قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

شي جينپيڭ مەن پىڭ لييۋان تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋعا ءار ەلدەن كەلگەن سيلى قوناقتاردى قارسى الدى


2018.11.05 18:54 كەلۋ قاينارى : شينجياڭ گازەتىنەن

11 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شاڭحايدا قوناعاسى بەرىپ، تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋعا ءار ەلدەن كەلگەن سيلى قوناقتاردى قارسى الدى. سۋرەتتە: شي جينپيڭ ءسوز سويلەۋدە.
سۋرەتتى شينحۋا اگەنتتىگىنىڭ ءتىلشىسى شيە حۋانشى تۇسىرگەن
  شينحۋا اگەنتتىگىنىڭ 11 - ايدىڭ 4 - كۇنى شاڭحايدان بەرگەن حابارى (تىلشىلەر جي ميڭ، ليۋ حۋا). مەملەكەت ءتوراعاسى شي جينپيڭ مەن حانىمى پىڭ لييۋان 11 - ايدىڭ 4 - كۇنى كەشتە شاڭحايدا قوناعاسى بەرىپ، تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋعا ءار ەلدەن كەلگەن سيلى قوناقتاردى قارسى الدى.
  كۇزگى شاڭحايدا ءدارشىن گۇلىنىڭ حوش ءيىسى اڭقيدى. اسەم شامدار جارقىرايدى، حۋاڭپۋجياڭ وزەنىنىڭ بويىندا كوكپەن بوي تالاسقان عيماراتتار، كوزدىڭ جاۋىن الاتىن ساۋلەلەر ەسىك اشىپ، كوركەيىپ - گۇلدەنۋدىڭ بەينەسىن ايگىلەدى. ساعات 6دان 25 مينۋت شاماسىندا، شەتەل باسشىلارى مەن حانىمدارى ىركەس - تىركەس شاڭحاي حالىقارالىق ءماجىلىس ورتالىعىنا كەلدى. ءوسپىرىم بالالار قىزۋ مەرەيمەن ءان شىرقاپ، ءبي بيلەپ، شار تاراپتان كەلگەن قوناقتاردى، دوستاردى قىزۋ قارسى الدى.
  شي جينپيڭ مەن پىڭ لييۋان ءار ەلدىڭ باسشىلارىمەن جانە ولاردىڭ حانىمدارىمەن ىقىلاستى اڭگىمەلەستى ءارى ەستەلىك سۋرەتكە ءتۇستى.
  قوناقتاردى قارسى الۋ مۋزيكاسى اۋەنىندە، شي جينپيڭ مەن پىڭ لييۋان سيلى قوناقتارمەن بىرگە قوناعاسى زالىنا كىردى.
  شي جينپيڭ ءسوز سويلەپ، جۇڭگو ۇكىمەتى مەن جۇڭگو حالقى اتىنان ءار ەل باسشىلارى مەن سيلى قوناقتاردى قىزۋ قارسى الدى. شي جينپيڭ بىلاي دەپ اتاپ كورسەتتى: شاڭحاي − جۇڭگونىڭ ەڭ ۇلكەن ەكونوميكالىق ورتالىعى جانە رەفورما جاساۋ، ەسىك اشۋدىڭ الدىڭعى شەبى، ول تاياۋ زاماننان كەيىنگى جۇڭگونىڭ ەسىك اشىپ، سەلبەستىك جاساۋىنىڭ تاريحي ۇدەرىسىنىڭ كۋاسى بولۋمەن قاتار، جۇڭگونىڭ رەفورما جاساپ، ەسىك اشقان 40 جىلىنىڭ جاندى پاراعىن جازدى. جۇڭگو حالىقارالىق يمپورت كورمەسى جۇڭگونىكى، اسىرەسە، دۇنيە جۇزىنىكى. بۇل جاي كورمە ەمەس، جۇڭگونىڭ جاڭا كەزەكتى جوعارى دەڭگەيلى سىرتقا ەسىك اشۋدى ىلگەرىلەتۋدەگى كەلەلى شەشىمى، جۇڭگونىڭ ىرىقتىلىقپەن دۇنيە جۇزىنە بازاردى اشىق ۇستاۋداعى كەلەلى شاراسى. جۇڭگو حالىقارالىق يمپورت كورمەسىنىڭ شاڭحايعا تىڭ كورىك قوساتىندىعىنا سەنەمىن.
  شي جينپيڭ مىنالاردى ءبىلدىردى: ەرتەڭ جۇڭگو حالىقارالىق يمپورت كورمەسى رەسمي اشىلادى. الداعى 6 كۇندە 5 قۇرلىقتان 172 مەملەكەت، رايون جانە حالىقارالىق ۇيىم دۇنيە جۇزىنە دامۋ تابىستارى مەن مەملەكەت وبرازىن كورسەتەدى، ءار ەلدەن كورمەگە قاتىناسقان 3600دەن استام كاسىپورىن دا جۇڭگو شەكاراسىنىڭ ءىشى - سىرتىنداعى ساتىپ الۋشى جاقتارمەن جان - جاقتى كەڭەسىپ، دامۋعا بىرگە ۇمتىلادى، ءار تاراپتان كەلگەن سيلى قوناقتار حالىقارالىق ەكونوميكا - ساۋدا جانە الەم ەكونوميكاسىنداعى كەلەلى ماسەلەلەردى جونگە سالۋ جونىندە زەرتتەۋ - تالقى جۇرگىزىپ، تاجىريبە اۋىستىرادى، وي توعىستىرادى. بۇل − جۇرت زارۋلىكپەن كۇتەتىن سالتاناتتى جينالىس بولادى، ءار ەلدەن كەلگەن دوستارعا مول تابىس سيلايدى. تاراپتاردىڭ زور قولداۋى مەن بىرگە قۇلشىنۋىندا، جۇڭگو حالىقارالىق يمپورت كورمەسىنىڭ، ءسوز جوق، جوعارى دەڭگەيلى حالىقارالىق كورمەگە اينالىپ، حالىقارالىق ەكونوميكا - ساۋدا سەلبەستىگىن تەرەڭدەتۋگە، «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋگە، ەكونوميكانىڭ الەمدەنۋىن جەبەۋگە جاڭا تۇعىر ورناتىپ، ءار ەل حالىقتارىنىڭ ىرىس - قۇتىن تاسىتۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسادى.
  قوناعاسى شات - شادىمان بەينەدە ءوتتى. شي جينپيڭ ءار ەل باسشىلارىمەن ىقىلاسپەن اڭگىمەلەستى. ءار ەلدەن كەلگەن سيلى قوناقتار دوستىقتى، سەلبەستىكتى اڭگىمەلەپ، تۇڭعىش كەزەكتى جۇڭگو حالىقارالىق يمپورت كورمەسىنىڭ تابىستى بولۋىن تىلەدى، ءار ەلدىڭ قول ۇستاسا بىرگە دامۋىن، دۇنيە ءجۇزىنىڭ ءتىپتى بەيبىت بولىپ، گۇلدەنۋىن تىلەدى.
  ديڭ شۋەشياڭ، لي چياڭ، ياڭ جيەچى، حۋ چۇنحۋا، حۋاڭ كۇنميڭ، ۋاڭ ي، جاۋ كىجى، حى ليفىڭ قاتارلىلار جوعارىداعى قيمىلعا قاتىناستى.


11 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شاڭحايدا قوناعاسى بەرىپ، تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋعا ءار ەلدەن كەلگەن سيلى قوناقتاردى قارسى الدى. سۋرەتتە: قوناعاسىدان بۇرىن شي جينپيڭ مەن پىڭ لييۋان ءار ەل باسشىلارىمەن جانە ولاردىڭ حانىمدارىمەن ەستەلىك سۋرەتكە ءتۇستى.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ