قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

باتىس سولتۇستىكتەگى ەڭ ۇلكەن اۋە قىزمەتىنە جالپىلىق جاتتىعۋ ورتالىعى شينجياڭدا ىرگە تەپتى

2018.07.12 17:47 كەلۋ قاينارى : شينجياڭ گازەتىنەن

  ءتىلشىمىز ما ينيڭ 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 9 - كۇنى وڭتۇستىك اۆياتسيا سەرىكتەستىگىنىڭ شينجياڭ اۋە قىزمەتىنە جالپىلىق جاتتىعۋ ورتالىعى ءۇرىمجى قالاسى يىڭبين جولىنداعى وڭتۇستىك اۆياتسيا سەرىكتەستىگى شينجياڭ بولىمشەسىنىڭ تاربيەلەۋ ءبولىمىنىڭ اۋلاسىندا رەسمي قۇرىلىس باستادى. بۇل جاتتىعۋ ورتالىعى سالىنىپ بىتكەننەن كەيىن، ەلىمىزدىڭ باتىس سولتۇستىك رايونىنداعى ەڭ ۇلكەن اۋە قىزمەتكەرلەرىن جالپىلىق تاربيەلەۋ ورتالىعىنا اينالىپ، اۆياتسيا سەرىكتەستىكتەرىنىڭ ۇشقىشتارىن، ۇشاق قىزمەتكەرلەرىن، اۋە ساقشىلارىن جانە حاۋىپسىزدىك قىزمەتكەرلەرىن شۇعىل جاعدايعا توتەپ بەرۋ، قۇتقارۋ، اۋەدەگى اماندىق، جولاۋشىلار بولمەسىن ەلىكتەمەلى باسقارۋ سياقتى جاقتارداعى جاتتىعۋ قاجەتىن قاناعاتتاندىرادى.
  وڭتۇستىك اۆياتسيا سەرىكتەستىگىنىڭ 3 ۇلكەن تاربيەلەۋ بازاسىنىڭ ءبىرى رەتىندە، وڭتۇستىك اۆياتسيا سەرىكتەستىگى شينجياڭ بولىمشەسىنىڭ تاربيەلەۋ ءبولىمى وڭتۇستىك اۆياتسيا سەرىكتەستىگىنىڭ باتىس سولتۇستىك رايونداعى تاربيەلەۋ ورتالىعى بولىپ كەلەدى، ورتالىق، باستىسى، ۇشاق قىزمەتكەرلەرىن تاربيەلەۋ، اۋەدەگى اماندىقتى ساقتاۋ كۇندەلىكتى جاتتىعۋى جانە تۇراقتى مەرزىم بويىنشا قايتالاي جاتتىقتىرۋ قىزمەتىن اتقارادى. ساندى مالىمەتتەردە كورسەتىلۋىنشە 2017 - جىلى وڭتۇستىك اۆياتسيا سەرىكتەستىگىنىڭ شينجياڭ بولىمشەسى 71 مىڭ كەزەك رەت ۇشاق قابىلداپ - جونەلتىپ، 7 ميلليون جولاۋشى (رەت) اتتاندىرعان، اۋە قىزمەتى قوسىنىنداعى ادام سانى 2000نان اسقان، اۋە قىزمەتىنە كاسىپتىك - تەحنيكالىق شەبەرلىككە باۋلۋ جاعىندا ولقىلىق ساقتالعان.
  ۇعىسۋعا قاراعاندا، وڭتۇستىك اۆياتسيا سەرىكتەستىگى شينجياڭ اۋە قىزمەتىنە جاتتىقتىرۋ ورتالىعىنىڭ جالپى قۇرىلىس اۋماعى 20 مىڭ 96. 502 شارشى مەترگە جەتىپ، شىنايى باسقارۋعا جاتتىعۋ عيماراتى جانە دەنە قۋاتتى جاتتىقتىرۋ سارايى سىندى 2 بولەكتەن قۇرالىپ، 737 جىلجىمالى شەگىنۋ بولمەسى، 737 سۋ ۇستىندە جىلجىمالى شەگىنۋ بولمەسى، A320 ۇشاق ەسىگى جاتتىقتىرعىشى سياقتى ۇشاق قىزمەتكەرلەرىن تاربيەلەۋگە جانە اماندىق ساقتاۋعا جاتتىعۋعا ارنالعان ارناۋلى جابدىقتار ورناتىلعان.
  بۇل نىسان شامامەن جىل سوڭىندا تۇلعالىق قۇرىلىسىن اياقتاتىپ، 2019 - جىلدىڭ سوڭىندا سالىنىپ بولادى. ىسكە قوسىلعاننان كەيىن، جىلىنا 800 − 1000عا تارتا ۇشاق قىزمەتكەرىن جانە اۋە اماندىق قورعاۋشىلارىن كاسىپتىك جاقتان تاربيەلەۋ قاجەتىن، باتىس سولتۇستىك رايونداعى 3000 اۋە قىزمەتكەرىنىڭ قايتالاي جاتتىعۋ قاجەتىن قاناعاتتاندىرىپ، تۇتاس جىلدا 20 مىڭ ساعاتتىق ءتۇرلى شىنايى جاتتىعۋ جانە قايتالاي جاتتىعۋ ساباعىنا كەپىلدىك ەتىپ، شينجياڭنىڭ حالىقتىق اۆياتسيا بازارىنىڭ دامۋى بارىسىنداعى دارىندىلاردى تاربيەلەۋ قاجەتىن اناعۇرلىم ويداعىداي قاناعاتتاندىرىپ، اۋەدە قىزمەت كورسەتۋ جانە حاۋىپسىزدىكتى ساقتاۋ نەگىزىن بەكەمدەيدى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ