قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

شي جينپيڭ «عالامدىق باس اتقارۋشى ديرەكتورلار كوميتەتىنىڭ» ەرەكشە دوڭگەلەك ۇستەل باس قوسۋىنا قاتىناسقان شەتەلدىك ۋاكىلدەرمەن كەزدەستى جانە اڭگىمەلەستى

2018.06.22 14:32 كەلۋ قاينارى : شينجياڭ گازەتىنەن

  6 - ايدىڭ 21 - كۇنى مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە جۇڭگوعا كەلىپ «عالامدىق باس اتقارۋشى ديرەكتورلار كوميتەتىنىڭ» ەرەكشە دوڭگەلەك ۇستەل باس قوسۋىنا قاتىناسقان ايگىلى ەل اتتاعان كاسىپورىنداردىڭ جاۋاپتىلارىمەن كەزدەستى جانە ولارمەن اڭگىمەلەسىپ، پىكىر اۋىستى.
  سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
  شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى (ءتىلشى حوۋ ليجۇن). مەملەكەت ءتوراعاسى شي جينپيڭ 6 - ايدىڭ 21 - كۇنى دياۋيۇيتاي مەملەكەتتىك قوناق ۇيىندە جۇڭگوعا كەلىپ «عالامدىق باس اتقارۋشى ديرەكتورلار كوميتەتىنىڭ» ەرەكشە دوڭگەلەك ۇستەل باس قوسۋىنا قاتىناسقان ايگىلى ەل اتتاعان كاسىپورىنداردىڭ جاۋاپتىلارىمەن كەزدەستى ءارى ولارمەن اڭگىمەلەسىپ، پىكىر اۋىستى.
  كەزدەسۋدە بولعان كاسىپورىنشىلار ۋاكىلدەرى باس قوسۋدىڭ «اشىقتىق. ىنتىماقتاستىق.ءوزارا تيىمدىلىك» باس تاقىرىبىن ارقاۋ ەتە وتىرىپ، ىلگەرىندى - كەيىن «ءبىر بەلدەۋ، ءبىر جول»، جاڭالىق اشۋ جانە پاراساتتىق جاساۋ، جاسىل دامۋ، عالامدىق باسقارۋ سياقتى كەڭەستىك تاقىرىپتار جونىندە كوزقاراس ءبىلدىردى. شي جينپيڭ ولاردىڭ لەبىزىن مۇقيات تىڭدادى ءارى ولاردىڭ ۇسىنىس - پىكىرلەرىنە بىردەن - بىردەن جاۋاپ قايتاردى.
  شي جينپيڭ مىنالاردى اتاپ كورسەتتى: جۇڭگونىڭ دۇنيە جۇزىنە ايقارا ەسىك اشىپ، رەفورما جاساۋ، ەسىك اشۋدى جولعا قويعانىنا 40 جىل بولدى. وسىندا وتىرعان ءارقايسى سەرىكتەستىكتەر جۇڭگونىڭ رەفورما جاساۋ، ەسىك اشۋىنىڭ ماڭىزدى قاتىناسۋشىسى، كۋاگەرى، ۇلەس قوسۋشىسى، پايدا الۋشىسى، جۇڭگومەن اجىراماس بايلانىس ورناتقان. 40 جىلدىڭ ىشىندە، جۇڭگودا وراسان زور وزگەرىس جارىققا شىقتى، جۇڭگونىڭ ەكونوميكاسى ءۇرتىس جوعارى جىلدامدىقپەن ارتتى، 700 ميلليوننان كوبىرەك ادام ب م ۇ ولشەمى بويىنشا كەدەيلىكتەن قۇتىلدى. جاڭا ساپارعا كوز جىبەرگەندە، ءبىزدىڭ رەفورما جاساۋ، ەسىك اشۋعا سەنىمىمىز نىعايا تۇسەدى، سىرتقا ەسىك اشۋ جۇڭگونىڭ دامۋىنداعى شەشۋشى امالداردىڭ ءبىرى ەكەنىنە سەنىمىمىز ارتا تۇسەدى.
  شي جينپيڭ مىنالاردى باسا دارىپتەدى: 2017 - جىلدان بەرى، عالامدىق ەكونوميكادا ورنىعۋ، جاقسارۋ بەتالىسى جارىققا شىقتى، ءبىراق دۇنيە جۇزىلىك ەكونوميكالىق ءوسىم ءالى دە ءالسىز، ساۋدا قورعانىمپازدىعى، وقشاۋلىق، حالىقشىلدىق سياقتى وي اعىمدارى ۇزدىكسىز باس كوتەرۋدە، دۇنيە جۇزىلىك بەيبىتشىلىك پەن دامۋ ءدوپ كەلىپ وتىرعان سىناق بارعان سايىن وتكىرلەنۋدە. وعان الىستان مىسال ىزدەۋدىڭ قاجەتى جوق. جاڭا جاعدايدا، ەسىك اشۋدا ماڭگى توقىراماي، ساپاعا ۇمتىلىس جاساۋ، ىنتىماقتاستىقتا بەرەكە - بىرلىكپەن ءوزارا كومەكتەسىپ، سىن - سايىسقا بىرگە توتەپ بەرۋ، ءوزارا تيىمدىلىكتە بولاشاقتى بەتكە الىپ، قول ۇستاسا العا ىلگەرىلەۋ كەرەك. حالىقارالىق قوعام − جەر شارى قىستاعى، تايتالاسۋدىڭ قاجەتى جوق. الەم تاعدىرىن ءار ەل بىرگە مەڭگەرۋى، حالىقارالىق قاعيدالاردى ءار ەل بىرگە بەلگىلەۋى، عالامدىق ىستەردى ءار ەل بىرگە جونگە سالۋى، دامۋ جەتىستىكتەرىنەن ءار ەل بىرگە يگىلىكتەنۋى كەرەك. جۇڭگو جاق الەم ەلدەرىمەن بىرگە ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرۋدى قالايدى.
  شي جينپيڭ مىنالاردى اتاپ كورسەتتى: «ءبىر بەلدەۋ، ءبىر جول» باستاماسى العا قويىلعان 5 جىلدان بەرى، ءار جاقتىڭ كومەسكى مۇمكىندىكتەرى تولىق اشىلىپ، جەلى بويىنداعى ءار ەل حالقىنا باقىت جاراتىلدى. «ءبىر بەلدەۋ، ءبىر جول» توماعا - تۇيىق ەمەس، اشىق جانە قامتىمدى؛ ول جۇڭگونىڭ عانا جەكە ءىسى ەمەس، جەلى بويىنداعى ەلدەردىڭ ورتاق ءىسى. ءبىز ەل اتتاعان سەرىكتەستىكتەردى جۇڭگو كاسىپورىندارىمەن سەلبەستىك ورىستەتۋ ارقىلى ءوزارا تيىمدىلىك جاساپ، ورتاق پايداعا كەنەلۋگە، اناعۇرلىم ناقتى جەتىستىكتەرگە جەتۋگە ىنتالاندىرامىز.
  جاڭالىق اشۋ جانە پاراساتتىق جاساۋ جونىندە، شي جينپيڭ مىنالاردى باسا دارىپتەدى: جاڭالىق اشا دامۋ ۇستانىمىنىڭ كوپ كوڭىلىنەن تەرەڭ ورىن الىپ، جاڭالىق اشۋدى جەتەكشى ەتكەن دامۋ ستراتەگياسىنىڭ ۇزبەي ىلگەرىلەۋىنە بايلانىستى، جۇڭگونىڭ عىلىم - تەحنيكادا جاڭالىق اشۋ قادامى ونان ارى ورنىقتى بولا ءتۇستى. ءبىز قاشاندا حالىقتىڭ تاماشا تۇرمىسقا دەگەن تالپىنىسىن عىلىم - تەحنيكادا جاڭالىق اشۋدىڭ شىعار ءتۇيىنى جانە تابان تىرەر تياناعى ەتەمىز.
  جاسىل دامۋ جونىندە، شي جينپيڭ مىنالاردى باسا دارىپتەدى: ادام مەن تابيعات − تىرشىلىك ورتاق تۇلعاسى، ادامزات، ءسوز جوق، تابيعاتقا قۇرمەت ەتۋى، تابيعاتقا ۇيلەسۋى، تابيعاتتى قورعاۋى كەرەك. ءبىز قۇراتىن وسىزامانداندىرۋ − ادام مەن تابيعات جاراسىمدى سەلبەسەتىن وسىزامانداندىرۋ. ءبىز ەڭ قاتاڭ ءتۇزىم، ەڭ قاتال زاڭمەن جونگە سالۋ ارقىلى ەكولوگيالىق ورتانى قورعاپ، ءتۇرلى شارالار ارقىلى، ۇستانىمنان ارەكەتكە دەيىن، جەر شارى مەكەنىمىزدى قورعاپ، اسپاننىڭ ونان ارى كوك، سۋدىڭ ونان ارى تۇنىق بولۋىنا مۇمكىندىك جاساپ، ۇرپاقتارعا باياندى ءومىر ءسۇرۋ ورتاسىن قالدىرامىز.
  عالامدىق باسقارۋ جونىندە، شي جينپيڭ مىنالاردى باسا دارىپتەدى: ەكونوميكانىڭ جاھاندانۋى دۇنيە جۇزىلىك ەكونوميكانىڭ دامۋىنا ماڭىزدى ۇلەس قوسىپ، كەرى قايتارۋعا كەلمەيتىن ءداۋىر اعىمىنا اينالىپ وتىر. ءبىز بىرگە كەڭەسۋ، بىرگە قۇرۋ، بىرگە يگىلىكتەنۋ دەگەن عالامدىق باسقارۋ كوزقاراسىنان اۋىتقىماي، جاۋاپكەرشىل ءىرى ەل رولىمىزدى ۇزدىكسىز ساۋلەلەندىرىپ، عالامدىق باسقارۋ جۇيەسىن رەفورمالاۋ مەن ورناتۋعا بەلسەندى تۇردە ات سالىسىپ، عالامدىق باسقارۋدى رەفورمالاۋ مەن ساپالىلاندىرۋعا جۇڭگو كۇشىن قوسامىز. شي جينپيڭ حالىقارالىق قوعامدى مىناعان ۇندەدى: قول ۇستاسا بىرگە كەڭەسىپ، بىرگە قۇرىپ، بىرگە يگىلىكتەنىپ، رەفورما جاساۋ، ەسىك اشۋ، جاڭالىق اشا دامۋ جولىمەن ءجۇرىپ، توماعا - تۇيىقتىق، قورعانىمپازدىق، سىڭار جاقتىلىقتىڭ ەسكى جولىمەن جۇرمەۋ كەرەك، ادامزات − مۇددەلەس، جاۋاپكەرشىل، تاعدىرلاس ورتاق تۇلعا، ءبىز، ءسوز جوق، جاۋىن - شاشىندى بىرگە كەشىپ، قول ۇستاسا العا باسۋىمىز كەرەك.
  شي جينپيڭ مىنالاردى باسا دارىپتەدى: شەتەل قارجىسى جۇڭگونىڭ ەكونوميكالىق دامۋى مەن رەفورمانى تەرەڭدەتۋ بارىسىندا بەلسەندى ءارى ماڭىزدى رول اتقاردى. وتكەن 40 جىلدا جۇڭگونىڭ ەكونوميكالىق دامۋىنا ەسىك اشۋ شارت - جاعدايىندا قول جەتتى، بولاشاقتا جۇڭگو ەكونوميكاسىنىڭ جوعارى ساپالى دامۋىن ىسكە اسىرۋ دا، ءسوز جوق، اناعۇرلىم ەسىك اشۋ شارت - جاعدايىندا جۇرگىزىلەدى. جۇڭگونىڭ اشىلعان ەسىگى قايتا جابىلمايدى، بارعان سايىن ايقارا اشىلا بەرەدى. جۇڭگو بازار رۇقساتىن ۇزدىكسىز تۇردە زور مولشەردە كەڭەيتىپ، ۇزدىكسىز تۇردە اناعۇرلىم تارتىمدى قارجى سالۋ ورتاسىن جاراتىپ، ءبىلىم مەنشىگى ۇقىعىن قورعاۋدى كۇشەيتىپ، ەكسپورتتى ىرىقتى تۇردە كەڭەيتىپ، ەلدىڭ ءىشى - سىرتىنداعى كاسىپورىنشىلاردىڭ قارجى سالۋىنا، شارۋاشىلىق قۇرۋىنا اناعۇرلىم كەڭ، ءتارتىپتى ورتا ازىرلەيدى.
  كەزدەسۋدە بولعان كاسىپورىنشىلار ۋاكىلدەرى جۇڭگونىڭ رەفورما جاساۋ، ەسىك اشۋدا قول جەتكەن ۇلى جەتىستىكتەرىن جوعارى باعالاپ، جۇڭگونىڭ دۇنيە جۇزىلىك ەكونوميكانىڭ ارتۋىن ىلگەرىلەتۋگە ماڭىزدى ۇلەس قوسقانىن القادى. ولار مىنالاردى باسا دارىپتەدى: ەل اتتاعان سەرىكتەستىكتەر جۇڭگونىڭ 40 جىلدان بەرگى رەفورما بارىسىن تىكە باستان وتكەرگەنىنە، جۇڭگونىڭ دامۋىنا ءوز ۇلەسىن قوسۋمەن بىرگە، جۇڭگونىڭ ۇزاق مەزگىل دامۋىنان پايدا العانىنا توتەنشە قۋانادى. دۇنيە ءجۇزى جۇڭگو مادەنيەتى، جۇڭگو كوممۋنيستىك پارتياسىنىڭ بيلىك جۇرگىزۋى جونىندەگى تانىم مەن تۇسىنىكتى نىعايتۋى قاجەت. ەكونوميكانىڭ جاھاندانۋى − كەرى قايتارۋعا كەلمەيتىن تاريحي اعىم. جۇڭگونىڭ جاھاندانۋعا تاباندى قولداۋ كورسەتۋى جانە ساۋدا قورعانىمپازدىعىنا قارسى تۇرۋى ادامدى سۇيىندىرەدى. قازىر قالىڭ ەل اتتاعان سەرىكتەستىكتەر جۇڭگودا ۇزدىكسىز دامۋ كەڭىستىگىنە يە بولىپ وتىر. جۇڭگونىڭ كليماتتىڭ وزگەرۋى جونىندەگى «پاريج كەلىسىمىنىڭ» جاسالۋىن ىلگەرىلەتۋ سياقتى جاقتارداعى قوسقان ۇلەسى ادامزاتتىڭ تاعدىرلاس ورتاق تۇلعاسىن قۇرۋ جاعىنداعى باسشىلىق رولىن ايگىلەدى. جۇڭگو جاقتىڭ «ءبىر بەلدەۋ، ءبىر جول» باستاماسى ءداۋىر تالابىنا ۇيلەسەدى، بۇل باستاما جەلى بويىنداعى وڭىرلەرگە دامۋ مەن گۇلدەنۋ اكەلدى. ەل اتتاعان سەرىكتەستىكتەر «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، جۇڭگو جاقپەن جاڭالىق اشۋ جانە پاراساتتىق جاساۋ، جاسىل دامۋ، عالامدىق باسقارۋ سياقتى سالالارداعى اۋىس - كۇيىس پەن سەلبەستىكتى كەڭەيتىپ، كاسىپورىننىڭ ءتىپتى زور دامۋىن ىسكە اسىرىپ، ۇزدىكسىز تۇردە جۇڭگو ەكونوميكاسىمەن بىرگە ءوسىپ - جەتىلۋدى قالايدى.
  ليۋ حى، ياڭ جيەچى، ۋاڭ ي، حى ليفىڭ قاتارلىلار وسى ايتىلعان قيمىلعا قاتىناستى.

جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ