قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ ساياسي قۇرىلىسىن كۇشەيتۋ جونىندەگى پىكىرى(1)

(2019 - جىلى 1 - ايدىڭ 31 - كۇنى)

2019.02.28 17:53 كەلۋ قاينارى : شينجياڭ گازەتىنەن

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ، پارتيانىڭ ساياسي قۇرىلىسىن شىن مانىندە كۇشەيتۋ، پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ، بۇكىل پارتيانىڭ ءبىر تۇتاس ەرىك - جىگەرمەن، ءبىر تۇتاس ارەكەتپەن، بىركەلكى قاداممەن العا ىلگەرىلەۋىنە شىنايى كەپىلدىك ەتۋ ءۇشىن تومەندەگىدەي پىكىر ورتاعا قويىلدى.
  ءبىرىنشى، پارتيانىڭ ساياسي قۇرىلىسىن كۇشەيتۋدىڭ جالپى تالابى
  تۋى ايقىن تۇردە ساياسيدى دارىپتەۋ پارتيامىزدىڭ ماركسيزمدىك ساياسي پارتيا ساناتىنداعى ءتۇبىرلى تالابى. پارتيانىڭ ساياسي قۇرىلىسى − پارتيانىڭ ءتۇبىرلى سيپات الاتىن قۇرىلىسى، ول پارتيا قۇرىلىسىنىڭ بەتالىسى مەن ناتيجەسىن بەلگىلەيدى، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس ىلگەرىلەتۋگە سايادى.
  توڭكەرىستىڭ، قۇرىلىستىڭ، رەفورمانىڭ تۇرلىشە داۋىرلەرىندە پارتيامىز پارتيانىڭ ساياسي قۇرىلىسىنا ايرىقشا ءمان بەرىپ، ساياسيدى دارىپتەيتىن تاڭداۋلى ءداستۇر قالىپتاستىردى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ساياسي قۇرىلىسىن اناعۇرلىم كورنەكتى ورىنعا قويىپ، يگەرۋ سەرپىنىن ارتتىرىپ، ايقىن ساياسي بەتالىس قالىپتاستىرىپ، پارتيا ىشىندەگى اۋىر ساياسي كىناراتتاردى الاستاپ، پارتيانىڭ ساياسي قۇرىلىسىندا كەلەلى تاريحي تابىستارعا قول جەتكىزۋدى ىلگەرىلەتتى. سونىمەن بىرگە، مىنانى دا سەرگەكتىكپەن كورە بىلۋگە ءتيىسپىز: پارتيا ىشىندە ورىن تەپكەن ساياسي ماسەلەلەر ءالى دە تۇبەگەيلى شەشىلگەن جوق، كەيبىر پارتيا ۇيىمدارى مەن پارتيالى كادرلاردا ساياسيعا نەمقۇرايدى قاراۋ، ساياسيدى سولعىنداتۋ، ساياسيدى دارىپتەمەۋ ماسەلەلەرى ءالى دە ءبىرشاما كورنەكتى بولىپ وتىر، كەيبىرەۋلەرىندە ءتىپتى جۇڭگوشا سوتسياليزم بەتالىسىنان اۋىتقيتىن اۋىر ماسەلەلەر ساقتالىپ وتىر. وسى ماسەلەلەردى شىنايى، ءونىمدى شەشۋ ءۇشىن، پارتيانىڭ ساياسي قۇرىلىسىن، ءسوز جوق، ونان ارى كۇشەيتۋ كەرەك.
  پارتيانىڭ ساياسي قۇرىلىسىن كۇشەيتۋدە جۇڭگوشا سوتسياليزم ۇلى تۋىن، ءسوز جوق، بيىك ۇستاپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، ماركسيزم، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ ماڭىزدى يدەياسىن“، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، ”ءتورت تانىم“ دى كۇشەيتىپ، ”ءتورت سەنىم“ دى بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي بەتالىستى ءداپ باسىپ يگەرىپ، پارتيانىڭ ساياسي باسشىلىعىنان جازباي، ساياسي نەگىزدى بەكەمدەپ، ساياسي ەكولوگيانى جەتىلدىرىپ، ساياسي حاۋىپ - قاتەردەن ساقتانىپ، ساياسي قاسيەتتى ماڭگى ساقتاپ، ساياسي قابىلەتتى جوعارىلاتىپ، پارتيامىزدى اناعۇرلىم پارمەندى، قۋاتتى ەتىپ قۇرىپ، پارتيامىزدىڭ باستان - اياق، جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتىپ، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى پارمەندى ساياسي كەپىلدىكپەن قامتاماسىز ەتۋىمىز كەرەك.
  پارتيانىڭ ساياسي قۇرىلىسىن كۇشەيتۋدىڭ ماقساتى − ساياسي سەنىمدى بەكەمدەۋ، ساياسي باسشىلىقتى نىعايتۋ، ساياسي قابىلەتتى جوعارىلاتۋ، ساياسي ەكولوگيانى تازارتۋ، بۇكىل پارتيانىڭ ىنتىماق - بىرلىگىن، ارەكەت ءبىرىڭعايلىعىن جۇزەگە اسىرۋ. پارتيا ۋستاۆىن ءتۇبىرلى بويسۇنۋ ولشەمى ەتىپ، پارتيا ۋستاۆىندا ايقىندالعان پارتيانىڭ سيپاتى مەن باستى ماقساتىن، جەتەكشى يدەياسى مەن كۇرەس نىساناسىن، لۋشيانى مەن باعدارناماسىن ناقتاپ تياناقتاندىرۋ كەرەك. پارتيانىڭ ساياسي قۇرىلىسىنىڭ ءتۇبىرلى سيپات الاتىن ورنىن ايرىقشا كورنەكتىلەندىرىپ، نازاردى پارتيانىڭ ساياسي سيپاتىنا، ساياسي بورىشىنا، ساياسي نىساناسىنا، ساياسي تالپىنىسىنا شوعىرلاندىرا وتىرىپ، ۇزدىكسىز كۇش سالۋ كەرەك. پارتيانىڭ ساياسي قۇرىلىسىن ءبىر تۇتاس باسشىلىققا الىپ، ساياسي ولشەم مەن ساياسي تالاپتى پارتيانىڭ يدەيالىق قۇرىلىسىنا، ۇيىمدىق قۇرىلىسىنا، ستيل قۇرىلىسىنا، ءتارتىپ قۇرىلىسىنا جانە ءتۇزىم قۇرىلىسىنا، شىرىكتەسۋگە قارسى تۇرۋ كۇرەسىنە باستان - اياق ءسىڭىرىپ، ساياسي جاقتا كۇشەيتۋ ارقىلى پارتيانى جاپپاي قاتاڭ باسقارۋدىڭ ىشكەرىلەي دامۋىن جەبەپ، پارتيا قۇرىلىسى ساپاسىنىڭ جاپپاي جوعارىلاۋىنا جەتەكشىلىك، باستاماشىلدىق ەتۋ كەرەك. ماسەلەنى باعدار ەتۋگە تاباندى بولىپ، «نىساناعا الىپ ەمدەۋگە» باسا نازار اۋدارىپ، ساياسي سانا كۇشتى بولماۋ، ساياسي تۇرعى تۇراقتى بولماۋ، ساياسي قابىلەت جەتكىلىكتى بولماۋ، ساياسي ارەكەت دۇرىس بولماۋ سياقتى ەلەۋلى ماسەلەلەرگە باعىتتاي وتىرىپ، ءالسىز جاقتاردى كۇشەيتۋ، ولقىلىقتاردى تولىقتاۋ كەرەك. پارتيانىڭ ساياسي قۇرىلىسىن پارتيا مەن مەملەكەتتىڭ كەلەلى شەشىمدەرىن، ورنالاستىرۋلارىن جاساۋدىڭ جانە تياناقتاندىرۋدىڭ جالپى بارىسىمەن توعىستىرىپ، پارتيانىڭ ساياسي قۇرىلىسىن ءتۇرلى كاسىپتىك قىزمەتتەرمەن، اسىرەسە، وزەكتى قىزمەتپەن تىعىز ۇشتاستىرۋ، ءوزارا ىلگەرىلەتۋ كەرەك.
  ەكىنشى، ساياسي سەنىمدى بەكەمدەۋ
  پارتيانىڭ ساياسي قۇرىلىسىن كۇشەيتۋدە ماركسيزمنىڭ جەتەكشىلىك ورنىنا، ءسوز جوق، تاباندى بولۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋعا، حالىقتى تاربيەلەۋگە تاباندى بولۋ، يدەيالىق ءتۇبىرلى نەگىزدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، جۇڭگو ارمانىن ءبىر نيەتپەن تىزە قوسا تۇلعالاۋدىڭ ايبىندى كۇشىن توپتاۋ كەرەك.
  (1) پارتيانىڭ عىلمي نازارياسىمەن وي - سانانى قارۋلاندىرۋعا تاباندى بولۋ
  ماركسيزم − پارتيا بولىپ، مەملەكەت بولىپ تابان تىرەپ تۇرۋىمىزدىڭ ءتۇبىرلى جەتەكشى يدەياسى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋىنىڭ ارەكەت باعدارناماسى. امالياتتىڭ سىنىنان وتكەن، اسا باي امالياتتىق ۇلى قۋاتقا يە قۇدىرەتتى يدەيالىق قارۋ، وعان، ءسوزسىز، ۇزاق ۋاقىت تاباندى بولۋ جانە ۇزدىكسىز دامىتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، يدەيالىق − ساياسي تاربيەنى كۇشەيتىپ، ۇيرەنۋ تاربيەسىنىڭ تەرەڭگە بويلاۋىن، كوكەيگە قونۋىن، ناقتى بولۋىن جەبەپ، تەرەڭدەي ۇيرەنۋدى، جەتە ءتۇسىنۋدى، تولىق ءتۇسىنىپ جەتە يگەرۋدى، شىنايى سەنىپ، شىن پەيىلىمەن اتقارۋدى شىن مانىندە ورىنداپ، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جۇرگىزۋ ورتاق يدەيالىق نەگىزىن بەكەمدەۋ كەرەك. مۇرات - سەنىمدى بەكەمدەپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن بەرىك ورناتىپ، كوممۋنيستەردىڭ رۋحاني تىرەگىن سومداپ، ماركسيزم - لەنينيزمگە سەنبەي، قۇراپاتتىققا سەنۋدى، اقيقاتقا سەنبەي، اقشاعا تابىنۋدى باتىل تيىپ، ماركسيزمدى بۇرمالايتىن، قاساقانا وزگەرتەتىن، تەرىسكە شىعاراتىن قاتە يدەيالارعا باتىل قارسى تۇرۋ كەرەك. ”ءتورت سەنىم“دى بەكەمدەپ، جۇڭگوشا سوتسياليزمنىڭ عىلمي سوتسياليزم نازارياسى لوگيكاسى مەن جۇڭگونىڭ قوعامدىق دامۋ تاريحى لوگيكاسىنىڭ ديالەكتيكالىق بىرلىگى، زامانىمىزداعى جۇڭگونىڭ دامۋىنىڭ، العا باسۋىنىڭ ءتۇبىرلى بەتالىسى، جاپپاي دوڭگەلەك داۋلەتتى قوعام ورناتۋدىڭ، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ، ءسوزسىز، باسىپ وتەتىن جولى ەكەندىگىنە كامىل سەنۋ كەرەك. باسشى كادرلار باستاماشىلدىقپەن نازاريا ۇيرەنىپ، سەنىمدى كۇشەيتىپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيانىڭ تۇتقاسىن ورنىقتى مەڭگەرۋ كەرەك. جاس كادرلارعا مۇرات، سەنىم، باستى ماقسات تاربيەسى جوسپارىن اتقارىپ، كوممۋنيزمگە سەنىمى بەرىك جانە ماركسيزمدىك نازاريالىق جەتىلىمى ءبىرشاما جوعارى سوتسياليزم قۇرىلىسشىلارى مەن ءىزباسارلارىن كۇش سالا باۋلۋ، دايىنداۋ كەرەك.
  (2) پارتيانىڭ ساياسي لۋشيانىن تاباندىلىقپەن اتقارۋ
  پارتيانىڭ سوتسياليزمنىڭ العاشقى كەزەڭىندەگى نەگىزگى لۋشيانى بولعان پارتيانىڭ ساياسي لۋشيانى − پارتيا مەن مەملەكەتتىڭ جان - تامىرى، حالىقتىڭ باقىت ارقاۋى، ونى، ءسوزسىز، باتىل قورعاۋ، تاباندىلىقپەن اتقارۋ كەرەك. نەعۇرلىم قاتاڭ دا كۇردەلى حالىقارالىق، ەل ءىشى جاعدايىنا ءدوپ كەلگەن سايىن، نەعۇرلىم جۇڭحۋا ۇلتىنىڭ ۇلى گۇلدەنۋىنىڭ شەشۋشى داۋىرىندە تۇرعان سايىن، وي - سانانى سولعۇرلىم سەرگەك ۇستاپ جانە ستراتەگيالىق تاباندىلىقتى سولعۇرلىم ساقتاپ، پارتيانىڭ ساياسي لۋشيانىن جاپپاي دايەكتى اتقارىپ، ەكونوميكالىق قۇرىلىستى وزەك ەتۋدى ءتورت نەگىزگى پرينسيپكە تاباندى بولۋعا، رەفورما جاساۋعا، ەسىك اشۋعا تاباندى بولۋ سىندى ەكى نەگىزگى تۇيىنمەن بىرگە جۇڭگوشا سوتسياليزمنىڭ ۇلى امالياتىندا بىرلىككە كەلتىرۋ كەرەك. بۇدان تيتتەي دە الشاقتاۋعا جانە اۋىتقۋعا استە بولمايدى. پارتيانىڭ ساياسي لۋشيانىنا تاباندى بولۋدا جاڭا داۋىردەگى جۇڭگوشا سوتسياليزم نەگىزگى جالپى جوباسىن، ءسوز جوق، جاپپاي دايەكتى اتقارىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ”قوس 100 جىلدىق“ كۇرەس نىساناسىن جۇزەگە اسىرۋ جولىندا قاجىماي - تالماي قۇلشىنۋ كەرەك. بۇكىل پارتيا كەلەلى ساياساتتار مەن باعىتتاردى بەلگىلەگەندە، اتقارعاندا، پارتيانىڭ ساياسي لۋشيانىن شىعار ءتۇيىن ەتۋى؛ پارتيا مەن مەملەكەت ىستەرى دامۋىنىڭ كەلەلى ستراتەگيالارىن، كەلەلى مىندەتتەرىن، كەلەلى قىزمەتتەرىن ورنالاستىرعاندا، ىلگەرىلەتكەندە پارتيانىڭ ساياسي لۋشيانىن تىعىز ارقاۋ ەتە وتىرىپ جۇرگىزۋ كەرەك. رايوندار، تاراۋلار قىزمەت وي جەلىسىن، قىزمەت ورنالاستىرۋىن، ساياسات - شارالاردى بەلگىلەگەندە، پارتيانىڭ ساياسي لۋشيانىمەن سانالى تۇردە ساناسۋ، سالىستىرۋ، اۋىتقۋشىلىقتى دەر كەزىندە دۇرىستاپ تۇزەتۋ كەرەك. پارتيانىڭ ساياسي لۋشيانىنا قايشى كەلەتىن، ونى بۇرمالايتىن، تەرىستەيتىن ءسوز - ارەكەت اتاۋلىمەن باتىل كۇرەس جۇرگىزۋ كەرەك.
  (3) ساياسي تۇرعىدا باتىل ورنىقتى تۇرۋ
  ساياسي تۇرعى ءتۇبىرلى نەگىزگە سايادى. بۇكىل پارتيا، ءسوز جوق، باستان - اياق ماركسيزمدىك تۇرعىنى بەكەمدەپ، پارتيالىلىق سيپات پەن حالىقتىق سيپاتتىڭ بىرلىگىنە تاباندى بولىپ، پارتيالىلىق تۇرعى مەن حالىقتىق تۇرعىدا باتىل ورنىقتى تۇرۋ كەرەك. پارتيانىڭ تۋىن تۋ ەتۋگە، پارتيانىڭ بەتالىسىن بەتالىس ەتۋگە، پارتيانىڭ ەرىك - جىگەرىن ەرىك - جىگەر ەتۋگە تاباندى بولىپ، باستان - اياق پارتيادا پارتيانىڭ ءسوزىن سويلەۋ، پارتيادا پارتيانىڭ قامىن جەۋ، پارتيادا پارتيا ءۇشىن ىستەۋ، ءارقانداي ۋاقىتتا پارتيامەن ءبىر نيەت، ءبىر ماقساتتا بولۋ كەرەك. حالىقتى وزەك ەتۋگە تاباندى بولىپ، جالپى ءۇشىن پارتيا قۇرىپ، حالىق ءۇشىن بيلىك جۇرگىزىپ، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىن امالياتتا كورسەتىپ، حالىققا شىنايى سۇيسىپەنشىلىك ورناتىپ، حالىقتى كوڭىل تورىنە قويىپ، باستان - اياق حالىققا سەنۋ، حالىققا تىعىز سۇيەنۋ، حالىقتىڭ تاماشا تۇرمىسقا تالپىنىسىن كۇرەس نىساناسى ەتۋ كەرەك. پارتياعا جاۋاپتى بولۋ مەن حالىققا جاۋاپتى بولۋدى وسكەلەڭ بىرلىككە كەلتىرىپ، ماسەلەلەرگە وي جۇگىرتكەندە، شەشىم جاساعاندا، ءىس ىستەگەندە حالىقتىڭ مۇددەسىن شىعار ءتۇيىن ەتۋ، شىنايى ىستەۋگە پەيىل بولىپ، حالىق ءۇشىن شوگەلدىكپەن ىستەپ، زەيىن - زەردە مەن ىنتا - ىقىلاستى ارتۋدى ورنىقتىرۋعا، رەفورمانى جەبەۋگە، قۇرىلىمدى رەتتەۋگە، حالىق تۇرمىسىنا تيىمدىلىك جاساۋعا، حاۋىپ - قاتەردەن ساقتانۋعا، ورنىقتىلىقتى ساقتاۋعا جۇمساپ، حالىق بۇقاراسى ەڭ كوڭىل بولگەن، ەڭ تىكە، ەڭ رەال مۇددە ماسەلەسىن كۇش سالا شەشىپ، حالىق بۇقاراسىن اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋگە قۇلشىنۋ كەرەك.
  ءۇشىنشى، پارتيانىڭ ساياسي باسشىلىعىنا تاباندى بولۋ
  پارتيا − ەڭ جوعارى ساياسي باسشى كۇش، پارتيانىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ زور ابزالدىلىعى. پارتيانىڭ ساياسي قۇرىلىسىن كۇشەيتۋدە، ءسوز جوق، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ باسشىلىق ءتۇزىلىسىن كەمەلدەندىرىپ، پارتيانىڭ باسشىلىق ءتاسىلىن جاقسارتىپ، بيلىك جۇرگىزىپ، مەملەكەتتى كوركەيتۋدىڭ ساياسي جاۋاپكەرشىلىگىن ارقالاۋ كەرەك.
  (4) ”ەكىنى قورعاۋ“دى باتىل ورىنداۋ
  ءىس شار تاراپتا، تەتىك ورتالىقتا. پارتيانىڭ جالپى بەتتىك باسشىلىعىنا تاباندى بولۋدا جانە ونى كۇشەيتۋدە، ەڭ ماڭىزدىسى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ؛ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدا، ەڭ شەشۋشىسى، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋ. پارتيالى كادرلاردى تاريح پەن رەالدىقتى، نازاريا مەن امالياتتى، ەل ءىشى مەن حالىقارانى ۇشتاستىرۋ جاعىنان تانىمدى تەرەڭدەتۋگە، شىنايى مويىنداۋدى كۇشەيتۋگە تاربيەلەپ، جەتەكتەپ، ۇيتقىنى قولدايتىن، ۇيتقىعا ىلەسەتىن، ۇيتقىنى قورعايتىن يدەيالىق سانالىلىقتى، ساياسي سانالىلىقتى، ارەكەت سانالىلىعىن ۇزدىكسىز كۇشەيتىپ، باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتى دارىپتەگەنگە باتىل ءۇن قوسۋ، پارتيا ورتالىق كوميتەتى ۇيعارعاندى باتىل اتقارۋ، پارتيا ورتالىق كوميتەتى تيىم سالعاندى مۇلدە ىستەمەۋ كەرەك. پارتيا ۋستاۆىن ءتۇبىرلى دايەك ەتىپ، ”ەكىنى قورعاۋ“دى قامتاماسىز ەتەتىن ءتۇزىم - مەحانيزمدى ۇزدىكسىز كەمەلدەندىرىپ، «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر»، «جۇڭگو كوممۋنيستىك پارتياسىنىڭ ماڭىزدى، ەلەۋلى ىستەردە نۇسقاۋ سۇراۋ، مالىمدەۋ ەرەجەسى»، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى بەلگىلەمەلەرى» سياقتى پارتيا ىشىندەگى زاڭ - ەرەجەلەردى قاتاڭ اتقارىپ، پارتيانىڭ لۋشيان، باعىت، ساياسات جانە قاۋلىلارىن دايەكتىلەندىرۋ، اتقارۋ جاعدايىنا قۋزاۋ - تەكسەرۋ جۇرگىزۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىن، بەكىتۋلەرىن دايەكتىلەندىرۋ، تياناقتاندىرۋ بويىنشا قۋزاۋ - تەكسەرۋ، جاۋاپقا تارتۋ مەحانيزمىن كەمەلدەندىرۋ كەرەك. دۇرىس تانىممەن، دۇرىس ارەكەتپەن ”ەكىنى قورعاۋ“دى باتىل ورىنداپ، ”ەكىنى قورعاۋ“دان اۋىتقيتىن قاتە ءسوز - ارەكەتتەردەن باتىل ساقتانۋ جانە ونى تۇزەتۋ كەرەك، ءارقانداي فورماداعى ”تومەن دارەجەلى قىزىل“، ”جوعارى دارەجەلى قارا“ بولۋعا جول بەرمەۋ، پارتيا ورتالىق كوميتەتىنە كورىنىستە بويسۇنعانسىپ، كومەسكىدە قايشى كەلەتىن ەكىبەتكەي بولۋعا، ەكىبەتكەي توپ قۇرۋعا، ”جاساندى ادالدىق“قا استە جول قويماۋ كەرەك.
  (5) پارتيانىڭ باسشىلىق ءتۇزىلىسىن كەمەلدەندىرۋ
  پارتيانىڭ جالپى جاعدايدى جالپىلاي مەڭگەرۋىنە، ءار جاقتى سايكەستىرۋىنە تاباندى بولىپ، پارتيانىڭ جالپى بەتتىك باسشىلىعىنا تاباندى بولاتىن جانە ونى كۇشەيتەتىن ءتۇزىم جۇيەسىن ورناتىپ، كەمەلدەندىرىپ، پارتيانىڭ باسشىلىعىن رەفورمانىڭ، دامۋدىڭ، ورنىقتىلىقتىڭ، ىشكى ىستەردىڭ، سىرتقى ىستەردىڭ، مەملەكەت قورعانىسىنىڭ، پارتيانى جونگە سالۋدىڭ، مەملەكەتتى جونگە سالۋدىڭ، ارميانى جونگە سالۋدىڭ ءار سالاسىندا، ءار جاعىندا، ءار بۋىنىندا تياناقتاندىرۋدى بەرىك تۇزىممەن قامتاماسىز ەتۋ كەرەك. پارتيانىڭ ەكونوميكانىڭ، قوعامنىڭ ءار جاعىنداعى ماڭىزدى قىزمەتتەرگە باسشىلىق ەتۋى جونىندەگى پارتيا ىشىندەگى زاڭ ەرەجەلەردى زەرتتەۋ، جاساۋ. پارتيا ورتالىق كوميتەتى ماڭىزدى، ەلەۋلى قىزمەتتەرگە ورتالىقتانعان ءبىر تۇتاس باسشىلىق جۇرگىزەتىن ءتۇزىلىس - مەحانيزمدى اقاۋسىزداندىرۋ. جەرگىلىكتى پارتكومداردىڭ، پارتيا باسشىلىق گرۋپپالارىنىڭ، پارتيانىڭ قىزمەت ورگاندارىنىڭ پارتيانىڭ باسشىلىعىن جۇرگىزۋ ءتۇزىلىسى مەن مەحانيزمىن كەمەلدەندىرۋ. مەملەكەت مەنشىگىندەگى كاسىپورىندار پارتكومى (پارتيا باسشىلىق گرۋپپاسى) جانە اۋىل - قىستاق، ءىسورنى، ءمالى باسقارماسى، الەۋمەتتىك اۋماق سياقتى نەگىزگى ساتى پارتيا ۇيىمدارى باسشىلىق رولىن ساۋلەلەندىرەتىن ءتۇزىم - بەلگىلەمەلەردى ورناتۋ، اقاۋسىزداندىرۋ. نەگىزگى زاڭداعى بەلگىلەمەلەردى دايەكتىلەندىرىپ، تياناقتاندىرىپ، قاتىستى زاڭداردى، زاڭ ەرەجەلەردى جاساۋدا جانە وعان وزگەرىس ەنگىزۋدە پارتيانىڭ قاتىستى قىزمەتتەرگە باسشىلىق ەتەتىن زاڭدىق ورنىن ايقىن بەلگىلەۋ كەرەك. پارتيانىڭ جالپى بەتتىك باسشىلىعىنا تاباندى بولۋ تالابىن حالىق قۇرىلتايىنىڭ، ۇكىمەتتىڭ، سوت مەكەمەسىنىڭ، پروكۋراتۋرانىڭ ۇيىمدىق زاڭىنا ەنگىزىپ، ساياسي كەڭەس، دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى، حالىقتىق ۇيىمدار، مەملەكەت مەنشىگىندەگى كاسىپورىندار، جوعارى مەكتەپتەر، قاتىستى قوعامدىق ۇيىمدار سياقتىلاردىڭ ۋستاۆتارىنا ەنگىزىپ، پارتيانىڭ وسى ۇيىمدارعا باسشىلىق جۇرگىزۋ ءتۇزىم - بەلگىلەمەلەرىن اقاۋسىزداندىرىپ، ولاردىڭ قاشاندا پارتيانىڭ باسشىلىعىندا بەلسەندىلىكپەن، ىرىقتىلىقپەن، دەربەس جاۋاپتى بولىپ، بىركەلكى سايكەسە وتىرىپ قىزمەت ورىستەتۋىنە شىنايى كەپىلدىك ەتۋ كەرەك.
  (6) پارتيانىڭ باسشىلىق ءتاسىلىن جاقسارتۋ
  پارتيانىڭ باعداردى يگەرۋىن، جالپى جاعدايدى باعامداۋىن، ساياسات بەلگىلەۋىن، رەفورمانى جەبەۋىن كوزدەي وتىرىپ، ستراتەگيالىق ويلاۋدى، جاڭالىق اشا ويلاۋدى، ديالەكتيكالىق ويلاۋدى، زاڭدىق ويلاۋدى، تومەنگى شەكتىك ويلاۋدى كۇشەيتىپ، پارتيانىڭ لۋشيان، باعىت، ساياساتتارىن دۇرىس جاساپ جانە باتىل اتقارىپ، پارتيانىڭ ساياسي باسشىلىق قابىلەتىن، يدەيالىق جەتەكتەۋ قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتۋ. دەموكراتيالىق ورتالىقتاندىرۋ سىندى ءتۇبىرلى باسشىلىق تۇزىمگە تاباندى بولىپ، دەموكراتيا ادىسىنەن پايدالانىپ پىكىر جيناۋعا، عىلمي شەشىم قابىلداۋعا شەبەر بولىپ، كەڭەسۋ ءتاسىلى ارقىلى ورتاق تانىمدى ارتتىرۋعا، كۇشتەردى شوعىرلاندىرۋعا شەبەر بولۋ، سونىمەن بىرگە، ورتالىقتاندىرۋعا شەبەر بولىپ، باتىلدىقپەن جاۋاپكەرلىك ارقالاپ، اقىلداسقانىمەن شەشىم قابىلداماۋدى، شەشىم قابىلداعانىمەن اتقارماۋدى تيۋ كەرەك. بۇقارالىق لۋشيان سىندى نەگىزگى باسشىلىق ادىسكە تاباندى بولىپ، بۇقارالىق قىزمەت قابىلەتىن ۇزدىكسىز كۇشەيتىپ، تەكسەرۋ - زەرتتەۋ ستيلىن كۇش سالا جەتىلدىرىپ، بۇقارامەن بايلانىس جاساۋدىڭ جولدارىن، ادىستەرىن جاقسارتىپ جانە وندا جاڭالىق اشىپ، ينتەرنەتتە بۇقارالىق لۋشيانمەن جۇرۋگە تاباندى بولىپ، حالىقتىڭ پاراساتىن، حالىقتىڭ كۇشىن توپتاپ، بۇقارا ۇناتىپ ەستيتىن، ءسۇيىپ كورەتىن تاسىلدەرمەن پارتيانىڭ نازاريالارىن جانە لۋشيان، باعىت، ساياساتتارىن ۇگىتتەۋگە شەبەر بولىپ، پارتيانىڭ دارىپتەمەلەرىن بۇقارانىڭ سانالى ارەكەتىنە اينالدىرۋ كەرەك. ”ءتورت بۇرىس نىساي“عا، اسىرەسە، فورماشىلدىققا، تورەشىلدىككە باتىل قارسى تۇرۋ. زاڭ بويىنشا بيلىك جۇرگىزۋ سىندى نەگىزگى باسشىلىق تاسىلگە تاباندى بولىپ، زاڭدىق ويلاۋدان جانە زاڭمەن جونگە سالۋ تاسىلىنەن پايدالانىپ ەل باسقارۋعا ءمان بەرىپ، پارتيانىڭ دارىپتەمەلەرىن زاڭدىق ءتارتىپ ارقىلى مەملەكەتتىڭ ەركىنە، زاڭعا، زاڭ ەرەجەگە اينالدىرۋعا شەبەر بولىپ، سانالى تۇردە پارتيانىڭ باسشىلىق قيمىلدارىن ءتۇزىم ارناسىنا سالۋ كەرەك.
  ءتورتىنشى، ساياسي قابىلەتتى جوعارىلاتۋ
  پارتيانىڭ ساياسي قۇرىلىسىن كۇشەيتۋدە تەتىك ءار دارەجەلى، ءار ءتۇرلى ۇيىمدار مەن پارتيالى كادرلاردىڭ ساياسي قابىلەتىن جوعارىلاتۋدا، ءسوز جوق، پارتيا ۇيىمىنىڭ ساياسي يقۋاتىن ونان ارى كۇشەيتىپ، مەملەكەت ورگانىنىڭ ساياسي سيپاتىن ايگىلەپ، بۇقارالىق ۇيىمداردىڭ ساياسي رولىن ساۋلەلەندىرىپ، مەملەكەت مەنشىگىندەگى كاسىپورىنداردىڭ، ءىسورىنداردىڭ ساياسي باعدارىن كۇشەيتىپ، پارتيالى كادرلاردىڭ، اسىرەسە، باسشى كادرلاردىڭ ساياسي قابىلەتىن ۇزدىكسىز جوعارىلاتۋ كەرەك.
  (7) پارتيا ۇيىمىنىڭ ساياسي يقۋاتىن نىعايتۋ
  پارتيانىڭ كۇش - قۋاتى ۇيىمنان كەلەدى. ساياسي سيپات − پارتيا ۇيىمىنىڭ ءتۇبىرلى سيپاتى، ساياسي يقۋات − پارتيا ۇيىمىنىڭ نەگىزگى يقۋاتى، جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، تياناقتاندىرىپ، ءار دارەجەلى، ءار ءتۇرلى پارتيا ۇيىمدارىنىڭ ساياسي سيپاتىن جانە ساياسي يقۋاتىن ۇزدىكسىز كۇشەيتۋ كەرەك. پارتيا ورتالىق كوميتەتى پارتيانىڭ ەڭ جوعارى باسشى ورگانى، پارتيانىڭ ۇيىمدىق جۇيەسىنىڭ ۇلكەن ميى جانە ورتالىعى، ول پارتيا مەن مەملەكەت ىستەرىنىڭ دامۋىنداعى ماڭىزدى، ەلەۋلى قىزمەتتەرگە ورتالىقتانعان ءبىر تۇتاس باسشىلىق جۇرگىزەدى، بۇكىل پارتياعا، بۇكىل مەملەكەتكە ساياتىن ماڭىزدى، ەلەۋلى باعىت، ساياسات ماسەلەلەرىن تەك پارتيا ورتالىق كوميتەتى عانا ۇيعارادى جانە تۇسىندىرەدى. جەرگىلىكتى پارتكومدار پارتيا ورتالىق كوميتەتىنىڭ جانە جوعارى دارەجەلى پارتكومنىڭ باسشىلىعىندا، سول ءوڭىردىڭ ەكونوميكالىق، قوعامدىق دامۋىنا جالپى بەتتىك باسشىلىق ەتىپ، سول ءوڭىردىڭ پارتيا قۇرىلىسىنا جالپى بەتتىك جاۋاپتى بولىپ، پارتيا باسشىلىعىنىڭ السىرەۋى، پارتيا قۇرىلىسىنىڭ جەتەرسىز بولۋى، پارتيانى جاپپاي قاتاڭ جونگە سالۋدىڭ دارمەنسىز بولۋى ماسەلەلەرىن باتىل تۇزەتۋ كەرەك. پارتيانىڭ نەگىزگى ساتى ۇيىمدارى ۇيىمدىق قابىلەتتى كۇش سالا جوعارىلاتىپ، ساياسي يقۋاتتى كورنەكتىلەندىرىپ، ساياسي جەتەكشىلىكتى كۇشەيتىپ، دارمەنسىزدىك، بىتىراڭقىلىق ماسەلەسىن كۇش سالا شەشۋ كەرەك. پارتيا ياچەيكالارى تىكەلەي پارتيا مۇشەلەرىن تاربيەلەيتىن، پارتيا مۇشەلەرىن باسقاراتىن، پارتيا مۇشەلەرىن باقىلايتىن جانە بۇقارانى ۇيىمداستىراتىن، بۇقاراعا ۇگىت جۇرگىزەتىن، بۇقارانى ۇيىستىراتىن، بۇقاراعا قىزمەت وتەيتىن قىزمەت جاۋاپكەرشىلىگىن ارقالاپ، جاۋىنگەر قورعاندىق رولىن ويداعىداي ساۋلەلەندىرۋ كەرەك. پارتيا باسشىلىق گرۋپپالارى ءوزىن قۇرۋدى بەكىتكەن پارتيا ۇيىمىنىڭ باسشىلىعىندا، ءوز تاراۋىندا، ءوز مەكەمە - ورنىندا بەتالىستى يگەرۋ، جالپى جاعدايدى باسقارۋ، تياناقتاندىرۋعا كەپىلدىك ەتۋ سىندى ماڭىزدى رولىن ويداعىداي ساۋلەلەندىرىپ، پارتيا ورتالىق كوميتەتى مەن جوعارى دارەجەلى پارتيا ۇيىمىنىڭ شەشىمدەرىنىڭ، ورنالاستىرۋلارىنىڭ ءوز تاراۋىندا، ءوز مەكەمە - ورنىندا دايەكتىلەنۋىنە، تياناقتانۋىنا شىنايى كەپىلدىك ەتۋ كەرەك. پارتيانىڭ ءار دارەجەلى ءتارتىپ تەكسەرۋ كوميتەتتەرى پارتيا ىشىندە باقىلاۋ جۇرگىزەتىن ارناۋلى جاۋاپتى ورگان رەتىندەگى فۋنكتسيالىق ورنىن ونان ارى كۇشەيتىپ، جاپپاي باقىلاۋ جۇرگىزىپ، ءتارتىپ اتقارىپ، جاۋاپقا تارتىپ، پارتيا ۋستاۆىنىڭ، پارتيا ەرەجەسىنىڭ، پارتيا ءتارتىبىنىڭ قاتاڭدىعى مەن بەدەلدىلىگىن باتىل قورعاۋ كەرەك. پارتيانىڭ قىزمەت ورگاندارى پارتكومنىڭ اقىلشىسى، جاردەمشىسى بولۋ رولىن اناعۇرلىم ويداعىداي ساۋلەلەندىرىپ، مىندەت اتقارۋدىڭ، جاۋاپكەرشىلىكتى ادا ەتۋدىڭ ساياسي سيپاتى مەن ونىمدىلىگىن جوعارىلاتىپ، دەر كەزىندە اقىل - كەڭەس بەرۋگە، ءوز رولىن ساۋلەلەندىرۋگە كۇش سالىپ، پارتكومنىڭ شەشىم قابىلداۋىنا اناعۇرلىم جاقسى قىزمەت وتەپ، شەشىمدەردىڭ تياناقتانۋىن مىقتى يگەرۋ كەرەك. پارتيا مۇشەلەرى پارتيا تانىمى مەن ۇيىمدىق كوزقاراستى كۇشەيتىپ، يدەيادا ۇيىمدى شىنايى مويىنداۋدى، ساياسيدا ۇيىمعا سۇيەنۋدى، قىزمەتتە ۇيىمعا بويسۇنۋدى، سۇيىسپەنشىلىكتە ۇيىمعا سەنۋدى سانالىلىقپەن ورىنداۋ كەرەك. بارلىق پارتيا ۇيىمدارى مەن بارشا پارتيا مۇشەلەرى، ءسوز جوق، ءبىر تۇتاس جۇيە تانىمىن بەرىك ورناتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلعىندا ءبىر جاعادان باس، ءبىر جەڭنەن قول شىعارىپ، بىركەلكى قاداممەن قىزمەت ورىستەتىپ، پارتيانىڭ ۇيىمدىق جۇيەسىنىڭ تۇلعالىق بىرىككەن كۇشىن قالىپتاستىرۋ كەرەك.
  (8) مەملەكەت ورگانىنىڭ ساياسي سيپاتىن ايگىلەۋ
  ورتالىقتاعى جانە جەرگىلىكتەگى ءار دارەجەلى حالىق قۇرىلتايى ورگاندارىنىڭ، اكىمشىلىك ورگانداردىڭ، ساياسي كەڭەس ورگاندارىنىڭ، باقىلاۋ - تەكسەرۋ ورگاندارىنىڭ، سوت ورگاندارىنىڭ، پروكۋراتۋرا ورگاندارىنىڭ بارلىعى ماندىك جاقتان ساياسي ورگان سانالادى، ايقىن تۋ ۇستاي وتىرىپ ساياسيدى دارىپتەۋ وتەۋگە ءتيىستى جاۋاپكەرشىلىك بولىپ تابىلادى. باستان - اياق پارتيانىڭ باسشىلىعىندا زاڭ بويىنشا ەكونوميكالىق، قوعامدىق باسقارۋ قيمىلدارىن جۇرگىزۋگە تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، تياناقتاندىرىپ، پارتيانىڭ باسشىلىق دارىپتەمەلەرى مەن ماڭىزدى، ەلەۋلى شەشىمدەرىن، ورنالاستىرۋلارىن بەلسەندىلىكپەن، ىرىقتىلىقپەن زاڭدارعا، زاڭ ەرەجەلەرگە جانە ساياساتتارعا، اكىمشىلىك بۇيرىقتارعا اينالدىرۋ، ەكونوميكانى، قوعامدى باسقارۋدىڭ ورنالاستىرۋلارىنا جانە قىزمەت قيمىلدارىنا اينالدىرۋ، باسشىلىق تۇزىلىستەگى، قىزمەت مەحانيزمىندەگى جانە باسقارۋ ءادىس - تاسىلىندەگى جاڭالىققا اينالدىرۋ، ەكونوميكالىق، قوعامدىق دامۋدى ىلگەرىلەتۋدىڭ ناقتى ناتيجەسىنە اينالدىرۋ كەرەك. مەملەكەت ورگاندارى قىزمەت جاۋاپكەرشىلىكتەرىن اتقارۋدا، قىزمەت ورىستەتۋدە ساياسي دەڭگەيدى جوعارىلاتىپ، ساياسي بەتالىستى ءدال مەڭگەرىپ، ساياسي ونىمدىلىككە باسا ءمان بەرىپ، ساياسي ىقپالدى ويلاستىرىپ، ساياسي مەن كاسىپتى ايىرىپ تاستايتىن، قاراما - قارسى قوياتىن قاتە تانىم مەن قىلىقتاردان باتىل ساقتانىپ جانە ونى تۇزەتىپ، ساياسي مەن كاسىپتىڭ ءبىر تۇلعادا توعىسۋىنا، وسكەلەڭ بىرلىگىنە شىنايى كەپىلدىك ەتۋ كەرەك.
  (9) بۇقارالىق توپتاردىڭ، ۇيىمداردىڭ ساياسي رولىن ساۋلەلەندىرۋ
  جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق توپتار، ۇيىمدار − پارتيا باسشىلىعىنداعى ساياسي ۇيىمدار، ساياسي سيپات − بۇقارالىق توپتاردىڭ، ۇيىمداردىڭ جانى. ءارقايسى بۇقارالىق توپتار، ۇيىمدار ساياسي جاۋاپكەرشىلىگىن مۇقيات اتقارىپ، حالىق بۇقاراسىمەن بايلانىس ورناتۋداعى كوپىرلىك جانە دانەكەرلىك رولدارىن تولىق ساۋلەلەندىرىپ، ساياسي جۇمىلدىرۋ، ساياسي جەتەكتەۋ، ساياسي تاربيەلەۋ قىزمەتىنىڭ تەبىنىن ارتتىرىپ، بۇقارانى پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەيتىن ساياسي مىندەتتەرىن اناعۇرلىم جاقسى ارقالاپ، وزدەرى بايلانىس ورناتقان بۇقارانى پارتيانىڭ توڭىرەگىنە ەڭ كەڭ كولەمدە، ەڭ تىعىز ىنتىماقتاستىرۋ كەرەك. پارتيانىڭ باسشىلىعىنا بۇلجىماستان تاباندى بولىپ، جۇڭگوشا سوتسياليستىك بۇقارالىق توپتار، ۇيىمدار دامۋ جولىمەن بۇلجىماستان ءجۇرىپ، پارتيا ورتالىق كوميتەتىنىڭ بۇقارالىق توپتار رەفورماسى جونىندەگى شەشىمدەرىن، ورنالاستىرۋلارىن قاز - قالپىندا تياناقتاندىرىپ، بۇقارالىق توپتاردىڭ، ۇيىمداردىڭ ساياسي سيپاتىن، العاباسارلىق سيپاتىن، بۇقارالىق سيپاتىن شىن مانىندە كۇشەيتۋ كەرەك.
  (10) مەملەكەت مەنشىگىندەگى كاسىپورىنداردىڭ، ءىسورىنداردىڭ ساياسي باعدارىن كۇشەيتۋ
  مەملەكەت مەنشىگىندەگى كاسىپورىندار − جۇڭگوشا سوتسياليزمنىڭ ماڭىزدى زاتتىق نەگىزى جانە ساياسي نەگىزى، ءىسورىندار حالىق بۇقاراسىنىڭ كۇن سايىن ارتىپ وتىرعان الەۋمەتتىك يگىلىك قىزمەت وتەۋ قاجەتىن قاناعاتتاندىرۋ قىزمەت جاۋاپكەرشىلىگىن ارقالاپ وتىر، ولاردىڭ بارلىعى پارتيامىزدىڭ بيلىك جۇرگىزىپ، مەملەكەتتى گۇلدەندىرۋدەگى ماڭىزدى تايانىش كۇش. مەملەكەت مەنشىگىندەگى كاسىپورىندار، ءىسورىندار، ءسوز جوق، باستان - اياق پارتيانىڭ باسشىلىعىنا تاباندى بولىپ، پارتيانىڭ لۋشيان، باعىت، ساياساتتارىن باتىل دايەكتىلەندىرىپ، اتقارىپ، پارتيا ورتالىق كوميتەتىنىڭ مەملەكەت مەنشىگىندەگى كاسىپورىندار، ءىسورىندار رەفورماسىن، دامۋىن ىلگەرىلەتۋ جونىندەگى شەشىمدەرىن، ورنالاستىرۋلارىن مۇقيات تياناقتاندىرىپ، ءوز ورىندارىنداعى پارتيا قۇرىلىسى قىزمەتىن شىن مانىندە كۇشەيتىپ، پارتيا ۇيىمىنىڭ ماڭىزدى رولىن تولىق ساۋلەلەندىرىپ، ءوز ورنى قىزمەتىندە دۇرىس ساياسي بەتالىسقا تاباندى بولىپ، تاماشا ساياسي ناتيجەگە قول جەتكىزۋگە كەپىلدىك ەتۋ كەرەك.

جاۋاپتى رەداكتورى : قۇندىز مۇحيت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ