قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

شي جينپيڭ 4 - كەزەكتى شىعىس ەكونوميكا تالقى مىنبەرىنىڭ جالپى ماجىلىسىنە قاتىناستى ءارى ءسوز سويلەدى

تاريحي ورايدى يگەرىپ، ءداۋىر اۋقىمىنا ىلەسىپ، قيىر شىعىس جانە شىعىس سولتۇستىك ازيانىڭ اناعۇرلىم كوركەم بولاشاعىن  سەلبەسىپ اشۋدى باسا دارىپتەدى

2018.09.13 12:30 كەلۋ قاينارى : شينجياڭ گازەتىنەن

4 - كەزەكتى شىعىس ەكونوميكا تالقى مىنبەرىنىڭ جالپى ءماجىلىسى 9 - ايدىڭ 12 - كۇنى ۆلاديۆوستوكتا اشىلدى. جۇڭگونىڭ مەملەكەت ءتوراعاسى شي جينپيڭ ماجىلىسكە قاتىناستى ءارى «قيىر شىعىستىڭ دامۋداعى جاڭا ورايىنان بىرگە يگىلىكتەنىپ، شىعىس سولتۇستىك ازيانىڭ كوركەم جاڭا بولاشاعىن اشايىق» تاقىرىبىندا ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
  شينحۋا اگەنتتىگىنىڭ 9 - ايدىڭ 12 - كۇنى ۆلاديۆوستوكتان بەرگەن حابارى (تىلشىلەر چىن جى، لي جيانمين، مياۋ شياۋجۋان). 4 - كەزەكتى شىعىس ەكونوميكا تالقى مىنبەرىنىڭ جالپى ءماجىلىسى 9 - ايدىڭ 12 - كۇنى ۆلاديۆوستوكتا اشىلدى. جۇڭگونىڭ مەملەكەت ءتوراعاسى شي جينپيڭ، رەسەيدىڭ زۇڭتۇڭى پۋتين، موڭعۇليانىڭ زۇڭتۇڭى باتتۇلعى، جاپونيانىڭ باس ءۋازىرى شينزو ابە، كورەيانىڭ زۇڭليى لي ناك - يون قاتارلىلار قاتىناستى.
  شي جينپيڭ «قيىر شىعىستىڭ دامۋداعى جاڭا ورايىنان بىرگە يگىلىكتەنىپ، شىعىس سولتۇستىك ازيانىڭ كوركەم جاڭا بولاشاعىن اشايىق» تاقىرىبىندا ءسوز سويلەپ، جۇڭگونىڭ وڭىردەگى مەملەكەتتەرمەن بىرگە ءوڭىردىڭ بەيبىتشىلىگىن، تىنىشتىعىن قورعاپ، ءار ەلدىڭ ءوزارا تيىمدىلىك جاساپ، تەڭ يگىلىككە كەنەلۋىن جۇزەگە اسىرىپ، حالىقتىڭ ءداستۇرلى دوستىعىن بەكەمدەپ، جاپپاي سايكەستى دامۋدى ىسكە اسىرىپ، وسى ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋدى قالايتىندىعىن باسا دارىپتەدى.
  شي جينپيڭ بىلاي دەپ اتاپ كورسەتتى: پۋتين زۇڭتۇڭنىڭ تىكە باستاما كوتەرۋىندە شىعىس ەكونوميكا تالقى مىنبەرى 3 كەزەك ءساتتى ءوتىپ، ءار جاقتىڭ اقىل - پاراساتىن ۇيىستىرۋداعى، بىرگە اقىلداسىپ سەلبەستىك جاساۋداعى ماڭىزدى تۇعىرىنا اينالدى. جۇڭگو ەجەلدەن بەرى، رەسەيدىڭ قيىر شىعىس سەلبەستىگىنىڭ بەلسەندى قولداۋشىسى جانە ات سالىسۋشىسى. ەكى جاقتىڭ سەلبەستىك جاساۋىندا جاعراپيالىق ارتىقشىلىعى وزگەشە، ساياسي نەگىزى بەكەم، ساياساتپەن قامتاماسىزداندىرۋى پارمەندى، مەحانيزمى كەمەلدى، جوعارى ءونىمدى. ەكى جاقتىڭ ورتاق قۇلشىنۋىندا تاياۋ جىلداردان بەرى، جۇڭگو جاقتىڭ رەسەيدىڭ قيىر شىعىس سەلبەستىگىنە ات سالىسۋ ناتيجەسى كورنەكتى بولدى. بيىل جانە كەلەر جىل پۋتين زۇڭتۇڭ ەكەۋىمىز تۇراقتاندىرعان جۇڭگو مەن رەسەيدىڭ جەرگىلىكتى ورىندارىنىڭ سەلبەستىك، اۋىس - كۇيىس جاساۋ جىلى، بۇل ەكى جاقتىڭ قيىر شىعىس سەلبەستىگىنە ءتىپتى كەڭ ءورىس اشادى.
  جۇڭگو رەسەيمەن بىرگە قۇلشىنىپ، ارتىقشىلىقتار جاعىندا ءبىر - ءبىرىن تولىقتاپ، ءوزارا تيىمدىلىك جاساپ، تەڭ يگىلىككە كەنەلىپ، جۇڭگو - رەسەي قيىر شىعىس سەلبەستىگىندە ءتىپتى كوپ ناتيجەلەرگە قول جەتكىزۋدى ىلگەرىلەتۋدى قالايدى.
  شي جينپيڭ مىنالاردى باسا دارىپتەدى: جاڭا جاعدايدا، ءبىز تىزە قوسا وتىرىپ، سەلبەستىكتى كۇشەيتۋىمىز كەرەك.
  ءبىرىنشى، ءوزارا سەنىمدىلىكتى كۇشەيتىپ، ءوڭىردىڭ بەيبىتشىلىگىن، تىنىشتىعىن قورعاۋىمىز كەرەك. شىعىس سولتۇستىك ازيانىڭ تاتۋ - ءتاتتى، سەنىمدى، ىنتىماقتى، ورنىقتى بولۋى ءار ەلدىڭ مۇددەسىنە جانە حالىقارالىق قوعامنىڭ تىلەگىنە ۇيلەسەدى. جۇڭگو جاق باستان - اياق جاراسىمدى، تاتۋ - ءتاتتى توڭىرەكتىك ورتا قالىپتاستىرۋعا قۇلشىنىپ، وڭىرلىك سەلبەستىككە سىندارلى بەينەمەن قاتىناسىپ، وڭىردەگى ءار ەلدىڭ اۋىس - كۇيىس جاساۋىن، كەڭەسۋىن ىلگەرىلەتۋگە كۇش سالىپ كەلەدى، ءار جاقپەن بىرگە شىعىس سولتۇستىك ازيانىڭ باياندى بەيبىتشىلىگىن، تىنىشتىعىن قورعاۋدىڭ ءونىمدى جولىن ۇزدىكسىز قاراستىرىپ، وسى ءوڭىردىڭ بەيبىتشىلىگىن، ورنىقتىلىعىن جانە دامۋىن ىسكە اسىرۋ جولىندا تالىقپاي قۇلشىنۋدى قالايدى.
  ەكىنشى، سەلبەستىكتى تەرەڭدەتىپ، ءار ەلدىڭ ءوزارا تيىمدىلىك جاساپ، تەڭ يگىلىككە كەنەلۋىن ىسكە اسىرۋىمىز كەرەك. دامۋ ستراتەگيالارىن ۇشتاستىرۋدى بەلسەندى ورىستەتىپ، ساياساتتاردى بايلانىستىرۋدى جانە سايكەستىرۋدى كۇشەيتىپ، سەلبەستىكتىڭ جالپى بەتالىسىن يگەرۋىمىز كەرەك؛ ەل ارالىق نەگىزگى قۇرىلعىلاردى تۇتاستىرۋ، ۇلاستىرۋ، ساۋدانىڭ جانە قارجى قوسۋدىڭ ەركىندەنۋ، قولايلىلانۋ دەڭگەيىن ءتۇيىندى جوعارىلاتىپ، اشىق وڭىرلىك ەكونوميكانى بىرگە قۇرۋىمىز كەرەك؛ شاعىن كوپ جاقتى سەلبەستىكتى، قوسالقى وڭىرلىك سەلبەستىكتى بار كۇشپەن ىلگەرىلەتىپ، اناعۇرلىم كوپتەگەن ناقتى نىسانداردىڭ تياناقتانىپ، اتقارىلۋىن ىلگەرىلەتىپ، وڭىردەگى حالىقتى اناعۇرلىم مول يگىلىككە كەنەلتۋىمىز كەرەك.
  ءۇشىنشى، ءوزارا ۇيرەنىپ، ءوزارا ۇلگى الۋىمىز، حالىقتاردىڭ ءداستۇرلى دوستىعىن بەكەمدەۋىمىز كەرەك. قارىم - قاتىناس جاساۋ ارناسىن كەڭەيتىپ، سەلبەستىك ۇلگىسىن جاڭالاپ، ءار ەلدەگى، ءارقايسى جاس دەڭگەيىندەگى ادامداردىڭ قارىم - قاتىناس جاساۋىنا قولايلىلىق تۋدىرۋعا، تۇعىر ورناتۋعا قۇلشىنۋىمىز كەرەك.
  ءتورتىنشى، ۇزاق بولاشاقتى كوزدەي وتىرىپ، جان - جاقتى سايكەستى دامۋدى ىسكە اسىرۋىمىز كەرەك. شىعىس سولتۇستىك ازيا ءوڭىرىنىڭ سايكەستى دامۋ جاڭا ۇلگىسىن قۇرۋدى بەلسەنە قاراستىرىپ، عىلىم - تەحنيكادا جاڭالىق اشۋدى، دامۋ ۇستانىمىندا بۇرىلىس جاساۋدى تەزدەتىپ، قورشاعان ورتانى جالپىلىق جونگە سالۋ تەبىنىن ارتتىرىپ، بايلىقتى ۇنەمدەيتىن جانە قورشاعان ورتانى قورعايتىن شارۋاشىلىق ارنالارى مەن تۇرمىس ءتاسىلىن قالىپتاستىرىپ، ورتاق ءدوپ كەلىپ وتىرعان وڭىرلىك قورشاعان ورتا ماسەلەسىنە قول ۇستاسا بىرگە توتەپ بەرۋىمىز كەرەك.
  شي جينپيڭ مىنالاردى باسا دارىپتەدى: جۇڭگو ۇزدىكسىز وسى وڭىردەگى مەملەكەتتەرمەن بىرگە تاريحي ورايدى يگەرىپ، ءداۋىر اۋقىمىنا ىلەسىپ، رەسەيدىڭ قيىر شىعىس جانە شىعىس سولتۇستىك ازيا وڭىرلەرىمەن سەلبەستىكتى كۇشەيتىپ، وسى ءوڭىردىڭ كوپ نەگىزدەنۋىن، باياندى دامۋىن ىسكە اسىرۋدى ىلگەرىلەتىپ، ورتاق مۇددە تيىمدىلىكتەرىن ۇزدىكسىز كەڭەيتىپ، وسى وڭىردەگى حالىقتىڭ سەلبەستىك ورايىنان جانە دامۋ تابىستارىنان بىرگە يگىلىكتەنۋىنە مۇمكىندىك جاساپ، قيىر شىعىس پەن شىعىس سولتۇستىك ازيانىڭ اناعۇرلىم كوركەم بولاشاعىن قول ۇستاسا بىرگە اشۋعا پەيىل!
  پۋتين ءتوراعا شي جينپيڭ مەن قاتىستى مەملەكەت باسشىلارىنىڭ 4 - كەزەكتى شىعىس ەكونوميكا تالقى مىنبەرىنە قاتىناسقاندىعىنا العىس ايتىپ، رەسەي مەن جۇڭگونىڭ رەسەيدىڭ قيىر شىعىس وڭىرىندەگى سەلبەستىگىنىڭ دامۋ بەتالىسى جاقسى ەكەنىن القادى. پۋتين بىلاي دەدى: قيىر شىعىس − رەسەيدىڭ دامۋىنداعى ۇستەم باعىتى. قازىر قيىر شىعىس ءوڭىرىنىڭ ەكونوميكاسى ارتىپ، شەتەل قارجىسىن باۋراۋ قارقىنى رەسەيدىڭ مەملەكەتتىك ورتاشا دەڭگەيىنەن اسىپ ءتۇستى. قيىر شىعىستىڭ دامۋى ەسىك اشقان دامۋ، رەسەي ۇكىمەتى ءار ەل كاسىپورىندارىنىڭ كەلىپ قارجى قوسىپ، شارۋاشىلىعىن گۇلدەندىرۋىن، قيىر شىعىستىڭ دامۋ ورايىنان يگىلىكتەنۋىن قارسى الادى. رەسەي وڭىردەگى ءار جاقپەن ناقتى سەلبەستىكتى تەرەڭدەتىپ، ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرىپ، شىعىس سولتۇستىك ازيا ءوڭىرىنىڭ سەلبەستىگىندە اناعۇرلىم سۇبەلى ناتيجەلەرگە قول جەتكىزۋدى ىلگەرىلەتۋدى قالايدى.
  ماجىلىسكە قاتىناسقان باسقا باسشىلار بىلاي دەدى: رەسەيدىڭ قيىر شىعىس ءوڭىرىن اشۋ ءونىمى كورنەكتى بولدى. ءار جاق قيىر شىعىستى اشۋعا بەلسەندى تۇردە قاتىناسۋدى قالايدى ءارى شىعىس سولتۇستىك ازيا ءوڭىرىنىڭ سەلبەستىگىن بىرگە جەبەپ، ءار ەل حالقىن باقىتقا بولەيدى.
  ىقپالداستىق اۋىس - كۇيىس بۋىنىندا شي جينپيڭ «ءبىر بەلدەۋ، ءبىر جولدى» بىرگە قۇرۋ، چاۋشيان تۇبەگى جاعدايى سياقتى ماسەلەلەر جونىندە جالپى ءماجىلىس باسقارۋشىسىنىڭ سۇراۋىنا جاۋاپ بەردى.
  جالپى ماجىلىستەن كەيىن، ماجىلىسكە قاتىناسقان ءار ەل باسشىلارى 3 - كەزەكتى «قيىر شىعىس ساۋىتى» حالىقارالىق جەلكەندى قايىق راللي جارىسىنىڭ ءبىرىنشى كەزەڭىنىڭ سيلىق تاراتۋ سالتىنا بىرگە قاتىناستى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىستى قيمىلدارعا قاتىناستى.


جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ