قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ساياحات سارا ونىمدەرى قۇرىلىسىن ىلگەرىلەتىپ، ساياحات ايگىلى ماركا جۇيەسىن قۇرادى

شينجياڭ بيىل ءتۇيىندى تۇردە 100 ساياحات ماركاسىن جاراتادى

2019.02.14 17:11 كەلۋ قاينارى : شينجياڭ گازەتىنەن

  ءتىلشىمىز رىن جياڭ 2 - ايدىڭ 13 - كۇنى ۇرىمجىدەن حابارلايدى. 2 - ايدىڭ 12 - كۇنى شينجياڭ جىبەك جولى حالىقارالىق دەمالىس ورنىنىڭ ورىنباسار مەڭگەرۋشىسى حۋاڭ حى تانىستىرا كەلىپ بىلاي دەدى: «كوكتەم مەرەكەسى دەمالىسىندا دەمالىس ورنىمىز قابىلداعان ساياحاتشى مولشەرى 100 مىڭ ادامنان (رەت) اسىپ، سايكەس مەزگىلدەگىدەن 2 ەسە ارتىپ، تاعى دا تاريحتاعى تىڭ دەڭگەيگە جەتتى».
  بيىل 1 - ايدان باستاپ، شينجياڭ جىبەك جولى حالىقارالىق دەمالىس ورنىندا ساياحاتشىلار كوپ بولىپ قالماستان، شينجياڭنىڭ كوپتەگەن ساياحات ءوڭىرى مەن كورىنىس تۇيىنىندە دە ادامدار قايشالىسىپ، تۇتاس رايوننىڭ ساياحات كاسىبى جوعارى قارقىندى دامۋ ارىنىن جالعاستىرىپ، شينجياڭنىڭ بيىل ءتۇيىندى تۇردە 100 ساياحات ماركاسىن جاراتۋ قىزمەتىندە جاقسى باستاما باستادى.
  بيىل اۆتونوميالى رايوندىق مادەنيەت جانە ساياحات مەڭگەرمەسى تابيعي ەكولوگيانى جانە ەرەكشە مادەنيەتتى ارقاۋ ەتىپ، شينجياڭنىڭ ساياحات ماركا جۇيەسىن قۇرۋعا كۇش سالىپ، بىرەگەي ساياحات وڭىرلەرى قۇرىلىسىن ىلگەرىلەتىپ، ءبىر توپ ايتۋلى ساياحات ماركاسىن جانە بىرەگەي ساياحات ءوڭىرىن تارتۋ ەتەدى. مۇندا تاريحي مادەنيەت ساياحاتى، قىسقى ساياحاتتىڭ كوزەۋلى جەرى، قار - مۇز ساياحاتى جانە قار - مۇز سپورتىنىڭ كوزەۋلى جەرى، ۇلتتىق سالت - سانا مادەنيەت ساياحاتى، اۋىل - قىستاق ساياحاتى، ەكولوگيالىق ساياحات، مادەنيەت ويىندارى، ساياحات دەمالىس ورنى، سالاماتتىق، كۇتىنۋ ساياحاتى، دالالىق سەيىل - سەرۋەن، دەنە تاربيە ساياحاتى، شەكارا ساياحاتى سياقتى ماركالاردى قامتىعان 100 ماركانى ءتۇيىندى تۇردە سومدايدى.
  ەڭبەكقورعا كوكتەم ەرتە كەلەدى، ۇمتىلا كىرىسۋدىڭ ءساتى وسى، كوپتەگەن كورىنىس وڭىرلەرى، كورىنىس تۇيىندەرى، سونداي - اق قار شاڭعى الاڭدارى جاڭا جىل باستالىسىمەن ساياحات ماركاسىن جاراتۋ قىزمەتىنە كىرىستى.
  «مەجەمەن 5 - ايدا ءۇشىنشى تەز قارقىندى اسپا كۇيمە ىسكە قوسىلادى. سول كەزدە، 3 تەز قارقىندى اسپا كۇيمە تۇگەلدەي ىسكە قوسىلادى»، - دەدى حۋاڭ حى تانىستىرا كەلىپ، شينجياڭ جىبەك جولى حالىقارالىق دەمالىس ورنىنداعى اسپا كۇيمەنىڭ تاسىمال قۋاتى ساعاتىنا 9000 ادامعا جەتەدى، وعان مەملەكەت بويىنشا 1 - ورىندا تۇراتىن شاڭعى جولىنىڭ كولەمى، تەڭىز دەڭگەيىنەن بيىكتىك پارقى 700 مەتردەن اسۋ سياقتى شارت - جاعدايلاردى قوسقاندا، دەمالىس ورنىنىڭ ساياحاتشى قابىلداۋ دەڭگەيى بۇكىل مەملەكەتتەگى قار شاڭعى الاڭدارىنىڭ الدىڭعى قاتارىندا تۇرادى. بيىل اتالعان دەمالىس ورنى 20 مىڭ مۋلىق گۇل تەڭىزى كورىنىس ءتۇيىنى، سونداي - اق دەمالىس قوناقجايى، اينەك جول سياقتى قۇرىلعىلاردى قۇرادى. «ءبىزدىڭ نىسانامىز جازدا ءبىر ميلليون ادام (رەت)، قىستا ءبىر ميلليون ادام (رەت) ساياحاتشى قابىلداۋ»، - دەدى حۋاڭ حى.
  قار - مۇز ساياحاتى جانە قار - مۇز سپورتىنىڭ كوزەۋلى جەرى ماركاسىن جاراتۋ دا شينجياڭ باييۇن حالىقارالىق قارشاڭعى الاڭىنىڭ نىساناسى بولدى. قارشاڭعى الاڭىنىڭ باس جوراسى چىن ليانشىڭ بىلاي دەدى: «بيىل قارشاڭعى الاڭى 2 - مەرزىمدىك قۇرىلىس جۇرگىزىپ، شينجياڭ بويىنشا ەڭ ۇلكەن بالالار قار - مۇز سايران باعىن سالادى، مۇندا قارلى جەر ۆەلوسيپەتى، قارلى جەر كارتيڭ ماشيناسى سياقتى ويىن تۇرلەرى قامتىلادى، سونىمەن بىرگە قار الاڭىنىڭ اينالاسىن وزگەرتىپ، تەز قارقىندى اسپا كۇيمە ورناتۋدى جوسپارلادى، بۇل 2019 - جىلدان 2020 - جىلعا دەيىنگى قىس ماۋسىمىندا ىسكە قوسىلادى.
  بۇل كۇندەرى سولتۇستىك شينجياڭنىڭ كوپتەگەن جەرىن اق قار قىمتاعانىمەن، كوپتەگەن كورىنىس ءوڭىرى، كورىنىس ءتۇيىنى ساياحات ماركاسىن قۇرۋعا كىرىسىپ كەتتى.
  «كوكتەم كىرىسىمەن مىڭ ءۇي كينو قالاشىعىن سالامىز، جىل سوڭىنان بۇرىن سالىپ بولۋعا كۇش سالامىز ءارى كينو ءتۇسىرۋدى باستايمىز»، - دەدى جەمسارى اۋداندىق مادەنيەت، دەنە تاربيە، ساياحات، راديو، كينو - تەلەۆيزيا مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى شى دۇڭبيڭ بولاشاققا كوز جىبەرە. بۇل تەك مىڭ ءۇي كورىنىس ءوڭىرىن تاريحي مادەنيەت ساياحات ماركاسى ەتىپ سومداۋداعى كوپتەگەن شارانىڭ ءبىرى. ەندىگى جەردە وسى كورىنىس ءوڭىرى قۇرىلعىلار قۇرىلىسىن كەمەلدەندىرىپ، ساياحاتشىلارعا ءتىپتى كوپ تاريحي مادەنيەت فاكتورلارىن ايگىلەيدى.
  2 - ايدىڭ 11 - كۇنى تۇستەن بۇرىن، توراڭعى مادەنيەت سارايىنان ەلەكتر ارانىڭ، شەگە قاعاتىن مىلتىقتىڭ داۋىسى جاڭعىردى − ولار ۋاقىتتى ۇتا اشەكەيلەۋ جۇمىسىن جۇرگىزىپ، كوكتەم مەرەكەسىندە دە دەمالماپتى. «توراڭعى مادەنيەت سارايى كورىنىس ءوڭىرىمىزدىڭ بيىلعى ءتۇيىندى نىسانى، ساياحاتشىلار 5000 مۋلىق بايىرعى توراڭعى ورمانىن تاماشالاعاننان كەيىن، وسىندا كەلىپ توراڭعى مادەنيەتى جونىندە ءتىپتى دە كوپ تۇسىنىككە يە بولادى»، - دەدى اۋات اۋدانى دولان تايپاسى كورىنىس ءوڭىرىنىڭ ورىنباسار باس مەڭگەرۋشىسى ليۋ چيۇڭياۋ تانىستىرا. بيىل وسى كورىنىس ءوڭىرى جەكە كولىكتەرىمەن ساياحاتتاۋشىلار لاگەرىن قۇرادى ءارى كورىنىس ءوڭىرىنىڭ جولى، سۋ ىعىستىرۋ جۇيەسى، قوقىر - قوقسىقتى ءبىر جاقتى ەتۋ جۇيەسى سياقتىلاردىڭ دارەجەسىن جوعارىلاتادى. مۇنىڭ ءبارى وسى كورىنىس وڭىرىندە اۋىل - قىستاق ساياحات ماركاسىن قۇرىپ شىعۋعا دەم بەرەدى. بىلتىر وسى كورىنىس ءوڭىرى 223 مىڭ 200 ادام (رەت) ساياحاتشى قابىلداعان، بيىل ولاردىڭ نىساناسى 300 مىڭ ادام (رەت).
  كوكتەم مەرەكەسى كەزىندەگى قايشالىسقان قالىڭ ادامنىڭ كورىنىسى حوتان قالالىق ساياحات مەكەمەسىنىڭ باستىعى جاڭ ۋىننىڭ كوز الدىنان كەتپەپتى. «بىلتىر حوتان كەشكى بازارىنىڭ كۇندىك ساياحاتشى قابىلداۋ مولشەرى 6000 ادامعا (رەت)، جازدا 10 مىڭ ادامعا (رەت) جەتتى. بيىل ءتىپتى جاقسى ىستەپ، حوتان كەشكى بازارىن جەرگىلىكتى ساياحاتتىڭ تانىسقىسى ەتىپ قۇرىپ شىعامىز»، - دەدى جاڭ ۋىن نىق سەنىممەن.
  بۇگىنگى كۇنى، حوتان قالاسى حوتان كەشكى بازارىن يۇيچۋانحۋ باقشاسىمەن بىرلەستىرىپ، مەملەكەتتىك 3A دارەجەلى كورىنىس ءوڭىرى ەتىپ قۇرىپ شىقتى. بيىل 1 - ايدا حوتان كەشكى بازارىنىڭ كول بويىنداعى دۇكەندەر تيجارات باستاپ، حوتان كەشكى بازارىنىڭ كولەمى مەن ىقپال كۇشى جەدەل ارتتى. جاڭ ۋىن بيىل جازدا حوتان كەشكى بازارىندا ءۇرىمجى دۇكەنى اشىلاتىندىعىن، ىشكى ولكەلەرمەن سەلبەستىك جاساۋ جونىندە بەلسەنە كەڭەس وتكىزىپ جاتقانىن ايتتى. بۇگىنگى كۇنى، حوتان كەشكى بازارىنىڭ ۇلتتىق سالت - سانا مادەنيەت ساياحات ماركاسى رەتىندەگى داڭقى كۇن سايىن ارتۋدا.



جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ