قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اۆتونوميالى رايون كەدەيلەردى جۇمىستانۋ شەبەرلىگىنە باۋلۋ تورىن قۇردى

2019.03.11 19:18 كەلۋ قاينارى : شينجياڭ گازەتىنەن

  شينحۋا اگەنتتىگىنىڭ 3 - ايدىڭ 10 - كۇنى ۇرىمجىدەن بەرگەن حابارى (ءتىلشى اينۇر). روزى سۇۋر اۋىل - قىستاق ەلەكتروندى ساۋدا ىستەرىنە باۋلۋدى تەگىن قابىلداپ، ءوز الدىنا دەربەس شارۋاشىلىق قۇرعاننان كەيىن، وڭتۇستىك شينجياڭداعى مۇگەدەك بۇل ۇيعۇر ازامات اۋرۋ سەبەبىنەن العان 40 مىڭ يۋان قارىزىن قايتارىپ قالماستان، اي سايىن 3000 يۋان تۇراقتى كىرىس كىرگىزىپ، كىرىسىن ارتتىرىپ، كەدەيلىكتەن ارىلدى.
  روزى سۇۋردىڭ ءۇيى اقسۋ ايماعى كۇشار اۋدانى قانىقاتام اۋىلى اقشاھار قىستاعىندا، ارحيۆ تۇرعىزىلىپ، كارتچكا بەرىلگەن وتباسى. اۋرۋ ايەلى، قارتايعان شەشەسى بار، مەكتەپتە 2 بالاسى وقيدى، كەدەي وتباسى ءبىر مەزگىل وسىنداي قيىن جاعدايعا كىرىپتار بولعان - دى.
  كۇشار اۋدانىنىڭ اۋىل - قىستاقتارىندا كوپتەگەن كەدەي وتباسىلارىنىڭ وقۋ - اعارتۋ ماعلۇماتى تومەن، جۇمىسقا ورنالاسۋ تەحنيكالىق قابىلەتى جەتكىلىكسىز، جان باعۋدىڭ ءونىمدى ءتاسىلى كەمشىل بولعاندىقتان ۇزاق ۋاقىت بويى كەدەيلىك كۇي كەشكەن ەدى. 2017 - جىلدان باستاپ، كۇشار اۋدانى كەدەيلەرگە جانە مۇگەدەك جاندارعا قاراتا، ەلەكتروندى ساۋداعا باۋلۋ نىسانىن تەگىن ورىستەتىپ، ولاردىڭ كومپيۋتەر باسقارۋ، توردا وكىلەتتى ساتىپ الۋ، ساتۋ، جەدەل جولدامانى قابىلداۋ، تاراتۋ سياقتى تەحنيكالىق قابىلەتتەردى يگەرۋىنە كومەكتەستى، سونىمەن قوسا، ەلەكتروندى ساۋدانى اۋىل - قىستاقتارعا ەنگىزۋ پۋنكتىن، ءتۇيىنىن قۇردى ءارى كومپيۋتەر، پرينتەر سياقتى قۇرىلعىلارمەن قامدادى، ولاردىڭ ۇيىنەن اتتاپ شىقپاي - اق اقشا تابۋىنا مۇمكىندىك تۋدىردى، سونىمەن قوسا ولار ەگىستىك جۇمىستارىن دا اقساتپادى، وتباسىلارىنا دا قارايلاسا الدى.
  قىزىلسۋ قىرعىز اۆتونوميالى وبلىسى، قاشقار ايماعى، اقسۋ ايماعى، حوتان ايماعى مەملەكەت بويىنشا اۋىر كەدەي ءوڭىر، اۋىل - قىستاقتارداعى ارتىق ەڭبەككۇشتەر بۇكىل شينجياڭداعى اۋىل - قىستاقتارداعى ارتىق ەڭبەككۇشتەردىڭ %64تەن استامىن ۇستايدى، اۋىل - قىستاقتارداعى سان مىڭداعان ادامدار ورتانىڭ جاپالى، جۇمىسقا ورنالاسۋ تەحنيكالىق قابىلەتىنىڭ تومەن بولۋى، تىلدىك كەدەرگى سياقتى سەبەپتەر ولاردىڭ جۇمىسقا ورنالاسۋىنا ورالعى بولىپ، كەدەيلىكتەن ارىلتۋدان قامال الۋ قىزمەتىنە قيىنشىلىق تۋدىرعان ەدى.
  وسى جاعدايدى وزگەرتۋ ءۇشىن جاقىنعى جىلداردان بەرى، اۆتونوميالى رايون ءبىرسىپىرا كاسىپتىك - تەحنيكالىق شەبەرلىككە تەگىن باۋلۋ ساياساتىن شىعارىپ، ومىرلىك كاسىپتىك - تەحنيكالىق شەبەرلىككە باۋلۋ ءتۇزىمىن ايقىنداپ، تاپسىرىس بويىنشا قىزمەت ورنىن تۇراقتاندىرىپ، باعىتتامالى تاربيەلەۋدى اتقارىپ، جۇمىسقا ورنالاسۋ تەحنيكالىق تاربيەسى، جۇمىس ورنىندا تەحنيكالىق شەبەرلىككە باۋلۋ تاربيەسى، شارۋاشىلىق قۇرۋ، جاڭالىق اشۋ تاربيەسى، توقىماشىلىق، كيىم - كەشەك كاسىپ سالاسى ارقىلى جۇمىسقا ورنالاستىرۋدى جەبەۋ بويىنشا جۇمىستاندىرۋدان بۇرىنعى تاربيە سياقتى ارناۋلى تاربيەنى ورىستەتتى، جۇمىسقا ورنالاسۋ تەحنيكالىق قابىلەتىنە تاربيەلەۋ تورىن توقۋ ارقىلى كەدەي توپتاردىڭ ءبىر تەحنيكانىڭ تەتىگىن يگەرۋىنە كومەكتەسىپ، كوپ ارنالار ارقىلى جۇمىسقا ورنالاستىرۋدى، شارۋاشىلىق قۇرۋدى جۇزەگە اسىرىپ، كەدەيلىكتەن ارىلتۋدان قامال الۋ نىساناسىنىڭ جۇزەگە اسۋىنا دەم بەردى.
  ساياساتپەن قامتۋ كولەمىن كەڭەيتۋ جاعىندا، شينجياڭ قالا، اۋىلدارداعى جۇمىستانۋ تىلەگى جانە تاربيەلەنۋ تالابى بار ەڭبەكشىلەردى كاسىپتىك تاربيەلەۋ كولەمىنە ەنگىزىپ، جالپىعا بىردەي تۇزىمدەگى تاربيەلەۋ قوسىمشا قاراجاتىن اتقارادى؛ وڭتۇستىك شينجياڭداعى 4 ايماق - وبلىس پەن ىلە قازاق اۆتونوميالى وبلىسىن ءتۇيىندى رايون ەتىپ، جوعارى مەكتەپتەردەن وقۋ تاۋىسىپ جۇمىستانباعانداردى، ”ورتالاۋ، ورتا مەكتەپتەردەن وقۋ تاۋىسىپ ۇزدىكسىز جوعارىلاپ وقي الماعان كەدەي وتباسىلارىنداعى ارتىق ەڭبەككۇشتەردى“ جانە اۋىل - قىستاق ەڭبەككۇشتەرىن ءتۇيىندى قىزمەت وتەلەتىن شوعىر ەتىپ، ءتۇيىندى تاربيەلەۋ جۇرگىزەدى.
  اۋرۋىنا قاراي ءدارى بەرۋ ناقتى ونىمدىلىك كورسەتتى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ەڭ جاڭا ساناق مالىمەتىندە كورسەتىلۋىنشە، شينجياڭ 2018 - جىلى ءبىر ميلليون 275 مىڭ ادام - رەت ءتۇرلى كاسىپتىك تاربيەلەۋ ورىستەتىپ، سايكەس مەزگىلدەگىدەن 16 مىڭ ادام - رەت ارتىپ، جىلدىق نىسانالىق مىندەتتى %115.9 ورىندادى.
  بيىل شينجياڭ ءبىر ميلليون 100 مىڭ ادام - رەت ءتۇرلى كاسىپتىك تاربيەلەۋ ورىستەتىپ، جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوسپارىن ۇزدىكسىز اتقارۋ ارقىلى، كاسىپتىك تاربيەلەۋدى جەبەۋ جوسپارىن، كاسىپورىندارعا اپارىپ جۇمىستاندىرۋدى جەبەۋ جوسپارىن، دەربەس، ءوز الدىنا شارۋاشىلىق قۇرۋدى جەبەۋ جوسپارىن، جۇمىستاندىرۋ ارقىلى كەدەيلىكتەن ارىلۋعا كومەكتەسۋ جوسپارىن ويداعىداي جۇرگىزىپ، كاسىپورىندارعا اپارىپ جۇمىستاندىرۋ قوعامدىق قامسىزداندىرۋ قوسىمشا قاراجاتىن، كاسىپتىك تاربيەلەۋ قوسىمشا قاراجاتىن، قارجىلاي سيلاۋ قاتارلى جۇمىستاندىرۋ ارقىلى كەدەيلەردى سۇيەمەلدەۋ ساياساتىن تياناقتاندىرىپ، باسقا كاسىپ سالاسىنا ويىسىپ جۇمىستاناتىن كەدەي وتباسىلارىنداعى ەڭبەككۇشتەردىڭ نەگىزگى ەڭبەك ساپاسىن تاربيەلەۋمەن جاپپاي قامتۋدى جۇرگىزەدى.
  وسىمەن ءبىر ۋاقىتتا، شينجياڭ كەدەي وتباسىنداعى تولىق ورتا، ورتالاۋ مەكتەپتەردەن بيىل وقۋ تاۋىسىپ جوعارىلاپ وقي الماعانداردىڭ تەحنيكالىق جۇمىسشىلار مەكتەپتەرىنەن تولىق كۇندىك تۇزىمدەگى وقۋ - اعارتۋ تاربيەسىن الۋىن ىلگەرىلەتىپ، جۇمىستانۋى قيىن شوعىردىڭ بازاردىڭ قاجەتىنە اناعۇرلىم ويداعىداي سايكەسىپ، كەدەيلىكتەن ارىلىپ كىرىسىن ارتتىرۋىنا كومەكتەسپەك.





جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ