قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

شي جينپيڭ گۋاڭدۇڭدا قىزمەت تەكسەرگەندە

جاڭا داۋىردەگى رەفورما جاساۋ، ەسىك اشۋ تۋىن بيىك ۇستاپ، رەفورما جاساۋ، ەسىك اشۋدى ۇزدىكسىز تەرەڭدەتۋدى باسا دارىپتەدى
(1)

2018.10.26 20:35 كەلۋ قاينارى : شينجياڭ گازەتىنەن

10 - ايدىڭ 22 - كۇنىنەن 25 - كۇنىنە دەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭدۇڭدا قىزمەت تەكسەردى. سۋرەتتە: 10 - ايدىڭ 24 - كۇنى تۇستەن بۇرىن، شي جينپيڭ شىنجىندا «ۇلى تولقىن جۋجياڭنان باستالعان − گۋاڭدۇڭنىڭ رەفورما جاساپ، ەسىك اشۋىنىڭ 40 جىلدىعى كورمەسىن» ەكسكۋرسيالاۋدا.سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
  شينحۋا اگەنتتىگىنىڭ 10 - ايدىڭ 25 - كۇنى گۋاڭجوۋدان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا گۋاڭدۇڭدا قىزمەت تەكسەرگەندە مىنالاردى باسا دارىپتەدى: جاڭا داۋىرگە وتكەندە، حالىقارالىق جانە ىشكى جاعدايدا كەڭ كولەمدى ءارى تەرەڭ وزگەرىستەر جارىققا شىعىپ، رەفورما، دامۋ جاڭا جاعدايعا، جاڭا مىندەتكە، جاڭا سايىستارعا ءدوپ كەلىپ وتىر، ءبىزدىڭ ورايدى مىقتى يگەرىپ، سايىستاردى قارسى الۋىمىزدىڭ تەتىگى جاڭا داۋىردەگى رەفورما جاساۋ، ەسىك اشۋ تۋىن بيىك ۇستاپ، رەفورمانى ۇزدىكسىز جاپپاي تەرەڭدەتىپ، ەسىك اشۋدى جاپپاي كەڭەيتۋدە. جاعداي قانشا كۇردەلى بولعان سايىن، ءبىز سەنىمدى سونشا بەكەمدەپ، اناعۇرلىم پارمەندى شارالارمەن رەفورما جاساۋ، ەسىك اشۋدى ۇزدىكسىز تەرەڭدەتۋىمىز كەرەك.
  10 - ايداعى گۇاڭدۇڭنىڭ بايتاق دالاسىندا سالقىن سامال ەسىپ، جۇپار قالامپىردىڭ حوش ءيىسى اڭقيدى. 10 - ايدىڭ 22 - كۇنىنەن 25 - كۇنىنە دەيىن، شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن ولكە باستىعى ما شيڭرۇيدىڭ سەرىك بولۋىمەن، ىلگەرىندى - كەيىن جۋحاي، چيڭيۋان، شىنجىن، گۋاڭجوۋ سياقتى جەرلەرگە بارىپ، كاسىپورىنداردى، جوعارى مەكتەپتەردى، اۋىل - قىستاقتاردى، الەۋمەتتىك اۋماقتاردى ارالاپ، پارتيا 19 - قۇرىلتايىنىڭ رۋحىن دايەكتىلەندىرۋ جانە تياناقتاندىرۋ، رەفورما جاساۋ، ەسىك اشۋدى تەرەڭدەتۋ، ەكونوميكانىڭ جوعارى ساپالى دامۋىن ىلگەرىلەتۋ، ت.ب جونىندە تەكسەرۋ - زەرتتەۋ جۇرگىزدى.
  10 - ايدىڭ 22 - كۇنى تۇستەن كەيىن، شي جينپيڭ جۋحاي حىڭچين جاڭا رايونىنداعى گۋاڭدۇڭ - اۋمىن سەلبەسكەن جۇڭگوشا شيپاگەرلىك، ءدارى - دارمەك عىلىم - تەحنيكالىق شارۋاشىلىق باقشاسىن تەكسەردى. وسى شارۋاشىلىق باقشاسى «گۋاڭدۇڭ - اۋمىن سەلبەستىك جۇلگەلىك كەلىسىمى» اياسىندا تياناقتانعان العاشقى نىسان. شي جينپيڭ بەينەجازبا، قۇم نۇسقا، جۇڭگوشا ءدارى - دارمەك ونىمدەرى كورمەسىنە ۇشتاستىرىپ، حىڭچين جاڭا رايونىنىڭ جوبالانۋ، سالىنۋ جانە شارۋاشىلىق باقشاسىنىڭ قۇرىلۋ، اينالىمعا ءتۇسۋ، جۇڭگوشا شيپاگەرلىك، ءدارى - دارمەك شارۋاشىلىعىنىڭ دامۋى جانە حالىقارالىق اۋىس - كۇيىس پەن سەلبەستىك جاعدايلارىن ۇعىستى. شي جينپيڭ سەحقا بارىپ، جۇڭگوشا ءدارى - دارمەكتەردى ءوندىرۋ بارىسىمەن تانىستى. زەرتتەۋ - اشۋ، تەكسەرۋ - سىناۋ عيماراتىندا، عىلىمي زەرتتەۋ قىزمەتكەرلەرى باس شۋجيگە جابىلا امانداستى. شي جينپيڭ مىنالاردى اتاپ كورسەتتى: جۇڭگوشا شيپاگەرلىك، ءدارى - دارمەك ءىلىمى − جۇڭحۋا وركەنيەتىنىڭ اسىل قازىناسى. جۇڭگوشا شيپاگەرلىك، ءدارى - دارمەك قازىناسىنداعى جاۋھارلاردى ىشكەرىلەي اشىپ، ءوندىرۋ، وقىتۋ، زەرتتەۋدىڭ ءبىر تۇلعالانۋىن ىلگەرىلەتىپ، جۇڭگوشا شيپاگەرلىك، ءدارى - دارمەك شارۋاشىلىعىنىڭ كاسىپ سالالانۋىن، وسىزاماندانۋىن ىلگەرىلەتىپ، جۇڭگوشا شيپاگەرلىك، ءدارى - دارمەكتى دۇنيە جۇزىنە بەت الدىرۋ كەرەك. ول مىنالاردى باسا دارىپتەدى: حىڭچين جاڭا رايونىن قۇرۋداعى اۋەلگى ماقسات − اۋمىننىڭ شارۋاشىلىعىنىڭ كوپ نەگىزدى دامۋىنا شارت - جاعداي ازىرلەۋ. حىڭچيننىڭ گۋاڭدۇڭ - اۋمىن سەلبەستىگىندە تابيعي ارتىقشىلىعى بار، ساياسات ارقىلى سۇيەمەلدەۋدى كۇشەيتىپ، سەلبەستىكتىڭ مازمۇنىن بايىتىپ، سەلبەستىكتىڭ ءورىسىن كەڭەيتىپ، جاڭادان وركەندەگەن شارۋاشىلىقتاردى دامىتىپ، اۋمىننىڭ ەكونوميكالىق دامۋىنىڭ اناعۇرلىم ومىرشەڭدىك كۇشكە يە بولۋىن جەبەۋ كەرەك.
  كەشكە قاراي، شي جينپيڭ گىلي ەلەكتر جابدىقتارى شەكتى جارنا سەرىكتەستىگىنە كەلىپ، كاسىپورىننىڭ دەربەس وزەكتى تەحنيكالاردى زەرتتەپ اشۋ، شارۋاشىلىقتىڭ ساپالىلانۋى مەن جاڭارۋىن ىلگەرىلەتۋ جاعدايىن ۇعىستى. عىلىم - تەحنيكالىق كورمە زالى مەن نازىك ۇلگىلەر سەحىندا، شي جينپيڭ كاسىپورىننىڭ ونىمدەر مەن تەحنيكالار كورمەسىن زەر سالا كورىپ، كاسىپورىننىڭ جاڭالىق اشا دامۋ جانە پارتيا قۇرىلىسى جاعدايىن تاپتەشتەي ۇعىسىپ، ولاردىڭ پارتيا ورتالىق كوميتەتىنىڭ دەربەس جاڭالىق اشۋ جونىندەگى شەشىم - ورنالاستىرۋلارىن دايەكتىلەندىرۋ، تياناقتاندىرۋ جاعىندا شىن ۇيرەنىپ، شىن ءتۇسىنىپ، شىن سەنىپ، شىن قولدانعانىن القادى. اۋا رەتتەگىش جابدىقتار مەن جۇيەلەردىڭ اينالىمىندا ەنەرگيا ۇنەمدەۋ مەملەكەتتىك ءتۇيىندى تاجىريبەحاناسىندا، شي جينپيڭ عىلمي زەرتتەۋ قىزمەتكەرلەرىمەن ىقىلاستى بەينەدە اڭگىمەلەستى. ول مىنالاردى اتاپ كورسەتتى: ناقتى ەكونوميكا − مەملەكەت ەكونوميكاسىنىڭ نەگىزى، بايلىقتىڭ قاينارى. وزىق جاساۋ كاسىبى − ناقتى ەكونوميكانىڭ ءبىر تەتىگى، ەكونوميكانى دامىتۋدا ەشقاشان امالياتتان قول ۇزۋگە بولمايدى. جۇڭحۋا ۇلتىنىڭ كۇرەس جۇرگىزۋىنىڭ نەگىزى − ءوز كۇشىنە سۇيەنىپ ءومىر سۇرۋ، دۇنيە جۇزىلىك عىلىم - تەحنيكانىڭ بيىك شىڭىنا كوتەرىلۋدىڭ، ءسوزسىز، باسىپ وتۋگە ءتيىستى جولى − دەربەس جاڭالىق اشۋ، بارلىق كاسىپورىندار وسى بەتالىس بويىنشا قۇلشىنا كۇرەس جۇرگىزۋى كەرەك. جۇڭحۋا ۇلتىنىڭ ۇلى گۇلدەنۋى سىندى ايبىندى نىسانانى ىسكە اسىرۋدا ۋاقىت كۇتىپ تۇرمايدى، دەربەس جاڭالىق اشۋ قابىلەتى مەن قۋاتىن جەدەل كۇشەيتۋگە ەرىك - جىگەر بولۋى، شەشۋشى وزەكتى تەحنيكالاردىڭ دەربەستىگى مەن مەڭگەرىمدىلىگىن قۇلشىنا ىسكە اسىرىپ، جاڭالىق اشا دامۋدىڭ ىرىقتىلىق ۇقىعىن ءوز قولىمىزدا بەكەم ۇستاۋىمىز كەرەك. كاسىپورىننان كەتەر كەزدە، جۇمىسشى - قىزمەتكەرلەر جولدىڭ جاعاسىنا جينالىپ، باس شۋجيدى شاتتىقپەن اتتاندىرىپ سالدى. شي جينپيڭ ولارمەن قول بۇلعاپ قوشتاستى، كوپشىلىك بىركەلكى كوتەرىڭكى داۋىسپەن «باس شۋجي الاڭسىز بولىڭىز! ءبىز، ءسوز جوق، ءتىپتى دە قۇلشىنىپ، دۇنيە ءجۇزىنىڭ جۇڭگو جاساعان ءونىمدى ۇناتۋىنا مۇمكىندىك جاسايمىز!» دەستى. شاپالاق ءۇنى، ءان اۋەنى، شاتتىق ءۇنى تۇنگى اسپاندى كەرنەدى.
  چيڭيۋان قالاسى − رەفورما رۋحىنا باي ىرىستى مەكەن. 1978 - جىلى چيڭيۋان الدىمەن مەملەكەت يەلىگىندەگى زاۆود - فابريكالاردا «جوسپاردان ارتىق پايدا ءبولىس سيلىعىن» جولعا قويىپ، «چيڭيۋان تاجىريبەسىن» جاراتتى. 10 - ايدىڭ 23 - كۇنى تۇستەن كەيىن، شي جينپيڭ چيڭيۋان قالاسىنا قاراستى يىڭدى قالاسىنىڭ ەلەكتروندى ساۋدا كاسىبى باقشاسىندا تەكسەرۋ - زەرتتەۋ جۇرگىزىپ، گۋاڭدۇڭ ولكەسىنىڭ گۋاڭدۇڭنىڭ شىعىس، باتىس، سولتۇستىك وڭىرلەرىنىڭ كەدەيلىكتەن ارىلتۋدان قامال الۋى جانە چيڭيۋان قالاسىنىڭ اۋىل - قىستاق جالپىلىق رەفورماسى جونىندەگى قىزمەت مالىمەتىن تىڭداپ، جەرگىلىكتى ورىننىڭ ادىستەرىن تۇراقتاندىردى. شي جينپيڭ مىنالاردى اتاپ كورسەتتى: قالا - اۋىل ءوڭىرى دامۋىنىڭ بىركەلكى بولماۋى − گۋاڭدۇڭنىڭ جوعارى ساپالى دامۋىنداعى ەڭ ۇلكەن ولقىلىق. قالا - اۋىل ەكى نەگىزدى قۇرىلىم ماسەلەسىن كۇش سالا شەشۋدە، تەبىن اناعۇرلىم كۇشتى، شارالار اناعۇرلىم ءدال بولىپ، ۇزاق ۋاقىت كۇش سالۋ كەرەك. ديالەكتيكالىق ويلاۋعا تاباندى بولىپ، كوزقاراسقا بۇرىلىس جاساپ، ولقىلىقتاردى «كومەسكى مۇمكىندىككە» اينالدىرۋعا قۇلشىنىپ، گۋاڭدۇڭنىڭ شىعىس، باتىس، سولتۇستىك وڭىرلەرىنىڭ ەكولوگيالىق ارتىقشىلىعىن ساۋلەلەندىرىپ، دامۋ ءورىسىن ۇزبەي كەڭەيتىپ، دامۋدىڭ دەمەۋ كۇشىن نىعايتۋ كەرەك.
  كاسىپ باقشاسىنان شىققاننان كەيىن، شي جينپيڭ كولىكپەن ويلى - شۇڭقىر تاۋ جولىن باسىپ، ليانجياڭكوۋ قالاشىعىنىڭ ليانجاڭ قىستاعىنا كەلدى. الەۋمەتتىك قىزمەت كورسەتۋ پۋنكتىندە، شي جينپيڭ نەگىزگى ساتى پارتيا قۇرىلىسى، كەدەيلىكتەن ارىلتۋدان قامال الۋ، قىستاق تۇرعىندارىنا قىزمەت ەتۋ جاعدايىن تاپتەشتەي ۇعىستى. ول قىستاقتىڭ كەدەيلەردى سۇيەمەلدەۋ ويىنشىق جاساۋ زاۆودىنىڭ سەحىنا كىرىپ، جۇمىسشىلارمەن شۇيىركەلەسە اڭگىمەلەستى. شي جينپيڭ مىنالاردى اتاپ كورسەتتى: كاسىپ ارقىلى كەدەيلەردى سۇيەمەلدەۋ − ەڭ تىكە، ەڭ ءونىمدى ءادىس ءارى كەدەي وڭىرلەردىڭ قان جاساۋ فۋنكتسياسىن نىعايتىپ، بۇقارانىڭ ءوز جەرىندە جۇمىسقا ورنالاسۋىنا كومەكتەسەتىن ۇزاق بولاشاقتىق شارا. كاسىپ ارقىلى كەدەيلەردى سۇيەمەلدەۋ نىساندارىن جوبالاۋدى كۇشەيتىپ، ءتىپتى كوپ شارۋاشىلىق نىساندارىن كەدەي وڭىرلەرگە ىرگە تەبۋگە جەتەكتەۋ جانە جەبەۋ كەرەك. پويەزدىڭ تەز ءجۇرۋى بۇكىلدەي پاروۆوزدىڭ سۇيرەۋىنە سۇيەنەدى. نەگىزگى ساتى پارتيا ۇيىمدارى جەتەكشىلەر قوسىنى قۇرىلىسىن كۇشەيتىپ، قايراتتى، ىسكەر، ستيلى دۇرىس، جۇمىستى ءادىل جۇرگىزەتىن ادامداردى ياچەيكا شۋجيلىگىنە تاربيەلەپ وسىرۋگە ءمان بەرىپ، اۋىلداستاردى كەدەيلىكتەن ارىلىپ، اۋقاتتانۋعا ۇمتىلىپ، دوڭگەلەك داۋلەتتىلىككە بەت الۋعا ىنتىماقتاستىرا باستاۋ كەرەك.
  شي جينپيڭ قىستاق تۇرعىندارىنىڭ تۇرمىس جاعدايىنا توتەنشە كوڭىل ءبولدى. ول كەدەي وتباسى لۋ يحىنىڭ ۇيىنە كىرىپ، ونىڭ جاعدايىن تاپتىشتەي ۇعىسىپ، ونان تۇرمىسى قانداي ەكەنىن، قانداي قيىنشىلىقتارى بار ەكەنىن سۇرادى. شي جينپيڭ تاعى پارتيا مۇشەسى، ساقا جاۋىنگەر لۋ شاڭحوعا امانداستى. شي جينپيڭ قىستاق تۇرعىندارىنا بىلاي دەدى: مەن كەدەي وڭىردەگى اۋىلداستاردى كوڭىلىمنەن ءبىر ءسات تە شىعارمادىم، اۋىلداستار كەدەيلىكتەن ارىلمايىنشا، مەن دە الاڭسىز بولا المايمىن. ءبىزدىڭ پارتيامىز بۇكىل ىنتا - پەيىلمەن حالىق ءۇشىن قىزمەت ىستەيتىن پارتيا، پارتيانىڭ بارلىق قىزمەتى بۇقارانى مۇڭ - مۇقتاجدان ارىلتىپ، باقىتقا كەنەلتۋ. جاپپاي دوڭگەلەك داۋلەتتىلىك جولىندا ەشكىمنىڭ كەم بولۋىنا، كەدەيلىكتەن ارىلىپ، اۋقاتتانۋعا ۇمتىلۋ جولىندا ەشكىمنىڭ كوشتەن قالۋىنا بولمايدى. ۇرپاقتار بويى جالعاستىرا ىستەۋ ءارى كەدەيلىكتەن ارىلۋ مەن اۋقاتتانۋعا ۇمتىلۋدى جەدەلدەتۋ، ءارى اۋىل - قىستاقتاردىڭ جاپپاي گۇلدەنۋى مەن وسىزاماندانۋعا بەت الۋىن ىلگەرىلەتۋ كەرەك. ول اۋىلداستاردىڭ تۇرمىسىنىڭ كۇننەن - كۇنگە باقىتتى بولا ءتۇسۋىن ءۇمىت ەتتى.
  شىنجىن − ەلىمىزدەگى ەكونوميكالىق ەرەكشە رايون، ول ءوزىنىڭ وراسان زور وزگەرىستەرىمەن رەفورما جاساۋدىڭ، ەسىك اشۋدىڭ تەڭدەسسىز كۇش - قۋاتىن ايگىلەدى. 10 - ايدىڭ 24 - كۇنى تۇستەن بۇرىن شي جينپيڭ «ۇلى تولقىن جۋجياڭنان باستالعان − گۋاڭدۇڭنىڭ رەفورما جاساپ، ەسىك اشقانىنىڭ 40 جىلدىعى كورمەسىن» تاماشالادى. كورمە زالىندا، كەشەلى - بۇگىنگى سۋرەتتەر كۇشتى سالىستىرما جاساپ، تاريحي كورىنىستەر كوز الدىعا ورالىپ، گۋاڭدۇڭنىڭ رەفورما جاساپ، ەسىك اشقان 40 جىلداعى شۇعىلالى ساتتەرى تولىق كورسەتىلگەن. شي جينپيڭ ءالسىن - ءالى كىدىرىپ، تاپتىشتەي ۇعىستى. ول مىنالاردى ءبىلدىردى: ەلىمىزدىڭ 40 جىلداعى وزگەرىستەرى وراسان زور، كۇللى الەمدى جالت قاراتتى. كورمەنى كورگەننەن كەيىن، شي جينپيڭ گۋاڭدۇڭ ولكەسىنىڭ رەفورما جاساۋ، ەسىك اشۋعا قاتىستى جاقتارىنىڭ ۋاكىلدەرىمەن ىقىلاستى بەينەدە اڭگىمەلەسىپ، ولاردىڭ ءوز جۇمىس ورىندارىندا تاعى دا جاڭا ۇلەستەر قوسۋىنا تىلەكتەستىك ءبىلدىرىپ، قارت جولداستاردىڭ تۇرمىسىنا باقىت تىلەدى. ول مىنالاردى باسا دارىپتەدى: پارتيانىڭ 18 - قۇرىلتايىنان كەيىن، مەن تەكسەرۋ - زەرتتەۋ جۇرگىزگەن تۇڭعىش بەكەت وسى شىنجىن ەدى، رەفورما جاساپ، ەسىك اشۋدىڭ 40 جىلدىعى قارساڭىندا تاعى دا وسىندا كەلۋدەگى ماقساتىم − دۇنيە جۇزىنە جۇڭگونىڭ رەفورما جاساۋىنىڭ كىدىرمەيتىندىگىن، ەسىك اشۋدىڭ توقتامايتىندىعىن، جۇڭگونىڭ، ءسوز جوق، دۇنيە ءجۇزىن تاڭداي قاقتىرار جاڭا، اناعۇرلىم كەسەك كەرەمەتتەرگە قول جەتكىزەتىندىگىن جاريالاۋ. ءبىز رەفورما جاساپ، ەسىك اشۋدىڭ اۋەلگى ماقساتىن ۇمىتپاي، رەفورما جاساپ، ەسىك اشقان 40 جىلداعى تابىستى تاجىريبەلەردى مۇقيات قورىتىندىلاپ، رەفورما جاساۋ، ەسىك اشۋدىڭ ساپاسى مەن دەڭگەيىن جوعارىلاتۋىمىز كەرەك. حالىقتى وزەك ەتۋگە تاباندى بولىپ، حالىقتىڭ باقىتىن كوزدەۋدى رەفورمانىڭ ناتيجەسىن سىناۋدىڭ ولشەمى ەتىپ، رەفورما جاساۋ، ەسىك اشۋدىڭ جەتىستىكتەرىمەن قالىڭ حالىق جۇرتشىلىعىن ءتىپتى ويداعىداي يگىلىكتەندىرۋ كەرەك. گۋاڭدۇڭ باتىلدىقپەن ىلگەرىلەۋ، باتىلدىقپەن سىناق ەتۋ، باتىلدىقپەن الدا ءجۇرۋ سىندى رەفورما رۋحىن ساۋلەلەندىرىپ، ءوز ارتىقشىلىعىن تياناق ەتىپ، ءتىپتى كوپ تاجىريبە جاراتىپ، رەفورما جاساۋ، ەسىك اشۋدىڭ تۋىن اناعۇرلىم بيىك، اناعۇرلىم ورنىقتى ۇستاۋى كەرەك.
  وسىدان كەيىن، شي جينپيڭ گۋاڭدۇڭ ەركىن ساۋدا سىناق رايونى شىنجىن چيانحاي - شىكوۋ اۋماعىنا جول تارتىپ، چيانحايدىڭ اشىلۋ جاعدايىن ۇستىندە كوردى. 2012 - جىلى 12 - ايدا شي جينپيڭ وسىندا ماڭىزدى ءسوز سويلەپ، رەفورما جاساۋ، ەسىك اشۋعا قايتالاي اتتانۋعا ۇندەۋ تاستاعان بولاتىن. كەزىندەگى قايراڭ بۇل كۇندە اعاشتارى جايقالىپ، جاسىل جەلەك جامىلىپ، بيىك عيماراتتار ءيىن تىرەسىپ، تىرشىلىك تىنىسىنا تولعان. چيانحايداعى ەسكەرتكىش تاستىڭ الدىندا، شي جينپيڭ چيانحاي قۇرىلىسشىلارى مەن كۋاگەرلەرىنىڭ ۋاكىلدەرىمەن زور وزگەرىستەردى تىلگە تيەك ەتتى. ول مىنالاردى اتاپ كورسەتتى: اماليات رەفورما جاساۋ، ەسىك اشۋ جولىنىڭ دۇرىستىعىن دالەلدەدى، ءسوز جوق، دايەكتى تۇردە تاباندى بولىپ، قاجىماي - تالماي جالعاستىرىپ، قايراتقا قايرات ۇستەۋ كەرەك. شىنجىن چيانحاي قۇرىلىسىن تىڭعىلىقتى ىلگەرىلەتىپ، اناعۇرلىم كوپ سىندارلى دا جاڭاشىل رەفورما شارالارىن العا قويىپ، كوشىرىپ پايدالانۋعا، جالپىلاستىرۋعا تۇرارلىق ءتىپتى كوپ تاجىريبەلەر ۇستىندە ىزدەنىس جاساپ، شىنجىن مەن شياڭگاڭنىڭ سەلبەستىگىن تەرەڭدەتىپ، ءوزارا ۇلگى الىپ، ءبىر - بىرىنە ساۋلە شاشىپ، «ءبىر بەلدەۋ، ءبىر جولدى» بىرگە قۇرۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ، حالىقارالىق سەلبەستىككە جوعارى دەڭگەيدە ات سالىسۋ جاقتارىندا ءتىپتى زور رول اتقارۋى كەرەك.
  تۇسكە تاياعاندا، شي جينپيڭ شىنجىن قالاسى لۇڭحۋا رايونى مينجى ءمالى باسقارماسى بەيجان الەۋمەتتىك اۋماعىنا كەلىپ، الەۋمەتتىك اۋماقتاعى الەۋمەتتىك قىزمەت كورسەتۋ، نەگىزگى ساتى پارتيا قۇرىلىسى، الەۋمەتتىك اۋماقتى باسقارۋ سياقتى جاعدايلارمەن تانىستى. وزدىك كىتاپحانادا كەيبىر تۇرعىندار كىتاپ وقىپ، ۇيرەنىپ جاتىر ەكەن، باس شۋجيدىڭ كەلگەنىن كورىپ، كوپشىلىك قىزۋ ىنتامەن شاپالاق سوعىپ، جاپا - تارماعاي باس شۋجيگە الەۋمەتتىك اۋماقتاعى باي مازمۇندى تۇرمىستى تانىستىردى. الەۋمەتتىك اۋماقتاعى بالدىرعاندار ۇيىندە بالالار جارىسا جۇگىرىپ كەلىپ، شي جينپيڭ اتاسىن قۇشاقتادى. شي جينپيڭ الەۋمەتتىك اۋماقتىڭ باسقارىلۋى ءتارتىپتى ەكەنىن، تۇرعىنداردىڭ شات - شادىمان تۇرمىس كەشىرىپ جاتقانىن كورىپ، ايرىقشا قۋاندى. ول مىنالاردى باسا دارىپتەدى: اناعۇرلىم مول بايلىقتى، قىزمەت كورسەتۋدى، باسقارۋدى الەۋمەتتىك اۋماققا اۋدارىپ، تۇرعىندار ءۇشىن دالمە - ءدال، ەگجەي - تەگجەيلى قىزمەت كورسەتىپ، بۇقارانىڭ ۇلكەندى - كىشىلى ىستەرىن شىنايى ىستەۋ كەرەك. تۇرعىندارعا سۇيەنۋگە، تۇرعىنداردى زاڭ بويىنشا، ءتارتىپتى تۇردە الەۋمەتتىك اۋماقتى جونگە سالۋعا قاتىناسۋعا ۇيىمداستىرۋعا تاباندى بولىپ، بارلىق ادام ات سالىسۋدى، بارلىق ادام بار كۇشىن جۇمساۋدى، بارلىق ادام تەڭ يگىلىكتەنۋدى جۇزەگە اسىرۋ كەرەك.

جاۋاپتى رەداكتورى : شولپان اسقار قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ