قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

«شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ كوپ تىلدەگى باسىلىمى لوندوندا دۇنيە جۇزىنە تۇڭعىش تاراتىلدى

2018.04.13 09:36 كەلۋ قاينارى : شينجياڭ گازەتىنەن

  شينحۋا اگەنتتىگىنىڭ 4 - ايدىڭ 11 - كۇنى لوندوننان بەرگەن حابارى (تىلشىلەر گۋ جىنچيۋ، جاڭ دايلەي، جين جيڭ). جۇڭگو مەملەكەتتىك كەڭەسىنىڭ اقپارات كەڭسەسى، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسى، جۇڭگونىڭ ۇلى بريتانياداعى باس ەلشىلىگى شىعارعان «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ كوپ تىلدەگى باسىلىمىنىڭ تۇڭعىش تاراتۋ سالتى 4 - ايدىڭ 11 - كۇنى ۇلى بريتانيانىڭ لوندون قالاسىندا سالتاناتپەن وتكىزىلدى.
  ۇلى بريتانيانىڭ يورك كىنازى اندرەۋ حانزادا، ورتالىق ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ مەڭگەرۋشىسى جياڭ جيانگو قاتارلىلار جاڭا كىتاپتىڭ شىمىلدىعىن بىرگە اشتى. يسپانيانىڭ بۇرىنعى باس ءۋازىرى فەليپ كونسالەس، يتاليانىڭ بۇرىنعى زۇڭليى ماريو مونتي، جۇڭگو، ۇلى بريتانيا ەلدەرىنىڭ جانە قاتىستى مەملەكەتتەردىڭ ساياسي، ساۋدا، عىلىم، اقپارات سالالارىنىڭ قايراتكەرلەرى جانە 14 مەملەكەت پەن رايوننان كەلگەن حالىقاراعا ايگىلى باسپا ءسوز، تاراتۋ ورگاندارىنىڭ ۋاكىلدەرىنەن جيىنى 300دەن استام ادام تۇڭعىش تاراتۋ سالتىنا قاتىناستى.
  اندرەۋ بىلاي دەدى: جۇڭگو مەن ۇلى بريتانيا ءىرى ەلدەر، ەكى جاق گۋمانيتارلىق اۋىس - كۇيىس، جاڭالىق اشۋدى، ساۋدانى، جاھاندانۋدى ىلگەرىلەتۋ سالالارىندا ىنتىماقتاستىق ورىسىنە يە، ەكى جاق جاقسى ىنتىماقتاسىپ قانا قالماستان، ونان دا ماڭىزدىسى، ىنتىماقتاستىقتى قويۋلاتۋى دا قاجەت. «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ كوپ تىلدەگى باسىلىمىنىڭ تۇڭعىش تاراتىلۋ سالتىنىڭ لوندوندا وتكىزىلۋى ەسكەرتكىش سيپاتىنا يە، بۇل شىعارما «كوپتەگەن ادامدارعا وي سالىپ، ولارعا جۇڭگو نەنى ويلاۋدا، قايدا بارادى دەگەندەردى تۇسىندىرەدى»، ءتىپتى دە كوپ تومدارىنىڭ باسپادان شىعۋىن كۇتەمىز. اندرەۋ ءتىپتى دە كوپ ادامنىڭ جۇڭگونى ءوز كوزدەرىمەن كورۋىن ءۇمىت ەتەتىنىن بىلدىرە كەلىپ: مەن دە تۇتاس ءومىرىم ارقىلى جۇڭگونى تۇسىنگىم كەلەدى، - دەدى.
  جياڭ جيانگو بىلاي دەدى: «شي جينپيڭ ەل باسقارۋ جونىندە» اتتى كىتاپتا شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ دامۋ ارقاۋى مەن باي مازمۇنى شوعىرلى بەينەلەنگەن، ۇلى بريتانيانىڭ جانە حالىقاراداعى ءار سالاداعى دوستاردىڭ بۇل شىعارمانى وقۋ ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ گۋمانيتارلىق قۇنارلى توپىراققا تامىر تارتىپ، حالىقتىڭ مايدانىن تياناق ەتىپ، ادامزاتتىڭ كەلەشەگىنە كوز جىبەرگەن يدەيا ەكەنىن اناعۇرلىم جان - جاقتى ءتۇسىنىپ، جۇڭگو كوممۋنيستىك پارتياسىنىڭ حالىقتىڭ باقىتىن كوزدەيتىن، ۇلتتى گۇلدەندىرۋگە تالپىناتىن، دۇنيە ءجۇزىنىڭ ۇلى بىرلىگى ءۇشىن قۇلشىناتىن ساياسي پارتيا ەكەنىن اناعۇرلىم ىشكەرىلەي تۇسىنەتىنىنە سەنەمىن. بيىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى، جاڭا داۋىردەگى جۇڭگو اناعۇرلىم ساپالى دامۋدى، اناعۇرلىم ومىرشەڭدىك كۇشكە باي جاسامپازدىقتى، اناعۇرلىم تەرەڭدەگەن رەفورمانى جانە اناعۇرلىم جوعارى دەڭگەيدەگى ەسىك اشۋدى جان - جاقتى ىلگەرىلەتىپ، دۇنيە جۇزىندەگى ءار ەلمەن ورايدى جانە پايدانى ۇزدىكسىز ورتاقتاسۋعا تاباندى بولىپ، ىنتىماقتاسىپ بىرگە يگىلىككە كەنەلۋدى جۇزەگە اسىرادى.
  جۇڭگونىڭ ۇلى بريتانياداعى باس ەلشىسى ليۋ شياۋميڭ بىلاي دەدى: وسى رەتكى تۇڭعىش تاراتۋدىڭ لوندوندا وتكىزىلۋى شىعىس پەن باتىستىڭ يدەيالىق ديالوگىن، مادەنيەت اۋىس - كۇيىسىن، وركەنيەتتە ءبىر - بىرىنەن ۇلگى الۋىن جەبەۋ جونىنەن ماڭىزدى دا تەرەڭ مانگە يە. جۇڭگو مەن ۇلى بريتانيانىڭ وسىنى وراي ەتىپ، گۋمانيتارلىق اۋىس - كۇيىس پەن وركەنيەتتەگى ءبىر - بىرىنەن ۇلگى الۋدى ونان ارى كۇشەيتىپ، ەكى ەل قاتىناسىنىڭ ءىرى ەلدەر اراسىنداعى ءوزارا قۇرمەت ەتۋدىڭ، تەپە - تەڭ، ءوزارا سەنىمدى بولۋدىڭ، ىنتىماقتاسىپ بىرگە يگىلىككە كەنەلۋدىڭ ۇلگىسىنە اينالۋىن ءۇمىت ەتەمىن.
  ۇلى بريتانيا قوعامدىق عىلىمدار اكادەمياسىنىڭ اكادەميگى مارتين البروۋ بىلاي دەدى: «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ مازمۇنى شي جينپيڭنىڭ ەل باسقارۋ يدەياسىنداعى جاڭا دامۋدى ايگىلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ارمانى مەن بەتالىسىن بەينەلەگەن. «بۇل تەك جۇڭگو وقىرماندارىنا عانا ارنالعان كىتاپ ەمەس، قايتا بارلىق ادام وقۋعا ءتيىستى، ادامزات پەن دۇنيە ءجۇزىنىڭ كەلەشەگىنە قاتىستى كىتاپ».
  ورتالىق پارتيا مەكتەبى ءىلمي كوميتەتىنىڭ مەڭگەرۋشىسى، مەملەكەتتىك جاڭالىق اشۋ جانە دامۋ ستراتەگياسىن زەرتتەۋ قوعامىنىڭ باستىعى جىڭ بيجيان بىلاي دەدى: «شي جينپيڭ ەل باسقارۋ جونىندە» اتتى كىتاپ باس شۋجي شي جينپيڭنىڭ ەكى ارمانىمەن ساباقتاسقان، مۇنىڭ بىرەۋى، بەيبىت دامۋ جولىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ەندى ءبىرى، جۇڭگو مەن دۇنيە ءجۇزى حالىقتارىنىڭ ادامزاتتىڭ تاعدىرلاس ورتاق تۇلعاسى سىندى «دۇنيە ءجۇزى ارمانىن» بىرگە اقىلداسۋى، ەكەۋىنىڭ ورتاقتىعى − بەيبىتشىلىككە قۇلشىنىپ، دامۋدى جوسپارلاپ، ىنتىماقتاستىققا تالپىنىپ، بىرگە يگىلىككە كەنەلۋگە ۇمتىلۋ.
  يتاليانىڭ بۇرىنعى زۇڭليى مونتي بىلاي دەدى: بۇل كىتاپ جۇڭگونىڭ ەڭ جوعارى باسشىسىنىڭ ەل باسقارۋ ۇستانىمى مەن دۇنيە جۇزىلىك كوز اياسىن تولىق ايگىلەدى، دۇنيە جۇزىندەگى وقىرماندار جونىنەن ۇلگى الۋ مانىنە يە. بۇل كىتاپ سىرتقى دۇنيەنىڭ جۇڭگونىڭ تەبىندەۋىنە دەگەن قاتە تۇسىنىگى مەن سىڭار جاقتى كوزقاراسىن جويۋىنا دا ءتيىمدى.
  يسپانيانىڭ بۇرىنعى باس ءۋازىرى كونسالەس بىلاي دەدى: «شي جينپيڭ ەل باسقارۋ جونىندە» اتتى كىتاپ ارقىلى جۇڭگونىڭ جاھاندانۋ مەن ادامزاتتىڭ تاعدىرلاس ورتاق تۇلعاسىن تۇلعالاۋ جاعىندا اتقارعان توتەنشە ماڭىزدى رولىن تۇسىنۋگە بولادى، ەۆروپا ەلدەرىنىڭ ءبىر - بىرىمەن بولعان قاتىناسىن قالاي ءبىر جاقتى ەتۋ، جاھاندانۋ ۇردىسىنە قالاي قاتىناسۋ جانە ونى ىلگەرىلەتۋ، جۇڭگومەن قالاي ىنتىماقتاستىق قاتىناس قالىپتاستىرۋ جونىنەن تۇگەلدەي ماڭىزدى مانگە يە.
  تۇڭعىش تاراتۋ سالتىندا جياڭ جيانگو اندرەۋگە «شي جينپيڭ ەل باسقارۋ جونىندە» اتتى كىتاپتىڭ 1 - جانە 2 - تومدارىنىڭ اعىلشىنشا باسىلىمىن ۇسىندى.
  «شي جينپيڭ ەل باسقارۋ جونىندە» اتتى كىتاپتىڭ 2 - تومىن ج ك پ ورتالىق كوميتەتى ۇگىت ءبولىمى (مەملەكەتتىك كەڭەستىڭ اقپارات كەڭسەسى) ج ك پ ورتالىق كوميتەت حۇجات زەرتتەۋ كەڭسەسىمەن، جۇڭگو شەتەل تىلدەرىندە باسىلىمدار شىعارۋ جانە تاراتۋ مەكەمەسىمەن بىرلەسىپ قۇراستىرعان، كىتاپقا باس شۋجي شي جينپيڭنىڭ 2014 - جىلى 8 - ايدىڭ 18 - كۇنىنەن 2017 - جىلى 9 - ايدىڭ 29 - كۇنىنە دەيىنگى سوزدەرى، كەڭەستەرى، لەكسيالارى، بەكىتپەلەرى، قۇتتىقتاۋ تەلەگراممالارى سياقتى 99 شىعارما كىرگىزىلگەن. وسى رەتكى ۇلى بريتانياداعى تۇڭعىش تاراتۋ سالتىندا دۇنيە ءجۇزى وقىرماندارىنا «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ جۇڭگو ءداستۇرلى جازۋىنداعى، اعىلشىنشا، فرانسۋزشا، يسپانشا، نەمىسشە، ورىسشا، جاپونشا، اراپشا، پورتۋگالشا سياقتى 9 ءتىل - جازۋداعى باسىلىمى ۇسىنىلدى.


جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ