قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

مۇشە ءدىلنار ابىلا ”مۇشەلەر ارناسى“ندا 

ماڭگى حالىق ءۇشىن ءان شىرقاپ،وتان ءۇشىن ءبي بيلەيمىز

2019.03.10 19:33 كەلۋ قاينارى : شينجياڭ گازەتىنەن

  3 - ايدىڭ 9 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى بەيجيڭدەگى حالىق سارايىندا ەكىنشى جالپى جيىنىن وتكىزدى. سۋرەتتە: مەملەكەتتىك ساياسي كەڭەس مۇشەسى ءدىلنار ابىلا قاتارلىلار ”مۇشەلەر ارناسى“ندا تىلشىلىكتى قابىلداۋدا.
□ سۋرەتتى ءتىلشىمىز لۋ مين - ي تۇسىرگەن
  تىلشىلەرىمىز رىن جياڭ، جاۋ جىيۇن 3 - ايدىڭ 9 - كۇنى بەيجيڭنەن حابارلايدى. ”حالىق ادەبيەت - كوركەمونەرگە مۇقتاج، ادەبيەت - كوركەمونەر دە حالىققا مۇقتاج. الدا ءبىز ادەبيەت - كوركەمونەر قىزمەتكەرلەرى نەگىزگى ساتىعا، بۇقارا اراسىنا كوبىرەك بارىپ، ولارعا قىزمەت وتەپ، ولاردان ۇيرەنىپ، ولاردان ءنار الىپ، جاڭا داۋىرگە ۇيلەسەتىن اناعۇرلىم كوپ تاڭداۋلى تۋىندىلار جاراتىپ، حالىقتىڭ جانە ۇلى وتاننىڭ ءۇمىتىن اقتاۋىمىز كەرەك. ءبىز ماڭگى حالىق ءۇشىن ءان شىرقاپ، وتان ءۇشىن ءبي بيلەيمىز“، - دەدى 3 - ايدىڭ 9 - كۇنى تۇستەن كەيىن بەيجيڭدەگى حالىق سارايىنىڭ ورتالىق زالىندا بۇكىل ەلدىڭ جەر - جەرىنەن كەلگەن اقپارات قۇرالدارىنىڭ كامەرا كوزدەرى، ميكروفوندارى الدىندا، شينجياڭدا تۇراتىن مەملەكەتتىك ساياسي كەڭەس مۇشەسى ءدىلنار ابىلا كۇلىمسىرەي.
  سول كۇنى 2019 - جىلعى مەملەكەتتىك ەكى ءماجىلىستىڭ ”مۇشەلەر ارناسى“ تاعى دا اشىلدى، ءدىلنار ”مۇشەلەر ارناسى“ندا شينجياڭنىڭ ادەبيەت - كوركەمونەر قىزمەتكەرلەرىنىڭ تيانشاننىڭ تۇستىگى مەن تەرىستىگىن ىشكەرىلەي ارالاپ، تاڭداۋلى تۋىندىلارىن الىپ ءار ۇلت بۇقاراسىنىڭ اراسىنا بارىپ، بۇقاراعا رۋحاني ازىق جەتكىزگەندىگىن اڭگىمەلەدى.
  ”سالەمەتسىزدەر مە، مەن كورىكتى شينجياڭنان كەلدىم، اتىم ءدىلنار، 40 جىل ءبي بيلەگەن ادەبيەت - كوركەمونەر قىزمەتكەرىمىن“. ساعات 14تەن 24 مينۋت وتكەندە، ۇزىن قىزىل ماقپال كويلەك كيگەن ءدىلناردىڭ ءوزىن تانىستىرۋى زالداعى اقپارات قۇرالدارىنىڭ نازارىن بىردەن اۋداردى. فوتو اپپاراتتارىنىڭ كنۋپكاسى باسىلعان داۋىس تولاستامادى.
  ”ادەبيەت - كوركەمونەر قىزمەتكەرى رەتىندە، مەكەنىڭىز شينجياڭدا ويىن قويعان اڭگىمەلەرىڭىزدى ايتىپ بەرسەڭىز بولا ما“؟ جۇڭگو اقپارات اگەنتتىگىنىڭ، جۇڭگو اقپارات سايتىنىڭ ءتىلشىسى الدىمەن سۇراق قويدى.
  ءدىلنار اقسۋ ايماعىنىڭ اۋىل - قىستاقتارىندا دالادا ويىن قويعان كەزدەرىن تەرەڭ سۇيىسپەنشىلىكپەن ەسكە الدى: نولدەن تومەن 9 سەلتسي گرادۋستا ويىن كورۋگە كەلگەن بۇقارا ءيىن تىرەسەدى؛ ويىن تۇسكى ساعات بىردە قويىلاتىن ەدى، ءبىراق ورىن يەلەۋ ءۇشىن تاڭعى ساعات 6دا كەلىپ بولعاندار دا بار ەدى.
  ارتيستەردىڭ سۋىقتا قىسقا جەڭدى جەيدە جانە جۇقا تور كويلەكپەن ويىن قويعاندىعىن كورگەن ءىشىنارا قىستاق تۇرعىندارىنىڭ ماقتالى كيىمدەرى مەن سالىلارىن ولارعا جاۋىپ قويعاندىعى ءدىلناردىڭ ماڭگى ەسىندە. ”بۇقارانىڭ مادەني تۇرمىسقا سونشاما ىنتىزار ەكەندىگىن كورىپ، توتەنشە اسەرلەندىك“، - دەدى ول.
  ”مۇشەلەر ارناسى“ندا ءسوز سويلەيتىن ۋاقىت قىسقا عانا بىرنەشە مينۋت بولعانىمەن، الداعى كوركەمونەر جولى ءالى دە ۇزاق. ”بارلىق ناتيجە تۇگەلدەي حالىققا ءتان، بارلىق داڭق تۇگەلدەي حالىققا ءتان. باس شۋجي شي جينپيڭنىڭ مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسىپ جاتقان مادەنيەت، ادەبيەت - كوركەمونەر سالاسىنىڭ، قوعامدىق عىلىمدار سالاسىنىڭ مۇشەلەرىنە امانداسا بارعاندا سويلەگەن ماڭىزدى ءسوزىنىڭ رۋحىن ەسىمدە بەرىك ساقتاپ، مادەنيەت سەنىمىن بەكەمدەپ، ءداۋىر تىنىسىن يگەرىپ، ءداۋىر ۇنىنە قۇلاق ءتۇرىپ، داۋىرمەن تەڭ قادام باسۋعا، حالىقتى وزەك ەتۋگە، حالىققا سارا تۋىندىلار ۇسىنۋعا، تاماشا مورالمەن سالتقا جەتەكشىلىك ەتۋگە تاباندى بولامىن“، - دەدى ءدىلنار نىق سەنىممەن.




جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ