قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

بارلىعىمىز ءبىر ءۇيلى جاندارمىز

حوتان اۋدانى بۇزاق اۋىلدىق پارتكومنىڭ ورىنباسار شۋجيى، ساياسي - زاڭ شۋجيى مامەت ءازىز قۇدۇيۇمبەردى

2019.03.10 18:54 كەلۋ قاينارى : شينجياڭ گازەتىنەن

  بالا كەزىمدە اۋلامىزدا ءبىر ءتۇپ انار اعاشى بولۋشى ەدى، قوڭىر كۇز كەلگەن ساتتە، قىپ - قىزىل جەمىس سامسىپ، اعالى - قارىنداس بىرنەشەۋىمىزدىڭ بۇتاقتاعى انارعا قاراپ اۋزىمىزدىڭ سۋى قۇريتىن، اعاشقا ورمەلەپ شىعىپ جەمىستى جەگىمىز كەلگەندە، اكە - شەشەمىزدىڭ قاتاڭ ۇنىمەن توقتاپ قالاتىنبىز. ”بىزگە نەگە جەگىزبەيدى“ دەپ وكپەلەۋشى ەدىك.
  ءسوزدى 1987 - جىلى 8 - ايدان باستاۋعا تۋرا كەلەدى، ءبىر جاسقا ەندى شىققان مەن دۇرىس تاماقتانباۋدان ىشەك توسىلۋ ناۋقاسىمەن اۋىرىپ قالىپپىن. ۇيدە بالا كوپ، اكە - شەشەم جۇمىس ىستەي ءجۇرىپ، اعا - باۋىرلى، اپەكە - ءسىڭلىلى ءبىزدى باعىپ - قاعادى، مەنىڭ جايسىزدانعانىمدى كوپ ەلەپ كەتپەپتى. قاتتى اۋىرىپ كەتكەن كەزىمدە عانا، اكە - شەشەم مەنى اۋىلدىق ەمحاناعا جەتكىزىپتى. ول كەزدە ەمحانانىڭ ەمدەۋ تەحنيكاسى شەكتى، اۋرۋ سەبەبىن انىقتاي الماي، مەنى اۋداندىق حالىق شيپاحاناعا بارىپ تەكسەرىلۋگە جىبەرىپ، ەڭ سوڭىندا ىشەك بىتەلۋ ناۋقاسىنا شالدىققانىم انىقتالىپتى. ءبىراق اۋداندىق حالىق شيپاحاناسىنىڭ ەمدەۋ شارت - جاعدايى جار بەرمەگەندىكتەن، مەنى، ءسوزسىز، ايماقتىق حالىق شيپاحاناسىنا شۇعىل جەتكىزۋ كەرەك بولىپتى. ايماقتىق حالىق شيپاحاناسىنا بارىپ، ءبىرسىپىرا تەكسەرۋدەن سوڭ، بىرنەشە شيپاگەر مەنىڭ اۋرۋ جاعدايىمدى ”وتە اۋىر، ەڭ جاقسى ەمدەۋ ورايىنان ايرىلىپ قالعان“ دەپ قورىتىندى شىعارىپ، اكە - شەشەمە مەنى ۇيگە الىپ قايتىپ، ارتقى جۇمىستارىما دايىندالۋدى ايتىپتى.
  اكە - شەشەم شيپاگەردىڭ ءسوزىن ەستىپ، ەگىلە جىلاعانىن كورگەن شيپاگەرلەر جان اشىرلىق بىلدىرگەنىمەن، ولار دا امالسىز قالىپتى. اكە - شەشەمنىڭ ءۇمىتى ۇزىلۋگە تاياعاندا، وپەراتسيا ۇيىنەن جاڭا عانا شىققان ۋاڭ شيپاگەر ءبىزدى كورىپ، شيپاگەرلەردەن جاعدايدى ۇعىسىپتى. مەنىڭ اۋرۋ جاعدايىمدى بىلگەن سوڭ، ۋاڭ شيپاگەر ءوزىنىڭ سىناپ كورسە بولاتىندىعىن ايتىپتى. اكە - شەشەم ءۇمىت ۇشقىنىن كورگەندەي بولىپ، ۋاڭ شيپاگەردەن مەنىڭ ءومىرىمدى قۇتقارىپ قالۋدى ءوتىنىپتى. ۋاڭ شيپاگەر:”الاڭسىز بولىڭدار، بالانى قۇتقارۋعا بار كۇشىمدى سالامىن!“ دەپتى دە وپەراتسيا ءۇيىن دەرەۋ دايىنداپ، وپەراتسياعا كىرىسىپتى.
  ول ۋاڭ شيپاگەردىڭ ارت - ارتىنان 3 وپەراتسيا جاساپ شىققان، تۇسكى تاماعىن دا ىشۋگە ۇلگىرمەگەن كەزى ەدى. ول وپەراتسيا الدىنداعى دايىندىق قىزمەتىن ءوزى ورنالاستىرىپ، 2 ساعاتتان استام ۋاقىتپەن وپەراتسيانى دا ءوزى جاساپتى. مەنى وپەراتسيا ۇيىنەن شىعارعان كەزدە، ۋاڭ شيپاگەر اكە - شەشەمە وپەراتسيانىڭ وتە ءساتتى بولعاندىعىن ايتقاندا، اكە - شەشەم كوز جاستارىن تيىپ، جۇزدەرىنە كۇلكى ءۇيىرىلىپ، ۋاڭ شيپاگەرگە راقىمەتتەرىن جاۋدىرىپتى، ۋاڭ شيپاگەر جاي عانا جىميىپ:”اجالعا اراشاشى، جارالىعا مەدەت بولۋ مەنىڭ جاۋاپكەشىلىگىم، راقىمەت ايتۋدىڭ قاجەتى جوق“ دەپتى دە، ەمدەۋ قىزمەتكەرلەرىنە ىجداعاتپەن شيپاگەرلىك تاپسىرمالار بەرگەن سوڭ عانا، قالجىراعان كۇيدە شيپاحانادان شىققان ەكەن.
  مەنىڭ شيپاحانادا جاتقان كەزىمدە، ۋاڭ شيپاگەر ءار كۇنى دەرلىك مەن جاتقان بالنيتسا بولمەسىنە كەلىپ اۋرۋ جاعدايىمدى باقىلاپ، سەسترالاردان قاتىستى جاعدايلاردى ۇعىسىپ، ەمدەۋ جوباسىن دەر كەزىندە رەتتەپ تۇرىپتى. ۋاڭ شيپاگەردىڭ تاپتەشتەپ ەمدەۋىنىڭ ارقاسىندا، مەن تەز قالپىما كەلىپ، 2 اپتادا - اق تولىق جازىلىپ شيپاحانادان شىعىپپىن.
  مەن ۇيگە قايتقاننان كەيىن دە، ۋاڭ شيپاگەر قاربالاستىقتان ۋاقىت شىعارىپ، ءبىزدىڭ ۇيگە كەلىپ مەنىڭ دەنساۋلىق جاعدايىمدى تەكسەرىپ تۇرىپتى. اكە - شەشەم ەرەكشە تەبىرەنىپتى، سوندىقتان ءار جىلى انار پىسقان كەزدە، تۇگەلدەي ەڭ جاقسىسىن ۋاڭ شيپاگەرگە اپارىپ بەرەتىن بولىپتى.
  مەن ەسىمدى بىلگەلى ءار رەتكى مەرەكە سايىن، ەكى وتباسىنداعىلار ءبىر - بىرىمىزدىكىنە قىدىرىپ تۇرۋشى ەدىك. اكە - شەشەم انار، جەرلىك تاۋىق، جەرلىك تاۋىق جۇمىرتقاسىن الىپ ۋاڭ شيپاگەردىڭ ۇيىنە قوناققا بارسا، ۋاڭ شيپاگەر مەن ونىڭ ۇيىندەگىلەر جەمىس - جيدەك، قوي، سيىر ەتىن الىپ، بىزدىكىنە كەلىپ قوناق بولاتىن. تىلدىك قارىم - قاتىناس جاساۋ قيىن بولعانىمەن، ءبىز ەكى وتباسىنداعىلار ءوزارا تەرەڭ سۇيىسپەنشىلىكتى سەزىنەتىنبىز. اكە - شەشەم ۇنەمى ”ۋاڭ شيپاگەر بولماسا، سەنىڭ 2 - رەت ءومىرىڭ دە بولماس ەدى“ دەپ وتىرادى، ۋاڭ شيپاگەر: ءبىز ءبارىمىز ءبىر ءۇيلى جاندارمىز، ۇيىمدەگىلەرگە، كومەكتەسۋ مەنىڭ جاۋاپكەرشىلىگىم ءارى مىندەتىم، - دەيدى.
  مەنىڭ باستان كەشىرگەندەرىم ءدال ”ۇلتتار ىنتىماعى − ءار ۇلت حالقىنىڭ جانى“ دەيتىن ماڭىزدى تۇجىرىمنىڭ جاندى بەينەسى. مەن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنا بەلسەنە قاتىناسىپ، باستاماشىلدىقپەن ۇلتتار ىنتىماعىنىڭ قورعاۋشىسى بولامىن.





جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ