قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اۆتونوميالى رايون ارەكەت جوسپارىن شىعاردى

ساياحات كاسىبى 3 جىلدا 100 مىڭ ادامنىڭ جۇمىسقا ورنالاسۋىنا جەتەكشىلىك ەتەدى

2018.09.18 15:07 كەلۋ قاينارى : شينجياڭ گازەتىنەن

  ءتىلشىمىز لي چۇنشيا، پراكتيكانت ءتىلشى ساڭ حۇڭيان 9 - ايدىڭ 17 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، اناعۇرلىم ساپالى جانە اناعۇرلىم تولىق جۇمىسقا ورنالاستىرۋدى جۇزەگە اسىرۋدى ىلگەرىلەتۋ ءۇشىن، تاياۋدا رايونىمىز «اۆتونوميالى رايوننىڭ ساياحات كاسىبى ارقىلى جۇمىسقا ورنالاستىرۋدى جەبەۋ جونىندەگى 3 جىلدىق ارەكەت جوسپارىن (2018 - جىلدان 2020 - جىلعا دەيىن)» شىعارىپ، ساياحات كاسىبى ارقىلى 3 جىلدا 100 مىڭ ادامدى جۇمىسقا ورنالاستىرۋ نىساناسىن ايقىنداعان.
  جوسپارداعى تالاپقا ساي، رايونىمىز سۇرانىستى جەتەكشى ەتۋگە تاباندى بولىپ، تۇتاس الاپتىق ساياحاتتى دامىتۋدى، ساياحاتتى دامىتۋدىڭ كەڭىستىك جاڭا جۇلگەسىن قۇرۋدى توڭىرەكتەي وتىرىپ، ساياحاتتىڭ دامۋى مەن جۇمىسقا ورنالاستىرۋدى كەڭەيتۋدىڭ بىرلەسىپ ارەكەتتەنۋىن جەبەپ، ساياحات كاسىبىنىڭ جۇمىسقا ورنالاستىرۋ تىزبەگىن كەڭەيتىپ، ساياحات كاسىبىنىڭ جۇمىسقا قابىلداۋ جانە ەڭبەكشىلەردىڭ ساياحات كاسىبىنە ات سالىسۋ ارقىلى جۇمىسقا ورنالاسۋ بەلسەندىلىگىن تولىق اتتانىسقا كەلتىرىپ، قالا مەن اۋىلداعى ەڭبەكشىلەردىڭ اس - سۋ، جاتىن ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ سياقتى ساياحاتتىڭ ماڭىزدى قۇرامى سالاسىنا شوعىرلانۋىن ىلگەرىلەتىپ، ساياحات كاسىبى ارقىلى جۇمىسقا ورنالاستىرۋدى جۇزەگە اسىرىپ، 2018 - جىلى 10 مىڭ ادامدى، 2019 - جىلى 40 مىڭ ادامدى، 2020 - جىلى 50 مىڭ ادامدى جۇمىسقا ورنالاستىرىپ، ساياحات كاسىبىن جۇمىسقا قابىلداۋداعى ماڭىزدى ارناعا جانە جۇمىسقا ورنالاستىرۋدىڭ جاڭا ارتۋ تۇيىنىنە اينالدىرادى.
  وسعان ساي، رايونىمىز «جەتى ءبىر توپ» شارانى اتقارىپ، ساياحات كاسىبىنەن جۇمىس ورنىن تۇرلىشە جولدارمەن اشىپ، اناعۇرلىم كوپ ەڭبەكشىنى جۇمىسقا قابىلدايدى. قالا - قالاشىقتارداعى جۇمىسقا ورنالاسۋدا قيىنشىلىعى بارلاردى جانە وڭتۇستىك شينجياڭنىڭ 3 ايماق، ءبىر وبلىسىنداعى اۋىر كەدەي اۋداندارداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەكشىلەردى جۇمىسقا ورنالاستىرۋمەن سۇيەمەلدەۋدى كۇشەيتۋ، سول جەردە، جاقىن ماڭدا جۇمىس ورنىمەن قامداۋ سياقتى جولدارمەن ولاردىڭ ساياحات كاسىبى ارقىلى جۇمىسقا ورنالاسۋىن جانە ۇزاق ۋاقىت تۇراقتى جۇمىسقا ورنالاسۋىن جۇزەگە اسىرۋىنا كومەكتەسەدى.
  رايونىمىز ساياحات كاسىپتىك تاربيەسىن جەبەۋ جوسپارى، تەحنيك جۇمىسشىلار مەكتەپتەرىنىڭ ساياحات ونەر - ءبىلىم دارىندىلارىن جەتىلدىرۋ جوسپارى، ساياحات دارىندىلارىنىڭ جۇمىسقا ورنالاسۋىنا قىزمەت كورسەتۋ جوسپارى سياقتى شارالاردى اتقارۋ ارقىلى، جۇمىسقا ورنالاستىرۋدىڭ ارتۋ تاسىلىنە بۇرىلىس جاساۋدى ىلگەرىلەتىپ، اناعۇرلىم كوپ ساياحات دارىندىلارىن جەتىلدىرىپ، رايونىمىزدىڭ ساياحات جاعىنان قىزمەت كورسەتۋ ساپاسىن جوعارىلاتىپ، قوعام ورنىقتىلىعىنىڭ پايداسىن تولىق ىسكە اسىرۋ كەرەك.



جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ