قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جۇڭگو ايەلدەردىڭ مەملەكەتتىك 12 - قۇرىلتايى اشىلدى(1)

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ قۇرىلتايعا قاتىناسىپ قۇتتىقتادى،  جاۋ لىجي پارتيا ورتالىق كوميتەتى اتىنان ءسوز سويلەدى

2018.10.31 18:44 كەلۋ قاينارى : شينجياڭ گازەتىنەن

10 - ايدىڭ 30 - كۇنى جۇڭگو ايەلدەردىڭ مەملەكەتتىك 12 - قۇرىلتايى بەيجيڭدەگى حالىق سارايىندا اشىلدى. سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ۋاكىلدەرمەن ىقىلاسپەن قول الىسۋدا. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
  شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى (تىلشىلەر ياڭ ۋيحان، حۋاڭ شياۋشي). جۇڭگو ايەلدەردىڭ مەملەكەتتىك 12 - قۇرىلتايى 10 - ايدىڭ 30 - كۇنى تۇستەن بۇرىن حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ قاتارلىلار قۇرىلتايعا قاتىناسىپ قۇتتىقتادى، جاۋ لىجي پارتيا ورتالىق كوميتەتى اتىنان ءسوز سويلەدى.
  ايبىندى حالىق سارايىنىڭ ۇلكەن زالى سالتاناتتى بەينەگە، قىزۋ مەرەيگە شومدى. ءتوراعالار مىنبەسىنىڭ جوعارعى جاعىنا «جۇڭگو ايەلدەردىڭ مەملەكەتتىك 12 - قۇرىلتايى» دەگەن قۇرىلتاي بەلگىسى ىلىنگەن. جارقىراعان جۇڭحۋا مەملەكەتتىك ايەلدەر بىرلەستىگىنىڭ بەلگىسىءتوراعالار مىنبەسىنىڭ ارتىنداعى پەردەنىڭ ءدال ورتاسىنا ىلىنگەن، ەكى جاعىنا بەس - بەستەن نارت قىزىل تۋ قويىلعان. 2 - قاباتتاعى تەكشەگە «شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ءار ۇلت، ءار سالاداعى ايەلدەردى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساۋعا ىنتىماقتاستىرايىق، جۇمىلدىرايىق» دەگەن جازۋ جازىلعان ۇلكەن كەرمە تۋ ىلىنگەن. بۇكىل ەلىمىزدەگى ءار سالا، ءار كاسىپتەن كەلگەن جۇڭگو ايەلدەردىڭ 12 - قۇرىلتايىنىڭ 1637 ۋاكىلى جانە شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان ۇسىنىس ەتىلگەن 79 ۋاكىل سان ميلليونداعان ايەلدىڭ تاپسىرماسىن ارقالاپ، سالتاناتتى قۇرىلتايعا قاتىناستى.
  تۇستەن بۇرىن ساعات 9دان 30 مينۋت وتكەندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار قۇرىلتاي زالىنا كىرگەندە، بۇكىل زالدا قىزۋ شاپالاق ءۇنى كوتەرىلدى.
  مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، قۇرىلتاي ءتوراعالار القاسىنىڭ ۇنەمىلىك ىستەرگە جاۋاپتى ءتوراعاسى شىن يۋەيۋە قۇرىلتايدىڭ باستالعاندىعىن جاريالادى. بۇكىل زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى.
  جاۋ لىجي پارتيا ورتالىق كوميتەتى اتىنان «جاڭا ءداۋىر ساپارىندا جارتى الەمنىڭ ايبىندى پاراعىن جازايىق» دەگەن تاقىرىپتا ءسوز سويلەدى. جاۋ لىجي الدىمەن قۇرىلتايدىڭ اشىلعاندىعىن قىزۋ قۇتتىقتاپ، بۇكىل ەلىمىزدەگى ءار ۇلت، ءار سالا ايەلدەرىنە جانە قالىڭ ايەل قىزمەتكەرلەرگە شىنايى سالەم جولدادى، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل حۋاچياۋ باۋىرلاستارعا تاماشا تىلەك ايتتى.
  جاۋ لىجي سوزىندە بىلاي دەدى: جۇڭگو ايەلدەردىڭ 11 - قۇرىلتايىنان بەرى، ءار دارەجەلى ايەلدەر بىرلەستىگى ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، «ءتورت تانىمدى» كۇشەيتىپ، «ءتورت سەنىمدى» بەكەمدەپ، قالىڭ ايەلدەردى پارتيانىڭ سوزىنە قۇلاق اسۋعا، پارتياعا ىلەسۋگە باستاۋداي ساياسي جاۋاپكەرشىلىكتى شىنايى ارقالاپ، ەلىمىزدىڭ ايەلدەر ىستەرىنىڭ دامۋىن ىلگەرىلەتۋگە، پارتيانىڭ بيلىك جۇرگىزۋىنىڭ بۇقارالىق نەگىزىن بەكەمدەۋگە تىڭ ۇلەس قوستى. قالىڭ ايەلدەردىڭ رۋحاني بەينەسى ءبىر جولاتا جاڭالانىپ، تالىقپاي تالپىناتىن، قايسار دا قاجىرلى، پاراساتتى دا كەڭ پەيىل جاڭا ءداۋىر ايەلدەرىنىڭ كەلبەتىن ايگىلەدى.
 
جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ