قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

كورىكتى جۇڭگو قۇرىلىسىنىڭ جاڭا جاعدايىن اشايىق

− باس شۋجي شي جينپيڭنىڭ ەكولوگيالىق ورتانى قورعاۋ جونىندەگى مەملەكەتتىك ماجىلىستە سويلەگەن ماڭىزدى  ءسوزى قىزۋ اڭىس قوزعادى

شينحۋا اگەنتتىگىنىڭ ءتىلشىسى

2018.05.21 11:32 كەلۋ قاينارى : شينجياڭ گازەتىنەن

  «ەكولوگيالىق وركەنيەت قۇرىلىسىن ىلگەرىلەتۋ سەرپىنىن ارتتىرىپ، ەكولوگيالىق ورتا ماسەلەسىن شەشىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل، ويداعىداي جۇرگىزىپ، ەلىمىز ەكولوگيالىق وركەنيەت قۇرىلىسىنىڭ تىڭ دەڭگەيگە كوتەرىلۋىن ىلگەرىلەتۋ كەرەك».
  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ەكولوگيالىق ورتانى قورعاۋ جونىندەگى مەملەكەتتىك ماجىلىستە سويلەگەن ماڭىزدى ءسوزى جەر - جەردەگى كادر - بۇقارا اراسىندا قىزۋ اڭىس قوزعادى. كوپشىلىك مىنالاردى ءبىلدىردى: شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنىپ، ءتۇسىنىپ، تۇنىق سۋ، جاسىل تاۋ − باعالى بايلىق دەيتىن ماڭىزدى دامۋ ۇستانىمىن جەتە يگەرىپ، ەكولوگيانى الدىمەن ويلاستىراتىن، جاسىل داميتىن جاڭا جولدا بۇلجىماستان ءجۇرىپ، كورىكتى جۇڭگو قۇرىلىسىنىڭ جاڭا جاعدايىن اشۋىمىز كەرەك.
  ەكولوگيالىق ورتانىڭ ساپاسى ۇزدىكسىز جاقسارىپ، كورىكتى جۇڭگو قۇرىلىسى دابىرالى ورىستەدى
  باس شۋجي شي جينپيڭ «ەكولوگيالىق ورتا پارتيانىڭ بورىشىنا، نەگىزگى ماقساتىنا ساياتىن ماڭىزدى ساياسي ماسەلە ءارى حالىق تۇرمىسىنا ساياتىن ماڭىزدى قوعامدىق ماسەلە» دەپ باسا دارىپتەدى.
  «باس شۋجي شي جينپيڭنىڭ سۋى تۇنىق، جاعالاۋى مانات اسەم كورىنىستى قايتا كورسەتۋ كەرەك دەۋى شىنىمەن توتەنشە ماڭىزدى بولدى»، - دەدى 5 - ايدىڭ 19 - كۇنى كەشتە حىبەي ولكەسى لاڭفاڭ قالاسى گۋاڭياڭ رايونىنىڭ كاڭلى باقشا الەۋمەتتىك اۋماعىندا بالاسىن ەرتىپ سەيىلدەپ جۇرگەن الەۋمەتتىك اۋماق تۇرعىنى جۋ يانلي، شاعىن رايون وزەن ارناسىنا ءتيىپ تۇر، جانىندا وزەنبويى باقشاسى بار ەكەن. بىرنەشە جىلدىڭ الدىندا وزەندە قوقسىق ىبىرسىپ، ساسىق ءيىس قولقانى اتىپ، شىبىن - شىركەي قۇجىناپ، وزەننىڭ بويىنان بالالاردى الىپ ءوتۋدىڭ ءوزى قيىن ەدى. جۋىرداعى جىلداردان بەرى ۇكىمەت توڭىرەكتەگى لاستاۋشى كاسىپورىنداردى رەتكە سالدى دا، سۋ تۇنىپ، كوپشىلىكتىڭ كوڭىلى جاي تاپتى.
  گۋاڭياڭ رايوندىق ورتا قورعاۋ مەكەمەسى كەڭسەسىنىڭ مەڭگەرۋشىسى باي لياڭ بىلاي دەدى: لاستانۋدى جونگە سالۋدىڭ ءبىر قىدىرۋ «كەشەندى شارالارىنان» كەيىن لاڭفاڭ قالاسى مەملەكەت بويىنشا قالالاردىڭ اتموسفەرا ساپاسىنداعى ەڭ سوڭعى 10 قالا تىزىمدىگىنەن شىعىپ، نەگىزگى ساتىلارداعى ورتا قورعاۋ كادرلارىنىڭ لاستانۋدى جونگە سالۋدان قامال الۋ شايقاسىن تىڭعىلىقتى جۇرگىزۋدەگى بەكىمى مەن سەنىمى كۇشەيە ءتۇستى. «العان بەتتەي جازباي تاباندىلىقپەن ىستەسەك بولعانى، بۇقاراعا اسپانى اشىق، اقشا بۇلتى قالىقتاعان، جۇلدىزى سامسىعان كوركەم كورىنىستى كورسەتەتىن بولامىز».
  تۇنىق سۋ، جاسىل تاۋ − باعالى بايلىق دەيتىن ۇستانىمنىڭ جەتەكشىلىگىندە ەلىمىزدىڭ جەر - جەرىندە ەكولوگيالىق وركەنيەت قۇرىلىسىنىڭ امالياتى دابىرالى ورىستەتىلدى.
  جاز باسىنداعى ىشكى موڭعۇلدىڭ كوبچى ءشولى بىرتىندەپ كوگەرىپ كەلەدى. قۇمدى تىزگىندەۋدىڭ باستاماشىسى، ىشكى موڭعۇل يلي توبىنىڭ القالار باستىعى ۋاڭ ۋىنبياۋ بىلاي دەدى: باس شۋجي شي جينپيڭنىڭ ماڭىزدى ءسوزى قالىڭ قۇم تىزگىندەۋشىلەردىڭ جىگەرىن تاسقىنداتىپ، كۇرەسكەرلىك رۋحىن جەلپىندىرە ءتۇستى. بىرلەسكەن مەملەكەتتەر ۇيىمىنىڭ «جەر شارىنىڭ قورعاۋشىسى سيلىعىنداعى» «ومىرلىك تابىس سيلىعىنىڭ» يەگەرى ۋاڭ ۋىنبياۋ جۇڭگونىڭ قۇمدى تىزگىندەۋدەگى تاجىريبەلەرىن دۇنيە جۇزىمەن ورتاقتاسىپ، كوبچى تاجىريبەسىن بۇكىل ەلدەگى ءىرى قۇمدىق وڭىرلەرىنە جالپىلاستىرىپ، بىرلەسكەن مەملەكەتتەر ۇيىمىنىڭ 2030 - جىلى جەردىڭ قۇمايتتانۋىندا نولدىك ارتۋ نىساناسىن جۇزەگە اسىرۋعا تىڭ ۇلەس قوسۋدى ءۇمىت ەتىپ وتىر.
  5 جىلدان بەرى ەلىمىز ەكولوگيالىق وركەنيەتتى جوعارى دەڭگەيدە جوبالاۋ مەن ءتۇزىم جۇيەسى قۇرىلىسىن جەدەل ىلگەرىلەتىپ، ءبىر قىدىرۋ ءتۇبىرلى، جاسامپاز، باياندى قىزمەتتەردى ىلگەرىلەتتى.
  جىجياڭ ولكەسى تايجوۋ قالاسى «وزەن باستىعى ءتۇزىمىن» جان - جاقتى ىلگەرىلەتۋ نەگىزىندە «ءمۇيىس باستىعى ءتۇزىمىن» دە جولعا قويىپ، تەڭىزگە تاياۋ ورتانىڭ ساپاسىن ۇزدىكسىز جاقسارتتى. تايجوۋ قالاسىنىڭ ۋاقىتتىق باستىعى جاڭ شياۋچياڭ بىلاي دەدى: «ءبىز تەڭىز ايدىنىن باسقارۋدىڭ، تەڭىز ايدىنىن قورعاۋدىڭ باياندى جونگە سالۋ مەحانيزمىن ورناتتىق. قازىر بالىقشىلاردىڭ تاس ۇيلەرى جوعارى دەڭگەيدە جوبالانعان تۇراقتارعا اينالىپ، تەڭىز ەكولوگياسى ناق اقشا تابىسىنا اينالىپ، جاسىل دامۋ فورماسى مەن تۇرمىس فورماسى بىرتىندەپ قالىپتاسۋدا».
  «باس شۋجي شي جينپيڭ ەكولوگيالىق ورتانى قورعاۋدا تاريحي، بۇرىلىستىق، جالپى جاعدايلىق وزگەرىس تۋىلۋىن ىلگەرىلەتتىك دەپ اتاپ كورسەتتى»، - دەدى ەكولوگيالىق ورتا مينيسترلىگى قورشاعان ورتا جانە ەكونوميكالىق ساياساتتاردى زەرتتەۋ ورتالىعىنىڭ مەڭگەرۋشىسى ۋ شۇنزى: «قازىر ەكولوگيالىق ورتانىڭ ساپاسى جالپى تۇلعالىق جاقتان جاقسارۋ كەزەڭىنە بەت الدى. مەملەكەت بويىنشا زور كولەمدەگى، كوپ فاكتورلى قورشاعان ورتا ساپاسىن جاقسارتۋ دارەجەسىندە ايقىن وزگەرىس تۋىلىپ، ورنىقتىلىق ىشىندە جاقسارۋ جالپى تۇلعالىق جاقسارۋعا وزگەرىپ، جاقسارۋ كولەمى مەن قامتىمى اناعۇرلىم جان - جاقتىلانىپ، جاقسارۋ دارەجەسى اناعۇرلىم ايقىندالىپ، تيىمدىلىك وبيەكتى اناعۇرلىم كوپ بۇقارانى قامتيتىن بولادى».
  ەكولوگيالىق وركەنيەت جۇيەسىن جەدەل تۇلعالاپ، جاسىل دامۋدى جان - جاقتى ىلگەرىلەتەيىك  
  باس شۋجي شي جينپيڭ مىنالاردى باسا دارىپتەدى: ەكولوگيالىق وركەنيەت جۇيەسىن جەدەل ورناتىپ، ەكولوگيالىق قۇن كوزقاراسىن ولشەم ەتكەن ەكولوگيالىق مادەنيەت جۇيەسىن، كاسىپ سالالارىن ەكولوگيالىق ارنامەن جۇرگىزۋدى جانە ەكولوگيانى كاسىپ سالالاندىرۋدى نەگىزگى تۇلعا ەتكەن ەكولوگيالىق ەكونوميكا جۇيەسىن، ەكولوگيالىق ورتا ساپاسىن جاقسارتۋدى وزەك ەتكەن نىسانا - جاۋاپكەرشىلىك جۇيەسىن، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى كەپىل ەتكەن ەكولوگيالىق وركەنيەت ءتۇزىمى جۇيەسىن، ەكولوگيالىق جۇيەنىڭ ۇتىمدى اينالىمى مەن قورشاعان ورتا حاۋىپ - قاتەرىنەن ءونىمدى ساقتانۋ جانە ونى مەڭگەرۋدى ءتۇيىن ەتكەن ەكولوگيالىق حاۋىپسىزدىك جۇيەسىن جەدەل قۇرۋ جانە كەمەلدەندىرۋ كەرەك.
  «بۇل 5 جۇيە شي جينپيڭنىڭ ەكولوگيالىق وركەنيەت يدەياسىنىڭ 6 پرينسيبىن دايەكتىلەندىرۋدىڭ، تياناقتاندىرۋدىڭ ناقتى ورنالاستىرۋلارى ءارى ەكولوگيالىق ورتا ماسەلەسىن تۇبىرىنەن شەشۋدىڭ ءادىس - امال جۇيەسى»، - دەدى ەكولوگيالىق ورتا مينيسترلىگى قورشاعان ورتانى دامىتۋ ورتالىعىنىڭ مەڭگەرۋشىسى، زەرتتەرمەن رىن يۇڭ، ادامدارعا جاسىل تۇرمىس فورماسى كوزقاراسىن قوعامدىق تۇرمىستا عانا ورناتتىرىپ قالماستان، ەكونوميكا سالاسىندا دا ەكولوگيالىق ورتا سىندى جاراتىلىستىق كاپيتالدى ميكرولىق ەكونوميكانىڭ وزىندىك قۇن ونىمدىلىگىن ەسەپتەۋ جانە ماكرولىق ەكونوميكانىڭ ساناق ەسەپتەۋ جۇيەسىنە ەنگىزىپ، تۇنىق سۋ، جاسىل تاۋدى شىن مانىندە ەسەپتەۋگە، باعالاۋعا بولاتىن باعالى بايلىق ەتۋ كەرەك.
  ەكولوگيالىق قۇن كوزقاراسىن ولشەم ەتىپ دامۋ فورماسىندا تەرەڭ وزگەرىس تۋدىرۋ. «باس شۋجي شي جينپيڭ جاسىل دامۋدى جان - جاقتى ىلگەرىلەتۋ كەرەك دەپ اتاپ كورسەتتى. جاسىل دامۋ جوعارى ساپالى، وسىزاماندانعان ەكونوميكا جۇيەسىن ورناتۋدىڭ قاجەتتى تالابى، لاستانۋ ماسەلەسىن شەشۋدىڭ ءتۇبىرلى شاراسى»، - دەدى شيزاڭ اۆتونوميالى رايوندىق ورتا قورعاۋ مەڭگەرمەسىنىڭ باستىعى لو جيە: «ءبىز ەكولوگيالىق ورتانى قورعاۋ دەگەنىمىزدىڭ ءوزى وندىرگىش كۇشتى قورعاۋ، ەكولوگيالىق ورتانى جاقسارتۋ دەگەنىمىزدىڭ ءوزى وندىرگىش كۇشتى دامىتۋ دەيتىن ۇستانىمدى بەرىك ورناتىپ، شيزاڭنىڭ تاۋى جاسىل، سۋى تۇنىق، اۋاسى تازا بولۋىنا كەپىلدىك ەتەمىز».
  حيلۇڭجياڭ ولكەسى يچۇن قالاسى ۋيىڭ رايوندىق ورمان شارۋاشىلىق مەكەمەسى نانفىڭ ورمان الاڭىنىڭ قاراۋىلى گاۋ جيميڭ بيىكتىگى 20 مەتردەن اساتىن قاراۋىل مۇناراسىندا تۇرىپ اتقان تاڭدى قارسى الىپ، باتقان كۇندى ۇزاتىپ، وت ۇشقىنى جانە باسقا دا بوگدە جاعدايلاردى ءار ۋاقىت قاداعالاۋمەن كەلەدى. ول قول تەلەفونىنداعى حاباردان باس شۋجي شي جينپيڭنىڭ «2035 - جىلى ەكولوگيالىق ورتانىڭ ساپاسىنىڭ تۇبەگەيلى جاقسارۋىنا، كورىكتى جۇڭگو نىساناسىنىڭ نەگىزىنەن جۇزەگە اسۋىنا كەپىلدىك ەتۋ» دەپ اتاپ كورسەتكەنىن وقىپ تەرەڭ اسەرلەنىپ بىلاي دەدى: «بارلىق ادام ءوز جاۋاپكەرلىگىن ءبىلىپ، نىسانادان كوز جازباي، ۇرپاقتار بويى ىستەسەك بولعانى، كورىكتى جۇڭگونى، ءسوزسىز، ۋاعىندا قۇرىپ شىعامىز».
  مەملەكەتتىك ورمان شارۋاشىلىعى جانە جايلىم مەكەمەسىنىڭ باستىعى جاڭ جيانلۇڭ باس شۋجي شي جينپيڭنىڭ ماڭىزدى ءسوزىن ماجىلىستە زەر سالا تىڭداعاننان كەيىن بارىنشا شابىتتانىپ، جاۋاپكەرلىگىنىڭ اۋىر ەكەنىن سەزىندى. «وسى رەتكى قۇرىلىم رەفورماسىندا فۋنكتسيانى رەتتەۋ ارقىلى بۇرىنعى بارلىعى ءبىر جۇمىسقا جابىلاتىن قۇبىلىس وزگەردى. سايحانبەي رۋحىنىڭ شابىتتاندىرۋىندا بيىل شيۇڭ - ان جاڭا رايونى، ىشكى موڭعۇل، چيڭحاي سياقتى جەرلەر مەملەكەت جەرىن زور كولەمدە جاسىلداندىرۋ سىناق تۇيىندەرىن بارىنشا ورىستەتىپ، ورمان وتىرعىزۋ اۋدانىن ۇلعايتادى. سونىمەن بىرگە تۇتاس تۇلعا بويىنشا جوسپارلاپ ورماننىڭ جانە جايلىمنىڭ ساپاسىن جوعارىلاتىپ، قورعاۋ جانە قالپىنا كەلتىرۋ جۇرگىزەدى»، - دەدى ول.
  لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل جۇرگىزىپ، بارلىق ادامدى كورىكتى جۇڭگودان يگىلىكتەندىرەيىك
  باس شۋجي شي جينپيڭ مىنالاردى اتاپ كورسەتتى: تاماشا ەكولوگيالىق ورتا − حالىق تۇرمىسى ءۇشىن ەڭ كوپ جالپىعا ءتيىمدى قۇت - ىرىس، ەكولوگيادان حالىققا تيىمدىلىك جاساۋعا، ەكولوگيا ارقىلى حالىققا پايدا جەتكىزۋگە، ەكولوگيادا حالىقتىڭ قامىن ويلاۋعا تاباندى بولىپ، بۇقارانىڭ دەنساۋلىعىنا زيان جەتكىزەتىن كورنەكتى قورشاعان ورتا ماسەلەلەرىن ءتۇيىندى تۇردە شەشىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋ كەرەك.
  قايتكەندە ەكولوگيا ارقىلى حالىققا قالاي تيىمدىلىك جاساۋعا، پايدا جەتكىزۋگە، حالىقتىڭ قامىن ويلاۋعا بولادى؟ سىچۋان ولكەلىك ورمان شارۋاشىلىعى مەڭگەرمەسىنىڭ ۋىنچۋان اۋدانى كىگۋ اۋىلى داسى قىستاعىنا جىبەرگەن ءبىرىنشى شۋجيى دۋ ۋىنبين بۇل جاعىندا ايقىن تانىمدا. ول بىلاي دەدى: قىستاق تاماشا ەكولوگيانى تايانىش ەتىپ ورىك ەگىنشىلىگىن دامىتىپ، بۇقارالىق قونالقا ساياحاتى كاسىبىن تۇلعالاپ، جاسىل ەكونوميكا داڭعىلىنا ءتۇستى. بيىل كوكتەم مەرەكەسى كەزىندە ءبىر كۇندە كەلگەن ساياحاتشىنىڭ سانى ەڭ كوپ بولعاندا 3000نان استى. كەلەسىدە تاعى دا اۋىل - قىستاق ءتورت ماۋسىمدىق ەكولوگيا ساياحاتى − «كوكتەمدە گۇل تاماشالاۋ، جازدا سايالاۋ، كۇزدە جەمىس - جيدەك جەۋ، قىستا قارلى دالادا سەيىلدەۋدى» جولعا قويامىز.
  باس شۋجي شي جينپيڭ «كورنەكتى ەكولوگيالىق ماسەلەلەردى شەشۋدى حالىق تۇرمىسىندا الدىمەن ويلاستىرىلاتىن سالا ەتۋ كەرەك» دەپ اتاپ كورسەتتى.
  انحۇي ولكەلىك ورتا قورعاۋ مەڭگەرمەسىنىڭ ورىنباسار باستىعى حى زىچۇن بىلاي دەدى: بيىل جىل باسىندا تۇتاس ولكە بويىنشا كومىردى تەجەۋ، گازدى تەجەۋ، شاڭ - توزاڭدى تەجەۋ، اۆتوكولىكتى تەجەۋ، ورتەۋدى تەجەۋ سىندى 5 نىسانانى ارقاۋ ەتىپ، 2018 - جىلدىق اتموسفەرانىڭ لاستانۋىنان ساقتانۋ جانە ونى جونگە سالۋدىڭ ءتۇيىندى قىزمەت مىندەتىن جاسادى ءارى ءبىر ماۋسىمدا 5.PM2 ماۋسىمدىق نىساناسىندا ولشەمگە تولماعان 2قالانى 2 - ماۋسىمدا گازگە قاتىستى نىساندارىن بەكىتۋدەن شەكتەدى. ءبىز باس شۋجي شي جينپيڭنىڭ لاستانۋدان ساقتانۋ جانە ونى جونگە سالۋدان قامال الۋ شايقاسىن تىڭعىلىقتى جۇرگىزۋ تالابى بويىنشا قىزمەت تەبىنىن ونان ارى ارتتىرىپ، اۋا ساپاسىن ۇزدىكسىز جاقسارتۋدى بار كۇشپەن ىلگەرىلەتەمىز.
  تاماشا ەكولوگيا باعالى بايلىق. يۇننان ولكەلىك ورتا قورعاۋ مەڭگەرمەسى جوسپار - قازىنا باسقارماسىنىڭ باستىعى جوۋ شۋگۋاڭ بىلاي دەدى: يۇننان ولكەسى قورشاعان ورتانىڭ لاستانۋىن 3 جاق جونگە سالۋدى زور كۇشپەن ىلگەرىلەتىپ، لاستانۋدى ماماندانعان، بازارلانعان جونگە سالۋ مەن قورشاعان ورتانى قورعاۋعا قىزمەت كورسەتۋدى ۇكىمەتتىڭ، كاسىپورىننىڭ ساتىپ الۋىمەن ۇشتاسقان جاڭا مەحانيزمىن جەدەل ورناتىپ، قورشاعان ورتانى قورعاۋ كاسىبىنىڭ دامۋىن جەدەل ىلگەرىلەتۋدە؛ ولكەدەن وبلىس، قالالارعا دەيىنگى قورشاعان ورتانى قورعاۋ قارجىسىن توپتاۋ تۇعىرىن كۇش سالا قۇرىپ، نازاردى قوعامدىق كاپيتالعا ءونىمدى شوعىرلاندىرىپ، تۇتاس ولكەدەگى قورشاعان ورتانى قورعاۋ كاسىبىنىڭ تەز دامۋىن جەبەيمىز.
  «باس شۋجي شي جينپيڭنىڭ ءسوزى قورشاعان ورتاعا ساياتىن باقىلاۋ - تەكسەرۋ، زاڭ اتقارۋ قىزمەتىن جاقسى ىستەۋگە ايقىن باعىت سىلتەدى ءارى نەگىزگى ساتىلارداعى ەكولوگيالىق ورتانى قورعاۋ قوسىندارىنا اناعۇرلىم زور سەنىم جانە اناعۇرلىم زور تىنىس بەردى. ءبىز جاقىندا تۇنگى ساعات نولدە تەكسەرۋ داعدىلى ورتا قورعاۋ ارەكەتىن ورىستەتۋدە جاڭالىق اشىپ، ونەركاسىپ باقشالارىنا تاڭعا جاقىن تۇتقيىل تەكسەرۋ جۇرگىزىپ، لاس سۋدى جاسىرىن ىعىستىراتىن كاسىپورىنداردى اداقتاپ تەكسەردىك. كەلەسىدە ورتا قورعاۋعا ساياتىن زاڭ اتقارۋدىڭ تىپىر ەتكىزبەۋ كۇيىن ءۇرتىس ساقتاپ، ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى ءوزىمىزدى قورعايمىز»، - دەدى حۋبەي ولكەسى سۇيياڭ اۋداندىق ورتا قورعاۋ مەكەمەسىنىڭ باستىعى لي لينگاڭ.
  (شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى)
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ