قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

رايونىمىزدىڭ ماقتا ءونىم مولشەرى تاعى رەكورد جاڭالادى

2019.02.16 19:43 كەلۋ قاينارى : شينجياڭ گازەتىنەن

 2018 - جىلى شينجياڭنىڭ ماقتا ءونىم مولشەرى 5 ميلليون 111 مىڭ تونناعا جەتكەن

بۇكىل ەلدىڭ جالپى ءونىم مولشەرىندەگى سالىستىرماسى %83.8

  
  ءتىلشىمىز ليۋ ي 2 - ايدىڭ 15 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ساناق مەكەمەسىنەن ۇعىسۋىنا قاراعاندا، 2018 - جىلى رايونىمىزدىڭ ماقتا ءونىم مولشەرى تاعى رەكورد جاڭالاپ، جالپى ءونىم مولشەرى 5 ميلليون 111 مىڭ تونناعا جەتىپ، 2017 - جىلداعىدان ٪11.9 ارتىپ، جالپى ءونىم مولشەرى بۇكىل ەلدىڭ ٪83.8ىن يەلەگەن. رايونىمىز ماقتاسىنىڭ جالپى ءونىم مولشەرى، جەكە ءونىم مولشەرى، ەگىلگەن جەر اۋماعى، تاۋاردىڭ دايىندالۋ مولشەرى ءۇرتىس 24 جىل مەملەكەت بويىنشا ءبىرىنشى ورىندى يەلەگەن.
  وتكەن عاسىردىڭ 90 - جىلدارىنان بەرى، رايونىمىزدىڭ ماقتا ءونىم مولشەرى مەملەكەت بويىنشا ءبىرىنشى ورىندى يەلەپ كەلەدى. ايتسە دە سوڭعى جىلدارى ماقتا شارۋاشىلىعى كور سوقىرلىقپەن ءونىم مولشەرگە عانا ءمان بەرۋى سەبەپتى ساپاسى ناشارلاپ، توقىماعا جارامدىلىعى تومەن بولىپ، ەكونوميكالىق ونىمدىلىگى بارعان سايىن تومەندەپ، ەگىلگەن جەر اۋماعىندا تولقۋ تۋىلعان ەدى. بىرنەشە جىل تيبىن وزگەرتىپ دامىتۋ ارقىلى رايونىمىزدىڭ ماقتا ءوندىرىسى ساپاسىن جوعارىلاتىپ، ونىمدىلىگىن ارتتىرۋ جولىنا ءتۇسىپ، ماقتا ءوندىرىسىنىڭ جالپىلىق ونىمدىلىگى ۇزدىكسىز جوعارىلاپ، ماقتا ەگەتىن ديقانداردىڭ بەلسەندىلىگى قايتا قالپىنا كەلگەن. 2017 - جىلى رايونىمىزدىڭ ماقتا جالپى ءونىم مولشەرى بۇكىل ەلدىڭ ٪74.4ىن يەلەدى، 2018 - جىلى تاعى دا رەكورد جاڭالادى.
  ءتىلشىنىڭ اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنا قاراعاندا، ەندى عانا وتكەن ءبىر جىلدا بۇكىل رايونىمىز بۇكىل كاسىپ تىزبەگى بويىنشا ساپانى جوعارىلاتىپ، وزىندىك قۇندى تومەندەتىپ، ونىمدىلىكتى ارتتىرۋ وي جەلىسى بويىنشا كاسىپتىڭ دامۋ ورەسىن جوعارىلاتقان. وسى بارىستا بۇكىل رايونىمىز ماقتا ەگىمشىلىگىن ۇزدىكسىز باسىمدىققا يە ءوندىرىس رايونىنا قاراي شوعىرلاندىرۋعا بەلسەنە جەتەكتەپ، ماقتانىڭ ۇيلەسىمدى كولەمدەگى تيجاراتىن ىلگەرىلەتكەن.
  ماقتانىڭ نىسانالىق باعا قوسىمشا قاراجاتىن بازارلاندىرۋ مەحانيزمى جونىندە ىشكەرىلەي ىزدەنىس جاساپ، اۋىل شارۋاشىلىق ونىمدەرى باعاسىن قالىپتاستىرۋ مەحانيزمىنىڭ حالىقارالىق بازارمەن توعىسۋىن جەبەۋ ءۇشىن، 2018 - جىلى رايونىمىز ماقتانىڭ «باعا قامسىزداندىرۋى + كەسىكتى تاۋار» ۇلگىسىن تۇيىندە سىناق ەتۋدى ىسكە قوسىپ، سىناق ءتۇيىنى ەتىلگەن اۋدان - قالادا نەگىزگى ديقانداردى، اۋىل شارۋاشىلىق وندىرىسىمەن جانە تيجاراتىمەن شۇعىلداناتىن ورىنداردى نەگىزگى تۇلعا رەتىندە ماقتانىڭ نىسانالى باعا قامسىزداندىرۋىنا قاتىناسۋعا شابىتتاندىرعان، مۇنداعى ماقسات − قامسىزداندىرۋ مەحانيزمى ارقىلى ماقتا ەگەتىن ديقاندارعا ماقتا باعاسى قامسىزداندىرۋى كەپىلىن ازىرلەپ، كەسىكتى ساۋدا ۇقىعى قۇرالىنان، كەسىكتى تاۋار بازارىنان پايدالانىپ قامسىزداندىرۋ سەرىكتەستىگىنىڭ تيجارات حاۋىپ - قاتەرىن بىتىراتىپ، ماقتا ەگەتىن ديقانداردىڭ مۇددەسىن قورعاۋدى جانە كاسىپتىڭ ورنىقتى دامۋىن قامتاماسىز ەتۋدى جۇزەگە اسىرىپ، بۇكىل رايونىمىز ماقتا كاسىبىنىڭ ءۇرتىس ورنىقتى دامۋىن جەبەۋ.



جاۋاپتى رەداكتورى : قۇندىز مۇحيت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ