قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

شي جينپيڭ حالىقتىق كاسىپورىنداردىڭ اڭگىمە ءماجىلىسىن باسقارىپ اشقاندا

جالپىلىق مەنشىككە جاتپايتىن شارۋاشىلىقتىڭ دامۋىن مىزعىماستان ىنتالاندىرىپ، قولداپ، جەتەكتەپ، حالىقتىق كاسىپورىنداردىڭ دامۋىنا جانە اناعۇرلىم كەڭ ساحناعا قادام تاستاۋىنا قولداۋ كورسەتۋدى باسا دارىپتەدى

ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى

2018.11.02 20:34 كەلۋ قاينارى : شينجياڭ گازەتىنەن

  سۋرەتتە: 11 - ايدىڭ 1 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ حالىق سارايىندا حالىقتىق كاسىپورىنداردىڭ اڭگىمە ءماجىلىسىن باسقارىپ اشتى جانە ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
  شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 1 - كۇنى تۇستەن بۇرىن بەيجيڭدە حالىقتىق كاسىپورىنداردىڭ اڭگىمە ءماجىلىسىن باسقارىپ اشتى جانە ماڭىزدى ءسوز سويلەدى. ول مىنالاردى باسا دارىپتەدى: جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق قاتار داميتىن نەگىزگى ەكونوميكالىق ءتۇزىم − جۇڭگوشا سوتسياليستىك ءتۇزىمنىڭ ماڭىزدى قۇرامداس بولىگى، سونداي - اق سوتسياليستىك بازار شارۋاشىلىعى ءتۇزىلىسىن كەمەلدەندىرۋدىڭ تابيعي تالابى. جالپىلىق مەنشىككە جاتپايتىن شارۋاشىلىقتىڭ ەلىمىزدىڭ ەكونوميكالىق، قوعامدىق دامۋىنداعى ورنى مەن رولى وزگەرگەن جوق، ءبىزدىڭ جالپىلىق مەنشىككە جاتپايتىن شارۋاشىلىقتىڭ دامۋىن مىزعىماستان ىنتالاندىراتىن، قولدايتىن، جەتەكتەيتىن باعىت - ساياساتىمىز وزگەرگەن جوق. جاپپاي دوڭگەلەك داۋلەتتى قوعام ورناتۋدىڭ، ونان ارى جاپپاي سوتسياليستىك وسىزاماندانعان مەملەكەت قۇرىپ شىعۋدىڭ جاڭا ساپارىندا، ەلىمىزدىڭ حالىقتىق شارۋاشىلىعى تەك قانا ۇلعايا ءتۇسۋى كەرەك، ونى السىرەتۋگە بولمايدى، ونىڭ ۇستىنە ول اناعۇرلىم كەڭ ساحناعا قادام تاستاۋى كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى.
  اڭگىمە ماجىلىستە، ليۋ جيرىن، لۋ ۋيديڭ، ۋاڭ شياۋلان، سۇن پياۋياڭ، لۋ يۇڭ، تاڭ شياۋ - وۋ، ليۋ حانيۋان، تان جيانفىڭ، ليۋ ي، گىڭ جى قاتارلى 10 كاسىپكەر ۋاكىلى ىلگەرىندى - كەيىندى لەبىز ءبىلدىرىپ، جاڭا جاعدايدا حالىقتىق كاسىپورىنداردىڭ دامۋىنا قولداۋ كورسەتۋ جونىندە پىكىر جانە ۇسىنىس ورتا قويدى. لەبىزدەر اراسىندا، شي جينپيڭ ۇزدىكسىز سۇراۋ قويىپ جانە ءسوز قوسىپ، كەيبىر ماسەلەلەر جونىندە حالىقتىق كاسىپكەرلەرمەن ىشكەرىلەي پىكىرلەستى، سونداي - اق قاتىستى تاراۋلاردان مۇقيات زەرتتەپ، لايىقتى شەشۋدى تالاپ ەتتى. ءماجىلىس قىزۋ، جالىندى رايدا ءوتتى.
  كوپشىلىكتىڭ لەبىزىن مۇقيات تىڭداعان سوڭ، باس شۋجي شي جينپيڭ اسا ماڭىزدى ءسوز سويلەدى. ول مىنالاردى ءبىلدىردى: ەلىمىزدىڭ جالپىلىق مەنشىككە جاتپايتىن شارۋاشىلىعى رەفورما جاساپ، ەسىك اشقاننان بەرى پارتيانىڭ باعىت - ساياساتىنىڭ جەتەكشىلىگىندە دامىپ جەتىلدى. پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، پارتيامىز مەنشىك ماسەلەسىندەگى ءداستۇرلى كوزقاراستىڭ بۇعاۋىن تالقانداپ، جالپىلىق مەنشىككە جاتپايتىن شارۋاشىلىقتىڭ دامۋىنا ەسىك اشتى. 40 جىلدان بەرى، ەلىمىزدىڭ حالىقتىق شارۋاشىلىعى ەلىمىزدىڭ دامۋىن ىلگەرىلەتۋدە كەم بولسا بولمايتىن كۇشكە، شارۋاشىلىق قۇرۋدىڭ، جۇمىسقا ورنالاسۋدىڭ نەگىزگى سالاسىنا، تەحنيكالىق جاڭالىق اشۋدىڭ ماڭىزدى تۇلعاسىنا، مەملەكەتتىڭ سالىق تابىسىنىڭ ماڭىزدى قاينارىنا اينالىپ، ەلىمىزدىڭ سوتسياليستىك بازار شارۋاشىلىعىنىڭ دامۋى، ۇكىمەت فۋنكتسياسىنا بۇرىلىس جاساۋ، اۋىل - قىستاقتاعى ارتىق ەڭبەككۇشتەردى باسقا سالالارعا ويىستىرۋ، حالىقارالىق بازاردى اشۋ سياقتى جاقتاردا ماڭىزدى رول اتقاردى. ۇزاق ۋاقىتتان بەرى، قالىڭ حالىقتىق كاسىپكەرلەر باتىلدىقپەن الدا جۇرەتىن جاڭالىق اشۋ تانىمىمەن، قايتپاس قاجىرلى كۇرەسكەرلىك رۋحپەن ميلليونداعان ەڭبەكشىلەردى ۇيىمداستىرىپ، باستاپ، جىگەرلەنە قۇلشىنىپ، جاپا - ماشاقاتتا شارۋاشىلىق قۇرىپ، تىنباي جاڭالىق اشتى. ەلىمىز ەكونوميكاسى دامۋىنىڭ جۇڭگو كەرەمەتىن جاراتا الۋىندا حالىقتىق شارۋاشىلىقتىڭ ەڭبەگى زور، وعان كوز جۇمۋعا بولمايدى.
  شي جينپيڭ مىنالاردى باسا دارىپتەدى: پارتيامىزدىڭ نەگىزگى ەكونوميكالىق تۇزىمدە تاباندى بولۋ كوزقاراسى ايقىن، دايەكتى، ودان ەشقاشان مىزعىعان جوق. ەلىمىزدىڭ جالپىلىق مەنشىك شارۋاشىلىعى ۇزاق ۋاقىتتان بەرگى مەملەكەت دامۋىنىڭ تاريحي ۇردىسىندە قالىپتاسقان، كوپتەگەن بايلىق جينادى، بۇل جالپى حالىقتىڭ ورتاق بايلىعى، ونى، ءسوز جوق، جاقسى ساقتاۋ، جاقسى پايدالانۋ، جاقسى دامىتۋ كەرەك. ءبىزدىڭ جالپىلىق مەنشىكتەگى شارۋاشىلىقتى ويداعىداي بەكەمدەۋدى، ويداعىداي دامىتۋدى دارىپتەۋىمىز جالپىلىق مەنشىككە جاتپايتىن شارۋاشىلىقتىڭ دامۋىن ىنتالاندىرۋمەن، قولداۋمەن، جەتەكتەۋمەن قاراما - قارسى ەمەس، قايتا، بۇل ەكەۋى ورگانيكالىق بىرلىككە يە. جالپىلىق مەنشىكتەگى شارۋاشىلىق پەن جالپىلىق مەنشىككە جاتپايتىن شارۋاشىلىق ءبىرىن - ءبىرى قاقپايلاماي، ءبىرىن - ءبىرى جۋىپ - شايماي، قايتا ءبىرىن - ءبىرى كەمەلدەندىرىپ، بىرىنە - ءبىرى ساي كەلۋى ءتيىس. ەلىمىزدىڭ نەگىزگى ەكونوميكالىق ءتۇزىمى نەگىزگى زاڭعا، پارتيا ۋستاۆىنا جازىلعان، بۇل وزگەرمەيدى، وزگەرتۋگە دە بولمايدى. ەلىمىزدىڭ نەگىزگى ەكونوميكالىق ءتۇزىمىن تەرىستەيتىن، وعان ءشۇبا كەلتىرەتىن، ونان اۋىتقيتىن ءسوز - ارەكەتتىڭ بارلىعى پارتيا مەن مەملەكەتتىڭ باعىت - ساياساتىنا ۇيلەسپەيدى. بارلىق حالىقتىق كاسىپورىندار مەن حالىقتىق كاسىپكەرلەردىڭ بۇكىلدەي الاڭسىز بولىپ، دامۋعا قۇلشىنا بەرۋىنە بولادى.
  شي جينپيڭ مىنالاردى اتاپ كورسەتتى: حالىقتىق شارۋاشىلىق − ەلىمىز ەكونوميكالىق ءتۇزىمىنىڭ ىشكى فاكتورى، حالىقتىق كاسىپورىندار مەن حالىقتىق كاسىپكەرلەر ءبىزدىڭ ءوز ادامدارىمىز. حالىقتىق شارۋاشىلىق − سوتسياليستىك بازار شارۋاشىلىعى دامۋىنىڭ ماڭىزدى جەمىسى، سوتسياليستىك بازار شارۋاشىلىعىنىڭ دامۋىن جەبەيتىن ماڭىزدى كۇش، قامداۋ جاعىنداعى قۇرىلىمدىق رەفورمانى ىلگەرىلەتۋدىڭ، جوعارى ساپالى دامۋدى ىلگەرىلەتۋدىڭ، وسىزاماندانعان ەكونوميكالىق جۇيە ورناتۋدىڭ ماڭىزدى تۇلعاسى، سونداي - اق پارتيامىزدىڭ ۇزاق ۋاقىت بيلىك جۇرگىزىپ، بۇكىل ەل حالقىن ىنتىماقتاستىرىپ جانە باستاپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىنىڭ ماڭىزدى كۇشى. تاياۋدان بەرى، كەيبىر حالىقتىق كاسىپورىندار تيجارات جۇرگىزۋ، دامۋ بارىسىندا بازار، قارجى قۇراۋ، تۇرلەنۋ سياقتى جاقتاردا قيىنشىلىقتار مەن ماسەلەلەرگە جولىقتى، مۇنىڭ سەبەبى كوپ جاقتى، ول سىرتقى سەبەپ پەن ىشكى سەبەپ، وبيەكتيۆ سەبەپ پەن سۋبيەكتيۆ سەبەپ سياقتى كوپ قاتپارلى قايشىلىقتى ماسەلەلەردىڭ ءتۇيىلىسۋىنىڭ ناتيجەسى. بۇل قيىنشىلىقتار − دامۋ بارىسىنداعى قيىنشىلىقتار، العا باسۋ بارىسىنداعى ماسەلەلەر، ءوسىپ - جەتىلۋ بارىسىنداعى اۋرەشىلىكتەر، ول، ءسوز جوق، دامۋ بارىسىندا شەشىلەدى.
  شي جينپيڭ مىنالاردى باسا دارىپتەدى: تاباندىلىقتى ساقتاپ، سەنىمدى بەكەمدەپ، كۇش - قۋاتتى شوعىرلاندىرا وتىرىپ ءوز ءىسىمىزدى ويداعىداي ىستەۋ − ءبىزدىڭ ءتۇرلى حاۋىپ - قاتەرلەر مەن سىن - سايىستارعا توتەپ بەرۋىمىزدىڭ كىلتى. كەزەكتە، ەلىمىزدىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، نەگىزگى كورسەتكىشتەر ۇيلەسىمدى ارالىقتى ساقتاۋدا. سونىمەن بىرگە، ەلىمىزدىڭ ەكونوميكالىق دامۋىنداعى بەلگىسىزدىك كورنەكتى جوعارىلاپ، قۇلدىراۋ قىسىمى ءبىرشاما كۇشەيىپ، كاسىپورىنداردىڭ تيجاراتى ءبىرشاما قيىندادى. بۇلاردىڭ بارلىعى العا باسۋ بارىسىندا تابيعي ۇشىرايتىن ماسەلەلەر. ءبىز ءتيىمدى شارت - جاعدايدى كورە ءبىلىپ، ەلىمىزدىڭ ەكونوميكالىق دامۋىنىڭ، ءسوزسىز، جەڭىستى بولاتىندىعى جونىندەگى سەنىمدى كۇشەيتۋىمىز كەرەك. ەلىمىز وراسان زور دامۋ يكەمدىلىگىنە، كومەسكى قۋاتىنا جانە مۇمكىندىگىنە يە، ەلىمىزدە ءبىر ميلليارد 300 ميلليون ادامدىق ىشكى سۇرانىس بازارى بار، جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ قاتار دامىعان كەزەڭدە تۇر، ورتا كىرىستىلەر توبىنىڭ كەڭەيۋى تۇتىنۋدىڭ ارتۋىنىڭ اسا زور سۇرانىسىن جەتىلدىرۋدە، قالا مەن اۋىلدىڭ دامۋىنىڭ بىركەلكىسىزدىگىندە ايتارلىقتاي دامۋ ءورىسى ساقتالۋدا. ەلىمىز ءبىرشاما جاقسى دامۋ شارت - جاعدايىنا جانە زاتتىق نەگىزگە، دۇنيە ءجۇزى بويىنشا ەڭ تولىق كاسىپ جۇيەسىنە جانە ۇزدىكسىز كۇشەيگەن عىلىم - تەحنيكالىق جاڭالىق اشۋ قابىلەتىنە يە، جالپى امانات اقشا مولشەرى ءالى دە ءبىرشاما جوعارى دەڭگەيدە تۇر. ەلىمىزدە ادام كۇشى كاپيتالى مول، ەڭبەككۇشتىڭ سالىستىرمالى ارتىقشىلىعى ءالى دە كورنەكتى. ەلىمىز ەكونوميكاسى دامۋىنىڭ اقاۋسىز، ورنىقتى بولۋ نەگىزگى جاعدايى وزگەرگەن جوق، جوعارى ساپالى دامۋعا تىرەك بولاتىن ءوندىرىس فاكتورلارى، شارت - جاعدايى وزگەرگەن جوق، ۇزاق ۋاقىت ورنىقتىلىق بارىسىندا جاقسارۋ سىندى جالپى بەتالىس وزگەرگەن جوق. بىزدە پارتيانىڭ پارمەندى باسشىلىعى بار، كۇشتى شوعىرلاندىرىپ ءىرى ىستەردى تىندىراتىن ساياسي ارتىقشىلىق بار، رەفورمانى جاپپاي تەرەڭدەتۋ دامۋدىڭ قوزعاۋشى كۇشىن ۇزدىكسىز قاۋلاتىپ، ماكرولىق رەتتەۋ قابىلەتى ۇزدىكسىز كۇشەيىپ كەلەدى. ءبىز ستراتەگيالىق تۇراقتىلىقتى ساقتاپ، ورنىقتىلىق بارىسىندا ىلگەرىلەۋگە ۇمتىلۋ قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، رەفورما جاساۋدى، ەسىك اشۋدى جاپپاي تەرەڭدەتسەك، ەلىمىز ەكونوميكاسى، ءسوز جوق، جوعارى ساپالى دامۋ ارناسىنا جەدەل بۇرىلىس جاساپ، اناعۇرلىم نۇرلى دامۋ بولاشاعىن قارسى الادى.
  شي جينپيڭ مىنالاردى اتاپ كورسەتتى: ەلىمىز ەكونوميكاسىنىڭ دامۋ ۇردىسىندە، حالىقتىق شارۋاشىلىق ءۇشىن ۇزدىكسىز اناعۇرلىم تاماشا دامۋ ورتاسىن ازىرلەپ، حالىقتىق شارۋاشىلىقتىڭ دامۋ بارىسىنداعى قيىنشىلىقتاردى شەشۋىنە كومەكتەسىپ، قىسىمدى قوزعاۋشى كۇشكە اينالدىرىپ، حالىقتىق شارۋاشىلىقتىڭ جاڭالىق اشۋ قاينار كوزىن تولىق اشىپ، حالىقتىق شارۋاشىلىقتىڭ جاسامپازدىق جالىنىن تولىق لاۋلاتۋ كەرەك. كوز الدا 6 جاقتاعى ساياسات - شارالاردىڭ تياناقتانۋىن ويداعىداي يگەرۋ كەرەك. ءبىرىنشى، كاسىپورىننىڭ سالىق جۇگىن جەڭىلدەتۋ. قامداۋ جاعىنداعى قۇرىلىمدىق رەفورما اياسىنداعى وزىندىك قۇندى تومەندەتۋ ارەكەتىنىڭ ءتۇرلى قىزمەتتەرىن ويداعىداي يگەرىپ، ارتقان قۇن سالىعى سياقتى ناقتى سالىق جەڭىلدەتۋ جۇمىستارىن ىلگەرىلەتىپ، شاعىن، ۇساق كاسىپورىندارعا، عىلىم - تەحنيكالىق، جاڭا قۇرىلعان كاسىپورىندارعا جالپىعا ءتيىمدى سالىقتان كەشىرۋدى اتقارىپ، ناقتى جاعدايعا نەگىزدەلىپ قوعامدىق قامسىزداندىرۋ اقىسىن تاپسىرۋداعى اتامالى اقى مولشەرىن تومەندەتىپ، اكىمشىلىك تەكسەرىپ - بەكىتۋ ىستەرىن جانە كاسىپورىندارعا ساياتىن اقى الۋلاردى اداقتاۋعا، ىقشامداۋعا بولادى. ەكىنشى، حالىقتىق كاسىپورىنداردىڭ قارجى قۇراۋى قيىن، قارجى قۇراۋى قىمبات بولۋ ماسەلەسىن شەشۋ. فينانس قۇرىلىمدارىن باقىلاۋ - باسقارۋ، باعالاۋ جانە ىشكى ىنتالاندىرۋ مەحانيزمىنە رەفورما جاساپ جانە ونى كەمەلدەندىرىپ، فينانستاعى بازارعا كىرۋ رۇقساتىن كەڭەيتىپ، حالىقتىق كاسىپورىنداردىڭ قارجى قۇراۋ جولدارىن كەڭەيتىپ، ەكونوميكالىق قۇرىلىمدى ساپالىلاندىرۋ، جاڭارتۋ باعىتىنا ۇيلەسەتىن، بولاشاعى بار حالىقتىق كاسىپورىندارعا قاجەتتى قازىنالىق كومەك بەرۋ كەرەك، ولكە دارەجەلى ۇكىمەت پەن جوسپارى بولەك جاسالاتىن قالالار وزدەرى قارجى قۇراپ، ساياساتتىق كومەك قورىن قۇرۋىنا بولادى، كەيبىر ۇكىمەت تاراۋلارىنىڭ، ءىرى كاسىپورىنداردىڭ باسىم ورنىنان پايدالانىپ ۇلكەندىك كورسەتىپ كىشىنى باسىناتىن، حالىقتىق كاسىپورىنداردىڭ اقشاسىن بەرمەي كەشىكتىرەتىن ءىس - ارەكەتتەرىن تۇزەتۋ كەرەك. ءۇشىنشى، ءادىل باسەكە ورتاسىن قالىپتاستىرۋ. ءار ءتۇرلى «شيىرشىقتامالى ەسىكتەردى»، «اينەك ەسىكتەردى»، «اينالما ەسىكتەردى» تالقانداپ، بازارعا كىرۋ رۇقساتى، تەكسەرىپ - بەكىتۋ رۇقساتى، شارۋاشىلىق جۇرگىزۋ اينالىمى، مەردىگەرلىككە شاقىرۋ جانە مەردىگەرلىككە قاتىناسۋ، اسكەري سالا مەن ازاماتتىق سالانى توعىستىرۋ سياقتى جاقتاردا حالىقتىق كاسىپورىندار ءۇشىن ءادىل باسەكە ورتاسىن قالىپتاستىرۋ كەرەك. حالىقتىق كاسىپورىنداردى مەملەكەت مەنشىگىندەگى كاسىپورىندار رەفورماسىنا ات سالىسۋعا ىنتالاندىرۋ كەرەك. ءتورتىنشى، ساياساتتاردىڭ اتقارىلۋ ءتاسىلىن كەمەلدەندىرۋ. ساياساتتاردىڭ سايكەسىمدىلىگىن كۇشەيتىپ، قاتىستى سايكەستى شارالار بەلگىلەپ، ءتۇرلى ساياساتتاردىڭ تياناقتانۋىن، اشالانۋىن، ناقتىلانۋىن ىلگەرىلەتىپ، حالىقتىق كاسىپورىنداردىڭ ساياساتتاردان تابىس سەزىمىن كۇشەيتۋىنە مۇمكىندىك جاساۋ كەرەك. قاجەتتەن اسىپ قالعان وندىرىستىك قۋاتتى ازايتۋدا، سۇيمەندى ازايتۋدا ءتۇرلى مەنشىكتەگى كاسىپورىندارعا بىردەي ولشەم اتقارىپ، ءوندىرىس حاۋىپسىزدىگىن باقىلاۋ - باسقارۋ، قورشاعان ورتانى قورعاۋ سياقتى سالالارداعى ميكرولىق زاڭ اتقارۋ بارىسىن قاراپايىمداستىرۋدان، «ءبىر شىبىقپەن ايداۋدان» ساقتانۋ كەرەك. بەسىنشى، ەتەنە، كىرشىكسىز، جاڭاشا ۇكىمەت - ساۋدا قاتىناسىن ورناتۋ. ءار دارەجەلى پارتكوم مەن ۇكىمەت ەتەنە، كىرشىكسىز، جاڭاشا ۇكىمەت - ساۋدا قاتىناسىن ورناتۋ تالابىن ناقتى تياناقتاندىرىپ، حالىقتىق كاسىپورىنداردىڭ دامۋىنا قولداۋ كورسەتۋدى ماڭىزدى مىندەتتەردىڭ ءبىرى ەتىپ، اناعۇرلىم كوپ ۋاقىت جانە كۇش - قايرات جۇمساپ حالىقتىق كاسىپورىنداردىڭ دامۋىنا، حالىقتىق كاسىپكەرلەردىڭ ءوسىپ - جەتىلۋىنە كوڭىل ءبولىپ، حالىقتىق كاسىپورىنداردىڭ اڭىسى مەن تالاپ - تىلەگىنە ۇنەمى قۇلاق ءتۇرۋ، اسىرەسە، حالىقتىق كاسىپورىندار قيىنشىلىققا جانە ماسەلەگە جولىققان جاعدايدا اناعۇرلىم بەلسەندى تۇردە ءىس تىندىرىپ، الدىعا شىعىپ قىزمەت ەتىپ، ناقتى قيىنشىلىقتاردى شەشۋگە كومەكتەسۋ كەرەك. قوعامدىق پىكىرگە جەتەكشىلىكتى كۇشەيتىپ، پارتيا مەن مەملەكەتتىڭ ۇلكەن ساياسات - باعىتتارىن دۇرىس ۇگىتتەپ، كەيبىر قاتە ايتىلىمداردى دەر كەزىندە تۇزەتۋ كەرەك. التىنشى، كاسىپكەرلەردىڭ باس اماندىعى مەن مال - مۇلىك حاۋىپسىزدىگىن قورعاۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى قىزمەت جاۋاپكەرلىگىن اتقارۋ بارىسىندا ماسەلەلەردى تەكسەرىپ انىقتاۋمەن بىرگە، باس اماندىعى مەن مال - مۇلكىنىڭ زاڭدى ۇقىق - مۇددەسىن قامتاماسىز ەتىپ، كاسىپورىنداردىڭ زاڭدى تيجارات جۇرگىزۋىن قامتاماسىز ەتىپ، كاسىپكەرلەردىڭ يدەيالىق جۇكتەن ارىلىپ، جەڭىلدەپ العا باسۋىنا مۇمكىندىك جاساۋ كەرەك.
  شي جينپيڭ مىنالاردى باسا دارىپتەدى: حالىقتىق شارۋاشىلىق سالاسىنداعى قالىڭ قايراتكەرلەردىڭ وزىندىك ۇيرەنۋدى، ءوزىن - ءوزى تاربيەلەۋدى، ءوز دەڭگەيىن جوعارىلاتۋدى كۇشەيتۋىن، ءوزىنىڭ قوعامدىق وبرازىن قاستەرلەپ، وتاندى ءسۇيىپ، كاسىپتى ارداقتايتىن، زاڭعا بويسۇنىپ تيجارات جۇرگىزەتىن، شارۋاشىلىق قۇرىپ، جاڭالىق اشاتىن، قوعامعا قارىمجى قايتاراتىن ونەگەلەردەن بولۋلارىن ءۇمىت ەتەمىن. حالىقتىق كاسىپكەرلەر دۇرىس سالتتى دارىپتەپ، تۋرا جولمەن ءجۇرۋ، زەيىن - قۋاتتى شوعىرلاندىرىپ كاسىپورىن جۇرگىزىپ، تارتىپكە، زاڭعا بويسۇنىپ تيجاراتپەن اينالىسىپ، زاڭعا، ەرەجەگە ۇيلەسىمدى بولۋ بارىسىندا كاسىپورىننىڭ باسەكەلىك قۋاتىن جوعارىلاتۋ كەرەك. كاسىپورىننىڭ ىشكى قۋاتىن نىعايتۋ، اسىرەسە، تيجارات جۇرگىزۋ قابىلەتىن، باسقارۋ قابىلەتىن جوعارىلاتىپ، زاڭدى تۇلعا باسقارۋ قۇرىلىمىن كەمەلدەندىرىپ، شارت - جاعدايى بار حالىقتىق كاسىپورىنداردى وسى زامانعى كاسىپورىن ءتۇزىمىن ورناتۋعا ىنتالاندىرۋ كەرەك. جاڭا بۋىن حالىقتىق كاسىپكەرلەر اعا بۋىننىڭ جاپالى كۇرەس جۇرگىزۋ، باتىلدىقپەن اتويلاپ، جۇرەكتىلىكپەن ىستەۋ، نازاردى ناقتى كاسىپكە شوعىرلاندىرۋ، نەگىزگى كاسىپتە مايتالمان بولۋ رۋحىن جالعاستىرىپ جانە اسقاقتاتىپ، كاسىپورىندى الۋەتتەندىرۋگە، ساپالىلاندىرۋعا قۇلشىنۋ كەرەك. سونىمەن بىرگە، حالىقارالىق كوز ايانى كەڭەيتىپ، جاڭالىق اشۋ قابىلەتى مەن وزەكتى باسەكەلىك قۋاتتى كۇشەيتىپ، دۇنيە جۇزىلىك باسەكەلىك قۋاتقا يە اناعۇرلىم كوپ الەمدىك بىرەگەي كاسىپورىنداردى قالىپتاستىرۋ كەرەك.
  ديڭ شۋەشياڭ، ليۋ حى، حۋ چۇنحۋا، حۋاڭ كۇنميڭ، يوۋ چۋان، حى ليفىڭ اڭگىمە ماجىلىسكە قاتىناستى.
  ورتالىق پەن مەملەكەت ورگاندارىنىڭ قاتىستى تاراۋلارىنداعى نەگىزگى جاۋاپتى جولداستار، مەملەكەتتىك حالىق قۇرىلتايى قازىنا - ەكونوميكا كوميتەتىندەگى، مەملەكەتتىك ساياسي كەڭەستىڭ ەكونوميكا كوميتەتىندەگى نەگىزگى جاۋاپتى جولداستار، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداس، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى جاۋاپتى جولداستار، مەملەكەتتىك ساۋدا - ونەركاسىپشىلەر بىرلەستىگىندەگى جاۋاپتى جولداس، قاتىستى حالىقتىق ۇيىمدارداعى جاۋاپتى جولداستار، حالىقتىق كاسىپكەرلەردىڭ ۋاكىلدەرى جانە قاتىستى فينانس قۇرىلىمدارىنىڭ ۋاكىلدەرى، ت. ب اڭگىمە ماجىلىسكە قاتىناستى.


جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ