ، نەپالدىڭ زۇڭتۇڭى باندالي، تاجىكستاننىڭ زۇڭتۇڭى راحمون، كامبودجانىڭ باس ءۋازىرى حۇڭسىن، بيرمانىڭ مەملەكەت ىستەرى اقىلشىسى اڭشان سۋجي، پاكيستاننىڭ زۇڭليى يمران حان، سينگاپۋردىڭ زۇڭليى لي شيانلۇڭ، جاپونيانىڭ باس ءۋازىرىنىڭ ەرەكشە ۋاكىلى ارجيەجۇنبو قاتارلى شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە جينالىس زالىنا كىردى.
  زالدا جۇڭحۋا حالىق رەسپۋبليكاسىنىڭ مەملەكەت ءانى ورىندالىپ، بەس جۇلدىزدى قىزىل تۋ باياۋ كوتەرىلدى. ايبىندى مۋزيكا اۋەنىنە قوسىلا، حالىقارالىق كورمە مەكەمەسىنىڭ تۋى، حالىقارالىق باۋ - باقشا وندىرىسشىلەر قوعامىنىڭ تۋى، بەيجيڭ دۇنيە جۇزىلىك باۋ - باقشا كورمەسىنىڭ تۋى رەتىمەن كوتەرىلدى.
  دۋ قول شاپالاق ءۇنى ىشىندە، شي جينپيڭ ماڭىزدى ءسوز سويلەپ، جۇڭگو ۇكىمەتى مەن حالقى اتىنان الىستان كەلگەن قۇرمەتتى قوناقتاردى قىزۋ قارسى الدى. شي جينپيڭ بىلاي دەپ اتاپ كورسەتتى: اسەم جۇڭحۋانىڭ بايتاق دالاسى جۇڭحۋا ۇلتى سۇيەنىپ تىرشىلىك ەتكەن جانە دامىعان مەكەن، جۇڭحۋا ۇلتىنىڭ 5000 جىلدان استام شۇعىلالى مادەنيەتىن جاراتىپ، جۇڭحۋا ۇلتىنىڭ تابيعات پەن ادام جاراسىم تاپقان وسكەلەڭ تالپىنىسىن جەتىلدىردى. قازىر ەكولوگيالىق وركەنيەت قۇرىلىسى جۇڭگونىڭ مەملەكەت دامۋىنىڭ جالپى تۇلعالىق ورنالاستىرۋىنا كىرگىزىلىپ، كورىكتى جۇڭگو قۇرۋ جۇڭگو حالقى تالپىنعان كۇرەس نىساناسىنا اينالدى. جۇڭگونىڭ ەكولوگيالىق وركەنيەت قۇرىلىسى تەز دامۋ ارناسىنا ءتۇستى، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولىپ، دۇيىم جۇرت الدىندا ۇزدىكسىز ايگىلەنەدى.
  شي جينپيڭ بىلاي دەپ باسا دارىپتەدى: ادامزات وركەنيەتىنىڭ دامۋ تاريحىنا قاراساق، ەكولوگيا گۇلدەنسە، وركەنيەت گۇلدەنگەن، ەكولوگيا قۇلدىراسا، وركەنيەت تە قۇلدىراعان. تۇيمەدەيگە بولا تۇيەدەيدەن ايرىلاتىن، كولدى سارقىپ بالىعىن ۇستايتىن دامۋ ءتاسىلى اياقتادى، تابيعاتقا ۇيلەسىپ، ەكولوگيانى قورعايتىن جاسىل دامۋ كەلەشەكتى ايگىلەۋدە. جەر شارى − ادامزات سۇيەنىپ تىرشىلىك ەتەتىن بىردەن - ءبىر مەكەن. ءبىز ەكولوگيالىق ورتانى كوز قاراشىعىمىزدى قورعاعانداي قورعاپ، ەكولوگيالىق ورتاعا ومىرىمىزگە مامىلە جاساعانداي مامىلە جاساپ، ەكولوگيالىق وركەنيەتتىڭ نەگىزىن بىرگە بەكەمدەپ، جاسىل دامۋ جولىمەن بىرگە ءجۇرۋىمىز كەرەك.
  ءبىرىنشى، ءبىز ادام مەن تابيعاتتىڭ جاراسىمدىلىعىنا تالپىنۋىمىز ءتيىس. ءتارتىپسىز اشسا، دورەكىلىكپەن بۇلاپ - تالاسا، ادامزات، ءسوز جوق، ۇلى تابيعاتتىڭ راقىمسىز ءوش الۋىنا ۇشىرايدى؛ ۇيلەسىمدى پايدالانسا، دوستىقپەن قورعاسا، ادامزات، ءسوز جوق، ۇلى تابيعاتتىڭ جومارت سيىنا يە بولادى. ءبىز جەر شارى ەكولوگياسىنىڭ تۇتاس تۇلعالىق تەپە - تەڭدىگىن ساقتاپ، ۇرپاقتارىمىزدىڭ باي زاتتىق بايلىقتان يگىلىكتەنۋمەن بىرگە، جۇلدىزدى اسپانعا كوز جىبەرۋىنە، جاسىل تاۋلاردى كورە الۋىنا، گۇلدەردىڭ حوش ءيىسىن يىسكەي الۋىنا مۇمكىندىك تۋدىرۋىمىز كەرەك.
  ەكىنشى، ءبىز جاسىل دامۋعا، گۇلدەنۋگە تالپىنۋىمىز ءتيىس. تۇنىق سۋ، جاسىل تاۋ − باعالى بايلىق، ەكولوگيالىق ورتانى جاقسارتۋ دەگەنىمىزدىڭ ءوزى وندىرگىش كۇشتى دامىتۋ. تاماشا ەكولوگيانىڭ ءوزى سارقىلماس جالپىلىق ونىمدىلىك جاراتىپ، ەكونوميكانىڭ، قوعامنىڭ باياندى دامۋىن جۇزەگە اسىرادى.
  ءۇشىنشى، ءبىز تابيعاتتى قىزۋ سۇيەتىن سۇيىسپەنشىلىككە تالپىنۋىمىز ءتيىس. ءبىز ۇنەمدى، ۇيلەسىمدى، جاسىل، تومەن كومىرتەكتى تۇرمىس ءتاسىلىن دارىپتەپ، وركەنيەتتى، اقاۋسىز تۇرمىس سالتىن قالىپتاستىرۋىمىز؛ قورشاعان ورتانى قورعاۋ تانىمىن، ەكولوگيا تانىمىن دارىپتەپ، تۇتاس قوعام بىرگە ات سالىساتىن قورشاعان ورتانى وڭاۋ جۇيەسىن ورناتۋىمىز؛ تابيعاتتى قۇرمەتتەيتىن، تابيعاتتى ايالايتىن جاسىل قۇن كوزقاراسىن دارىپتەپ، تەرەڭ گۋمانيتارلىق سۇيىسپەنشىلىك قالىپتاستىرۋىمىز كەرەك.
  ءتورتىنشى، ءبىز عىلمي جونگە سالۋ رۋحىنا تالپىنۋىمىز ءتيىس. ەكولوگيانى وڭاۋدا، ءسوز جوق، زاڭدىلىققا بويسۇنىپ، عىلمي جوسپارلاپ، جەر جاعدايىنا قاراي ءىس ىستەپ، جاپپاي جوسپارلاپ تەگىس ءمان بەرىپ، كوپ نەگىزدى، بىرگە ءومىر سۇرەتىن ەكولوگيالىق جۇيە قالىپتاستىرۋ كەرەك. ەكولوگيانى وڭاۋدىڭ جولى بۇراڭ دا الىس، جۇرە بەرسەڭ دىتتەگەن جەرگە جەتەسىڭ. بىزدە ۋاقىت ۇتۋ رۋحى بولۋمەن بىرگە، ءتىپتى دە ماڭىزدىسى، باياندى جالعاستىراتىن تاباندىلىق بولۋ كەرەك.
  بەسىنشى، ءبىز قول ۇستاسا سەلبەسىپ توتەپ بەرۋگە تالپىنۋىمىزءتيىس. ەكولوگيالىق سىن - سايىس الدىندا، ادامزات بىرەۋى داڭققا يە بولسا، بارلىعى يە بولاتىن، بىرەۋى زياندالسا، بارلىعى زياندالاتىن تاعدىرلاس ورتاق تۇلعا. تەك قول ۇستاسا سەلبەسكەنىمىزدە عانا، كليمات وزگەرىسى، تەڭىزدىڭ لاستانۋى، ورگانيزمدەردى قورعاۋ سياقتى الەمدىك قورشاعان ورتا ماسەلەلەرىنە ۇتىمدى توتەپ بەرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ نىساناسىن جۇزەگە اسىرىپ، جاسىل دامۋ ۇستانىمىن ادامدار جۇرەگىنە ۇيالاتىپ، الەمدىك ەكولوگيالىق وركەنيەت جولىندا ورنىقتى قاداممەن الىستارعا جەتە الامىز.
  شي جينپيڭ بىلاي دەپ باسا دارىپتەدى: كەشە 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى ءساتتى جابىلدى. ”ءبىر بەلدەۋ، ءبىر جول“دى بىرگە قۇرۋ دەگەنىمىز اشىق دامۋ جولىن قۇرۋ، سونىمەن بىرگە ول، ءسوز جوق، جاسىل دامۋ جولى بولۋ كەرەك. جۇڭگو ءار ەلمەن بىرگە كورىكتى جەر شارى مەكەندى بىرگە گۇلدەندىرىپ، ادامزاتتىڭ تاعدىرلاس ورتاق تۇلعاسىن بىرگە تۇلعالاۋدى قالايدى. ەكولوگيالىق وركەنيەت قۇرۋدا قازىر ەڭبەكتەنىپ، يگىلىگىن ۇزاق ۋاقىتتا كورەمىز. وزىمىزدەن، قازىردەن باستاپ ىسكە كىرىسىپ، اماناتتى بىرىمىزدەن بىرىمىزگە جالعاي بەرەيىك.
  شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلعاندىعىن جاريالادى.
  تەاترحانادا دۋ قول شاپالاق ءۇنى مەن الاقايلاعان ءۇن كوتەرىلدى. ساحنادا ەرىكتىلەر كورمەگە قاتىناساتىن ەلدەردىڭ مەملەكەت تۋىن جانە كورمەگە قاتىناساتىن ۇيىمداردىڭ تۋىن بۇلعاپ، ساحنانى ءتۇرلى - ءتۇستى اسەم بەينەگە شومدىردى.
  اشىلۋ سالتىندا، حالىقارالىق كورمە مەكەمەسىنىڭ باس حاتشىسى لوسەرتالەس، حالىقارالىق باۋ - باقشا وندىرىسشىلەر قوعامىنىڭ ءتوراعاسى وستروم جەكە - جەكە ءسوز سويلەدى. ولار جۇڭگونى ”جاسىل دامۋدىڭ ۇلگىسى“ دەپ القاپ، جۇڭگو ۇكىمەتىنىڭ ەكولوگيالىق وركەنيەتكە ءمان بەرگەندىگىن جانە كورىكتى جۇڭگو قۇرىلىسىن جوعارى باعالادى. ولار جۇڭگو ۇكىمەتىنىڭ تاريحتان بەرگى كولەمى ەڭ زور دۇنيە جۇزىلىك باۋ - باقشا كورمەسىن وتكىزگەندىگىنە العىس ايتىپ، بەيجيڭ دۇنيە جۇزىلىك باۋ - باقشا كورمەسىنىڭ باياندى دامۋ ۇستانىمىن بارىنشا ساۋلەلەندىرىپ، ۇرپاقتارعا مول جاسىل مۇرا قالدىراتىندىعىنا سەنەتىندىگىن ءبىلدىردى.
  وسىدان كەيىن، شي جينپيڭ مەن پىڭ لييۋان ءار ەلدىڭ قۇرمەتتى قوناقتارىمەن بىرگە ”كورىكتى مەكەن“ تاقىرىبىنداعى ادەبيەت - كوركەمونەر كەشىن تاماشالادى.
  كونسەرت بالالار حورى «جۇرەكتەگى تابيعات ءۇنى» ىشىندە باستالدى، بالالاردىڭ اسەرلى ءان اۋەنى مەن تەرەڭ سۇيىسپەنشىلىكتى دەكلاماتسياسى كوپشىلىكتى ماحاببات پەن ءۇمىتتى قول ۇستاسا بىرگە تاراتۋعا شاقىردى. جاعىمدى پيانينو سازى مەن مىڭ بۇرالعان بالەت ءبيى ءتورت ماۋسىمداعى باۋ - باقشانىڭ اسەم كورىنىسىن بەينەلەدى. «شىعىس بوياۋى» جۇڭگونىڭ ۇلتتىق مۋزيكا اسپاپتارىمەن ورىندالىپ، ءساندى دە ءساليقالى ايلى كەش كورىنىسىن كوز الدىعا كەلتىردى. تانگو، تيتا، افريكا دابىل ءبيى جانە جۇڭگونىڭ جەلپۋىش ءبيى «ءتۇستى قانات ەلى» دۇنيە جۇزىندەگى ءار ەل حالقىنىڭ قۋانىشى مەن شاتتىعىن كورسەتتى. «اي استىنداعى سەزىم» بۇلاڭ ساعىمدى، قيالداعىداي حيكىمەت ايلى كەش كورىنىسىن كەستەلەدى. جۇڭگونىڭ كلاسسيكالىق ءبيى «تورە كوبەلەك دوعا كوپىرى» ىرعاتىلا بيگە باسقان كوبەلەك بەينەسىندە ۇلى تابيعاتتىڭ الۋان رەڭىن بەينەلەدى. ءار ەل سانگەرلەرى كورمەگە قاتىناساتىن ەلدەردىڭ ويۋ - ورنەكتى كيىمدەرىن كيىپ، گۇل كەستەسىمەن دوستىق سىرىن شەرتتى. ارقاۋ ءان «كورىكتى مەكەن» مەكەنگەدەگەن ماداقتى، تابيعاتقا دەگەن سۇيىسپەنشىلىكتى، كەلەشەككە دەگەن ءۇمىتتى، جاسىل تۇسكە دەگەن ۋادەنى بەينەلەدى. تاماشا كونسەرت كورەرمەندەردىڭ دۇركىن - دۇركىن قول شاپالاعىنا يە بولدى. كونسەت جاندى ەلىتەر الاۋ وتى ويىنى ىشىندە شىمىلدىعىن جاپتى.
  ديڭ شۋەشياڭ، ياڭ جيەچى، حۋاڭ كۇنميڭ، ساي چي، ۋاڭ ي، جاۋ كىجى قاتارلىلار جوعارىداعى قيمىلدارعا قاتىناستى.
  حۋ چۇنحۋا اشىلۋ سالتىن باسقاردى.
  2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسى 2019 - جىلى 4 - ايدىڭ 29 - كۇنىنەن 10 - ايدىڭ 7 - كۇنىنە دەيىن بەيجيڭ يانچيڭدە «جاسىل تۇرمىس، كورىكتى مەكەن» دەگەن تاقىرىپپەن وتكىزىلەدى. جيىنى شامامەن 110 مەملەكەت پەن حالىقارالىق ۇيىم كورمەگە قاتىناسادى.





جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ