قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

 شيحۋ قالالىق جولاۋشى تاسىمال بەكەتى

اۋىلعا قايتار جول مەيىرگە تولدى

ءتىلشىمىز سۇڭ يا - ۋىن

2019.02.07 15:20 كەلۋ قاينارى : شينجياڭ گازەتىنەن

  «وسى جەردەن بەلەت تەكسەرتەمىز بە؟»، «بۇل جەردە قورجىن - قولاڭدى ساقتاي تۇراتىن جەر بار ما؟».
  2 - ايدىڭ 6 - كۇنى تۇستەن بۇرىن، شيحۋ قالالىق جولاۋشى تاسىمال بەكەتىندە ادامدار قايشالىستى، كەزەكشىلىك وتەپ تۇرعان گو فاڭ جولاۋشىلاردىڭ بەلەتىن تەكسەرە ءجۇرىپ، سۇراۋلارىنا جىلى لەبىزبەن جاۋاپ قايتاردى.
  مۇنداي كورىنىس شيحۋ قالالىق جولاۋشى تاسىمال بەكەتىندە كۇندە قايتالانادى، گو فاڭ كۇنىنە نەشە ءجۇز جولاۋشىنىڭ ءار ءتۇرلى سۇراۋىنا جاۋاپ بەرەدى. «كوكتەم مەرەكەسى كەزىندە جولاۋشى سانى ءبىرشاما كوپ، ءتۇرلى توسىن وقيعالار دا كوبىرەك تۋىلادى، سوندىقتان، ءبىز قىزمەت ورنىمىزدان تاپجىلمايمىز، جاڭا جىلدى وتباسىمىزداعىلارمەن بىرگە وتكىزۋگە ۋاقىت بولماسادا، ءوز قىزمەتىمىزدى جاۋاپكەرشىلىكپەن جاقسى ىستەيمىز». گو فاڭنىڭ لەبىزىنەن جاۋاپكەرشىلىك سەزىمى اڭعارىلىپ تۇر: «جولاۋشىلاردىڭ ۇيىنە امان - ەسەن جەتۋىنە كومەكتەسۋ − مەنىڭ قىزمەت جاۋاپكەرشىلىگىم، ولاردىڭ باقىتتى جۇزدەرىن كورگەندە مەن دە قۋانامىن»، - دەدى ول.
  سەڭدەي سوعىلىسقان ادامدار اراسىنان بالا كوتەرىپ، قولىنا ۇلكەندى - كىشىلى سومكە ۇستاعان چىن حۇڭ ەرەكشە كوزگە ءتۇستى، جۇزىنەن باقىت لەبى ەسەدى.
  چىن حۇڭ تىلشىگە ءوزىنىڭ شي - اندا قىزمەت ىستەيتىندىگىن، بىرنەشە جىل بويى ۇيگە قايتىپ اكە - شەشەسىمەن بىرگە جاڭا جىلدى تويلاي الماعاندىعىن، وسى رەتكى جاڭا جىلدا ۇشاق بەلەتىن كۇنى بۇرىن بۇيىرتىپ، اكە - شەشەسىنە توسىن قۋانىش سيلاماقشى بولعاندىعىن ايتتى.
  «ۇشاقتان تۇسكەن سوڭ، دەرەۋ شيحۋعا باراتىن جولاۋشى اۆتوكولىگىنە وتىردىم، بالامدى الىپ جۇرگەندىكتەن، ونىڭ ۇستىنە جۇگىم كوپ بولعاندىقتان جول بويى كوپ ادامنىڭ كومەگىنە يە بولدىم، بۇل مەنى توتەنشە مەيىرگە بولەدى»، - دەدى چىن حۇڭ كۇلە: «بالا ەرتىپ اۋىلعا قايتۋ جاپالى بولعانىمەن اكە - شەشەمنىڭ قۋانىشتى بەينەسىن كورگەندە قانشا شارشاسام دا تاتيدى دەپ ويلايمىن».
  شيحۋ قالالىق جولاۋشى تاسىمال بەكەتىنىڭ باستىعى جاڭ بيڭ بىلاي دەپ تانىستىردى: شيحۋ قالالىق جولاۋشى تاسىمال بەكەتىندەگى «ءۇرىمجى اۋەجايىنىڭ وزگە قالاداعى ۇشاق كۇتۋ عيماراتى» 1 - ايدىڭ 16 - كۇنى رەسمي ىسكە قوسىلدى، جولاۋشىلار ۇشاققا شىعۋ كارتچكاسىن ءبىتىرۋ، حاۋىپسىزدىك تەكسەرۋى سياقتى راسمياتتاردى وسى جەردەن تىكە بىتىرۋىنە بولادى ءارى جولاۋشى تاسىمال ارناۋلى لەنياسىمەن شيحۋ قالاسىنان ءۇرىمجى ديوپۋ حالىقارالىق اۋەجايىنا توتە جەتە الادى.
  «ءبىز ەلەكتروندىق ەكران، جەلىدەن بەلەت ساتىپ الۋ جۇيەسى، ۇشاققا شىعۋ كارتچكاسىن ءوزى شىعارىپ الۋ، جولاۋشىلاردىڭ دەمالۋ اۋماعى سياقتىلاردى سايكەستىرىپ، جولاۋشىلارعا باعىتتامالى قىزمەت وتەۋدى ىسكە اسىردىق، ءبىز ۇيلەسىمدى ورنالاستىرۋ ارقىلى جولاۋشىلاردىڭ ايالداپ قالماۋىنا، كەلگەن زامان اتتانۋىنا كەپىلدىك ەتىپ، جولاۋشىلارعا قولايلى، جىلدام قاتىناۋدى سەزىندىردىك»، - دەدى جاڭ بيڭ.





جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ