قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

كورىكتى شينجياڭدى ”ءىرى فيلم“دەردەن تاماشالاڭىز

تىلشىلەرىمىز رىن جياڭ، چىن چياڭۋي

2019.03.12 18:57 كەلۋ قاينارى : شينجياڭ گازەتىنەن

  3 - ايدىڭ 9 - كۇنى مەملەكەتتىك حالىق قۇرىلتايىنىڭ ۋاكىلى، بايىنعولين موڭعۇل اۆتونوميالى وبلىسىنىڭ باستىعى ءپۇربا تۇگجەجاپ قول تەلەفونىنداعى سۋرەتتەرىن تىلشىگە كورسەتتى. ول ماقتانىشپەن بىلاي دەدى: ”مىناۋ تەتىما كولى، كوركەم شىعار! بۇل سۋرەتتەر ەشقانداي وڭدەلمەگەن، بارلىعى تابيعي كورىنىس“. ونىڭ قاراۋىنشا، بايىنعولين وبلىسىنىڭ بارلىق جەرىنىڭ كورىنىسى كوركەم، بارلىق جەرى اسەم سۋرەتتەي.
  بيىلعى كوكتەم مەرەكەسى كەزىندە ”زىمىراعان ءومىر“ فيلمى قويىلدى، كورەرمەندەر شارىقتاعان كوركەم شىعارما ۋاقيعاسىنا شومىلۋمەن قاتار، بايىنبۇلاقتىڭ كوركەم كورىنىسىن دە تاماشالادى، كەڭ جازىق جايلاۋ، يرەلەڭدەگەن تاۋ جولدارى، ت. ب كورەرمەندەردى تاڭ قالدىردى.
  بىلتىر 10 - ايدا تەلە فيلم ”سول ءبىر ءتۇن“ قىزۋ قارسى الۋعا يە بولدى. بۇل فيلم نارات جايلاۋى، سايرام كولى، ءۇرىمجىنىڭ نانشان گۇلتەكشەسى قاتارلى جەرلەردەن كورىنىس الىپ تۇسىرىلگەن، كوپتەگەن توراپكەرلەر شينجياڭنىڭ كوركەم كورىنىسىنە جابال قولداۋ كورسەتتى. تاياۋدا ”سول ءبىر ءتۇن 2“ شينجياڭدا باستاپ تۇسىرىلەدى.
  جۋىق جىلداردان بەرى كوپتەگەن كينو - تەلەۆيزيا ءىرى فيلمدەرى ىلگەرىندى - كەيىندى شينجياڭعا كەلىپ كورىنىس الدى، ”جاسىرىنعان باتىرلار“، ”جەر - الەمنىڭ باتىرى“، ”جەتى قىلىش“، ” ۇلى تاڭنىڭ شۋانزاڭى“، ”جيۋجوۋ. تەڭىزدەگى بۇلت ەستەلىگى“، ”قۇبا ءتۇز ەستەلىگى“، ”جۇلدىزعا جورىقشى“، ”ۇلى چين يمەرياسى − بيلىك“، ت.ب كينو - تەلەۆيزيا فيلمدەرىنىڭ بارلىعىندا شينجياڭنىڭ كورىنىسى بار. بۇدان سىرت، ”اكە، قايدا بارامىز“ سياقتى كوپتەگەن ءىرى كولەمدى الۋان ونەر باعدارلامالارى دا شينجياڭدا تۇسىرىلگەن. كورىكتى شينجياڭ كينو - تەلەۆيزيا ءىرى فيلمدەرىندە ءجيى - ءجيى بوي كورسەتىپ، شينجياڭنىڭ كوركەم كورىنىسىن ايگىلەيتىن، شينجياڭ ساياحاتىن ۇگىتتەيتىن، تانىستىراتىن جاڭا تەرەزەگە اينالدى.
  شينجياڭدا تۇراتىن مەملەكەتتىك ساياسي كەڭەستىڭ مۇشەسى دىڭ حۇڭ ءىرى كينو - تەلەۆيزيا فيلمدەرىنىڭ شينجياڭنان كورىنىس الۋىنا ايرىقشا كوڭىل بولەدى، ”كورىكتى شينجياڭ كوركەم كورىنىسكە تولى بولعاندىقتان، ءتىپتى دە كوپ كينو - تەلەۆيزيا فيلم ءتۇسىرۋ ۇيىرمەلەرىنىڭ شينجياڭعا كەلىپ كورىنىس تاڭداپ، فيلم تۇسىرۋگە باۋرايتىنى ءسوزسىز“، - دەدى ول. قازىر قارامايلى قالاسى ورقى رايونى، جەمسارى اۋدانى سياقتى جەرلەردىڭ بارلىعى كينو - تەلەۆيزيا فيلمدەرىن ءتۇسىرۋ بازاسىن قۇرۋدا.
  ”كوركەم كورىنىس تە جەردىڭ شالعاي بولۋىنان الاڭدايدى، كينو فيلم ءتۇسىرۋ، جاساۋ ۇيىرمەلەرىنىڭ ءبىزدىڭ كوركەم كورىنىسكە ءساتتى ۇگىت جاساپ بەرگەندىگىنە العىس ايتامىز“، - دەدى ءپۇربا تۇگجەجاپ، ول ءسوزىن جالعاپ بىلاي دەدى: جۋىق جىلداردان بەرى ساياحات كاسىبىنىڭ نەگىزدىك قۇرىلعى قۇرىلىسىن كۇشەيتۋدەن سىرت، ءبىز تاعى قيمىل وتكىزۋ، ۇگىت اياسىن كەڭەيتۋ سياقتى تاسىلدەردەن پايدالانىپ ساياحات ماركاسىنىڭ ىقپال كۇشىن جوعارىلاتتىق.
  دىڭ حۇڭ بىلاي دەپ قارادى: كينو - تەلەۆيزيا فيلمدەرىن ءتۇسىرۋ ءوڭىردىڭ تانىمالدىلىعىن جوعارىلاتىپ، ساياحاتشىلاردى كەلىپ ساياحاتتاۋعا باۋرايدى، ول شينجياڭنىڭ ساياحاتىن ۇگىتتەيتىن، تانىستىراتىن جاڭا تەرەزە، شينجياڭدا ەلىمىزگە، ءتىپتى، بۇكىل دۇنيە جۇزىنە بەت العان كينو - تەلەۆيزيا فيلمدەرىن ءتۇسىرۋ بازاسىن قۇرىپ، ەلىمىز ءىشى - سىرتىنداعى كينو - تەلەۆيزيا فيلمدەرىن ءتۇسىرۋ ۇيىرمەلەرىن، تانىمال رەجيسسەرلەردى شينجياڭعا كەلىپ كورىنىس الىپ، فيلم تۇسىرۋگە باۋراپ، شينجياڭنىڭ مادەنيەت، ساياحات كاسىبىنىڭ دامۋىنا كۇش ۇستەۋدى ۇسىنىس ەتەمىن.
  ”ءارقايسى ءىرى كينو - تەلەۆيزيا باعدارلامالارىن ءتۇسىرۋ، جاساۋ ۇيىرمەلەرىنىڭ بايىنعولين وبلىسىنا كەلىپ كورىنىس الىپ، بايىنعولين وبلىسىنىڭ كوركەم كورىنىسىن، كورىكتى ىستەرىن ۇگىتتەۋىن قارسى الامىز. ەلىمىزدىڭ جەر - جەرىندەگى ساياحاتشىلاردى بايىنعولين وبلىسىنا كەلىپ ساياحاتتاپ، شينجياڭنىڭ تاريح، مادەنيەت ساياحاتىن جانە جوعارى دەڭگەيلى ەرەكشە ساياحاتىن سەزىنۋىن قارسى الامىز“، - دەپ ءپۇربا تۇگجەجاپ بارشا جۇرتتى شاقىردى.



جاۋاپتى رەداكتورى : قۇندىز مۇحيت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ