قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

وتباسى بەرەكەلى، اعايىن تاتۋ

2019.02.08 18:03 كەلۋ قاينارى : شينجياڭ گازەتىنەن

  جاڭا جىلداعى مەرەكەلىك ءتۇس بيىك ىلىنگەن قىزىل قوراپتى شامدا، شىن كوڭىلدەن شىققان مەرەكەلىك تىلەكتە، وتباسىنداعى شاتتىق ۇنىندە، وتە - موتە، جاڭا جىلعا قاراعان تۇنگى باس قوسۋ تاعامىندا بەينەلەنەدى. بۇكىل ەل مەرەكەنى تويلاپ، سان مىڭداعان وتباسى باس قوسقان ءساليقالى ساتتە وتانىمىزدىڭ گۇلدەنىپ قۇدىرەتتەنۋىنە ات سالىسۋشىلار ءارى ونىڭ كۋاگەرلەرى، وتانىمىزبەن جاستى شينجياڭداعى ءبىر توپ ساقا پارتيا مۇشەلەرىنىڭ كوڭىلى قۋانىش پەن العىس سەزىمىنە تولدى.
  2 - ايدىڭ 7 - كۇنى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنىڭ (تومەندە قىسقارتىلىپ «جۇڭتاي توبى» دەلىندى) «ۇعىسۋ، تيىمدىلىك جاساۋ، توعىستىرۋ» قيمىلى بويىنشا كەريا اۋدانى سيەك اۋىلى قاتياق قىستاعىندا تۇراتىن قىزمەت اترەتىنىڭ مۇشەسى جاڭا جىلدى 70 جاستاعى ساقا پارتيا مۇشەسى ابدۇقادىر قاسىم وتباسىمەن بىرگە وتكىزدى.
  ابدۇقادىر قىستاقتاعى كەدەي وتباسى بولاتىن، وتباسىنداعى 5 جاندا ءبىر مۋدان استام عانا ەگىستىك جەر بار. بۇگىنگى كۇنى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ كومەگىندە تۇرمىستارى جىل سايىن جاقساردى.
  «2018 - جىلى 4 - ايدا 2 ۇلىم جۇڭتاي توبىنا جۇمىسقا قابىلدانىپ، كىرىسىمىز ارتىپ، سول جىلى كەدەيلىكتەن ارىلدىق، بەيقۇت ۇيگە كوشىپ كىرىپ، تۇرمىسىمىز جاقسارا ءتۇستى، بۇگىنگى باقىتتى تۇرمىسىمىزدى جاقسى قاستەرلەپ، ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز»، - دەدى ابدۇقادىر.
  ساۋان اۋدانى سانداۋحىزى قالاشىعى شاۋەشەك كوشەسى الەۋمەتتىك اۋماعىنىڭ تۇرعىنى، 70 جاستاعى پارتيا مۇشەسى ۋاڭ شيۋفاڭ جونىنەن وسى كوكتەم مەرەكەسىندە مەرەكەلىك ءتۇس اناعۇرلىم قويۋ، سۇيىسپەنشىلىك اناعۇرلىم تەرەڭ بولدى. «40 جىلدىڭ الدىندا جاڭا جىل وتكىزگەندە ۇستەلدە كورىمىرەك ءبىر - ەكى قۋىرماش تۇرسا سوعان رازى بولۋشى ەدىك. بيىل جاڭا جىلعا قاراعان ءتۇنى قاتىقتى - قاتىقسىزى ارالاس دەنساۋلىققا پايدالى دا ءنارلى 18 ءتۇرلى قۋىرماش ىستەلدى»، - دەدى 2 - ايدىڭ 4 - كۇنى ساعات 20دا ۇستەل تولى باس قوسۋ تاعامىنا قاراپ اسەرلەنگەن ۋاڭ شيۋفاڭ.
  ۋاڭ شيۋفاڭ 3 قىز، ءبىر ۇل ءوسىردى، نەمەرەلەرىن قوسقاندا ءبىر ۇلكەن شاڭىراقتاعى 10 نەشە ادامنىڭ جايشىلىقتا باس قوسۋى قيىنداۋ ەدى، جاڭا جىلعا قاراعان تۇنگى باس قوسۋ تاعامى ول ءۇشىن ەڭ قۋانىشتى ءسات بولدى.
  «مەن رەفورما جاساۋدىڭ، ەسىك اشۋدىڭ ۇلى جەتىستىگىنەن يگىلىكتەندىم، ءومىرىمنىڭ سوڭعى شاعىندا قارتايعاندا كۇتىمدەلەتىن ورىن، تۇراتىن باسپانا، ناۋقاس كورسەتەتىن شيپاحانا، كورەتىن قىزىعى بار تاماشا باقىتتى تۇرمىستان يگىلىكتەندىم. وسىنىڭ بارىنە پارتياعا العىس ايتامىن! شاعىن وتباستارى بەرەكەلى، تاتۋ بولسا، ۇلكەن وتباسىمىز جاراسىمدى، ىنتىماقتى بولادى»، - دەدى ۋاڭ شيۋفاڭ.
  2 - ايدىڭ 5 - كۇنى تۇستەن كەيىن ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) تۇڭحى شيڭفۋچىڭدا تۇراتىن مويچىن مومىن كاريا جۇبايىن، قىزىن جانە نەمەرەلەرىن ەرتىپ، الدىن الا بۇيىرتىپ قويعان مەيمانحاناعا بارىپ وتباسىنداعىلارمەن باس قوسىپ تاماقتاندى.
  70 جاستاعى مويچىن كاريانىڭ جايناعان جۇزىنەن جانە رەتتى كيىنىسىنەن شيراقىلىعى مۇندالاپ تۇر. كوكتەم مەرەكەسى كەلگەندە ءۇرىم - بۇتاعى وتباسىنا جينالعان كاريانىڭ كوڭىل كۇيى ەرەكشە كوتەرىڭكى بولدى. كاريا بىردە بالالارىنا بالكۇلشە ءبولىپ بەرسە، بىردە كوپشىلىكپەن بىرگە سۋرەتكە ءتۇسىپ، شاتتىققا بولەندى.
  «وتباسى بەرەكەلى بولسا، بارلىق ءىس كوركەيەدى، ءبىر ءۇيلى جان مەرەكەنى دۋماندى تويلاپ، امان - ەسەن باس قوسساق، سونىڭ ءوزى ۇلكەن باقىت»، - دەدى مويچىن.
  وسىمەن ءبىر ۋاقىتتا، جىڭ اۋدانى تولى قالاشىعى يۇڭجيحۋ قىستاعىنىڭ تۇرعىنى تىلەبالدى مامىرباي ۇلىنىڭ وتباسى دا تۇشپارا ءتۇيىپ، ساڭزى پىسىرىپ، ەت اسىپ، ءۇش ۇرپاق ادامدارى بىرگە تاماقتاندى.
  «مەن يۇڭجيحۋ قىستاعىندا تۋدىم، بالا كەزىمدە ءبىز جەر ۇيدە تۇراتىنبىز، ۇيدە شىبىن - شىركەي كوپ بولاتىن، سىرتتىڭ ءبارى توپىراق جول، ىشكەنىمىز توعانداعى سور سۋ بولعاندىقتان، ۇنەمى ءىشىمىز كەبەتىن. بالالار سەندەر بىلەسىڭدەر مە؟ قازىرگى تۇرمىسىمىز وتە باقىتتى. قىستاقتا اۋىل شارۋاشىلىعىن ماشينالاندىرۋ جۇزەگە اسىپ، 10 مۋ جەردى ءبىر ساعاتتا جىرتىپ، تۇقىم سەۋىپ بولامىز. قاراشى، ءبىز وتىرعان بەيقۇت ءۇيدىڭ قالاداعى عيمارات ۇيدەن قاي جەرى كەم؟». كوپشىلىك ءبىر اراعا باس قوسقاندا، 44 جىلدىق پارتيا ستاجى بار تىلەبالدى كوپشىلىككە وتكەن كۇندەردى اڭگىمەلەدى.
  70 جاسقا شىققان تىلەبالدى دەمالىسقا شىعاردان بۇرىن قىستاق بۇعالتىرى بولاتىن، قاي - قاشان دا قىستاق ىستەرىنە ەرەكشە كوڭىل بولەدى. « قازىر 7 بالامنىڭ ەكەۋى جۇڭگو كوممۋنيستىك پارتياسىنا مۇشە بولدى، ءبىر نەمەرەم، 2 جيەن قىزىم داشۋەدە وقيدى، نەمەرەلەرىمە، جيەن قىزدارىما ۇنەمى جاقسى وقىڭدار، بولاشاقتا تۋعان جەرلەرىڭە قايتىپ كەلىپ كوركەيتىپ - گۇلدەندىرىڭدەر دەيمىن»، - دەدى تىلەبالدى.
  وتباسى − ەڭ كىشكەنە مەملەكەت، مەملەكەت سان مىڭداعان وتباسىنان قۇرالادى. ابدۇقادىر جاڭا ءبىر جىلدا ءتىپتى دە باقىتتى تۇرمىستى اڭساۋدا؛ ۋاڭ شيۋفاڭنىڭ بالالارى مەن نەمەرەلەرىنە ايتقان ىقىلاستى اقىلى تولاسسىز تورسىلداق ۇنىمەن توعىسىپ كەتتى؛ مويچىن قول تەلەفونىنداعى سۋرەتتەردى رەتتەپ، جاڭا جىلدا دوستىق شەڭبەرىنە تۇڭعىش جولداما جاريالاپ، باقىتتى تۇرمىسىن كورسەتتى؛ ءبىر ءۇيلى جانعا كوڭىلدەنە كوز سالىپ، ءماندى باس قوسۋعا نازارى اۋعان تىلەبالدى ءوزىن وتە باقىتتى سەزىندى.
  (تىلشىلەرىمىز پەريزات، چىڭ يۋەيۋە، جاڭ چىنشۋان، ەرىكتى تىلشىلەر ساي يۇڭجيە، چي يۋەچياڭ)



جاۋاپتى رەداكتورى : قۇندىز مۇحيت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ