قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ەكولوگيالىق وركەنيەت قۇرىلىسىن بۇلجىماستان كۇشەيتەمىز

− باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزى رايونىمىزدىڭ  ءار سالاسىندا قىزۋ اڭىس قوزعادى

2019.03.07 19:32 كەلۋ قاينارى : شينجياڭ گازەتىنەن

  3 - ايدىڭ 5 - كۇنى تۇستەن كەيىن باس شۋجي شي جينپيڭنىڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزى رايونىمىزداعى كادرلار مەن بۇقارا اراسىندا قىزۋ اڭىس قوزعادى. كوپشىلىك باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ۇعىنىپ، ەكولوگيالىق وركەنيەت قۇرىلىسىن بۇلجىماستان كۇشەيتىپ، شينجياڭنىڭ اسپانىن اشىق، سۋىن تۇنىق ەتىپ، ونان ارى كورىكتەندىرە تۇسەتىندىكتەرىن ءبىلدىردى.
  جوعارى ساپالى دامۋدى جاسىل دامۋ ارقىلى ىلگەرىلەتەمىز
  باس شۋجي شي جينپيڭ: ەكولوگيانى الدىمەن ەسكەرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىن قاراستىرۋ كەرەك، − دەپ اتاپ كورسەتتى.
  ءۇرىمجى اۋدانى گانگوۋ اۋىلىنىڭ تولقىن قىستاعى − تاۋ مەكەندەپ، سۋ جاعالاعان، مال شارۋاشىلىعىن نەگىز، ساياحات كاسىبىن قوسالقى شارۋاشىلىق ەتكەن شاعىن تاۋلى قىستاق. تولقىن قىستاعىنىڭ مالشىسى گۇلجاۋار ومىربەك قىزى بىلاي دەدى: ”سوڭعى ەكى جىلدا ءۇرىمجى اۋدانى جايلىم ەكولوگياسىن قورعاۋ جاردەماقى سيلىعىن بەرۋ ساياساتىن اتقارعاندىقتان، قىستاق تۇرعىندارىنىڭ جايلىمدى قورعاۋ تانىمى بارعان سايىن كۇشەيدى، ەكولوگياسى بارعان سايىن جاقساردى، ساياحاتشىلار بارعان سايىن مولايدى، قىستاق تۇرعىندارىنىڭ كىرىسى دە بارعان سايىن ارتتى. ءبىز باس شۋجيدىڭ تاپسىرماسىن ەستە بەرىك ساقتاپ، جوعارى ساپالى دامۋدى جاسىل دامۋ ارقىلى ىلگەرىلەتۋىمىز كەرەك“.
  تاماق ىستەگەندە تابيعي گاز ىستەتەدى، ەسىكتەن شىعا قالسا اسفالت جول بار، تازالىقشىلار كوشەلەردى تاپ - تازا سىپىرىپ تۇرادى، ءۇي - ءۇيدىڭ جان - جاعىنا شىلان، شاپتول، الما اعاشتارى ەگىلگەن... مەملەكەتتىك وركەنيەتتى قىستاق − چارقىلىق اۋدانى تىكەنلىك قالاشىعى عولوستەڭ قىستاعىنىڭ بارلىق جەرى ەگىنجايمەن كومكەرىلگەن. قىستاق پارتيا ياچەيكاسىنىڭ شۋجيى ما شىڭچاڭ بىلاي دەدى: ”عولوستەڭ قىستاعى شىلان ەكونوميكالىق ورمانىن ءوسىرۋدى، ەگىستىكتەن ورماندى قالپىنا كەلتىرۋدى جانە اعاش ەگىپ، ورمان ءوسىرۋدى ەكولوگيالىق ورتانى جاقسارتۋدىڭ، شارۋالار كىرىسىن ارتتىرۋدىڭ، ەكونوميكانىڭ دامۋىن جەبەۋدىڭ ماڭىزدى شاراسى ەتتى. بۇگىنگى كۇندەرى كەڭ اۋماقتى شىلان ورمانى قۇمدى بوراندى توساتىن قالتقىعا اينالىپ، ەكولوگيالىق ونىمدىلىك پەن ەكونوميكالىق ونىمدىلىككە بىردەي قول جەتىپ وتىر. الداعى ۋاقىتتا ءبىز باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، ۇعىنىپ، ەكولوگيانى الدىمەن ەسكەرۋگە قاشاندا تاباندى بولىپ، عولوستەڭ قىستاعىنىڭ جاسىل دامۋىن كۇش سالا ىلگەرىلەتەمىز“.
  ”قازىر قورىقتا اعاش كوبەيدى، ءوسۋى دە جاقسى، جابايى حايۋاناتتاردى دا ءجيى - ءجيى كەزدەستىرۋگە بولادى، مۇنىڭ ءبارى جاسىل دامۋ جولىنان جازباۋدىڭ جەمىسى“، − دەدى ەندى عانا تاۋدى شارلاپ كەلگەن شينجياڭ باتىس تيانشان مەملەكەت دارەجەلى تابيعي قورىقتى باسقارۋ مەكەمەسىنىڭ قورعاۋشىسى نەسىپبەك سۇلەيمەن تەرەڭ اسەرمەن − ”مۇنان بىلاي ءبىز ۇزدىكسىز كۇش سالىپ، جاسىل دامۋ ۇستانىمىن امالياتتا ايگىلەپ، وسى جەردىڭ ءبىر تال اعاش - شوبىنە دەيىن قورعايمىز“.
  ەكولوگيالىق جۇيەنى قورعاۋ سەرپىنىن ارتتىرامىز
  باس شۋجي شي جينپيڭ ەكولوگيالىق جۇيەنى قورعاۋ سەرپىنىن ارتتىرۋدى باسا دارىپتەدى.
  ”باس شۋجي شي جينپيڭنىڭ ماڭىزدى ءسوزى قورشاعان ورتانى قورعاۋ قىزمەتىمىزگە پارمەندى قوزعاۋشى كۇش قوستى“. بۇراتالا موڭعۇل اۆتونوميالى وبلىستىق ەكولوگيالىق ورتا مەكەمەسىنىڭ باستىعى بايىر مىنالاردى ءبىلدىردى: قازىر بۇراتالا وبلىسى قورشاعان ورتانى باسقارۋدى سارالاۋ، عىلميلاندىرۋ دەڭگەيىن جاپپاي جوعارىلاتىپ، قورشاعان ورتانى باقىلاۋ - ولشەۋ، باقىلاۋ - كۇزەتۋ تورىن ۇزدىكسىز كەمەلدەندىرىپ، ءتۇيىندى لاستانۋ قاينارىن باقىلاۋ - باسقارۋ سەرپىنىن اناعۇرلىم ارتتىردى. مۇناي بىلاي ءبىز كولەمدەنگەن مال، ءۇي قۇسى باعىمشىلىعىنىڭ لاستاۋىنان ساقتانۋ - جونگە سالۋ، اۋىل - قىستاق تۇرمىستىق لاس سۋلاردى جانە قوقىر - قوقسىقتاردى ءبىر جاقتى ەتۋ سياقتى جاقتاردان جاڭا جول قاراستىرىپ، جاڭا شارالاردى بەلگىلەپ، اۋىل - قىستاقتىڭ ەكولوگيالىق قورشاعان ورتاسىن قورعاۋ قىزمەتىندە جاڭا ناتيجە جاراتۋعا تالپىنامىز.
  ”تابيعي ورمان − ورمان ەكولوگيالىق جۇيەسىنىڭ ماڭىزدى قۇرامداس بولىگى، مەملەكەتتىڭ ەكولوگيالىق حاۋىپسىزدىگىن قورعاۋ، ەكولوگيالىق وركەنيەت قۇرىلىسىن جەبەۋ جانە ەكونوميكانى، قوعامدى باياندى دامىتۋ جونىنەن ورنىن باستىرۋعا بولمايتىن رولعا يە“، − دەدى اقتاۋ اۋداندىق ورمان شارۋاشىلىعىن باسقارۋ پۋنكتىنىڭ باستىعى قۇربانالى مامەتالى − ”ەندىگى جەردە قورعاۋ جاۋاپكەرشىلىگىمىز بەن قورعاۋ شارالارىن اناعۇرلىم ويداعىداي تياناقتاندىرىپ، تابيعي ورماندى قورعاۋ قىزمەتىن كۇش سالا جاقسى ىستەيمىز“.
  ءۇرىمجى قالاسى سايباق رايوندىق ورمان شارۋاشىلىعى باۋ - باقشا باسقارۋ مەكەمەسىنىڭ قىزمەتكەرى لي سى بىلاي دەدى: باۋ - باقشا قىزمەتكەرى رەتىندە، باس شۋجي شي جينپيڭنىڭ ماڭىزدى ءسوزى ارقالاعان جاۋاپكەرشىلىگىمنىڭ اۋىر ەكەنىن تەرەڭ سەزىندىردى. الداعى جەردە، قىزمەتتى اناعۇرلىم قۇلشىنا ىستەپ، سايباق رايونىن ءتىپتى دە جاسىل، ءتىپتى دە كوركەم ەتەمىن“.
  لاستانۋدان ساقتانۋدان جانە ونى تىزگىندەۋدەن قامال الۋ شايقاسىن ويداعىداي جۇرگىزەمىز
  باس شۋجي شي جينپيڭ مىنانى اتاپ كورسەتتى: لاستانۋدان ساقتانۋدان جانە ونى تىزگىندەۋدەن قامال الۋ شايقاسىن ويداعىداي جۇرگىزۋ كەرەك. حالىق بۇقاراسىنىڭ اڭىسى كۇشتى بولعان كورنەكتى قورشاعان ورتا ماسەلەسىن ويداعىداي شەشۋ − ءارى حالىق تۇرمىسىنا قاتىستى قورشاعان ورتانى جاقسارتۋدىڭ كوكەي تەستى قاجەتى ءارى ەكولوگيالىق وركەنيەت قۇرىلىسىن كۇشەيتۋدىڭ شۇعىل مىندەتى.
  ”ءبىز باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، قورشاعان ورتانى باقىلاۋ - ولشەۋ قىزمەتىن قۇلشىنا ويداعىداي ىستەپ، قورشاعان ورتانىڭ لاستانۋىن جونگە سالىپ، ەكولوگيانى قورعاۋ ءۇشىن پارمەندى تىرەك ازىرلەيمىز“. كۇنەس اۋداندىق قورشاعان ورتانى قورعاۋ مەكەمەسى قورشاعان ورتانى باقىلاۋ - ولشەۋ پۋنكتىنىڭ باستىعى فىڭ شينيۇڭ بىلاي دەدى: سوڭعى جىلدارى كۇنەس اۋداندىق قورشاعان ورتانى قورعاۋ مەكەمەسى ءتۇيىندى كاسىپورىندارمەن نىسانا جاۋاپكەرشىلىك حاتىنا قول قويۋ ارقىلى كاسىپورىنداردى اتموسفەراعا لاس زاتتاردى شىعارۋدى ازايتۋعا قۋزادى. سونىمەن قاتار، كۇنەس اۋدانى لاس سۋلاردى ءبىر جاقتى ەتۋ زاۆودتارىنىڭ لاس سۋلاردى ءبىر جاقتى ەتۋ قابىلەتىن بار كۇشپەن ءوسىرىپ، ءتۇرلى لاس سۋلاردىڭ ەكولوگيالىق ورتاعا جاسايتىن ىقپالىن مۇمكىندىكتىڭ بارىنشا ازايتتى.
  2018 - جىلى ءۇرىمجى قالاسى ميدۇڭ رايونى ”كومىردى تىزگىندەۋ، لاس زاتتاردى تىزگىندەۋ، شاڭ - توزاڭدى تىزگىندەۋ، اۆتوكولىكتەردى تىزگىندەۋ“ كەشەندى شارالارىن ءۇرتىس ويداعىداي اتقارىپ، اۋا ساپاسىن ۇزدىكسىز جاقسارتۋدى ىلگەرىلەتتى. ءۇرىمجى قالاسى ميدۇڭ رايوندىق ەكونوميكا جانە دامۋ - رەفورما كوميتەتىنىڭ مەڭگەرۋشىسى لو چاڭچيڭ مىنانى ءبىلدىردى: بيىل ءبىز باس شۋجيدىڭ تالابى بويىنشا، لاستانۋدان ساقتانۋدان جانە ونى تىزگىندەۋدەن قامال الۋ شايقاسىن ويداعىداي ۇزدىكسىز جۇرگىزىپ، حالىق بۇقاراسىنىڭ اڭىسى كۇشتى بولعان كورنەكتى قورشاعان ورتا ماسەلەسىن ويداعىداي شەشۋگە كۇش سالىپ، شينجياڭنىڭ تۇنىق سۋىن، اشىق اسپانىن قورعايمىز.
  ”اۋىل - قىستاقتاعىلاردىڭ قونىس ورتاسىن رەتتەۋ - وڭاۋ اۋىل - قىستاقتى گۇلدەندىرۋدىڭ ءبىرىنشى شايقاسى، سونداي - اق ەكولوگيالىق وركەنيەت قۇرىلىسىنىڭ ءبىر رەتكى قيان − كەسكى شايقاسى“. اۆتونوميالى رايوندىق پارتكوم بىرلىكساپ ءبولىمىنىڭ ياركەن اۋدانى شارباق اۋىلى وتاقشى قسىتاعىندا تۇراتىن ءبىرىنشى شۋجيى دۇڭ چىڭپيڭ مىنانى ءبىلدىردى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، كورىكتى، قونىستانۋعا جايلى اۋىل - قىستاق قۇرۋدى باعدار ەتىپ، اۋلا ورتاسىن رەتتەۋ - وڭاۋدى، قونىس ورتاسىن رەتتەۋ - وڭاۋدى، لاس سۋلاردى ءبىر جاقتى ەتۋدى جانە قىستاقتىڭ كەلبەتىن، بەينەسىن جاقسارتۋدى ويداعىداي ىستەپ، وتاقشى قىستاعىنداعىلاردىڭ قونىس ورتاسىن كورنەكتى جاقسارتۋدى قۇلشىنا جۇزەگە اسىرىپ، قىستاقتىڭ ورتاسىن تازارتامىز، كوركەيتەمىز.
  (تىلشىلەرىمىز پەريزات، چىڭ يۋەيۋە، ءجازيرا نەسىپبەك قىزى، حى ليڭ، جاۋ چۇنحۋا، يۇي شي، ۋي حۇڭپيڭ، ەرىكتى ءتىلشى جاۋ شۋەلۇڭ)



جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ