قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

«التى ءتۇرلى سالىق، ەكى ءتۇرلى اقى» ٪ 50 كەمەيتىپ الىنادى

شاعىن، ۇساق كاسىپورىندار «سالىقتى جەڭىلدەتۋ حۇڭباۋىن» قۋانا قابىلدادى

□ ءتىلشىمىز حي حۇڭۋي

2019.02.25 15:01 كەلۋ قاينارى : شينجياڭ گازەتىنەن

” بەتاشار “
  دامۋ بارىسىنداعى ماسەلەلەردى شەشۋدە، ءسوز جوق، رەفورماعا كۇش سالۋ كەرەك. قازىر مەملەكەت پەن اۆتونوميالى رايون رەفورمانى تەرەڭدەتۋ جونىندە ءبىرسىپىرا ساياساتتىق شارالاردى ورتاعا قويدى. وسى ساياساتتىق شارالار ءونىمدى تياناقتاندىرىلدى ما - جوق پا؟ ءار ۇلت بۇقاراسى ساياساتتىڭ ناقتى پايداسىنان يگىلىكتەنە الدى ما - جوق پا؟ گازەتىمىز بۇگىننەن باستاپ «ساياساتتىڭ ناتيجەسىنە نازار» دەگەن اتپەن ارناۋلى ستون اشىپ، ساياساتتىق شارالاردىڭ تياناقتاندىرىلۋ احۋالىن قاداعالاپ ۇعىسىپ، رەفورمانىڭ ونان ارى تەرەڭدەۋىن ىلگەرىلەتۋگە كۇش قوسادى.



  تاياۋدا، اۆتونوميالى رايون «شاعىن، ۇساق كاسىپورىنداردىڭ سالىعىن جالپىلىق تيىمدىلىك سيپاتتى جەڭىلدەتۋ، كەشىرۋ ساياساتىن دايەكتىلەندىرۋ، تياناقتاندىرۋ جونىندەگى حابارلاندىرۋدى» تاراتىپ، رايونىمىزدىڭ ارتقان قۇن سالىعى بويىنشا شاعىن كولەمدە سالىق تاپسىرۋشىلار تاپسىرۋعا ءتيىستى «التى ءتۇرلى سالىق، ەكى ءتۇرلى اقىنىڭ» مولشەرىن ٪50 كەمەيتىپ تاپسىرۋدى بەلگىلەدى. وسى ساياساتتىڭ تياناقتاندىرىلۋ ونىمدىلىگى قانداي؟ شاعىن، ۇساق كاسىپورىندار سالىقتى جەڭىلدەتۋ، اقىنى تومەندەتۋدىڭ پايداسىن شىن مانىندە كورە الدى ما - جوق پا؟ ءتىلشىمىز وسى جونىندە تىلشىلىك جاسادى.
  كوكتەم مەرەكەسىندەگى دەمالىس سوزىلعاندىقتان، 2 - ايدىڭ 20 - كۇنى شاعىن، ۇساق كاسىپورىنداردىڭ سالىعىن جالپىلىق تيىمدىلىك سيپاتتى جەڭىلدەتۋ، كەشىرۋ ساياساتىن اتقارعاننان كەيىنگى العاشقى سالىق جيناۋ مەرزىمى بولدى. سول كۇنى ساعات 16دا، ءتىلشى ءۇرىمجى ەكونوميكالىق، تەحنيكالىق اشۋ رايوندىق (توۋتۇنحى رايونى) سالىق مەكەمەسىنىڭ سالىق ىستەرىن راسىمدەۋگە قىزمەت وتەۋ زالىنا كىرگەندە، ەڭ اۋەلى، ارناۋلى شاعىن، ۇساق كاسىپورىندارعا تيىمدىلىك جاساۋ ساياساتىن تياناقتاندىرۋ جونىنەن كەڭەس سۇراۋ، قىزمەت وتەۋ ورنىنا نازار اۋداردى. بۇل ارادا، قىزمەتكەر سالىق راسىمدەۋشىگە قاتىستى ساياساتتاردى ءتۇسىندىرىپ جاتىر ەكەن.
  «شاعىن كولەمدە سالىق تاپسىرۋشىلار سالىق تاپسىرۋ ۋاقىت شەگىن قاي ۋاقىتتا وزگەرتسە بولادى؟»، - دەپ سۇرادى سالىق بىتىرۋشى.
  «شاعىن كولەمدە سالىق تاپسىرۋشىلاردىڭ ساياساتتان تولىق يگىلىكتەنۋىنە كەپىلدىك ەتۋ ءۇشىن، بەلگىلەنگەن مەرزىم بويىنشا سالىق تاپسىراتىن شاعىن كولەمدە سالىق تاپسىرۋشىلار ءوزىنىڭ ءىس جۇزىندىك شارۋاشىلىق جۇرگىزۋ جاعدايىنا نەگىزدەلە وتىرىپ، ءاربىر ەسەپ جىلى ىشىندەگى قالاعان ۋاقىتتا، جاۋاپتى بولعان سالىق ىستەرى ورگانىنا ءوتىنىش تاپسىرسا بولادى...».
  سالىق تاپسىرىپ وتىرعان جاۋ ياۋ − ءۇرىمجى باجيە بۇعالتىرلىق قىزمەت وتەۋ شەكتى سەرىكتەستىگىنىڭ بۇعالتىرى. «ساياسات بەلگىلەنگەننەن كەيىن، سالىق مەكەمەسىنىڭ قىزمەتكەرلەرى بىزگە ساباق بەرىپ، جەتەكشىلىك ەتتى. سەرىكتەستىگىمىزدىڭ قاريدارلارىنىڭ كوبى شاعىن، ۇساق كاسىپورىندار، ولاردىڭ جاعدايلارى ءار ءتۇرلى، ادەتتە ءبىز جولىققان ماسەلەلەردى سالىق مەكەمەسى دەر كەزىندە شەشىم ەتەدى»، - دەدى جاۋ ياۋ تىلشىگە، ول: «سەرىكتەستىگىمىزدىڭ بىلتىرعى پايداسى 2 ميلليون يۋان بولعان، 500 مىڭ يۋان تابىس سالىعىن تاپسىرۋعا تۋرا كەلگەن، ساياسات بەلگىلەنگەننەن كەيىن، ءبىز تەك 150 مىڭ يۋان سالىق تاپسىرىپ، 350 مىڭ يۋان ۇنەمدەپ قالدىق»، - دەدى.
  ءتىلشى شاعىن، ۇساق كاسىپورىنداردىڭ سالىعىن جالپىلىق تيىمدىلىك سيپاتتى جەڭىلدەتۋ، كەشىرۋ ساياساتى جاريالانعاننان كەيىن، اۆتونوميالى رايوننىڭ سالىق ىستەرى جۇيەسىنىڭ تاباندا اتتانىسقا كەلگەنىن، ءار دارەجەلى سالىق ورگاندارىنىڭ سالىقتى جەڭىلدەتۋ، اقىنى تومەندەتۋ ارناۋلى كۋرسىن جاپپاي ورىستەتىپ، ورىنداردى ارالاپ جاعداي ۇعىسۋ، ورىنداردى ارالاپ جەتەكشىلىك ەتۋ، سالىق ىستەرىن بىتىرۋگە قىزمەت وتەۋ زالى ماتەريال تاراتۋ سياقتى فورمالار ارقىلى ۇگىتتى كۇشەيتكەنىن ۇعىستى. قاتىستى يگىلىكتەنۋشى ادامداردىڭ تيىمدىلىك ساياساتىن تۇسىنۋىنە تەز ارادا مۇمكىندىك جاساۋ ءۇشىن، سالىق تاراۋلارى ينتەرنەت تۇعىرىنان ويداعىداي پايدالانىپ، جەلىدە سۇحبات ورىستەتىپ، كۋرس بەينە جازىمىلىن جاساپ، ءۇنحات، تىڭشۇن بەينە جازىلىمى سياقتى تۇعىردان پايدالانىپ، توراپتا تىكەلەي ۇگىتتەپ، جەتەكشىلىك ەتىپ، سالىقتى جەڭىلدەتۋ، اقىنى تومەندەتۋ جونىندەگى ءتۇرلى سالىق ساياساتتارىن ءدالمە - ءدال تياناقتاندىردى.
  «بۇرىن سالىق راسىمدەگەندە زالدا ارلى - بەرلى جۇگىرەتىنمىن، تاپسىراتىن ماتەريالدار كوپ بولاتىن، كوپ ۋاقىت كەتەتىن ءارى سارپالداڭعا تۇسەتىنمىن»، - دەدى شينجياڭ حۇڭچاڭ تيانيۋان شەكتى جاۋاپكەرشىلىك بۇعالتىرلىق ىستەرى ورنىنىڭ قازىناعا جاۋاپتى قىزمەتكەرى ما يۋەحۇي. قازىر ەلەكتروندى سالىق مەكەمەسى وعان قولايلى بولدى، كەڭسەدە وتىرىپ - اق سەرىكتەستىكتىڭ ءتيىمدى ساياساتتارىن ەستەلىككە الۋىنا بولادى. «سالىق تاپسىراتىندار سارپالداڭعا تۇسپەيتىن بولدى، توراپتان كوپتەپ پايدالانۋ، جولدارىن اناعۇرلىم كوبەيتۋ كەرەك، ءبىز ناقتى قولايلىلىقتان يگىلىكتەنىپ وتىرمىز»، - دەدى ما يۋەحۇي.
  اۆتونوميالى رايوندىق سالىق مەكەمەسىنىڭ قاتىستى جاۋاپتىسى مىنانى ءبىلدىردى: اۆتونوميالى رايوندىق سالىق مەكەمەسى شاعىن، ۇساق كاسىپورىنداردىڭ سالىعىن جالپىلىق تيىمدىلىك سيپاتتى جەڭىلدەتۋ، كەشىرۋ ساياساتىن ويداعىداي تياناقتاندىرىپ، سالىق ىستەرىن بىتىرۋگە قولايلىلىق ازىرلەپ، ونىمدىلىگىن ءجىتى قاداعالاۋعا ءمان بەرىپ، سالىق تاپسىرۋشىلارعا سالىق تاپسىرۋعا قىزمەت وتەۋدىڭ ساپالى، ءونىمدى بولعاندىعىن سەزىندىرەدى. شاعىن، ۇساق كاسىپورىنداردىڭ سالىعىن جالپىلىق تيىمدىلىك سيپاتتى جەڭىلدەتۋ، كەشىرۋ ساياساتىنىڭ تياناقتاندىرىلۋىنا شىنايى كەپىلدىك ەتىپ، سالىق تاپسىرۋشىلار مەن اقى تاپسىرۋشىلاردىڭ ساياساتتىڭ يگىلىگىنەن شىنايى يگىلىكتەنۋىنە مۇمكىندىك جاسايدى.




جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ