قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

مەرەكەمىز. جۇڭچيۋ(1)

2018.09.18 18:28 كەلۋ قاينارى : شينجياڭ گازەتىنەن

بەتاشار
جۇڭحۋا ۇلتىنىڭ ءداستۇرلى مەرەكەسى بولعان جۇڭچيۋ مەرەكەسى − جۇڭحۋانىڭ تاڭداۋلى مادەنيەتىنە مۇراگەرلىك ەتۋدەگى جانە ونى اسقاقتاتۋداعى ماڭىزدى دانەكەر، مادەنيەت سانالىلىعىن ارتتىرىپ، مادەنيەت سەنىمىن تۇلعالاۋداعى ماڭىزدى ءتۇيىن سانالادى. جۇڭچيۋ مەرەكەسى كەلۋ قارساڭىمەن، گازەتىمىز بۇگىننەن باستاپ، «مەرەكەمىز. جۇڭچيۋ» ايدارىن اشىپ، رايونىمىزداعى ءار ۇلت بۇقاراسىنىڭ شادىمان مەرەكەنى بىرگە تويلاعان جاندى اڭگىمەلەرىن تەرەڭ سەزىممەن اڭگىمەلەپ، ءار ۇلت بۇقاراسىنىڭ تۇرمىسىنداعى تىڭ وزگەرىستەردى جانە ناقتى تابىس سەزىمىن، باقىت سەزىمىن تولىق ايگىلەيدى.



ءماندى دە ءساندى جۇڭچيۋ مەرەكەسى
□ ەرىكتى ءتىلشى جياڭ چىڭۋي

  حانزۋدىڭ ۇلتتىق كيىمىن كيگەن جۇرگىزۋشى ولەڭ ايتا ساحناعا شىقتى، «شاپالاق سوعىپ جۇڭچيۋدى قۇتتىقتاپ، ءان - بيمەن مەملەكەت مەرەكەسىن قارسى الايىق» اتىنداعى ادەبيەت - كوركەمونەر ساۋىق كەشى يۋانچۋان الەۋمەتتىك اۋماعىنداعى ءار ۇلت تۇرعىندارىنا تارتىمدى ءبىر كەش سيلادى.
  9 - ايدىڭ 14 - كۇنى ءماندى دە ءساندى جۇڭچيۋ مەرەكەسىن قارسى الۋ بايلانىسىمەن وتكىزىلگەن بۇل ساۋىق كەشتى مەملەكەتتىك سالىق باس مەكەمەسى قارامايلى قالاسى قارامايلى رايوندىق سالىق مەكەمەسىنىڭ يىنحى جولى ءمالىسى يۋانچۋان الەۋمەتتىك اۋماعىندا تۇراتىن قىزمەت اترەتى مەن يۋانچۋان الەۋمەتتىك اۋماعى تۇرعىندار كوميتەتى بىرلەسىپ وتكىزدى. ءار ۇلت تۇرعىندارى وزدەرى دايىنداپ، وزدەرى ورىنداعان 13 ءان - ءبي ءنومىرىن قامتىعان «شاعىن ساۋىق كەش» تۇرعىنداردىڭ ءوزىن كورسەتەتىن، قۋانىشتى مەرەكەنى بىرگە تويلايتىن «ۇلكەن ساحناعا» اينالدى.
  ساۋىق كەشتىڭ وسىنداي تارتىمدى بولۋى ساحنانىڭ الدى - ارتىندا زىر جۇگىرگەن قىزمەتكەرلەردىڭ، ىستىق ىقىلاستى تۇرعىنداردىڭ نەشە كۇنگى تابان ەت ماڭداي تەرلەرىنىڭ ارقاسى ەدى.
  ياسىن مامەتسىدىق وتباسىنداعى اكەلى - بالالى ۇشەۋىنىڭ مۋزيكا اسپابىمەن بىرلەسىپ ورىنداعان كۇيى كوپشىلىككە وتباسىنىڭ ىستىق مەيىرىمىن سەزىندىردى، وتە - موتە، 11 جاستاعى يانار ياسىننىڭ وزىنەن ۇلكەن گارموندى قۇشاقتاپ الىپ، بار ىنتا - پەيىلىمەن ىرعالا مۋزيكا ورىنداۋى كورەرمەندەرگە تەرەڭ اسەر قالدىردى.
  ياسىن وتباسى بيىل 2 - ايدا يۋانچۋان الەۋمەتتىك اۋماعىنا كوشىپ كەلگەن «جاڭا مۇشە»، دەسەدە، ولار يۋانچۋان الەۋمەتتىك اۋماعىنداعى قىزمەتكەرلەرمەن بۇرىننان تانىسادى، وتباسىن ارالاۋ بارىسىندا قىزمەت اترەتى مەن ياسىن وتباسى تەز ارادا تانىس بولىپ كەتەدى، قىزمەت اترەتىنىڭ قامقورلىعى مەن جالىقپاي جۇرگىزگەن حاۋىپسىزدىك جونىندەگى ۇگىتى ياسىن وتباسىنىڭ كوڭىلىن ورنىقتىرىپ، جۇرەكتەرىن جىلىتادى. ساۋىق كەشتىڭ ارتيست قابىلداپ جاتقانىن ەستىگەن ياسىن 2 بالاسىن ەرتىپ قاتىناسۋعا تىزىمدەلەدى.
  ساۋىق كەش يۋانچۋان الەۋمەتتىك اۋماعىنداعى قىزمەت اترەتى مەن يۋانچۋان الەۋمەتتىك اۋماعى تۇرعىندار كوميتەتىنىڭ بارلىق قىزمەتكەرلەرى بىرلەسىپ ورىنداعان مانەرلەپ وقۋ جانە «سۇيىسپەنشىلىككە تولى وتباسى» اتتى يشارات بيىمەن مارەسىنە جەتتى، بىركەلكى كيىم، ءبىرىڭعاي ارەكەت كورەرمەندەردىڭ القاۋىنا بولەندى.
  «قىزمەت اترەتىندەگىلەر مەن ءبىز بەينە ءبىر وتباسىنىڭ ادامدارىندايمىز، ولاردىڭ شىنايى سۇيىسپەنشىلىگىن سەزىنە الامىز. ولاردىڭ قىزمەتىن دە، ءسوز جوق، بار كۇشپەن قولدايمىز»، - دەيدى الەۋمەتتىك اۋماقتى تۇرعىنى شيە فاڭگۇي.

جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ