قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

قورعاندىق رولىن ساۋلەلەندىرىپ، نىسان قۇرىلىسىنىڭ ىلگەرىلەۋىنە دەم بەردى

− جۇڭتيە 1 − مەكەمەسى توبى شينيۇن ينجەنەريالىق شەكتى سەرىكتەستىگى قارامايلى - شاۋەشەك نىسان ءبولىمىنىڭ پارتيا قىزمەت كوميتەتى جونىندە

 ءتىلشىمىز لۋ فىڭباۋ

2018.07.12 18:02 كەلۋ قاينارى : شينجياڭ گازەتىنەن

  2017 - جىلى قارامايلىدان شاۋەشەككە باراتىن تەمىر جولدىڭ 2 − مەرزىمى قۇرىلىس باستادى، قۇرىلىس جۇرگىزۋشى جاقتىڭ ءبىرى جۇڭتيە 1 - مەكەمەسى توبى تۇتاس لەنياداعى كوپىر ارقالىعىن جاساۋ جانە جاتقىزۋ قىزمەتىن ۇستىنە الدى، نىسان ءبولىمىنىڭ پارتيا قىزمەتى كوميتەتى نىسان ءبولىمى پارتيا ياچەيكاسىن جانە ءدوربىلجىن كوپىر ارقالىعىن جاساۋ الاڭى پارتيا ياچەيكاسىن دەر كەزىندە قۇردى، مۇندا جيىنى 17 پارتيا مۇشەسى بار. ءبىر جىلدان استام ۋاقىتتان بەرى، نىسان ءبولىمىنىڭ پارتيا قىزمەتى كوميتەتى پارتيا قۇرىلىسى قىزمەتىن قۇرىلىستىڭ ءبىرىنشى شەبىندە تياناقتاندىرىپ، پارتيا ۇيىمىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگارد ونەگەلىك رولىن ساۋلەلەندىرىپ، ۋاقىتپەن جارىسۋ رۋحىمەن نىساننىڭ ەرتەرەك سالىنىپ بولۋىن ىلگەرىلەتتى.
  پارتيا قۇرىلىسىنىڭ جەتەكشىلىگىندە جۇرت كوڭىلىن ۇيىستىردى
  قارامايلى - شاۋەشەك تەمىر جولى قارامايلى قالاسىنان باستالىپ، اقبۇلاقتى، تەمىرتام قالاشىعىن، ءدوربىلجىن اۋدانىن باسىپ ءوتىپ، شاۋەشەك قالاسىنا تۇتاسادى، جۇڭتيە 1 − مەكەمەسىنىڭ قارامايلى - شاۋەشەك نىسان ءبولىمى باستىسى قارامايلى - شاۋەشەك تەمىر جولى جالپى جەلىسى نەگىزگى جەلىسىنىڭ 172.397 كيلومەترىنە رەليس جاتقىزۋ، 437 كوپىر ارقالىعى وتكىنىن جاساۋ سياقتى قۇرىلىس مىندەتتەرىن، سونداي - اق حابارلاسۋ، سيگنال، ەلەكتر سياقتى قاتىستى ينجەنەريالاردى ۇستىنە الدى.
  2017 - جىلى 4 - ايدىڭ 25 - كۇنى قارامايلى - شاۋەشەك تەمىر جولىن جاتقىزۋ ينجەنەرياسى رەسمي قۇرىلىس باستادى، نىسان ءبولىمىنىڭ پارتيا قىزمەتى كوميتەتى «ينجەنەريا قۇرىلىسى قاي جەردە بولسا، پارتيا ۇيىمىنىڭ قۇرىلىسى دا سول جەردە بولادى» دەگەن پرينسيپ بويىنشا، سول جىلى 8 - ايدىڭ 28 - كۇنى نىسان ءبولىمىنىڭ پارتيا ياچەيكاسىن، 9 - ايدىڭ 18 - كۇنى ءدوربىلجىن كوپىر ارقالىعىن سالۋ الاڭى پارتيا ياچەيكاسىن قۇردى.
  نىسان ءبولىمى پارتيا قىزمەت كوميتەتىنىڭ شۋجيى جاۋ ۋي بىلاي دەپ تانىستىردى: نىسان قۇرىلىسى بارىسىندا، قۇرىلىس ورتاسى ناشار بولعاندىقتان، قىزمەتكەرلەردىڭ دەنساۋلىق اقاۋسىزدىعىنا كەپىلدىك ەتۋ ءۇشىن، پارتيا قىزمەت كوميتەتى «پسيحيكالىق اقىل - كەڭەس بەرۋ كەڭسەسىن» قۇردى؛ «قىزمەتكەرلەر كىتاپ ءۇيىن» اشتى، نىساندا جاڭالىق اشۋ، ونىمدىلىككە قول جەتكىزۋ ءۇشىن، تەحنيكادا قامال الاتىن جانە تەحنيكانى جاڭالايتىن قيمىلدار ورىستەتىپ، اقىل - پاراسات تۇعىرىن ازىرلەدى؛ «ءۇش قۇرىلىس الاڭى» قۇرىلىسىن ۇزدىكسىز كۇشەيتتى، «قىستا جىلۋ جەتكىزۋ»، «جازدا سالقىندىق اكەلۋ» سياقتى قيمىلداردى دەر كەزىندە ورىستەتتى؛ قۇرىلىس ورىندارىنا، جاتاقتارعا بارىپ، كاسىپتىك اقاۋسىزدىق بىلىمدەرى بويىنشا لەكسيا سويلەۋ، دەنساۋلىقتى تەكسەرۋ سياقتى قيمىلداردى ورىستەتىپ، قىزمەتكەرلەرگە قامقورلىقتى شىنايى سەزىندىردى؛ «ەرەن بازار» اشىپ، قىزمەتكەرلەردىڭ جۇمىستان سىرتقى تۇرمىسىن بايتتى.
  پارتيا مۇشەسى تاڭ يۇڭ: پارتيا قىزمەت كوميتەتى پارتيا قۇرىلىسى قىزمەتىن بارلىق جەردە تياناقتاندىردى، قىزمەتكەرلەردىڭ ءبارى ۇيىمنىڭ قامقورلىعىن، كوڭىل ءبولۋىن سەزىندى، جۇرتتىڭ جۇرەگىن ۇيىستىرىپ، قىزمەت ىستەۋ سەرپىنى كۇشەيدى، - دەدى.
  پارتيا تۋى قۇرىلىستىڭ ءبىرىنشى شەبىندە جەلبىرەدى
  جاز ماۋسىمى كوپىر ارقالىعىن جاساۋدىڭ تاماشا مەزگىلى، نىسان ءبولىمىنىڭ ءدوربىلجىن كوپىر ارقالىعىن جاساۋ الاڭىندا، قۇرىلىس قىزمەتكەرلەرى كوپىر ارقالىعىن جاساۋدىڭ ءارقايسى بۋىندارىندا قاربالاس جۇمىس ىستەدى.
  بيىل 3 - ايدا كوپىر ارقالىعىن جاساۋ قارقىنى باياۋلاعاندىقتان، قارامايلى - شاۋەشەك نىسان ءبولىمى پارتيا قىزمەتى كوميتەتى تالاي رەت ارناۋلى جيىن اشىپ، پارتيا مۇشەلەرى مەن وداق مۇشەلەرىنىڭ ءوندىرىس مولشەرىن جوعارىلاتۋ جونىندەگى ۇسىنىستارىن تىڭدادى ءارى 6 پارتيا مۇشەسىن ءدوربىلجىن كوپىر ارقالىعىن جاساۋ الاڭىنىڭ بارلىق ءوندىرىس تارتىبىنە ارناۋلى كاسىپتىك باقىلاۋشىلىق، جەتەكشىلىك ەتۋگە، قاداعالاۋعا جىبەرىپ، ماسەلەنى بايقاعان زامان ءبىر جايلى ەتىپ وتىردى. شارالار پارمەندى بولعاندىقتان، كوپىر ارقالىعىن جاساۋ ءوندىرىسى باياۋلاعاننان كەيىنگى ىرىقسىز جاعداي جاقسارىپ، كۇنىنە 7 كوپىر ارقالىعىن جاساۋداي كەرەمەت ناتيجەگە قول جەتكىزدى. قازىرگە دەيىن 295 كوپىر ارقالىعى وتكىنى جاسالىپ بولدى.
  9 - ايدىڭ سوڭىنا دەيىن تۇتاس لەنيانىڭ تەمىر جول كوپىرى قاڭقاسىن سالۋ نىساناسىن ورىنداۋعا كەپىلدىك ەتۋ ءۇشىن، ءدوربىلجىن كوپىر ارقالىعىن جاساۋ الاڭى پارتيا ياچەيكاسى پارتيا مۇشەلەرى اۆانگارد قوسىنىن جانە جاس ەكپىندىلەر قوسىنىن قۇردى، كوپشىلىك ىرىقتىلىقپەن كادرلار دەمالىسىن الۋدان باس تارتىپ، ءبىرىنشى شەپتە اتويلاپ جۇمىس ىستەدى. اسىرەسە، تۇنگى جۇمىستىڭ قاۋىرت كەزىندە بارلىق پارتيا مۇشەلەرى تۇگەلدەي اتتانىسقا كەلىپ، تاۋلىك بويى دامىلسىز جۇمىس ىستەپ، ءاربىر جۇمىسشىلار گرۋپپاسىندا ءبىر پارتيا مۇشەسى قىزمەت ورنىنان تاپجىلماۋعا كەپىلدىك ەتىپ، ساپادا باستاماشىلدىقپەن ونەگە كورسەتىپ، قارقىندى ۇدەتە ءتۇسىپ، ءوندىرىس نىساناسىن جوعارى ساپامەن، جوعارى ولشەممەن ورىنداۋعا كەپىلدىك ەتتى.
  پارتيا مۇشەسى چىن ۋيجى اسىلىندە 5 - ايدىڭ 1 - كۇنى ۇيلەنۋ تويىن وتكىزۋدى جوسپارلاپ قويعان بولاتىن، الايدا، بۇل كوپىر ارقالىعىن جاساۋدىڭ شەشۋشى كەزەڭىنە تۋرا كەلەدى، ەگەر وسى بۋىن كەنجە قالسا، قارامايلى − شاۋەشەك تەمىر جولىنىڭ قۇرىلىسىن جۇرگىزۋ اياق الىسىنا اسەر ەتەدى. ول قايتا - قايتا ويلانىپ، ۇيلەنۋ تويىن ءبىر اي كەشىكتىرۋدى ۇيعارادى.
  توي ۋاقىتى ەكىنشى رەت 6 - ايدىڭ 16 - كۇنىنە تۇراقتانادى، الايدا ۇيلەنۋ تويىنان بىرنەشە كۇن بۇرىن قىزمەت وتە قاربالاس بولعاندىقتان، چىن ۋيجي شىنىمەن جۇمىستان قولى بوساماي، توي ۋاقىتىن تاعى دا كەشىكتىرەدى.
  «ۇيلەنۋ تويىن كەشىكتىرۋگە بولادى، قۇرىلىستىڭ كەسىمدى ۋاقىتىن كەشىكتىرۋگە بولمايدى، مەن كوممۋنيستىك پارتيا مۇشەسىمىن، ۇلگىلىك رولىمدى ساۋلەلەندىرىپ، قارامايلى − شاۋەشەك تەمىر جولى قۇرىلىسىن ۋاعىندا بىتىرۋگە كەپىلدىك ەتۋىم كەرەك»، - دەيدى چىن ۋيجى.
  نىسان ءبولىمى پارتيا قىزمەتى كوميتەتىنىڭ جەتەكشىلىگىندە، ءاربىر پارتيا مۇشەسى اۆانگارد ونەگەلىك رولدارىن بەلسەنە ساۋلەلەندىرىپ، جاۋاپكەرشىلىكتى باتىلدىقپەن ارقالاپ، شەبەرلىكپەن ىسكەرلىك تانىتىپ، پارتيا تۋىن قۇرىلىستىڭ ءبىرىنشى شەبىندە جەلبىرەتتى.
  «پاراۆوز» رولىن ساۋلەلەندىردى
  تارباعاتاي ايماعى كەزەكتە اۆتونوميالى رايونىمىز بويىنشا 14 ايماقتاعى (وبلىس، قالا) بىردەن - ءبىر تەمىر جول تۇتاسپاعان ايماق، بۇل جەرگىلىكتى ورىنداعى ءار ۇلت بۇقاراسىنىڭ جولاۋشىلاۋىنا تيىمسىزدىك اكەلگەن، قارامايلى − شاۋەشەك تەمىر جولى قۇرىلىسى قۇلىستاي ويپاتىندا پويەز قاتىناماۋ تاريحىن اقىرلاستىرادى، مۇندا تەمىر جول قۇرىلىسشىلارىنىڭ مىندەتى مەن جاۋاپكەرشىلىگى اۋىر.
  قارامايلى − شاۋەشەك تەمىر جولى 2 - مەرزىمىنىڭ كوپىر ۇزىندىعى12.58 كيلومەتر، باسىم كوپ بولىگى مايتاس جەل وتىنە شوعىرلانعان، ۇلاسپالى بوراندى اۋا رايى كوپىر ارقالىعىن تۇرعىزۋ قىزمەتىنە وراسان زور سىن اكەلدى.
  داعدى بويىنشا، 6 بالدان جوعارى بوران سوقسا، قۇرىلىستى توقتاتۋ كەرەك، قۇرىلىستىڭ كەسىمدى ۋاقىتى كەشەۋىلدەسە قايتۋ كەرەك؟ شەشۋشى ساتتە پارتيا مۇشەلەرى كەۋدە كەرىپ العا شىعىپ، بارلىق قىزمەتكەردى ناشار ورتامەن كۇرەسۋگە، ۋاقىتپەن جارىسۋعا باستادى. كوپىر ارقالىعىن تۇرعىزۋ بانىندەگى 3 پارتيا مۇشەسى پارتيا مۇشەلەرىنىڭ ۇلگى كورسەتۋ ورنىن قۇردى، ۋاڭ چىڭگىن ۇلگى كورسەتۋ ورنىنىڭ ءبىر مۇشەسى رەتىندە قىزى جوعارى مەكتەپكە ەمتيحان بەرەتىن ماڭىزدى كەزەڭدە دە ۇيىنە قايتپاعانىمەن قويماي قىزمەت ۋاقىتىن ىرىقتىلىقپەن ۇزارتىپ، بوراندى اۋا رايى سەبەبىنىڭ كەسىرىنەن بولعان كەمىستىكتى تولىقتادى.
  قىزى جوعارى مەكتەپكە ەمتيحان بەرەردەن بۇرىن، ۋاڭ چىڭگىن ۋاقىت شىعارىپ قىزىنا تەلەفوندا: بالام، اكەڭ ەمتيحان كەزىندە سەنىڭ قاسىڭدا بولا المايتىن بولدى، اكەڭ پارتيا مۇشەسى، سونداي - اق تەمىر جول قۇرىلىسشىسى، تەمىر جولدىڭ ەرتەرەك جاسالىپ، پويەز قاتىناۋىنا، ءسوز جوق، بار كۇشپەن كەپىلدىك ەتۋىم كەرەك، - دەيدى.
  2018 - جىل − پارتيا 19 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، سونداي - اق قارامايلى − شاۋەشەك تەمىر جولى قۇرىلىسىنىڭ شەشۋشى شايقاس جۇرگىزەتىن جىلى، «نىسان ءبولىمى پارتيا قىزمەتى كوميتەتى <پاراۆوزدىڭ> جەتەكشىلىك رولىن ساۋلەلەندىرىپ، پارتيا مۇشەلەرى جاۋاپتى اۋماق، پارتيا مۇشەلەرىنىڭ اۆانگارد ورنى، ەڭبەك باسەكەسى سياقتىلاردى ورىستەتۋ ارقىلى نىسان پارتيا قۇرىلىسى قىزمەتىندە ناقتى ونىمگە قول جەتكىزۋدى تىڭعىلىقتى ىلگەرىلەتىپ، قارامايلى − شاۋەشەك تەمىر جولىنىڭ ەرتەرەك ىسكە قوسىلۋىن جەبەدى»، - دەدى جاۋ ۋي.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ