قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

لوپ اۋدانى دول اۋىلى حالۋاپ قىستاعى −

كادرلار مەن بۇقارا سەنترلەس شەڭبەر بولىپ، جاڭا داۋىردە ارمانعا قايراتتانا قۇلاش سەرمەدى

ءتىلشىمىز سۇي يۇنيان

2019.02.27 18:49 كەلۋ قاينارى : شينجياڭ گازەتىنەن

  ءار ۇلت كادرلار مەن بۇقاراعا مىقتاپ سۇيەنىپ، بىرگە ىنتىماقتاسا كۇرەس جاساپ، ىنتىماقتى، جاراسىمدى، گۇلدەنگەن، باي، وركەنيەتتى، العاباسار، تىنىش ءومىر، شات - شادىمان تىرشىلىك كەشەتىن سوتسياليستىك شينجياڭ قۇرايىق.
                                               − شي جينپيڭ


  2 - ايدىڭ 18 - كۇنى تۇستەن بۇرىن لوپ اۋدانى دول اۋىلى حالۋاپ قىستاعى تىنىشتىققا شومىپ تۇر، جول تاپ - تازا سىپىرىلعان، قىستاق تۇرعىندار كوميتەتىنىڭ الدىنداعى جولدا جاسىل جاپىراقتارمەن كومكەرىلگەن ءبىر قاتار ۇلكەن كەپتەر قاپاسى تۇر، كۇن شۋاعى ۇيقىسىنان وياتقان ءتۇرلى - ءتۇستى اسەمدىك كەپتەرلەر كىشكەنە قاپاستارىنان شىعىپ ازىقتانىپ، ”گۋ - گۋ ەتەدى“.
  ”ەڭبەكقور ەرتە قامدانادى. كۇندىز قىستاقتان جان پەندەسىن كورمەيسىڭ، قىستاعىمىزدا نەگىزىنەن بوس جۇرەتىن ادام جوق، كوپشىلىك قيمىلداپ، قاربالاستاپ جۇرەدى“. قىستاق پارتيا ياچەيكاسىنىڭ شۋجيى تولىم جانار تىلشىگە بىلاي دەدى: كوپشىلىك باس شۋجيدىڭ ىقىلاستى قامقورلىعى مەن تاپسىرماسىن ەستە بەرىك ساقتاپ، بىلەك سىبانا ىسكە كىرىستى، بارلىق ادام قۇلشىنا العا ۇمتىلىپ، جاڭا داۋىردەگى ارمانعا قۇلاش سەرمەۋشى بولۋعا تالپىنۋدا.
  ■ كاسىپ دامىدى، جۇمىستانۋ مولايدى
  ”كاسىپ ارقىلى كەدەيلىكتەن ارىلتۋ كوپشىلىكتىڭ ىشكى قوزعاۋشى كۇشىن جانداندىردى، ۇيدەن شىعىپ جۇمىسقا ورنالاسۋ باتىلدىقتارى وسىدان كەلدى“

  حالۋاپ قىستاعى بۇرىن كەدەي قىستاق بولاتىن، جان باسىنا نەبارى 0.8 مۋ جەر تۋرا كەلەتىن، قىستاق تۇرعىندارىنىڭ يدەياسى توماعا - تۇيىق، ۇيدەن شىعىپ جۇمىسقا ورنالاسقىسى، شارۋاشىلىق قۇرعىسى كەلمەيدى، ءبىر ءۇيلى جاننىڭ توقىمداي جەرگە قاراپ وتىرۋى قالىپتى جاعداي بولاتىن.
  قايتۋ كەرەك؟ الدىمەن كاسىپتى دامىتىپ، قىستاق تۇرعىندارىن ونىڭ يگىلىگىنە كەنەلتۋ كەرەك، ءۇمىتتى كورگەن سوڭ قوزعاۋشى كۇشتى جانداندىرۋعا بولادى، - دەدى تولىم. 2016 - جىلى حالۋاپ قىستاعى كەدەيلىكتەن ارىلىپ قالپاقتى الىپ تاستاۋمەن بىرگە، كاسىپ دامۋىنىڭ، ەڭبەكشىلدىكپەن اۋقاتتانۋدىڭ جەدەل دامۋ جولىنا ءتۇستى، بۇل تابىسقا قىستاقتاعى جۋمين كەپتەر باعىمشىلىق سەلبەستىك كووپەراتيۆى مول ەڭبەك ءسىڭىردى.
  بۇل قىستاقتاعىلاردىڭ كەپتەر باعاتىن ءداستۇرى بار. 2017 - جىلى اۆتونوميالى رايوندىق قازىنا مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتى قىستاقتىڭ ”ەكى كوميتەت“ىن باستاپ، اۆتونوميالى رايوننىڭ عىلىم - تەحنيكا ارقىلى كەدەيلەردى دالمە - ءدال سۇيەمەلدەۋ نىساندارىن جەر جاعدايىنا ۇيلەستىرىپ ىلگەرىلەتىپ، جۋمين كەپتەر باعىمشىلىق سەلبەستىك كووپەراتيۆىن قۇرىپ، 69 كەدەي وتباسىن جاڭا كىرىس جولىن تابۋعا جەتەكتەدى. ”نىسان قارجىسىنان پايدالانىپ ءار وتباسىنىڭ 3000 يۋاندىق سيلىق جارناعا ۇلەسكەر بولۋىنا كومەكتەستىك، شارۋا وتباسىلارى ءار جىلى پايدا بولىسىنەن يگىلىكتەنەدى“، - دەدى تولىم تانىستىرىپ.
  سەلبەستىك كووپەراتيۆىنىڭ وسىزاماندانعان كەپتەر قوراسىندا پار بار، جەم، سۋ تۇگەلدەي اۆتوماتتى بەرىلەدى، كەپتەر جۇمىرتقاسى مەن كەپتەر ەتىن لوپ اۋدانى حىتيانشيا كەپتەرشىلىك شەكتى سەرىكتەستىگى ءبىر تۇتاس ساتىپ الادى جانە سىرتقا ساتادى. بىلتىر سەلبەستىك كووپەراتيۆى ەكى رەت پايدا ءبولدى، ءار وتباسى ورتا ەسەپپەن 1500 − 2000 يۋاننان الدى.
  سەلبەستىك كووپەراتيۆىنىڭ تەحنيگى ءسادىماحمۇت سىراجاحىمەت توتىققان ءوڭدى، ءبىرتوعا جان ەكەن، قوس قولى تولعان مۇيىزگەك. بۇرىن كەپتەر باعۋدى ۇناتقانىمەن، كاسىپ تايانىشى بولماعاندىقتان، كەپتەرلەرى ساتىلمايتىن، بۇعان قوسا ىندەتتەن ساقتانۋ تەحنيكاسىن يگەرمەگەندىكتەن، تارتقان زيانى از ەمەس. سەلبەستىك كووپەراتيۆى قۇرىلۋدان ىلگەرى قىزمەت اترەتى ىشكەرى جەردەن تەحنيك ۇسىنىس ەتىپ، وعان وسىزاماندانعان جەمدەۋ، جۇمىرتقا باستىرۋ، ۇرىقتاندىرۋ جانە ىندەتتەن ساقتانۋ تەحنيكالارىن ۇيرەتكىزەدى، قازىر ول كەپتەر باعۋدىڭ مايتالمانىنا اينالدى.
  تاڭەرتەڭ ساعات 6دا ورنىنان تۇرىپ كەپتەر ساڭعىرىعىن تازالاۋدان باستاپ ءسادىماحمۇت ءار كۇنى كەشكە دەيىن قاربالاستاپ، 6000 نەشە كەپتەردى قۇنىتتاپ باعادى. ”ايىنا 3000 يۋان ەڭبەكاقى الامىن، بىلتىر اۋداندىق عىلىم - تەحنيكا مەكەمەسى 10 مىڭ يۋان سيلىق بەردى“، - دەدى ءسادىماحمۇت. قازىر ءسادىماحمۇت 13 شاكىرت تاربيەلەپ شىقتى، ولاردىڭ اراسىندا وسى قىستاقتاعىلار دا، كورشى قىستاقتاعىلار دا بار.
  ”باس شۋجي كەدەيلەردى سۇيەمەلدەۋدى جىگەرىن جانۋمەن ۇشتاستىرىپ، كەدەي بۇقارانىڭ ءوندىرىستى دامىتۋداعى، كەدەيلىكتەن ارىلىپ، اۋقاتتانۋداعى ىرىقتىلىعىن كۇش سالا جانداندىرۋ كەرەك دەپ اتاپ كورسەتتى. حالۋاپ قىستاعى باس شۋجيدىڭ تالابىن بەلسەندىلىكپەن اتقاردى، قازىر كاسىپ ارقىلى كەدەيلىكتەن ارىلتۋ كوپشىلىكتىڭ ىشكى قوزعاۋشى كۇشىن جانداندىردى، ۇيدەن شىعىپ جۇمىسقا ورنالاسۋ باتىلدىقتارى وسىدان كەلدى.“ تولىم بىلاي دەدى: قازىر قىستاقتاعىلار جاپا - تارماعاي سىرتقا شىعىپ جۇمىس ىستەيتىن بولدى، 444 ادام باسقا كاسىپكە ويىسىپ جۇمىستاندى، مۇنىڭ جارتىسى بۇرىن كەدەي بولاتىن، قىستاق زاۆود قۇرىپ نەشە ونداعان ايەلدى جۇمىسقا ورنالاستىردى.
  □ پارتيا مۇشەلەرى اتويلاپ الدا ءجۇردى، بۇقارا ولارعا بارىنشا سەندى
  ”بەينەتتە الدا، راقاتتا ارتتا بولىپ، قىستاق تۇرعىندارىن بىرگە كەدەيلىكتەن ارىلىپ، اۋقاتتانۋعا باستاۋ − پارتيا مۇشەلەرىنىڭ مەرەيى جانە جاۋاپكەرشىلىگى“

  ءار دۇيسەنبى كۇنى مەملەكەت تۋىن شىعارۋ قىستاقتاعى ءىرى ءىس، قىستاق تۇرعىندارى بەلسەنە قاتىناستى، قىستاق تۇرعىندار كوميتەتىنىڭ ۇلكەن اۋلاسى ادامعا لىق تولدى. وسىدان كەيىنگى ۇگىت - لەكسيا قيمىلىندا قىستاقتاعى كەدەيلىكتەن ارىلىپ اۋقاتتانۋ تيپتەرى وزدەرىنىڭ باستان كەشكەندەرى مەن ويلارىن ايتتى، ولاردىڭ جۇزىنەن ماقتانىش سەزىمى شارق ۇرىپ تۇردى. ”كوپشىلىك كىم ەڭبەكشىلدىكپەن كوپ اقشا تابادى ەكەن دەپ ىشتەي باسەكەلەسىپ جۇرەدى“. اۆتونوميالى رايوندىق قازىنا مەڭگەرمەسىنىڭ حالۋاپ قىستاعىندا تۇرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ارداق ياسىن بىلاي دەدى: قىستاقتا بەكەر قاراپ وتىرمايتىن راي قالىپتاستى، جۇمىسسىز ادامدار قىستاقتا باسىن كوتەرىپ جۇرە المايتىن بولدى.
  قىستاق تۇرعىندارىنىڭ قاربالاس جۇمىس ىستەۋىنىڭ، اۋقاتتانۋىنىڭ ار جاعىندا قىستاقتا تۇرعان قىزمەت اترەتى مەن قىستاق ”ەكى كوميتەتى“ نىڭ قاجىرلى قۇلشىنىسى جاتىر. وتباسىلارىن ارالاپ، حالىق تىلەگىن ۇعىسۋ؛ تەكسەرۋ - زەرتتەۋ جۇرگىزىپ دالەلدەمە جاساۋ، كاسىپتى تۇراقتاندىرۋ؛ ۇگىت جاساپ جەتەكتەۋ، بۇقارانى جۇمىلدىرۋ... ءار قىزمەتتىڭ ار جاعىندا اياق كيىمدەردىڭ تەسىلگەن تابانى، ءتۇنى بويى جانىپ تۇراتىن شامدار، تۇنىمەن قىزمەت ىستەۋدەن قىزارعان جانارلار جاتىر.
  بيىل 44 جاستاعى ارداقتىڭ ۇلتى قىرعىز، 28 جاستاعى تولىمنىڭ ۇلتى قازاق، ولار 2017 - جىلى قىستاققا ىركەس - تىركەس كەلگەن، وسىدان باستاپ جاقسى ۇستاز - شاكىرت، جاقسى سەرىك بولىپ، قىستاقتىڭ دامۋىن، قىستاق تۇرعىندارىنىڭ باقىتتى تۇرمىسىن ارقاۋ ەتىپ بىرگە وي جۇگىرتىپ، ءادىس - امال قاراستىرۋمەن كەلەدى.
  ”ءبىرىنشى شۋجي ماعان القاعا قالاي جەتەكشىلىك ەتۋدى ۇيرەتتى، قىزمەت اترەتى قىستاق ’ەكى كوميتەت‘ ىنىڭ، جانە پارتيا مۇشەلەرىنىڭ پىكىرىنە بۇكىلدەي قۇرمەت ەتىپ، قىستاق كادرلارىنىڭ بەلسەندىلىگىن تاسقىنداتىپ، پارتيا ياچەيكاسىنىڭ سەنترگە تارتۋ كۇشىن جوعارىلاتتى“. تولىم بىلاي دەدى: وسىنداي قىزمەت ءتاسىلى تۇتاس بارىسىنا ساباقتاستى، سەلبەستىك كووپەراتيۆىن قۇراتىن كەزدە تالاي رەت جاعداي ۇعىسىپ، تەكسەرۋ جۇرگىزىپ، پارتيا مۇشەلەرى ءماجىلىسىن جانە قىستاق تۇرعىندار ءماجىلىسىن اشىپ، جۇرت تىلەگىنە بۇكىلدەي قۇرمەت ەتتىك.
  ”باس شۋجي شينجياڭدا قىزمەت تەكسەرگەن كەزدە: حالىق بۇقاراسىنىڭ تىلەگىنە ۇيلەسەتىن ىستەردىڭ بارلىعى ءبىزىڭ كۇرەس نىسانامىز، − دەدى. ءبىز تاپسىرمانى ەستە بەرىك ساقتاپ، بۇقاراعا شىنايى ءىس ىستەپ، اۋىلداستاردىڭ ءىسىن ويداعىداي تىندىردىق“. ارداق بىلاي دەدى: پارتيا مۇشەلەرىنىڭ اۆانگاردتىق، ۇلگىلىك رولىن تولىق ساۋلەلەندىرۋ ءۇشىن، قىزمەت اترەتى مەن قىستاق ”ەكى كوميتەت“ى ءوزارا كومەكتەسۋ گرۋپپاسىن جاسامپازدىقپەن قۇردى.
  ءوزارا كومەكتەسۋ گرۋپپاسى دەگەنىمىز ءبىر پارتيا مۇشەسى كەدەيلىكتەن ەندى عانا ارىلعان 19 وتباسىن باستاپ، كەپتەر باعىمشىلىعى كاسىبىن بىرگە دامىتادى، پارتيا مۇشەسى 10 مىڭ يۋان شىعارىپ جارنا قوسادى، كەدەي وتباسى 10 مىڭ يۋان ءوسىمسىز قارىزىمەن جانە ۇكىمەتتىڭ 10 مىڭ يۋان قوسىمشا قاراجاتىمەن جارنا قوسىپ، جابدىقتاردى جانە كەپتەردىڭ بالاپانىن ساتىپ الىپ، وسى زامانعى باعىمشىلىقتى شوعىرلى جۇرگىزەدى. قىستاقتا وسىنداي ءوزارا كومەكتەسۋ گرۋپپاسىنان ۇشەۋى بار، كەدەي وتباسى جىلىنا 6000 يۋان پايدا الادى.
  ءبىر ءوزارا كومەكتەسۋ گرۋپپاسىنىڭ پارتيالى جەتەكشىسى توحتىۋالي قۇرباننىڭ 25 جىلدىق پارتيا ستاجى بار، ”مەن ءوندىرىس حاۋىپسىزدىگى، تازالىق، جۇقپالى اۋرۋلاردان ساقتانۋ، كاسىپورىندارمەن سايكەسىپ جەم - شوپپەن قامداۋ، ونىمدەردى ساتۋ سياقتى جۇمىستارعا جاۋاپتىمىن، قازىر كەپتەردىڭ قامداۋى سۇرانىستى قاناعاتتاندىرا الماي وتىر“، − دەدى ول.
  باسقالاردان ارتىق جۇمىس ىستەسە دە توحتىۋالي بۇنى ماقتانىش سەزىنەدى ەكەن، ويتكەنى بۇقارا پارتيا ۇيىمىنا، پارتيا مۇشەلەرىنە اناعۇرلىم سەنىم ارتاتىن بولدى.
  ”جۇڭگو كوممۋنيستىك پارتياسىنىڭ مۇشەسى، ءسوز جوق، بار ىنتا − پەيىلىمەن حالىق ءۇشىن قىزمەت وتەۋى، بەينەتتە الدا، راقاتتا ارتتا ءجۇرىپ، قىستاق تۇرعىندارىن بىرگە كەدەيلىكتەن ارىلىپ، اۋقاتتانۋعا باستاۋ − پارتيا مۇشەلەرىنىڭ داڭقى مەن جاۋاپكەرشىلىگى“، - دەدى توحتىۋالي تولىق سەنىممەن.
  □ قايراتتانا ىستەپ، ارمانعا قانات قاقتى
  ”كوزقاراس جاڭالاندى، قاجىرلىلىقپەن ەڭبەك ەتسەك كۇندەر بارعان سايىن جاقسارادى“

  حالۋاپ قىستاعىنىڭ كەدەيلىكتەن ارىلعانىنا 2 جىل بولدى، تابىس سەزىمى مەن باقىت سەزىمى بارعان سايىن كۇشەيگەن قىستاق تۇرعىندارى قوس قولدارىنا سۇيەنىپ، اناعۇرلىم تاماشا تۇرمىسقا كەنەلۋدى ويلادى. ”جاقىنعى 2 جىلدان بەرى، وڭتۇستىك شينجياڭداعى اۋىل - قىستاقتاردىڭ يدەياسى ازات بولدى، قىستاق تۇرعىندارىنىڭ رۋحاني بەت - بەينەسىندە زور وزگەرىس تۋىلدى، رۋحاني كۇيلەرى دە كوتەرىڭكى بولدى“، - دەدى تولىم.
  باس شۋجي شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋدىڭ تەتىگى − ادامدا، ادامنىڭ كوزقاراسىندا، قابىلەتىندە، قايراتىندا.
  ءتىلشى كەزدەسكەن ءاربىر قىستاق تۇرعىنىنىڭ جۇزىنەن تۇگەلدەي جان دۇنيەسىنەن شىققان شىنايى كۇلكىنىڭ لەبى ەسىپ تۇردى. كەدەيلىكتەن ارىلعاننان بەرى، قىستاق تۇرعىندارى بارعان سايىن اسقاق ارمان ورناتتى، بۇل كوزقاراستىڭ، قابىلەتتىڭ، قايراتتىڭ ماڭىزدىلىعىن تولىق دالەلدەدى.
  قىستاق قۇرعان كولەمى شاعىن زاۆود ەكى اۋماققا بولىنەدى، بىرەۋى تىڭداعىش بولشەكتەرىن وندىرەدى، ەندى بىرەۋى، تىگىنشىلىكپەن شۇعىلدانادى. قىستاق تۇرعىنى تۇرسىننيسا احمەتتىڭ تىڭداعىش بولشەكتەر زاۆودىنا كەلگەنىنە 4 اي بولىپتى. ”مەن جۇمىسقا ىسىلا ءتۇسىپ، ءتىپتى كوپ ەڭبەكاقى الىپ، وتباسىمنىڭ كىرىسىن ارتتىرۋعا قۇلشىنامىن“، - دەدى تۇرسىننيسا تولىق سەنىممەن.
  زاۆودتىڭ قارسىسىندا تۇردىمامەت احمەت ەرلى - زايىپتى ەكەۋى دە ابىگەرلەنىپ جاتتى، ايەلى ءبيباتيما باكىر بالا باعۋ ورنىن اشىپ، زاۆودتا جۇمىس ىستەيتىن ايەلدەردى ۋايىمنان ارىلتادى. ۇستىنە ۇزىن اق شاپان كيگەن تۇردىمامەت ءوزارا كومەكتەسۋ گرۋپپاسىنىڭ كەپتەر باعۋ زاۆودىن باسقارىپ جاتتى، ”بىلتىر وتباسىمىزدىڭ كىسى باسىندىق ورتاشا كىرىسى 15 مىڭ يۋانعا جەتتى، ۇيىمىزدە توڭازىتقىش، تەلەۆيزور بارلىعى بار، مەن ءتىپتى كوپ اقشا تاۋىپ، وتباسىممەن بىرگە ىشكى جەرلەرگە بارىپ ساياحاتتاسام دەيمىن“.
  اركىمىنىڭ ءوز ارمانى بار، 58 جاستاعى توحتىنيسا باراتتىڭ دا ويلاعانى بار ەكەن. ول رەۆماتيزمدىك بۋىن قابىنۋىنا شالدىققان، ول نىسان قارجىسىنىڭ دەمەۋىندە سەلبەستىك كووپەراتيۆىنە قاتىناستى، بىلتىر 2000 يۋان پايدا الدى. بۇل كۇندەرى ول ۇيىندە بوس جاتپاپتى، ۇيىندەگى 9 قويىن ساتىپ، قايتادان سيىر ساتىپ الىپ، سيىر ءسۇتىن ساتىپ، ءتىپتى كوپ اقشا تابۋدى ويلاپتى.
  قىستاق تۇرعىنى تۇرسىننياز ماحمۇت ءۇيىن كەلىستىرە اشەكەيلەپتى، تەلەۆيزوردا لوپ اۋدانىنىڭ زاڭ لەكسياسى باعدارلاماسى قويىلىپ جاتتى. قىستاقتى ينتەرنەت تۇگەل قامتىپ، بارلىق وتباسىندا ينتەرنەت تەلەۆيزورى بار ەكەن. 2018 - جىلى قىستاق 3 ميلليون يۋان نىسان قارجىسىنا قول جەتكىزىپ، شارۋالار شاتتىعى ساياجايىن قۇرىپ، دامىتىپ، قىستاق تۇرعىندار كوميتەتىنىڭ قاسىنداعى 5 شارۋانىڭ ءۇيىن ساۋدا ۇيىنە وزگەرتەدى، ونىڭ ءۇيى وسىنىڭ ىشىندەگى بىرەۋى ەكەن.
  ”قىستاعىمىز اۋدان قالاشىعىنا جاقىن، جازدا بۇل ارا كەشكى بازارعا اينالادى.“ تۇرسىننيازدىڭ ۇيىندە ارناۋلى بولمە بار، اۋلاداعى جاڭعاق اعاشىنىڭ استىندا ۇستەل - ورىندىقتار تۇر، كۇن جىلىنىسىمەن قوناق قابىلداۋعا بولادى ەكەن. ول 5 وتباسىمەن سەلبەسىپ، بىرگە نان جاۋىپ، كۇنجۇت كامپيتىن جاساپ، ءۇي تاعامدارىن ىستەيدى، بىلتىر ءار وتباسى 3000 يۋاننان كىرىس كىرگىزدى.
  ”كوزقاراس جاڭالاندى، قاجىرلىلىقپەن ەڭبەك ەتسەك كۇندەر بارعان سايىن جاقسارادى. باس شۋجي الاڭسىز بولىڭىز، پارتيا مەن مەملەكەتتىڭ قامقورلىعىندا، قولداۋىندا ءبىز، ءسوز جوق، قۇلشىنا ۇمتىلىپ، ءوزىمىزدىڭ قاجىرلى قوس قولىمىزعا سۇيەنىپ، اناعۇرلىم تاماشا تۇرمىس جاراتامىز “، - دەدى ارداق.
جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ