قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ءۇرىمجى قالاسى ۋحۋا الەۋمەتتىك اۋماعىنىڭ ۇلتتار ىنتىماعى ۇلكەن اۋلاسى − 

”جۇرەكتەستەر اعاشىن“ بىرگە باپتاپ، ”ىنتىماق گۇلىن“ بىرگە سۋاردى

ءتىلشىمىز ميھىرگۇل عوپۇر

2019.03.04 19:21 كەلۋ قاينارى : شينجياڭ گازەتىنەن

  ۇلتتار ىنتىماعى − ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى، سونداي - اق ءبىر ميلليارد 300 ميلليوننان استام جۇڭگو حالقىنىڭ ورتاق ەركى.
− شي جينپيڭ


  3 - ايدىڭ 1 - كۇنى ءۇرىمجى تاڭعى اراي قۇشاعىندا شىت جاڭا ءبىر كۇندى قارسى الدى. قايشالىسقان ايقاسپالى كوپىر ۇستىندە اۆتوكولىكتەر ساپار سيمفونياسىن اۋەلەتسە، ادامدار رەتتى دە كەڭ جاياۋلار جولىندا ءجۇرىپ بارادى.
  ”شينجياڭنىڭ قاي جەرىنە بارساڭىز دا، ءار ۇلتتىڭ بىرگە ۇيرەنىپ، بىرگە قىزمەت ىستەگەن كورىنىستەرىن ۇنەمى كەزدەستىرەسىز. ءار ۇلت بۇقاراسى ءبىر - بىرىمەن ەسىكتەس، قابىرعالاس كورشى بولادى، ۇلتتار ىنتىماعى بەينە اۋا، كۇن نۇرى سياقتى، تۇرمىسىمىزدىڭ كەم بولسا بولمايتىن ماڭىزدى قۇرامداس بولىگى“، - دەيدى ءۇرىمجى قالاسى شۇيموگوۋ رايونى ۋحۋا الەۋمەتتىك اۋماعى ۇلتتار ىنتىماعى ۇلكەن اۋلاسىنىڭ تۇرعىنى حۋاڭ حۇڭشيڭ، 84 جاستاعى ونىڭ وسى ۇلكەن اۋلادا تۇرعانىنا 40 جىلدان استى.
  حۋاڭ حۇڭشيڭ تىلشىگە كوپ ۇلت قونىستانعان وسى ۇلكەن اۋلادا كوپشىلىكتىڭ باس شۋجيدىڭ ىقىلاستى تاپسىرماسىن ءىس جۇزىندىك ارەكەتكە اينالدىرىپ، اناردىڭ دانىندەي تىعىز ۇيىسىپ، ۇلتتار ىنتىماعى گۇلىن قۇلپىرتا تۇسكەندىگىن ايتتى.
  ■ ۇلتتار ىنتىماعى ۇلكەن اۋلاسىندا ءان اۋەنى شارىقتادى
  ”بۇل ءار ۇلت بۇقاراسى بىرگە قۇرعان باقىتتى مەكەن، ۇلتتار ىنتىماعىنىڭ حيكايالارىن ايتىپ تاۋىسا المايسىز“

  3- ايدىڭ 1 - كۇنى تۇستەن بۇرىن ۋحۋا الەۋمەتتىك اۋماعىنىڭ ۇلتتار ىنتىماعى ۇلكەن اۋلاسىنا كىرگەن ءتىلشىنىڭ كوزى وسكەنىنە 40 نەشە جىل بولعان جيدە اعاشىنا ءتۇستى، تۇرعىندار ونى ”جۇرەكتەستەر اعاشى“ دەپ اتاسادى ەكەن. بۇل اعاشتىڭ بۇتاقتارى ءبىر - ءبىرىن وراي ايقاسا ءوسىپ، ءبىر - بىرىمەن بىتە قايناسقان، بەينە وسىندا تۇرمىس كەشىرىپ جاتقان ۇيعۇر، حانزۋ، قازاق، حۇيزۋ قاتارلى كوپ ۇلت تۇرعىندارىنىڭ ءوزارا قارايلاسىپ، ءبىر - بىرىمەن ەتەنە بولعاندىعىنىڭ سيمۆولىنا ۇقسايدى.
  ”جۇرەكتەستەر اعاشى“نىڭ قاسىندا، ھادي ءايسانىڭ مىس ءمۇسىنى جىم - جىرت بوي سوزىپ تۇر. ھادي ءايسا جاڭا جۇڭگونىڭ ءبىرىنشى ۇرپاق ۇيعۇر تەحنيك جۇمىسشىسى، اۋرۋدان قايتىس بولاردان بۇرىن ول جيناعان 1000 يۋان اقشاسىن زاۆودتاعى قىزمەتتى بەلسەندىلىكپەن ىستەگەن، ىنتىماقتى جەبەگەن جولداستاردى سيلاۋعا اتاعان. 2016 - جىلى 5 - ايدىڭ 6 - كۇنى ”ھادي ءايسا“نىڭ اتىمەن اتالعان ۇلتتار ىنتىماعى مادەنيەت ۇلكەن اۋلاسى ءۇرىمجى قالاسى شۇيموگوۋ رايونى ۋحۋا الەۋمەتتىك اۋماعىندا قۇرىلدى.
  ”ۇلتتار ىنتىماعىن ءارقانداي جەردەن، ءارقانداي ۋاقىتتان كەزدەستىرە الاسىز. ءار ۇلت ءبىر اسپاننىڭ استىندا تۇرمىس كەشىرىپ جاتقاندىقتان، ۇلتتار ىنتىماعى بەينە اۋا مەن كۇن نۇرى سياقتى، ونسىز ءومىر ءسۇرۋ قيىن“، - دەيدى حۋاڭ حۇڭشيڭ.
  حۋاڭ حۇڭشيڭ ءار كۇنى دەرلىك ۇلكەن اۋلادا اينالىپ جۇرەدى، ءار جولى ھادي ءايسانىڭ مىس ءمۇسىنى الدىندا كىدىرىپ، ەرىكسىزدەن ءمۇسىندى سيپاپ قويادى. جارتى عاسىردان استام ۋاقىتان بەرى، حۋاڭ حۇڭشيڭ ھادي ءايسانىڭ ءبىر رەڭسىز سۋرەتىن سول كۇيى ساقتاپ كەلەدى.
  ”ھادي ەكەۋىمىز وتكەن عاسىردىڭ 50 - جىلدارىندا تانىستىق، ھادي مەنىڭ ۇستازىم، اۋاشادا مەن ونى اعا، ول مەنى باۋىر دەيتىن. ول ۇنەمى ماعان، جۇڭگو كوممۋنيستىك پارتياسى بولماسا، ۇلى وتانىمىز بولماسا، شينجياڭداعى ءار ۇلت بۇقاراسىنىڭ باقىتتى تۇرمىسى دا بولماس ەدى دەيتىن. ول مەنى تەحنيكا شەبەرىنە اينالىپ، قوعامعا ۇلەس قوساتىن ادام بولۋعا شابىتتاندىراتىن“، - دەپ حۋاڭ حۇڭشيڭ وتكەن كۇندەرىن ەسىنە الدى، ول كورىنىستەر بەينە كەشە عانا تۋىلعانداي ەدى.
  ول كەزدە، حۋاڭ حۇڭشيڭ مەن ھادي ءايسا سياقتى ون نەشە ۇلت قىزمەتكەرلەرى ءبىر ۇلكەن جاتاقتا جاتىپ، قىزمەتكە بىرگە شىعىپ، بىرگە تۇسەتىن. كەيدە، تەنتەك حۋاڭ حۇڭشيڭ ۇستازىنىڭ يمەك مۇرتىن قىزىقتاپ قالجىڭداعاندا، ھادي ءايسا ونى ۇرىپ جىبەرەتىندەي بەينە كورسەتىپ، ماڭىنداعىلاردى دۋ كۇلدىرەتىن. قىزمەتتەن تۇسكەن سوڭ كوپشىلىك ۇنەمى قورالانا وتىرا قالاتىن، ھادي ءايسا ۇيعۇرشا ءان ايتقاندا، حۋاڭ حۇڭشيڭ مەن جۇمىسشى سەرىكتەرى ءماشىراپ بيىنە باساتىن نەمەسە كوڭىل سىرلارىن اقتارىپ، مۇراتتارىن تىلگە الىساتىن، سوزدەرى ماڭگى تاۋسىلمايتىن.
  ”شارىقتاعان ءان اۋەنى ءالى قۇلاعىمدا تۇر. بۇل ءار ۇلت بۇقاراسى بىرگە قۇرعان باقىتتى مەكەن، ۇلتتار ىنتىماعىنىڭ حيكايالارىن ايتىپ تاۋىسا المايسىز“، - دەدى حۋاڭ حۇڭشيڭ تەرەڭ سەزىممەن.
  ■ تۋىسقا امانداسا بارۋ ەڭ اسەرلى كورىنىسكە اينالدى
  ”ءبىز تىعىز ۇيىسقان اناردىڭ ءدانىمىز“

  ”شى كان، اپەكەڭ بۇگىن تۇستە پالاۋ باسادى، ۇيگە كەلىپ تاماق جەي عوي“. تۇسكە تاياپ قالعاندا ميھىرگۇل عيني ”تۋىسىنا“ تەلەفون بەرىپ بولعان سوڭ، تۇسكى استى دايىنداۋعا كىرىستى.
  اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ورىستەتىپ كوپ ۇزاماي، ميھىرگۇل الەۋمەتتىك اۋماقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى شى كانمەن تۋىس بولادى، كوپ رەتكى ءوزارا بارىس - كەلىس بارىسىندا ەكى وتباسىنىڭ ادامدارى ءبىر وتباسىنىڭ ادامدارىنداي بولىپ كەتەدى.
  ”وسى باۋىرىم مەن ىستەگەن تاماقتى وتە ءسۇيىپ جەيدى، ازدان سوڭ وعان كوبىرەك جەگىزەمىن“، - دەدى اشىق - جارقىن مىنەزدى ميھىرگۇل پۇتۇڭحۋامەن جاتىق سويلەپ. ول كىشكەنتاي كەزىنەن وسى ۇلكەن اۋلادا ەرجەتكەن، اكە - شەشەسى وسى جەردىڭ بايىرعى تۇرعىنى.
  ”بالا كەزىمىزدە، جىل سايىنعى كوكتەم مەرەكەسى، قۇربان ايت كەزىندە، اكە - شەشەم ۇستەلدى ءدامدى تاعامعا تولتىرىپ قوياتىن، الايدا ءبىز ءوز ۇيىمىزدە تۇرمايتىنبىز، ۇيدەن ەرتە شىعىپ مەرەكەنى قۇتتىقتاپ، ءۇي سايىن قىدىرىپ ءدامدى نارسەلەر جەيمىز، وتە قىزىقتى بولاتىن“، - دەدى ميھىرگۇل كۇلىپ.
  كوپ ۇزاماي تۇسكى اس ۋاقىتى بولدى، شى كان قاربالاس جۇرگەن ميھىرگۇلدى كورىپ، جانى اشىپ: اپەكە، قولىڭىز ءالى تولىق جازىلعان جوق، كوبىرەك دەمالىڭىز، ءسوز تىڭداساڭىز بولماي ما. الدىڭعى جولى ابايسىزدا جىعىلىپ قالعانىڭىزدا، شىنىمەن، قاتتى شوشىپ كەتتىم، - دەدى.
  ”ەشتەڭە ەتپەيدى، اياۋلى باۋىرىم. مەن جىعىلىپ قالعان كەزدە سەن مەنى شيپاحاناعا اپارىپ ناۋقاسىمدى ەمدەتتىڭ، كورشىلەردىڭ ءبىرتالايى ۇيگە كەلىپ كوڭىلىمدى سۇراپ قايتتى، مەن قاتتى اسەرلەندىم“، - دەدى ميھىرگۇل.
  ”ۇلتتار ىنتىماعىن كوزقاراشىعىمىزدى قورعاعانداي قورعاپ، ءومىرىمىزدى قاستەرلەگەندەي قاستەرلەپ، اناردىڭ دانىندەي تىعىز ۇيىسۋىمىز كەرەك“. بۇل باس شۋجي شي جينپيڭنىڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا ايتقان ىقىلاستى تاپسىرماسى. ”ءبىز ءدال سول تىعىز ۇيىسقان اناردىڭ ءدانىمىز دەپ ويلايمىن“، - دەدى ميھىرگۇل شى كاننىڭ قولىن ۇستاپ تۇرىپ.
  تۋىستىق سۇيىسپەنشىلىك جۇرەكتى جارىپ شىققان ءمولدىر بۇلاق، ول ۇلتتار ىنتىماعىنىڭ ماڭگى جاسىل اعاشىن نارلەندىرۋدە. قازىرگى شينجياڭدا، ءار ۇلت كادرلارى مەن بۇقارانىڭ جۇپ قۇراعان تۋىستارىمەن ءوزارا بارىس - كەلىس جاساۋى تيانشاننىڭ تۇستىگى مەن تەرىستىگىندەگى ەڭ اسەرلى كورىنىسكە اينالدى.
  2018 - جىلدىڭ سوڭىنا دەيىن، تۇتاس رايونىمىزدا جيىنى ءبىر ميلليون 120 مىڭ كادر مەن جۇمىسشى - قىزمەتكەر ءبىر ميلليون 690 مىڭ ءار ۇلت بۇقاراسىمەن جۇپ قۇراپ، تۋىس بولدى. تۇتاس رايوندا كادرلار مەن جۇمىسشى - قىزمەتكەرلەردەن بۇقاراعا امانداسا بارعاندارى، حال - جاعداي ۇعىسقاندارى جيىنى 15 ميلليون 130 مىڭ ادام - رەتكە، ىستەگەن ناقتى ءىس، جاقسى ءىس 7 ميلليون 160 مىڭعا، ورىستەتكەن ۇلتتار ىنتىماعى بىرلەسكەن دوستىق قيمىلى 7 ميلليون 810 مىڭ رەتكە جەتتى.
  ■ كوپ ءۇيدىڭ بىرلەسكەن قوناعاسىنان ءدام تاتۋ ايرىقشا دۋماندى بولدى
  ”الەۋمەتتىك اۋماقتىڭ وزگەرىسى زور بولعانىمەن، ۇلتتار ىنتىماعىنىڭ تەرەڭ سۇيىسپەنشىلىگى ماڭگى وزگەرمەيدى“

  ءتۇس كەزىندە تەمپەراتۋرا جوعارىلادى. كوپتەگەن تۇرعىندار تۇسكى استان كەيىن ھادي ءايسانىڭ مىس ءمۇسىنى جانىنداعى شاعىن الاڭعا كەلىپ، العاشقى كوكتەمنىڭ شۋاعىنا شومدى.
  ۇلتتار ىنتىماعى ۇلكەن اۋلاسىندا، 84 جاستاعى حان جيڭيۇيدىڭ ايتىپ بىتپەيتىن اڭگىمەسى بار. ول تىلشىگە وتكەن جىلى 8 - ايدا الەۋمەتتىك اۋماقتاعى تۇرعىندار ءبىر اراعا باس قوسىپ، كوپ ءۇيدىڭ بىرلەسكەن قوناعاسىنان بىرگە ءدام تاتىپ، ايرىقشا دۋماندى بولعاندىعىن ايتتى.
  ”سول رەتكى كوپ ءۇيدىڭ قوناعاسىندا، ءبىز ەڭ ءدامدى تاعامدارىمىزدى دايىندادىق. ويناقى مۋزيكا ءۇنى مەن شات كۇلكىگە شومعان كوپشىلىك مەرەكەلىك كيىمدەرىن كيدى، كۇلكى ءۇنى مەن قۋانىشتى اڭگىمەلەر تولاستامادى. ءبىز ورتايماس سۇيىسپەنشىلىك ورناتقان ۇلكەن وتباسىمىز“، - دەدى حان جيڭيۇي.
  ”’اناردىڭ دانىندەي تىعىز ۇيىسۋ كەرەك‘، باس شۋجيدىڭ وسى ءسوزى تۇرعىنداردىڭ جۇرەگىنەن وشپەستەي ورىن الدى“، - دەدى حان جيڭيۇي تىلشىگە، بيىلعى كوكتەم مەرەكەسى كەزىندە، بارلىق تۇرعىندار تاعى باس قوسىپ، جاڭا جىلدى دۋماندى وتكىزدى. ”قاراشى، مىناۋ كوكتەم مەرەكەسىنە قاراعان ءتۇنى ءبىزدىڭ ءبىر اراعا باس قوسىپ، قولىمىزعا ’福‘ ءارىبىن ۇستاپ تۇسكەن سۋرەتىمىز، مەن مۇنى، ءسوز جوق، جاقسى ساقتايمىن“، - دەدى حان جيڭيۇي قول تەلەفونىنداعى سۋرەتتى تىلشىگە كورسەتىپ.
  جانىندا تۇرعان يۋان فاڭ اڭگىمەنى ارى جالعاپ: مەن وسى ارادا تۋىلعانمىن، كىشكەنە كەزىمنەن باستاپ ءار ۇلت بالدىرعان دوستارىممەن بىرگە ويناپ، ءار ءۇيدىڭ تاماعىنان ءدام تاتىپ ەسەيگەم. قازىر بارلىق وتباسىنىڭ جۇپ قۇراعان تۋىسى بار، ۇلكەن وتباسىمىزدىڭ مۇشەسى ءتىپتى دە كوبەيدى، - دەدى.
  ”ءبىزدىڭ ۇلكەن وتباسىمىز وتە مەيىرلى، كوپشىلىكتىڭ كوڭىل ءبولۋى مەن كومەگى بولماسا، مەن بالكىم ءالى توسەك تارتىپ جاتقان بولار ەدىم“، - دەدى تۇرعىن ابليكىم ياسىن.
  ابليكىم مەن اعاسى بىرگە تۇرادى، وتكەن جىلى سوقىرىشەك وپەراتسياسىن جاساتقاننان كەيىن قاتتى جۇدەپ كەتەدى. اعاسىنىڭ قىزمەتى قاربالاس بولعاندىقتان وعان قارايلاسا المايتىندىعىنان حاباردار بولعان كورشىلەرى كەزەكتەسىپ وعان قارايلاسادى ءارى اقشا جيىپ كەنەۋلى تاعام الىپ بەرەدى. كوپشىلىكتىڭ قامقورلىعىنىڭ ارقاسىندا، وپەراتسيادان كەيىن جۇدەپ - جاداپ قۋ جانى قالعان ابليكىمنىڭ جۇزىنە قان ءجۇرىپ، دەنساۋلىعى دا قالپىنا كەلە باستايدى، قازىر قالىپتى تۇرمىس كەشىرە الاتىن بولدى.
  ”وسى بىرنەشە جىلدا، الەۋمەتتىك اۋماقتىڭ وزگەرىسى زور بولدى، ءبىراق ۇلتتار ىنتىماعىنىڭ تەرەڭ سۇيىسپەنشىلىگى ماڭگى وزگەرمەيدى. جايشىلىقتا كىمنىڭ ۇيىندە جۇمىس بولسا، بارلىعىمىز بارىپ كومەكتەسەمىز، اۋىرىپ قالعانداردىڭ كوڭىلىن سۇرايمىز“، - دەدى حان جيڭيۇي، ول ءسوزىن جالعاپ: ”ءبىز، ءسوزسىز، باس شۋجيدىڭ تاپسىرماسىن ەستە بەرىك ساقتاپ، اناردىڭ دانىندەي تىعىز ۇيىسىپ، ۇلتتار ىنتىماعى گۇلىن تيانشاننىڭ تۇستىگى مەن تەرىستىگىنىڭ بارلىق جەرىندە جايقالتامىز“.




جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ