قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جاڭا بورىش ارقالاپ، قادامدى ءتىپتى دە نىق باستى

 مەملەكەتتىك حالىق قۇرىلتايىنىڭ رايونىمىزداعى ۋاكىلدەرىنىڭ 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسىنىڭ جابىلۋ جيىنىنا قاتىناسقاندىعىنان ەستەلىك

تىلشىلەرىمىز لي ياڭ، سۇي يۇن - يان، ياۋ تۇڭ

2019.03.16 17:50 كەلۋ قاينارى : شينجياڭ گازەتىنەن

  3 - ايدىڭ 15 - كۇنى بەيجيڭنەن كوكتەم لەبى ەستى. تيان - انمىن الاڭى كوكتەم شۇعىلاسىنا شومىلىپ، حالىق سارايىنىڭ الدىندا قىزىل تۋلار جەلبىرەدى. 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى وسى ارادا سالتاناتپەن جابىلدى.
  ”10 كۇننىڭ الدىندا، كوكىرەك كەرنەگەن قۋانىش جانە ۇمىتپەن وسى اراعا كەلدىك؛ بۇگىن ءبىزدىڭ نىسانامىز ونان ارى ايقىندالىپ، سەنىمىمىز ونان ارى بەكەمدەلدى“ باسپالداقتى ءبىر - بىرلەپ باسا ءماجىلىس زالىنا كوتەرىلگەن ۋاكىل ادالەت ازەز تەبىرەنە، ”− بيىل جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى، وتاننىڭ دامۋى تاعى دا تىڭ تاراۋىن اشادى، وسىنداي ماڭىزدى ساتكە كۋا بولعانىمدى شەكسىز ماقتانىش سەزىنەمىن جانە ابىروي سانايمىن“، − دەدى.
  تۇستەن بۇرىن ساعات 9دا جابىلۋ جيىنى باستالدى. كوللەكتيۆتىڭ اقىل - پاراساتىن شوعىرلاندىرعان قاۋلىلار، قارارلار ءبىر - بىرلەپ ماقۇلداندى، ءماجىلىس كەڭەستىك تارتىپتەردى تابىسپەن ورىندادى. ءماجىلىستىڭ ناتيجەسى پارتيانىڭ قۋاتتاماسى مەن حالىقتىڭ قالاۋىنىڭ ءبىر تۇتاستىعىن تولىق ايگىلەدى، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەدى.
  جاۋاپكەرشىلىك پەن بورىش جۇكتەگەن، ءۇمىت پەن ارمان جالىنداعان كۇندەر ەستەن كەتپەيدى.
  سوڭعى كۇندەردەن بەرى، شينجياڭ ۋاكىلدەر ۇيىرمەسى باس شۋجي شي جينپيڭنىڭ ەكى ءماجىلىس كەزىندەگى ماڭىزدى سوزدەرىنىڭ رۋحىن مۇقيات ۇيرەنىپ، ۇكىمەت قىزمەتىنەن بايانداما قاتارلىلاردى ارقاۋ ەتىپ، مۇقيات قارادى؛ نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، جوعارى ساپالى دامۋدى ىلگەرىلەتۋ، ەكولوگيالىق ورتانى قورعاۋ، اۋىل - قىستاقتاردى گۇلدەندىرۋ ستراتەگياسىن اتقارۋ سياقتىلار توڭىرەگىندە تەرەڭ تولعانىپ، قىزمەت جاۋاپكەرشىلىگىن ادا ەتىپ، شىنايى ۇسىنىس قويۋعا، ءتيىمدى شارا ۇسىنۋعا قۇلشىندى.
  ەرەكشە جەمىس ورمان شارۋاشىلىعىن دامىتۋ، شينجياڭ كاسىپورىندارىنىڭ ”ءبىر بەلدەۋ، ءبىر جول“ قۇرىلىسىنا ىشكەرىلەي ارالاسۋىن قولداۋ، ءۇرىمجىنى جىبەك جولى ەكونوميكالىق بەلدەۋىنىڭ سىرتقا ەسىك اشۋداعى سىناق رايونى ەتىپ قۇرىپ شىعۋ...ءاربىر ۇسىنىستىڭ استارىندا كۇش - قۋاتپەن مەن اقىل - پاراساتتى بىرگە جۇمساعان ساپار، پارتيا بەكىمى مەن جۇرت تىلەگى ءبىر بەتالىستا ىلگەرىلەگەن تىعىز جاناسۋ مەن مۇندالايدى.
  ”قۇرىلتايعا قاتىناسقاندا ’سابىرسىزدانۋ، كۇتە الماۋ، سالبىرلىققا سالىنباۋ‘ سىندى كوكەي تەستىلىك سەزىم جانە جاۋاپكەرشىلىك سەزىم بولادى“، - دەدى، ۋاكىل سۇن چۇنۋاڭ، بۇدان كەيىن زاڭمەن جونگە سالۋ وي جەلىسىمەن، رەفورما جاساۋ رۋحىمەن، جاڭالىق اشۋ ادىسىمەن قيىن ماسەلەلەردى شەشىپ، ايانباي، قايراتتانا قۇلشىنا قىزمەت ىستەپ، تاسقىنداعان سەزىم جانە مويىماس قايسارلىقپەن قۇرىلتايداعى ايتىلعان ۇلى جوبالاردى شىنايى ارەكەتىمىزبەن تىڭعىلىقتى تياناقتاندىرامىز.
  جاڭا تاريحي باستامادا كۇرەسكەرلەردىڭ اياق ءدۇبىرى جەر جاردى. حالىق سارايىنان شىققان ۋاكىلدەردىڭ جىگەرى تاسقىنداپ، رۋحى اسقاقتادى.
  ”قايتىپ بارعاننان كەيىن، ەڭ الدىمەن ءماجىلىستىڭ رۋحىن جاقسى جەتكىزىپ، پارتيانىڭ حالىققا ءتيىمدى ساياساتتارىن سان مىڭداعان وتباسىلارىنا تياناقتاندىرامىن“، − دەدى ۋاكىل ءدىلشات قىدىرقان، رايونىمىز كەدەيلىكتەن ارىلتۋدان قامال الۋدىڭ شەشۋشى كەزەڭىندە تۇر، ارىنداي ءتۇسىپ، نىسانادان كوز جازباي، ”التى دالمە - ءدال“دى، ”جەتى ءبىر توپ“تى، ”ءۇش جاقتاعى تەبىندى ارتتىرۋ“دى مىقتاپ ارقاۋ ەتىپ، قاجىرلىلىقپەن، جاپاعا شىداپ ناقتى ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزەمىز.
  ”ماجىلىسكە قاتىناسىپ بارىنشا شابىتتانىپ، كەلەشەككە دەگەن سەنىمىمىز بارىنشا كۇشەيدى. باتىس تەرىستىك مۇناي الابى جاڭا دامۋ ۇستانىمدارىن باتىل دايەكتىلەندىرىپ، قامداۋ جاعىنداعى قۇرىلىمدىق رەفورمانى ىلگەرىلەتىپ، كۇشتى جاۋاپكەرشىلىك سەزىمىمەن جانە بورىشتىلىق سەزىمىمەن شينجياڭ ەكونوميكاسىنىڭ جوعارى ساپالى دامۋىن ىلگەرىلەتەدى.“، - دەدى ۋاكىل ليۋ باۋزىڭ تەبىرەنىسىن جاسىرا الماي.
  ءبىر ۇلەس ورنالاستىرۋدا، توعىز ۇلەس تياناقتاندىرۋدا. ”جاۋاپكەرشىلىك تاۋدان دا سالماقتى، ارەكەت سوزدەن ۇتىمدى. ءبىز لاستانۋدان ساقتانۋدان جانە ونى جونگە سالۋدان قامال الۋ شايقاسىن جاقسى جۇرگىزىپ جانە اۋىل - قىستاقتاردىڭ قونىس ورتاسىن رەتتەۋ - جونگە سالۋ سياقتى قىزمەتتەردى جاقسى ىستەپ، قوسىندى باستاپ قۇلشىنا ىزدەنىپ، كوپ جەتىستىكتەر تۋدىرىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا تىڭ ۇلەستەر قوسامىز. “، - دەدى ۋاكىل جارقىن اقات.
  ”جوسپاردى رەالدىققا اينالدىرۋ − جاڭا ۇزاق جورىق. ۋاقىت كۇتىپ تۇرمايدى، تيتتەي دە بوساڭسۋعا بولمايدى“ − دەدى ۋاكىل قايسار ابدۇكەرىم، ”ءماجىلىس العا قويعان ەمدەۋ ارقىلى حالىققا تيىمدىلىك جەتكىزۋ ساياساتى ادامدى شابىتتاندىرادى، ءبىز ۇكىمەت شيپاحانالارى رەفورماسىنىڭ تەبىنىن ارتتىرىپ، ەمدەۋ مەن كۇتىمدەۋدى ۇشتاستىرۋدى جەبەپ، الىس ارالىقتان ەمدەۋ، دياگنوز قويۋ جۇيەسىن ۇزدىكسىز كەمەلدەندىرىپ، بۇقارانىڭ دەنساۋلىعىن قورعايمىز“.
  ۋاكىل ريزا باعداۋلەت قىزى جاۋاپكەرشىلىگىنىڭ ءتىپتى دە اۋىرلاعانىن سەزىندى، ”نەگىزگى ساتىداعى كادر رەتىندە، اۋىل - قىستاقتى گۇلدەندىرۋ ستراتەگياسىن اتقارۋدىڭ ەڭ الدىڭعى شەبىندە تۇرعان مەن مىندەت، جاۋاپكەرشىلىگىمدى ادا ەتىپ، قاجىرلىلىقپەن ناقتى ىستەپ، ءوز قىزمەت ورنىمدا ءتىپتى دە زور ناتيجە شىعارىپ، ءتىپتى دە كوپ بۇقاراعا باقىت جاراتامىن“.
  جاڭا بورىش ارقالاپ، قادامدى ءتىپتى دە نىق باستى. كۇرەسكەرلەرگە ءتان وسى جاڭا داۋىردە، ءبىز ماجىلىستەن كوتەرىلگەن كۇرەس جاساۋ ءۇنى مەن اسقاق ارىننىڭ جورىق دابىلىنداي شابىت بەرىپ، ءسوز جوق، بۇكىل شينجياڭداعى ءار ۇلت حالقىنىڭ قۇلشىنا كۇرەس جاسايتىن بەرىك ەركىن تاسقىنداتىپ، بۇكىل ەل حالقىمەن بىرگە تىڭ كەلەشەكتى بەتكە الىپ ارشىندى قادام تاستايتىندىعىنا سەنەمىز!





جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ