قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

”ءبىر - بىرىمىزبەن تۋىس بولىپ، ۇلتتار ىنتىماعىنىڭ بەرەكەلى شاڭىراعىن كوتەردىك“

− وڭتۇستىك شينجياڭداعى كوپ ۇلتتى الەۋمەتتىك اۋماقتاعى جان تەبىرەنتەرلىك اڭگىمەلەر

2019.03.07 19:09 كەلۋ قاينارى : شينجياڭ گازەتىنەن

  شينحۋا اگەنتتىگىنىڭ 3 - ايدىڭ 6 - كۇنى ۇرىمجىدەن بەرگەن حابارى (تىلشىلەر شاڭ شىڭ، چي يچۋ). ”ءبىر - بىرىمىزبەن تۋىس بولىپ، ۇلتتار ىنتىماعىنىڭ بەرەكەلى شاڭىراعىن كوتەردىك؛ جۇرەگىمىز توعىسىپ، تامىرىمىز جالعاسىپ، قول ۇستاسىپ ورتاق مەكەن قۇردىق...“ كەڭ قيمىل ۇيىندە ءار ۇلت حالقىنىڭ نەشە ونداعان بۇقاراسى قورالانا وتىرىپ، ساحناداعى تارتىمدى ويىندى تاماشالادى، قۋانىشتى كۇلكى ءۇنى تولاسسىز تارالىپ جاتىر.
  بۇل اقسۋ قالاسى چاۋياڭ الەۋمەتتىك اۋماعىنىڭ ۇلتتار ىنتىماعىنىڭ جەلىلەس بىرلەسكەن دوستىق قيمىلدارىنىڭ ءبىرى. 3 - ايدىڭ 3 - كۇنى، الەۋمەتتىك اۋماق ”ءبىر ءاندى قوسىلا شىرقاپ، ءبىر ءبيدى بىرگە ۇيرەنەيىك“ قيمىلىن ورىستەتىپ، ”كەشكى قىزىل اراي“ ونەر توبىنداعى ءار ۇلتتان قۇرالعان 10 نەشە قارت ءان شىرقادى، ونەر توبىنىڭ مۇشەسى ەركىن قادىر ىرحۋ تارتتى، كورەرمەندەر شاپالاق سوقتى.
  ”بۇقارانىڭ تۇرمىس شارت - جاعدايى جاقسارىپ، رۋحاني مادەنيەت قاجەتى ءتىپتى دە ماڭىزدى بولا ءتۇستى. تاياۋ جىلداردان بەرى، الەۋمەتتىك اۋماق ۇلتتار ىنتىماعىنىڭ بىرلەسكەن دوستىق قيمىلى،` كورشىلەر مەرەكەسى` قيمىلى سياقتىلاردى ۇزبەي وتكىزىپ، تۇرعىنداردى ءتۇرلى قيمىلدارعا تارتىپ، بۇقارانىڭ مادەني تۇرمىسىن بايىتىپ، ءار ۇلت بۇقاراسىنا قويۋ كورشىلەر سۇيىسپەنشىلىگىن سەزىندىردى“، − دەدى چاۋياڭ الەۋمەتتىك اۋماعىنىڭ ءبىرىنشى شۋجيى جۋ يۇيدۇڭ.
  چاۋياڭ الەۋمەتتىك اۋماعىندا 3119 وتباسى، 8703 ادام بار، وندا حانزۋ، ۇيعۇر، حۇيزۋ، قىرعىز سياقتى كوپ ۇلت بۇقاراسى قونىستانعان. سوڭعى جىلداردان بەرى، الەۋمەتتىك اۋماق فورماسى الۋان، مازمۇنى باي قيمىلدار وتكىزۋ ارقىلى، ءار ۇلت بۇقاراسىنىڭ بىرگە تۇرۋ، بىرگە ۇيرەنۋ، بىرگە جۇمىس ىستەۋ، بىرگە شاتتانۋ بارىسىندا ارالاسۋىن، ىشتەسۋىن، توعىسۋىن جەبەدى. 2016 - جىلى چاۋياڭ الەۋمەتتىك اۋماعى پارتيا ياچەيكاسى ”ۇلتتار ىنتىماعىندا اۆتونوميالى رايوندىق وزات نەگىزگى ساتى پارتيا ۇيىمى“ داڭقتى اتاعىنا يە بولدى.
  چاۋياڭ الەۋمەتتىك اۋماعىنىڭ جۇمىس عيماراتىنداعى قاز - قاتار تىزىلگەن سۋرەتتەر مەرەيلى ساتتەردىڭ ءبىر - ءبىر ەستەلىگى. ءداستۇرلى دۋان - ۋ مەرەكەسىندە الەۋمەتتىك اۋماقتاعى ءار ۇلت تۇرعىندارى بىرگە وتىرىپ قياق كۇرىش تۇيسە؛ الەۋمەتتىك اۋماق تۇرعىندارىنىڭ شاي ماجىلىسىندە، ءار ۇلت بۇقاراسى ءدامدى تاعامداردان بىرگە اۋىز ءتيىپ، اسپازدىق ونەرلەرىن كورسەتتى؛ الەۋمەتتىك اۋماق تۇرعىنى يۇي سۇيجۋ مەرتىگىپ اۋرۋحاناعا جاتقاندا، كورشىسى ايگۇل ومار وزدىگىنەن تاماق اپارىپ، سەرىك بولىپ، اڭگىمە دۇكەنىن قۇردى، تاعى ۇيىندەگى بالالارىنا قارايلاستى... ”كونە قوڭسى“ ياكي ”جاڭا كورشى“ بولسىن، بارلىعى بىرگە تۇرمىس كەشىرۋ بارىسىندا ىشتەسىپ، ءوزارا سۇيىسپەنشىلىك ورناتتى.
  قيمىلدار كورشىلەردى جاقىنداتا ءتۇستى، ”كورىكتى مەكەندى بىرگە قۇرامىز“ دەيتىن ۇستانىم جۇرت جۇرەگىنە تەرەڭ ۇيالادى. الەۋمەتتىك اۋماق 8 ەرىكتىلەر قىزمەت اترەتىن قۇرىپ، ”تۇرعىندار تاپسىرىس بەرەتىن، الەۋمەتتىك اۋماق تاپسىرىستى جەتكىزەتىن، پارتيا مۇشەلەرى تاپسىرىستى قابىلدايتىن“ ”ءۇش تاپسىرىس“ قىزمەت وتەۋ ۇلگىسىن جالپىلاستىرىپ، قىزمەتتەگى پارتيالى كادرلاردىڭ الەۋمەتتىك اۋماققا بارىپ ”ازعانتاي تىلەك“ قابىلداۋ قىزمەتىن ارناعا ءتۇسىرىپ، الەۋمەتتىك اۋماقتاعى پارتيا مۇشەلەرى، وداق مۇشەلەرى، الەۋمەتتىك اۋماق قىزمەتشىلەرى، ەرىكتىلەر سىندى كوپ نەگىزدىك ەرىكتى قىزمەت وتەۋ جۇيەسىن بىرتىندەپ قالىپتاستىردى، ءجۇرىس - تۇرىسى قولايسىز بۇقارا ولارمەن ۇيگە كەلىپ قىزمەت وتەۋ تۋرالى الدىن الا كەلىسە الادى.
  چاۋياڭ الەۋمەتتىك اۋماعىنا بارساڭىز، دەن قويا جوبالانعان ۇلتتار ىنتىماعى ۇگىت قابىرعاسى، ۇگىت تاقتاسى سياقتىلاردى كورەسىز. جۋ يۇيدۇڭ بىلاي دەدى: الەۋمەتتىك اۋماق تاعى پارتيا مۇشەلەرى ۇگىت اترەتىن ۇيىمداستىردى، ولار ءۇي - ءۇيدى ارالاي ءجۇرىپ، پارتيانىڭ حالىققا ءتيىمدى ساياساتتارىن ۇگىتتەپ، تۇرعىنداردىڭ تابىس سەزىمىن، باقىت سەزىمىن كۇشەيتە ءتۇستى.
  تىلشىلىك بارىسىندا ءتىلشى مىنا جاعدايلاردى ۇقتى، ۇلگى بولۋعا تالپىناتىن اۋقىم قالىپتاستىرۋ، وزات تيپتەردىڭ ۇلگى كورسەتۋ، جەتەكتەۋ رولىن ويداعىداي ساۋلەلەندىرۋ ءۇشىن، چاۋياڭ الەۋمەتتىك اۋماعى تۇرعىندار وزدەرىن كورسەتۋ، باسقالار كورسەتۋ، ياچەيكا كورسەتۋ، تۇرعىندار ماجىلىسىندە داۋىسقا سالىپ ماقۇلداۋ سياقتى تاسىلدەر ارقىلى ۇلتتار ىنتىماعىنداعى وزات عيمارات، ۇلتتار ىنتىماعىنداعى وزات دۇكەن، ۇلتتار ىنتىماعىنداعى العاباسار وتباسى، ۇلتتار ىنتىماعىنداعى وزات جەكە سياقتىلاردى باعالاپ شىققان ءارى ماداقتاپ سيلاعان؛ ۇلتتار ىنتىماعى ساباقحاناسى، ادەت - عۇرىپ ساباقحاناسى سياقتىلاردى دا اشىپ، ۇلتتار ىنتىماعىنداعى ونەگەلى تۇلعالاردى ىزگى ىستەرىن سويلەۋگە ۇسىنىس ەتىپ، جۇرتتى جانىنداعى ىستەرمەن تاربيەلەپ، بارلىق ادام ۇلتتار ىنتىماعىنىڭ وزاتتارىنان ۇيرەنەتىن، بارلىق ادام ۇلتتار ىنتىماعىنىڭ وزاتى بولۋعا تالپىناتىن اۋقىم قالىپتاستىرعان.
  ۇلتتار ىنتىماعىن نىعايتۋ ءۇشىن، تاياۋ جىلداردان بەرى، چاۋياڭ الەۋمەتتىك اۋماعى ءتۇرلى تۇعىرلاردان تولىق پايدالانىپ، بۇقارا ءۇشىن جاقسى ءىس ىستەپ، ناقتى ءىس تىندىرىپ، قيىن ماسەلەلەردى شەشىپ، ۇلتتار ىنتىماعى، العاباسارلىعىندا وزات بولۋ قيمىلىنىڭ ءىس جۇزىندىك جاعدايعا اناعۇرلىم جاناسۋىنا، تۇرمىسقا اناعۇرلىم جاناسۋىنا، بۇقاراعا اناعۇرلىم جاناسۋىنا مۇمكىندىك جاسادى. الەۋمەتتىك اۋماق ءۇنحات تۇعىرىنان پايدالانىپ، ”شاعىن باعدارلاما“ جاساپ، تۇرعىنداردىڭ زەينەتكەرلىك قامسىزداندىرۋى، ەمدەۋ قامسىزداندىرۋى، ەڭ تومەنگى تۇرمىستى قامتاماسىز ەتۋ قاراجاتى، قارتتارعا قامقورلىق كۋالىگى، شارۋاشىلىق قۇرۋعا ارنالعان ءوسىمسىز نەسيەگە ءوتىنىش ەتۋ، حالىق ىستەرى تاراۋلارىنىڭ قۇتقارۋ - كومەك بەرۋ ىستەرى جانە جۇمىسسىزدىق تىركەۋى سياقتى جۇمىستاردى ءبىتىرۋ قامتىلعان ينفورماتسيالار جەتكىزىپ، الەۋمەتتىك اۋماقتىڭ قىزمەت وتەۋ يقۋاتىن جاپپاي جوعارىلاتتى.
  بۇدان سىرت، الەۋمەتتىك اۋماقتىڭ جالپىلىق قىزمەت وتەۋ ورتالىعىنىڭ ءىس ءبىتىرۋ زالىنىڭ ”ءبىر بەكەتتىك، ءنول قاشىقتىق“ قىزمەت وتەۋى تۇرعىنداردىڭ ەسىكتەرىنىڭ الدىندا جان اشىرلىقپەن قىزمەت وتەۋدەن يگىلىكتەنۋىنە مۇمكىندىك جاسادى.
  الەۋمەتتىك اۋماقتا قارتتاردىڭ كوپ بولۋىنا مەڭزەس، چاۋياڭ الەۋمەتتىك اۋماعى تاعى حۇسنيحات ءۇيى، كورمە ءۇيى، وقۋ ءۇيى، دويبى - كارتا ءۇيى، قارتتاردىڭ مۋزيكا اسپاپتار ءۇيى سياقتى كوپتەگەن قىزمەت وتەۋ ۇيلەرىن اشىپ، ولاردىڭ مادەنيەت، دەنە تاربيە، كوڭىل اشۋ، دەنساۋلىق ساقتاۋ، زەينەتكەرلىك سياقتى تۇرمىستىق قاجەتتەرىن قاناعاتتاندىردى.
  جۋ يۇيدۇڭنىڭ ايتۋىنشا، قازىر چاۋياڭ الەۋمەتتىك اۋماعى ءداستۇرلى مەرەكەلەردى بىرگە وتكىزۋدى، قيىنشىلىعى بار بۇقاراعا بارلىق ادام كومەك قولىن سوزۋدى، وزات تيپ بولۋعا بارلىق ادام تالپىنۋدى جۇزەگە اسىرعان. ”بۇل جەر ءار ۇلت بۇقاراسى بىرگە تۇرمىس كەشىرەتىن، بىرگە تۇراتىن، ۇنەمى بارىس - كەلىس جاساساتىن، كورشىلەر ءبىر - بىرىنە قارايلاساتىن ۇلتتار ىنتىماعىنىڭ جاراسىمدى مەكەنىنە اينالدى“.




جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ